---
title: "On the Chersonese · Περὶ τῶν ἐν Χερρονήσῳ"
author: "Demosthenes"
translator: "James Herbert Vince"
languages: [grc, en]
shelf: "Classical Greek"
url: https://scriptura.si/works/demosthenes-on-the-chersonese/
cite: "Demosthenes, tr. James Herbert Vince, On the Chersonese · Περὶ τῶν ἐν Χερρονήσῳ. Scriptura (scriptura.si), https://scriptura.si/works/demosthenes-on-the-chersonese/"
---

# On the Chersonese · Περὶ τῶν ἐν Χερρονήσῳ

*Demosthenes, tr. James Herbert Vince*

A defence of the Athenian general Diopeithes and his campaign against Philip in the Chersonese.

> Greek: ed. Samuel Henry Butcher, from the Perseus Digital Library (canonical-greekLit, tlg0014.tlg008, CC BY-SA 4.0).

> English: James Herbert Vince, from the Perseus Digital Library (tlg0014.tlg008.perseus-eng2). Notes are not included.

> Rows follow the references the two texts share (chapters and sections), cut where both reach the end of a sentence.

## Contents

1. [Sections 1–39](https://scriptura.si/works/demosthenes-on-the-chersonese/1.md)
2. [Sections 41–77](https://scriptura.si/works/demosthenes-on-the-chersonese/2.md)

## 1. Sections 1–39

Source: https://scriptura.si/works/demosthenes-on-the-chersonese/1/ · cite a paragraph as https://scriptura.si/works/demosthenes-on-the-chersonese/1/#p-N

[¶0] 1. It should be the duty of all speakers, men of Athens, to give no expression to their hatred or their partiality, but to put forward just what each thinks the best counsel, especially when you are debating a question of urgent public importance. But since there are speakers who are impelled to address you, either as partisans or from some other motive, whatever it may be, you citizens who form the majority ought to dismiss all else from your minds, and vote and act in such a way as you think will best serve our city.

> Greek: 1. ἔδει μέν, ὦ ἄνδρες Ἀθηναῖοι, τοὺς λέγοντας ἅπαντας μήτε πρὸς ἔχθραν ποιεῖσθαι λόγον μηδένα μήτε πρὸς χάριν, ἀλλʼ ὃ βέλτιστον ἕκαστος ἡγεῖτο, τοῦτʼ ἀποφαίνεσθαι, ἄλλως τε καὶ περὶ κοινῶν πραγμάτων καὶ μεγάλων ὑμῶν βουλευομένων· ἐπεὶ δʼ ἔνιοι τὰ μὲν φιλονικίᾳ, τὰ δʼ ᾑτινιδήποτʼ αἰτίᾳ προάγονται λέγειν, ὑμᾶς, ὦ ἄνδρες Ἀθηναῖοι, τοὺς πολλοὺς δεῖ πάντα τἄλλʼ ἀφελόντας, ἃ τῇ πόλει νομίζετε συμφέρειν, ταῦτα καὶ ψηφίζεσθαι καὶ πράττειν.

[¶1] 2. The really serious problem is the state of the Chersonese and Philip’s Thracian campaign, now in its eleventh month; yet most of the speeches have been confined to what Diopithes is doing or what he is going to do. For my part, when charges are brought against any of those whom you can legally punish whenever you like, I hold that it is open to you either to deal with their case at once or to postpone it; and it is quite unnecessary for me or anyone else to take a strong line on the subject of such charges.

> Greek: 2. ἡ μὲν οὖν σπουδὴ περὶ τῶν ἐν Χερρονήσῳ πραγμάτων ἐστὶ καὶ τῆς στρατείας, ἣν ἑνδέκατον μῆνα τουτονὶ Φίλιππος ἐν Θρᾴκῃ ποιεῖται· τῶν δὲ λόγων οἱ πλεῖστοι περὶ ὧν Διοπείθης πράττει καὶ μέλλει ποιεῖν εἴρηνται. ἐγὼ δʼ ὅσα μέν τις αἰτιᾶταί τινα τούτων, οὓς κατὰ τοὺς νόμους ἐφʼ ὑμῖν ἐστιν, ὅταν βούλησθε, κολάζειν, κἂν ἤδη δοκῇ κἂν ἐπισχοῦσιν περὶ αὐτῶν σκοπεῖν ἐγχωρεῖν ἡγοῦμαι, καὶ οὐ πάνυ δεῖ περὶ τούτων οὔτʼ ἔμʼ οὔτʼ ἄλλον οὐδένʼ ἰσχυρίζεσθαι·

[¶2] 3. But when our national enemy, with a strong force, is trying to forestall us in the neighborhood of the Hellespont, and when, if we are once too late, we shall never again be able to save the situation, then I think it is to our interest to complete our plans and preparations as quickly as we can, and not be diverted from our purpose by clamorous accusations about extraneous matters.

> Greek: 3. ὅσα δʼ ἐχθρὸς ὑπάρχων τῇ πόλει καὶ δυνάμει πολλῇ περὶ Ἑλλήσποντον ὢν πειρᾶται προλαβεῖν, κἂν ἅπαξ ὑστερήσωμεν, οὐκέθʼ ἕξομεν σῶσαι, περὶ τούτων δʼ οἴομαι τὴν ταχίστην συμφέρειν καὶ βεβουλεῦσθαι καὶ παρεσκευάσθαι, καὶ μὴ τοῖς περὶ τῶν ἄλλων θορύβοις καὶ ταῖς κατηγορίαις ἀπὸ τούτων ἀποδρᾶναι.

[¶3] 4. I often wonder at the sort of speeches that are delivered here, but nothing, men of Athens, has surprised me more than what I heard uttered in the Council the other day, that your advisers are bound to put before you the plain alternative of fighting or observing the peace.

> Greek: 4. πολλὰ δὲ θαυμάζων τῶν εἰωθότων λέγεσθαι παρʼ ὑμῖν, οὐδενὸς ἧττον, ὦ ἄνδρες Ἀθηναῖοι, τεθαύμακα, ὃ καὶ πρώην τινὸς ἤκουσʼ εἰπόντος ἐν τῇ βουλῇ, ὡς ἄρα δεῖ τὸν συμβουλεύοντα ἢ πολεμεῖν ἁπλῶς ἢ τὴν εἰρήνην ἄγειν συμβουλεύειν.

[¶4] 5. But the fact is, if Philip keeps quiet and does not retain any of our territory contrary to the terms of peace, and does not form a general coalition against us, there is nothing more to be said and we must simply observe the peace, and I perceive a readiness to do so on your part at any rate; but if the oath that we took and the terms on which we made peace are published for all men to read, and if it is proved that from the first, even before Diopithes set sail with colonists, whom they now accuse of having started hostilities, Philip has unfairly taken much that is ours, about which your decrees denouncing him still stand good, and that he is all the time repeatedly seizing the property of the other Greeks and of the barbarians, and so equipping himself for an attack upon us, what do they mean by saying that we must either make war or keep peace?

> Greek: 5. ἔστι δέ, εἰ μὲν ἡσυχίαν Φίλιππος ἄγει καὶ μήτε τῶν ἡμετέρων ἔχει παρὰ τὴν εἰρήνην μηδὲν μήτε συσκευάζεται πάντας ἀνθρώπους ἐφʼ ἡμᾶς, οὐκέτι δεῖ λέγειν, ἀλλʼ ἁπλῶς εἰρήνην ἀκτέον, καὶ τά γʼ ἀφʼ ὑμῶν ἕτοιμʼ ὑπάρχονθʼ ὁρῶ· εἰ δʼ ἃ μὲν ὠμόσαμεν καὶ ἐφʼ οἷς τὴν εἰρήνην ἐποιησάμεθα, ἔστιν ἰδεῖν καὶ γεγραμμένα κεῖται, φαίνεται δʼ ἀπʼ ἀρχῆς ὁ Φίλιππος, πρὶν Διοπείθην ἐκπλεῦσαι καὶ τοὺς κληρούχους, οὓς νῦν αἰτιῶνται πεποιηκέναι τὸν πόλεμον, πολλὰ μὲν τῶν ἡμετέρων ἀδίκως εἰληφώς, ὑπὲρ ὧν ψηφίσμαθʼ ὑμέτερʼ ἐγκαλοῦντα κύρια ταυτί, πάντα δὲ τὸν χρόνον συνεχῶς τὰ τῶν ἄλλων Ἑλλήνων καὶ βαρβάρων λαμβάνων καὶ ἐφʼ ἡμᾶς συσκευαζόμενος, τί τοῦτο λέγουσιν, ὡς πολεμεῖν ἢ ἄγειν εἰρήνην δεῖ;

[¶5] 7. For we have no choice in the matter, but there remains the most righteous and most necessary task of all, which these gentlemen deliberately pass over in silence. What then is that task? To defend ourselves against the aggressor. Or perhaps they mean that if Philip keeps his hands off Attica and the Piraeus, he is neither injuring our city nor provoking hostilities.

> Greek: 7. οὐ γὰρ αἵρεσίς ἐστιν ἡμῖν τοῦ πράγματος, ἀλλʼ ὑπολείπεται τὸ δικαιότατον καὶ ἀναγκαιότατον τῶν ἔργων, ὃ ὑπερβαίνουσιν ἑκόντες οὗτοι. τί οὖν ἐστι τοῦτο; ἀμύνεσθαι τὸν πρότερον πολεμοῦνθʼ ἡμῖν. πλὴν εἰ τοῦτο λέγουσι νὴ Δίʼ, ὡς, ἂν ἀπέχηται τῆς Ἀττικῆς καὶ τοῦ Πειραιῶς Φίλιππος, οὔτʼ ἀδικεῖ τὴν πόλιν οὔτε ποιεῖ πόλεμον.

[¶6] 8. But if they ground their plea upon this principle, if this is their interpretation of the peace, it is obvious to all that their argument is assuredly impious and intolerable and dangerous to Athens; and it follows besides that their own words flatly contradict their indictment of Diopithes. For why on earth are we to give Philip leave to do everything else, provided he keeps clear of Attica, while Diopithes is not allowed to help the Thracians, or else we shall have to admit that he is starting a war?

> Greek: 8. εἰ δʼ ἐκ τούτων τὰ δίκαια τίθενται καὶ τὴν εἰρήνην ταύτην ὁρίζονται, ὅτι μὲν δήπουθεν οὔθʼ ὅσιʼ οὔτʼ ἀνεκτὰ λέγουσιν οὔθʼ ὑμῖν ἀσφαλῆ, δῆλόν ἐστιν ἅπασιν, οὐ μὴν ἀλλʼ ἐναντία συμβαίνει ταῖς κατηγορίαις ἃς Διοπείθους κατηγοροῦσι καὶ αὐτὰ ταῦτα λέγειν αὐτούς. τί γὰρ δήποτε τῷ μὲν Φιλίππῳ πάντα τἄλλα ποιεῖν ἐξουσίαν δώσομεν, ἂν τῆς Ἀττικῆς ἀπέχηται, τῷ Διοπείθει δʼ οὐδὲ βοηθεῖν τοῖς Θρᾳξὶν ἐξέσται, ἢ πόλεμον ποιεῖν αὐτὸν φήσομεν;

[¶7] 9. Yes, you may say, as to that indeed the speakers are proved wrong, but the mercenaries are really acting abominably in ravaging the shores of the Hellespont, and Diopithes is wrong in detaining the merchantmen, and we must not sanction it. Very well; be it so. I have no objection.

> Greek: 9. ἀλλὰ νὴ Δία, ταῦτα μὲν ἐξελέγχονται, δεινὰ ποιοῦσι δʼ οἱ ξένοι περικόπτοντες τὰ ἐν Ἑλλησπόντῳ, καὶ Διοπείθης ἀδικεῖ κατάγων τὰ πλοῖα, καὶ δεῖ μὴ ἐπιτρέπειν αὐτῷ. ἔστω, γιγνέσθω ταῦτα, οὐδὲν ἀντιλέγω. οἶμαι μέντοι δεῖν, εἴπερ ὡς ἀληθῶς ἐπὶ πᾶσι δικαίοις ταῦτα συμβουλεύουσιν, ὥσπερ τὴν ὑπάρχουσαν τῇ πόλει δύναμιν καταλῦσαι ζητοῦσι, τὸν ἐφεστηκότα καὶ πορίζοντα χρήματα ταύτῃ διαβάλλοντες ἐν ὑμῖν, οὕτω τὴν Φιλίππου δύναμιν δεῖξαι διαλυθησομένην, ἂν ὑμεῖς ταῦτα πεισθῆτε.

[¶8] 10. Only I think that, if their advice is really given in perfect good faith, even as they are trying to break up the force belonging to our city by bringing charges before you against the commander, who provides for its maintenance, so they are bound to show that Philip’s force will also be disbanded, if you accept their advice. If not, you must observe that they are merely reducing our city to the same plight that has already caused her to forfeit all her existing advantages. For I need not tell you that Philip owes his successes to nothing in the world more than to his being the first in the field. For the man who always keeps a standing army by him, and who knows beforehand what he wants to do, is ready in an instant for anyone that he chooses to attack, while it is only after we have heard of something happening that we begin to bustle about and make our preparations.

> Greek: 10. εἰ δὲ μή, σκοπεῖθʼ ὅτι οὐδὲν ἄλλο ποιοῦσιν ἢ καθιστᾶσι τὴν πόλιν εἰς τὸν αὐτὸν τρόπον διʼ οὗ τὰ [παρόντα] πράγμαθʼ ἅπαντʼ ἀπολώλεκεν. ἴστε γὰρ δήπου τοῦθʼ ὅτι οὐδενὶ τῶν πάντων πλέον κεκράτηκε Φίλιππος, ἢ τῷ πρότερος πρὸς τοῖς πράγμασι γίγνεσθαι. ὁ μὲν γὰρ ἔχων δύναμιν συνεστηκυῖαν ἀεὶ περὶ αὑτὸν καὶ προειδὼς ἃ βούλεται πρᾶξαι, ἐξαίφνης ἐφʼ οὓς ἂν αὐτῷ δόξῃ πάρεστιν· ἡμεῖς δʼ ἐπειδὰν πυθώμεθά τι γιγνόμενον, τηνικαῦτα θορυβούμεθα καὶ παρασκευαζόμεθα.

[¶9] 12. Hence, I believe, it results that Philip, quite at his leisure, keeps whatever he assails, while we are too late, and whatever we have spent has been lavished in vain; we have succeeded in showing our enmity and our will to thwart him, but by being too late for action we only incur additional ignominy.

> Greek: 12. εἶτʼ, οἶμαι, συμβαίνει τῷ μὲν ἐφʼ ἃν ἔλθῃ, ταῦτʼ ἔχειν κατὰ πολλὴν ἡσυχίαν, ἡμῖν δʼ ὑστερίζειν, καὶ ὅσʼ ἂν δαπανήσωμεν, ἅπαντα μάτην ἀνηλωκέναι, καὶ τὴν μὲν ἔχθραν καὶ τὸ βούλεσθαι κωλύειν ἐνδεδεῖχθαι, ὑστερίζοντας δὲ τῶν ἔργων αἰσχύνην προσοφλισκάνειν.

[¶10] 13. Do not, therefore, fail to observe, Athenians, that at present all else is mere talk and pretence; the real object of this scheming and contriving is that you should stay at home, with no Athenian force in field, while Philip, without the least trouble, settles everything to suit his wishes. For you must first note what is going on at the present moment.

> Greek: 13. μὴ τοίνυν ἀγνοεῖτʼ, ὦ ἄνδρες Ἀθηναῖοι, ὅτι καὶ τὰ νῦν τἄλλα μέν ἐστι λόγοι ταῦτα καὶ προφάσεις, πράττεται δὲ καὶ κατασκευάζεται τοῦτο, ὅπως ὑμῶν μὲν οἴκοι μενόντων, ἔξω δὲ μηδεμιᾶς οὔσης τῇ πόλει δυνάμεως, μετὰ πλείστης ἡσυχίας ἅπανθʼ ὅσα βούλεται Φίλιππος διοικήσεται. θεωρεῖτε γὰρ τὸ παρὸν πρῶτον, ὃ γίγνεται.

[¶11] 14. He is now established in Thrace with a large force, and is sending for considerable reinforcements from Macedonia and Thessaly, according to the statements of those on the spot. Now, if he waits for the Etesian winds to blow and marches to the siege of Byzantium, do you think that the Byzantines will remain in their present state of infatuation and will not call upon you and demand your help?

> Greek: 14. νυνὶ δύναμιν μεγάλην ἐκεῖνος ἔχων ἐν Θρᾴκῃ διατρίβει, καὶ μεταπέμπεται πολλήν, ὥς φασιν οἱ παρόντες, ἀπὸ Μακεδονίας καὶ Θετταλίας. ἐὰν οὖν περιμείνας τοὺς ἐτησίας ἐπὶ Βυζάντιον ἐλθὼν πολιορκῇ, πρῶτον μὲν οἴεσθε τοὺς Βυζαντίους μενεῖν ἐπὶ τῆς ἀνοίας τῆς αὐτῆς ὥσπερ νῦν, καὶ οὔτε παρακαλεῖν ὑμᾶς οὔτε βοηθεῖν αὑτοῖς ἀξιώσειν;

[¶12] 15. I think not. Nay, even if there are others whom they distrust more than us, I think they will rather admit such within their walls than surrender their city to Philip—if indeed he does not forestall them by capturing it. Therefore, if we cannot sail from Athens, and if there is no force ready to help them on the spot, their doom is sealed.

> Greek: 15. ἐγὼ μὲν οὐκ οἴομαι, ἀλλὰ καὶ εἴ τισι μᾶλλον ἀπιστοῦσιν ἢ ἡμῖν, καὶ τούτους εἰσφρήσεσθαι μᾶλλον ἢ ʼκείνῳ παραδώσειν τὴν πόλιν, ἄν περ μὴ φθάσῃ λαβὼν αὐτούς. οὐκοῦν ἡμῶν μὲν μὴ δυναμένων ἐνθένδʼ ἀναπλεῦσαι, ἐκεῖ δὲ μηδεμιᾶς ὑπαρχούσης ἑτοίμου βοηθείας, οὐδὲν αὐτοὺς ἀπολωλέναι κωλύσει.

[¶13] 16. “Because,” you say, “the wretched creatures are infatuated and stupid beyond measure.” Quite so, but still we are bound to preserve them in the interests of Athens. And then again we are not certain of another thing, that he will not attack the Chersonese. Indeed, if we may judge from the letter which he sent you, he means to take vengeance on the settlers there.

> Greek: 16. νὴ Δία, κακοδαιμονῶσι γὰρ ἅνθρωποι καὶ ὑπερβάλλουσιν ἀνοίᾳ. πάνυ γε, ἀλλʼ ὅμως αὐτοὺς δεῖ σῶς εἶναι· συμφέρει γὰρ τῇ πόλει. καὶ μὴν οὐδʼ ἐκεῖνό γε δῆλόν ἐστιν ἡμῖν, ὡς ἐπὶ Χερρόνησον οὐχ ἥξει· ἀλλʼ εἴγʼ ἐκ τῆς ἐπιστολῆς δεῖ σκοπεῖν ἧς ἔπεμψε πρὸς ὑμᾶς, ἀμυνεῖσθαί φησι τοὺς ἐν Χερρονήσῳ.

[¶14] 17. If, therefore, our present force is still in being, it will be able both to save the Chersonese and to make raids upon Philip’s territory. But if it is once disbanded, what shall we do if he marches against the Chersonese? “Bring Diopithes to trial,” you say. And how will that help matters? “Well, then, we will set out from Athens ourselves.” But suppose the winds will not let us? “But surely Philip will not attack.”

> Greek: 17. ἂν μὲν τοίνυν ᾖ τὸ συνεστηκὸς στράτευμα, καὶ τῇ χώρᾳ βοηθῆσαι δυνήσεται καὶ τῶν ἐκείνου τι κακῶς ποιῆσαι· εἰ δʼ ἅπαξ διαλυθήσεται, τί ποιήσομεν, ἂν ἐπὶ Χερρόνησον ἴῃ; κρινοῦμεν Διοπείθη νὴ Δία. καὶ τί τὰ πράγματʼ ἔσται βελτίω; ἀλλʼ ἐνθένδʼ ἂν βοηθήσαιμεν αὐτοί. ἂν δʼ ὑπὸ τῶν πνευμάτων μὴ δυνώμεθα; ἀλλὰ μὰ Δίʼ οὐχ ἥξει.

[¶15] 18. And who will go bail for that? Do you not observe and consider, men of Athens, what season of the year is upon us—the season at which certain people think it their duty to keep the Hellespont clear of you and hand it over to Philip? What if he quits Thrace and never approaches the Chersonese or Byzantium—for you must take that also into your reckoning—but turns up at Chalcis and Megara, just as he did at Oreus not long ago? Will it be better to make our stand here and let the war spread to Attica, or to contrive some employment for him away yonder? I prefer the latter.

> Greek: 18. καὶ τίς ἐγγυητής ἐστι τούτου; ἆρʼ ὁρᾶτε καὶ λογίζεσθʼ, ὦ ἄνδρες Ἀθηναῖοι, τὴν ἐπιοῦσαν ὥραν τοῦ ἔτους, εἰς ἣν ἔρημόν τινες οἴονται δεῖν τὸν Ἑλλήσποντον ὑμῶν ποιῆσαι καὶ παραδοῦναι Φιλίππῳ; τί δʼ, ἂν ἀπελθὼν ἐκ Θρᾴκης καὶ μηδὲ προσελθὼν Χερρονήσῳ μηδὲ Βυζαντίῳ (καὶ γὰρ ταῦτα λογίζεσθε) ἐπὶ Χαλκίδα καὶ Μέγαρʼ ἥκῃ τὸν αὐτὸν τρόπον ὅνπερ ἐπʼ Ὠρεὸν πρώην, πότερον κρεῖττον ἐνθάδʼ αὐτὸν ἀμύνεσθαι καὶ προσελθεῖν τὸν πόλεμον πρὸς τὴν Ἀττικὴν ἐᾶσαι, ἢ κατασκευάζειν ἐκεῖ τινʼ ἀσχολίαν αὐτῷ; ἐγὼ μὲν οἴομαι τοῦτο.

[¶16] 19. Therefore, knowing and weighing these facts, it is the duty of all of you, not surely to try to disparage and break up the force that Diopithes is doing his best to provide for the state, but to provide an additional force yourselves and to keep him well supplied with funds and in every way to give him your loyal co-operation.

> Greek: 19. ταῦτα τοίνυν ἅπαντας εἰδότας καὶ λογιζομένους χρή, οὐ μὰ Δίʼ οὐχ ἣν Διοπείθης πειρᾶται τῇ πόλει δύναμιν παρασκευάζειν, ταύτην βασκαίνειν καὶ διαλῦσαι πειρᾶσθαι, ἀλλʼ ἑτέραν αὐτοὺς προσπαρασκευάζειν καὶ συνευποροῦντας ἐκείνῳ χρημάτων καὶ τἄλλʼ οἰκείως συναγωνιζομένους.

[¶17] 20. For suppose someone should ask Philip, “Tell me, which would you prefer? That the troops now serving with Diopithes, whatever their character may be”—for I am not discussing that—“should prosper and win credit at Athens and grow in numbers with the co-operation of the government, or that a few accusers and detractors should cause them to be broken up and destroyed?” I think he would choose the latter. And what Philip would pray the gods to vouchsafe him, are some of us here trying to compass? And do you still ask how our interests are sacrificed everywhere?

> Greek: 20. εἰ γάρ τις ἔροιτο Φίλιππον, εἰπέ μοι, πότερʼ ἂν βούλοιο τούτους τοὺς στρατιώτας οὓς Διοπείθης νῦν ἔχει, τοὺς ὁποιουστινασοῦν (οὐδὲν γὰρ ἀντιλέγω) εὐθενεῖν καὶ παρʼ Ἀθηναίοις εὐδοξεῖν καὶ πλείους γίγνεσθαι τῆς πόλεως συναγωνιζομένης, ἢ διαβαλλόντων τινῶν καὶ κατηγορούντων διασπασθῆναι καὶ διαφθαρῆναι; ταῦτʼ ἂν οἶμαι φήσειεν. εἶθʼ ἃ Φίλιππος ἂν εὔξαιτο τοῖς θεοῖς, ταῦθʼ ἡμῶν τινες ἐνθάδε πράττουσιν; εἶτʼ ἔτι ζητεῖτε πόθεν τὰ τῆς πόλεως ἀπόλωλεν ἅπαντα;

[¶18] 21. I want therefore to examine frankly the present state of our affairs, and to find out what we are doing ourselves now and how we are dealing with the situation. We refuse to pay war-taxes or to serve in person; we cannot keep our hands off the public funds; we will not pay Diopithes the allowances agreed upon, nor sanction the sums that he raises for himself; but we grumble and criticize his methods, and ask what he intends to do, and all that sort of thing; and yet, while maintaining that attitude, we refuse to perform our own tasks; with our lips we praise those whose speeches are worthy of our city, but our actions serve only to encourage their opponents.

> Greek: 21. βούλομαι τοίνυν [ὑμᾶς] μετὰ παρρησίας ἐξετάσαι τὰ παρόντα πράγματα τῇ πόλει, καὶ σκέψασθαι τί ποιοῦμεν αὐτοὶ νῦν καὶ ὅπως χρώμεθʼ αὐτοῖς. ἡμεῖς οὔτε χρήματʼ εἰσφέρειν βουλόμεθα, οὔτʼ αὐτοὶ στρατεύεσθαι, οὔτε τῶν κοινῶν ἀπέχεσθαι δυνάμεθα, οὔτε τὰς συντάξεις Διοπείθει δίδομεν, οὔθʼ ὅσʼ ἂν αὐτὸς αὑτῷ πορίσηται ἐπαινοῦμεν, ἀλλὰ βασκαίνομεν καὶ σκοποῦμεν πόθεν, καὶ τί μέλλει ποιεῖν, καὶ πάντα τὰ τοιαυτί, οὔτʼ, ἐπειδήπερ οὕτως ἔχομεν, τὰ ἡμέτερʼ αὐτῶν πράττειν ἐθέλομεν, ἀλλʼ ἐν μὲν τοῖς λόγοις τοὺς τῆς πόλεως λέγοντας ἄξιʼ ἐπαινοῦμεν, ἐν δὲ τοῖς ἔργοις τοῖς ἐναντιουμένοις τούτοις συναγωνιζόμεθα.

[¶19] 23. Now, you have a habit of asking a speaker on every occasion, “What then must be done?”; but I prefer to ask you, “What then must be said?” Because, if you are not going to pay your contributions, nor serve in person, nor keep your hands off the public funds, nor grant Diopithes his allowances, nor sanction the sums that he raises for himself, nor consent to perform your own tasks, I have nothing to say. You who have gone so far in granting license to those whose object is fault-finding and calumny, that even about what they say he is going to do, even on that ground they accuse him in advance and you listen to them—what can anyone say?

> Greek: 23. ὑμεῖς μὲν τοίνυν εἰώθαθʼ ἑκάστοτε τὸν παριόντʼ ἐρωτᾶν, τί οὖν χρὴ ποιεῖν; ἐγὼ δʼ ὑμᾶς ἐρωτῆσαι βούλομαι, τί οὖν χρὴ λέγειν; εἰ γὰρ μήτʼ εἰσοίσετε, μήτʼ αὐτοὶ στρατεύσεσθε, μήτε τῶν κοινῶν ἀφέξεσθε, μήτε τὰς συντάξεις δώσετε, μήθʼ ὅσʼ ἂν αὐτὸς αὑτῷ πορίσηται ἐάσετε, μήτε τὰ ὑμέτερʼ αὐτῶν πράττειν ἐθελήσετε, οὐκ ἔχω τί λέγω. οἱ γὰρ ἤδη τοσαύτην ἐξουσίαν τοῖς αἰτιᾶσθαι καὶ διαβάλλειν βουλομένοις διδόντες, ὥστε καὶ περὶ ὧν φασι μέλλειν αὐτὸν ποιεῖν, καὶ περὶ τούτων προκατηγορούντων ἀκροᾶσθαι, —τί ἄν τις λέγοι;

[¶20] 24. Now, some of you ought to be told the possible result of all this. I shall speak freely, for indeed I could not speak otherwise. All the generals that have ever set sail from your land—if I am wrong, I submit myself to any penalty—raise money from the Chians, from the Erythraeans, from whatever people they can, I mean of the Greeks of Asia Minor.

> Greek: 24. ὅ τι τοίνυν δύναται ταῦτα ποιεῖν, ἐνίους μαθεῖν ὑμῶν δεῖ. λέξω δὲ μετὰ παρρησίας· καὶ γὰρ οὐδʼ ἂν ἄλλως δυναίμην. πάντες ὅσοι πώποτʼ ἐκπεπλεύκασι παρʼ ὑμῶν στρατηγοί (ἢ ʼγὼ πάσχειν ὁτιοῦν τιμῶμαι) καὶ παρὰ Χίων καὶ παρʼ Ἐρυθραίων καὶ παρʼ ὧν ἂν ἕκαστοι δύνωνται, τούτων τῶν τὴν Ἀσίαν οἰκούντων λέγω, χρήματα λαμβάνουσιν.

[¶21] 25. Generals with only one or two ships raise less; those with a larger fleet raise more. Also those who pay do not pay the sum, be it large or small, for nothing; they are not such madmen. No, they purchase for the merchants sailing from their own harbors immunity from injury or robbery, or a safe conduct for their own ships, or something of that sort. They say that they are granting “benevolences.” That is the name for these exactions.

> Greek: 25. λαμβάνουσι δʼ οἱ μὲν ἔχοντες μίαν ἢ δύο ναῦς ἐλάττονα, οἱ δὲ μείζω δύναμιν πλείονα. καὶ διδόασιν οἱ διδόντες οὔτε τὰ μικρὰ οὔτε τὰ πολλὰ ἀντʼ οὐδενός (οὐ γὰρ οὕτω μαίνονται), ἀλλʼ ὠνούμενοι μὴ ἀδικεῖσθαι τοὺς παρʼ αὑτῶν ἐκπλέοντας ἐμπόρους, μὴ συλᾶσθαι, παραπέμπεσθαι τὰ πλοῖα τὰ αὑτῶν, τὰ τοιαῦτα· φασὶ δʼ εὐνοίας διδόναι, καὶ τοῦτο τοὔνομʼ ἔχει τὰ λήμματα ταῦτα.

[¶22] 26. And so too in this case, while Diopithes has a force with him, it is perfectly plain that all these people will pay up. For where else do you suppose that he looks for the maintenance of his troops, if he gets nothing from you and has no private fortune to furnish their pay? To the sky? No, indeed; it is from what he can collect or beg or borrow that he keeps things going.

> Greek: 26. καὶ δὴ καὶ νῦν τῷ Διοπείθει στράτευμʼ ἔχοντι σαφῶς ἐστι τοῦτο δῆλον ὅτι δώσουσι χρήματα πάντες οὗτοι· πόθεν γὰρ οἴεσθʼ ἄλλοθεν τὸν μήτε λαβόντα παρʼ ὑμῶν μηδὲν μήτʼ αὐτὸν ἔχονθʼ ὁπόθεν μισθοδοτήσει, στρατιώτας τρέφειν; ἐκ τοῦ οὐρανοῦ; οὐκ ἔστι ταῦτα, ἀλλʼ ἀφʼ ὧν ἀγείρει καὶ προσαιτεῖ καὶ δανείζεται, ἀπὸ τούτων διάγει.

[¶23] 27. So those who denounce him to you are simply warning everybody not to grant him a penny, because he will be punished for what he intends to do, apart from what he has done or what he has acquired for himself. That is what they mean when they cry, “He intends to besiege the towns! He is betraying the Greeks!” Do any of these gentlemen really care about the Asiatic Greeks?—and yet they would, I expect, be better champions of other countries than of their own.

> Greek: 27. οὐδὲν οὖν ἄλλο ποιοῦσιν οἱ κατηγοροῦντες ἐν ὑμῖν ἢ προλέγουσιν ἅπασι μηδʼ ὁτιοῦν ἐκείνῳ διδόναι, ὡς καὶ τοῦ μελλῆσαι δώσοντι δίκην, μή τι ποιήσαντί γʼ ἢ καταπραξαμένῳ. τοῦτʼ εἰσὶν οἱ λόγοι· μέλλει πολιορκεῖν, τοὺς Ἕλληνας ἐκδίδωσιν. μέλει γάρ τινι τούτων τῶν τὴν Ἀσίαν οἰκούντων Ἑλλήνων; ἀμείνους μέντἂν εἶεν τῶν ἄλλων ἢ τῆς πατρίδος κήδεσθαι.

[¶24] 28. That, too, is the meaning of the dispatch of a second general to the Hellespont. For if Diopithes is acting outrageously in detaining the merchantmen, a note, men of Athens, a brief note, could put a stop to all this at once; and there are the laws, which direct us to impeach such offenders, but not, of course, to mount guard over ourselves, at such a cost and with so large a fleet; for that would be the height of madness.

> Greek: 28. καὶ τό γʼ εἰς τὸν Ἑλλήσποντον εἰσπέμπειν ἕτερον στρατηγὸν τοῦτʼ ἐστίν. εἰ γὰρ δεινὰ ποιεῖ Διοπείθης καὶ κατάγει τὰ πλοῖα, μικρόν, ὦ ἄνδρες Ἀθηναῖοι, μικρὸν πινάκιον ταῦτα πάντα κωλῦσαι δύναιτʼ ἄν, καὶ λέγουσιν οἱ νόμοι, ταῦτα τοὺς ἀδικοῦντας εἰσαγγέλλειν, οὐ μὰ Δίʼ οὐ δαπάναις καὶ τριήρεσιν τοσαύταις ἡμᾶς αὐτοὺς φυλάττειν, ἐπεὶ τοῦτό γʼ ἐστὶν ὑπερβολὴ μανίας·

[¶25] 29. No, against our enemies, who are not amenable to the laws, it is right and necessary to maintain troops, to send out fleets, and to raise funds; but against ourselves we have these resources, a decree, an impeachment, and a dispatch-boat. Those are what right-minded citizens would employ; malignants, bent on the ruin of the State, would do as these men are doing.

> Greek: 29. ἀλλʼ ἐπὶ μὲν τοὺς ἐχθρούς, οὓς οὐκ ἔστι λαβεῖν ὑπὸ τοῖς νόμοις, καὶ στρατιώτας τρέφειν καὶ τριήρεις ἐκπέμπειν καὶ χρήματʼ εἰσφέρειν δεῖ καὶ ἀναγκαῖόν ἐστιν, ἐπὶ δʼ ἡμᾶς αὐτοὺς ψήφισμα, εἰσαγγελία, πάραλος ταῦτʼ ἔστιν. ταῦτʼ ἦν εὖ φρονούντων ἀνθρώπων, ἐπηρεαζόντων δὲ καὶ διαφθειρόντων τὰ πράγμαθʼ ἃ νῦν οὗτοι ποιοῦσιν.

[¶26] 30. And that there are some men of this type among you, though bad enough, is not the real evil; but you who sit here are by now in such a mood that if anyone comes forward and asserts that the cause of all our evil is Diopithes or Chares or Aristophon, or any other citizen that he happens to name, you at once agree and applaud the truth of the remark.

> Greek: 30. καὶ τὸ μὲν τούτων τινὰς εἶναι τοιούτους, δεινὸν ὂν οὐ δεινόν ἐστιν· ἀλλʼ ὑμεῖς οἱ καθήμενοι οὕτως ἤδη διάκεισθε, ὥστʼ, ἂν μέν τις εἴπῃ παρελθὼν ὅτι Διοπείθης ἐστὶ τῶν κακῶν πάντων αἴτιος, ἢ Χάρης ἢ Ἀριστοφῶν ἢ ὃν ἂν τῶν πολιτῶν εἴπῃ τις, εὐθέως φατὲ καὶ θορυβεῖθʼ ὡς ὀρθῶς λέγει·

[¶27] 31. But if anyone rises and tells you the real truth and says, “Nonsense, Athenians! The cause of all these evils and all these troubles is Philip, for if he had kept quiet, our city would have been free from trouble,” you cannot gainsay it, but you seem to me to be vexed and to feel that you are, as it were, losing something.

> Greek: 31. ἂν δὲ παρελθὼν λέγῃ τις τἀληθῆ, ὅτι ληρεῖτʼ, Ἀθηναῖοι· πάντων τῶν κακῶν καὶ τῶν πραγμάτων τούτων Φίλιππός ἐστʼ αἴτιος· εἰ γὰρ ἐκεῖνος ἦγεν ἡσυχίαν, οὐδὲν ἂν ἦν πρᾶγμα τῇ πόλει, ὡς μὲν οὐκ ἀληθῆ ταῦτʼ ἐστὶν οὐκ ἔχετʼ ἀντιλέγειν, ἄχθεσθαι δέ μοι δοκεῖτε καὶ ὥσπερ ἀπολλύναι τι νομίζειν.

[¶28] 32. But as to the reason for this—and in Heaven’s name, when I am pleading for your best interests, allow me to speak freely—some of our politicians have been training you to be threatening and intractable in the meetings of the Assembly, but in preparing for war, careless and contemptible. If, then, the culprit named is someone on whom you know you can lay hands in Athens, you agree and assent; but if it is someone whom you cannot chastise unless you overcome him by force of arms, you find yourselves helpless, I suppose, and to be proved so causes you annoyance.

> Greek: 32. αἴτιον δὲ τούτων (καί μοι πρὸς θεῶν, ὅταν εἵνεκα τοῦ βελτίστου λέγω, ἔστω παρρησία)· παρεσκευάκασιν ὑμᾶς τῶν πολιτευομένων ἔνιοι ἐν μὲν ταῖς ἐκκλησίαις φοβεροὺς καὶ χαλεπούς, ἐν δὲ ταῖς παρασκευαῖς ταῖς τοῦ πολέμου ῥᾳθύμους καὶ εὐκαταφρονήτους. ἂν μὲν οὖν τὸν αἴτιον εἴπῃ τις ὃν ἴσθʼ ὅτι λήψεσθε παρʼ ὑμῖν αὐτοῖς, φατὲ καὶ βούλεσθε· ἂν δὲ τοιοῦτον λέγῃ τις, ὃν κρατήσαντας τοῖς ὅπλοις, ἄλλως δʼ οὐκ ἔστιν κολάσαι, οὐκ ἔχετʼ, οἶμαι, τί ποιήσετε, ἐξελεγχόμενοι δʼ ἄχθεσθε.

[¶29] 33. For it ought to have been the reverse, men of Athens; all your politicians should have trained you to be gentle and humane in the Assembly, for there you are dealing with rights that concern yourselves and your allies, but in preparing for war they should have made you threatening and intractable, because there you are pitted against your enemies and rivals.

> Greek: 33. ἐχρῆν γάρ, ὦ ἄνδρες Ἀθηναῖοι, τοὐναντίον ἢ νῦν ἅπαντας τοὺς πολιτευομένους ἐν μὲν ταῖς ἐκκλησίαις πράους καὶ φιλανθρώπους ὑμᾶς ἐθίζειν εἶναι (πρὸς γὰρ ὑμᾶς αὐτοὺς καὶ τοὺς συμμάχους ἐν ταύταις ἐστὶ τὰ δίκαια), ἐν δὲ ταῖς παρασκευαῖς ταῖς τοῦ πολέμου φοβεροὺς καὶ χαλεποὺς ἐπιδεικνύναι· πρὸς γὰρ τοὺς ἐχθροὺς καὶ τοὺς ἀντιπάλους ἐκεῖνός ἐσθʼ ἁγών.

[¶30] 34. As it is, by persuasive arts and caresses they have brought you to such a frame of mind that in your assemblies you are elated by their flattery and have no ear but for compliments, while in your policy and your practice you are at this moment running the gravest risks. For tell me, in Heaven’s name, if the Greeks should call you to account for the opportunities that your carelessness has already thrown away, and should question you thus: “Men of Athens, do you send us embassies on every occasion to explain how Philip is plotting against us and all the other Greeks, and how we must be on our guard against that man, and all that sort of thing?”—(we are bound to admit it and plead guilty, for that is just what we do)—“And yet, you most futile of mortals, when that man has been out of sight for ten months, cut off from all chance of returning home by disease, by winter, and by war,” “have you neither liberated Euboea nor regained any of your lost possessions? On the other hand, while you stay at home, at leisure and in health”—(if indeed they could say that men who behave thus are in health)—“Philip has set up two despots in Euboea, entrenching one right over against Attica and the other as a menace to Sciathus;”

> Greek: 34. νῦν δὲ δημαγωγοῦντες ὑμᾶς καὶ χαριζόμενοι καθʼ ὑπερβολὴν οὕτω διατεθήκασιν, ὥστʼ ἐν μὲν ταῖς ἐκκλησίαις τρυφᾶν καὶ κολακεύεσθαι πάντα πρὸς ἡδονὴν ἀκούοντας, ἐν δὲ τοῖς πράγμασι καὶ τοῖς γιγνομένοις περὶ τῶν ἐσχάτων ἤδη κινδυνεύειν. φέρε γὰρ πρὸς Διός, εἰ λόγον ὑμᾶς ἀπαιτήσειαν οἱ Ἕλληνες ὧν νυνὶ παρείκατε καιρῶν διὰ ῥᾳθυμίαν, καὶ ἔροινθʼ ὑμᾶς, ἄνδρες Ἀθηναῖοι, πέμπεθʼ ὡς ἡμᾶς ἑκάστοτε πρέσβεις, καὶ λέγεθʼ ὡς ἐπιβουλεύει Φίλιππος ἡμῖν καὶ πᾶσι τοῖς Ἕλλησι, καὶ ὡς φυλάττεσθαι δεῖ τὸν ἄνθρωπον, καὶ πάντα τὰ τοιαυτί; ἀνάγκη φάσκειν καὶ ὁμολογεῖν· ποιοῦμεν γὰρ ταῦτα. εἶτʼ, ὦ πάντων ἀνθρώπων φαυλότατοι, δέκα μῆνας ἀπογενομένου τἀνθρώπου καὶ νόσῳ καὶ χειμῶνι καὶ πολέμοις ἀποληφθέντος ὥστε μὴ ἂν δύνασθαι ἐπανελθεῖν οἴκαδε, οὔτε τὴν Εὔβοιαν ἠλευθερώσατε, οὔτε τῶν ὑμετέρων αὐτῶν οὐδὲν ἐκομίσασθε, ἀλλʼ ἐκεῖνος μὲν ὑμῶν οἴκοι μενόντων, σχολὴν ἀγόντων, ὑγιαινόντων (εἰ δὴ τοὺς τὰ τοιαῦτα ποιοῦντας ὑγιαίνειν φήσαιμεν), δύʼ ἐν Εὐβοίᾳ κατέστησε τυράννους, τὸν μὲν ἀπαντικρὺ τῆς Ἀττικῆς ἐπιτειχίσας, τὸν δʼ ἐπὶ Σκίαθον,

[¶31] 37. “but you—have you never cleared away these obstacles, even if you had no further ambitions, and have you tamely submitted? Undoubtedly you have stood aside from his path and made it abundantly clear that, were he to die ten times over, you at least will make no further move. Then why do you pester us with your embassies and your complaints?” If these are their words, what are we to say, Athenians? How are we to answer? For my part, I cannot tell.

> Greek: 37. ὑμεῖς δʼ οὐδὲ ταῦτʼ ἀπελύσασθε, εἰ μηδὲν ἄλλʼ ἐβούλεσθε, ἀλλʼ εἰάκατε; ἀφέστατε δῆλον ὅτι αὐτῷ, καὶ φανερὸν πεποιήκατε ὅτι οὐδʼ ἂν δεκάκις ἀποθάνῃ, οὐδὲν μᾶλλον κινήσεσθε. τί οὖν πρεσβεύετε καὶ κατηγορεῖτε καὶ πράγμαθʼ ἡμῖν παρέχετε; ἂν ταῦτα λέγωσι, τί ἐροῦμεν ἢ τί φήσομεν, Ἀθηναῖοι; ἐγὼ μὲν γὰρ οὐχ ὁρῶ.

[¶32] 38. Now there are some who think they confute a speaker the moment they ask, “What then ought we to do?” To these I will give the fairest and truest answer: not what you are doing now. I will not, however, shrink from going carefully into details; only they must be as willing to act as they are eager to question.

> Greek: 38. εἰσὶ τοίνυν τινὲς οἳ τότʼ ἐξελέγχειν τὸν παριόντʼ οἴονται, ἐπειδὰν ἐρωτήσωσι τί οὖν χρὴ ποιεῖν; οἷς ἐγὼ μὲν τὸ δικαιότατον καὶ ἀληθέστατον τοῦτʼ ἀποκρινοῦμαι, ταῦτα μὴ ποιεῖν ἃ νυνὶ ποιεῖτε, οὐ μὴν ἀλλὰ καὶ καθʼ ἕκαστον ἀκριβῶς ἐρῶ. καὶ ὅπως, ὥσπερ ἐρωτῶσι προθύμως, οὕτω καὶ ποιεῖν ἐθελήσουσιν.

[¶33] 39. First, men of Athens, you must fix this firmly in your minds, that Philip is at war with us and has broken the peace. Yes, let there be no more wrangling over that question. He is ill-disposed and hostile to the whole city and to the very soil on which the city stands, and, I will add, to every man in the city, even to those who imagine that they stand highest in his good graces. If they doubt it, let them look at Euthycrates and Lasthenes, the Olynthians, who thought they were such bosom-friends of his, and then, when they had betrayed their city, met the most ignominious fate of all. The chief object, however, of his arms and his diplomacy is our free constitution; on nothing in the world is he more bent than on its destruction.

> Greek: 39. πρῶτον μέν, ὦ ἄνδρες Ἀθηναῖοι, τοῦτο παρʼ ὑμῖν αὐτοῖς βεβαίως γνῶναι, ὅτι τῇ πόλει Φίλιππος πολεμεῖ καὶ τὴν εἰρήνην λέλυκεν (καὶ παύσασθε περὶ τούτου κατηγοροῦντες ἀλλήλων) καὶ κακόνους μέν ἐστι καὶ ἐχθρὸς ὅλῃ τῇ πόλει καὶ τῷ τῆς πόλεως ἐδάφει, προσθήσω δὲ καὶ τοῖς ἐν τῇ πόλει πᾶσιν ἀνθρώποις, καὶ τοῖς μάλιστʼ οἰομένοις αὐτῷ χαρίζεσθαι (εἰ δὲ μή, σκεψάσθων Εὐθυκράτη καὶ Λασθένη τοὺς Ὀλυνθίους, οἳ δοκοῦντες οἰκειότατʼ αὐτῷ διακεῖσθαι, ἐπειδὴ τὴν πόλιν προὔδοσαν, πάντων κάκιστʼ ἀπολώλασιν), οὐδενὶ μέντοι μᾶλλον ἢ τῇ πολιτείᾳ πολεμεῖ οὐδʼ ἐπιβουλεύει, καὶ σκοπεῖ μᾶλλον οὐδὲ ἓν τῶν πάντων, ἢ πῶς ταύτην καταλύσει.

## 2. Sections 41–77

Source: https://scriptura.si/works/demosthenes-on-the-chersonese/2/ · cite a paragraph as https://scriptura.si/works/demosthenes-on-the-chersonese/2/#p-N

[¶0] 41. And it is in a way natural that he should act thus. For he knows for certain that even if he masters all else, his power will be precarious as long as you remain a democracy; but if ever he meets with one of the many mischances to which mankind is liable, all the forces that are now under restraint will be attracted to your side.

> Greek: 41. καὶ τοῦτʼ εἰκότως τρόπον τινὰ πράττει· οἶδεν γὰρ ἀκριβῶς ὅτι οὐδʼ ἂν πάντων τῶν ἄλλων γένηται κύριος, οὐδὲν ἔστʼ αὐτῷ βεβαίως ἔχειν, ἕως ἂν ὑμεῖς δημοκρατῆσθε, ἀλλʼ ἐάν ποτε συμβῇ τι πταῖσμα, ἃ πολλὰ γένοιτʼ ἂν ἀνθρώπῳ, ἥξει πάντα τὰ νῦν συμβεβιασμένα καὶ καταφεύξεται πρὸς ὑμᾶς·

[¶1] 42. For nature has not equipped you to seek aggrandizement and secure empire, but you are clever at thwarting another’s designs and wresting from him his gains, and quick to confound the plots of the ambitious and to vindicate the freedom of all mankind. Therefore he does not want to have the Athenian tradition of liberty watching to seize every chance against himself. Far from it! Nor is his reasoning here either faulty or idle.

> Greek: 42. ἐστὲ γὰρ ὑμεῖς οὐκ αὐτοὶ πλεονεκτῆσαι καὶ κατασχεῖν ἀρχὴν εὖ πεφυκότες, ἀλλʼ ἕτερον λαβεῖν κωλῦσαι καὶ ἔχοντʼ ἀφελέσθαι δεινοί, καὶ ὅλως ἐνοχλῆσαι τοῖς ἄρχειν βουλομένοις καὶ πάντας ἀνθρώπους εἰς ἐλευθερίαν ἐξελέσθαι ἕτοιμοι. οὔκουν βούλεται τοῖς ἑαυτοῦ καιροῖς τὴν παρʼ ὑμῶν ἐλευθερίαν ἐφεδρεύειν, οὐδὲ πολλοῦ δεῖ, οὐ κακῶς οὐδʼ ἀργῶς ταῦτα λογιζόμενος.

[¶2] 43. This, then, is the first thing needful, to recognize in Philip the inveterate enemy of constitutional government and democracy, for unless you are heartily persuaded of this, you will not consent to take your politics seriously. Your second need is to convince yourselves that all his activity and all his organization is preparing the way for an attack on our city, and that where any resistance is offered to him, that resistance is our gain.

> Greek: 43. πρῶτον μὲν δὴ τοῦτο δεῖ, ἐχθρὸν ὑπειληφέναι τῆς πολιτείας καὶ τῆς δημοκρατίας ἀδιάλλακτον ἐκεῖνον· εἰ γὰρ μὴ τοῦτο πεισθήσεσθε ταῖς ψυχαῖς, οὐκ ἐθελήσεθʼ ὑπὲρ τῶν πραγμάτων σπουδάζειν· δεύτερον δʼ εἰδέναι σαφῶς ὅτι πάνθʼ ὅσα πραγματεύεται καὶ κατασκευάζεται νῦν, ἐπὶ τὴν ἡμετέραν πόλιν παρασκευάζεται, καὶ ὅπου τις ἐκεῖνον ἀμύνεται, ἐνταῦθʼ ὑπὲρ ἡμῶν ἀμύνεται.

[¶3] 44. For no man is so simple as to believe that though Philip covets these wretched objects in Thrace—for what else can one call Drongilus and Cabyle and Mastira and the other places that he is now occupying and equipping?—and though he endures toil and winter storms and deadly peril for the privilege of taking them, yet he does not covet the Athenian harbors and dockyards and war-galleys and silver mines and the like sources of wealth, but will allow you to retain them, while he winters in that purgatory for the sake of the rye and millet of the Thracian store-pits.

> Greek: 44. οὐ γὰρ οὕτω γʼ εὐήθης οὐδεὶς ὃς ὑπολαμβάνει τὸν Φίλιππον τῶν μὲν ἐν Θρᾴκῃ κακῶν (τί γὰρ ἂν ἄλλο τις εἴποι Δρογγίλον καὶ Καβύλην καὶ Μάστειραν καὶ ἃ νῦν ἐξαιρεῖ [καὶ κατασκευάζεται];) τούτων μὲν ἐπιθυμεῖν καὶ ὑπὲρ τοῦ ταῦτα λαβεῖν καὶ πόνους καὶ χειμῶνας καὶ τοὺς ἐσχάτους κινδύνους ὑπομένειν, τῶν δʼ Ἀθηναίων λιμένων καὶ νεωρίων καὶ τριήρων καὶ τῶν ἔργων τῶν ἀργυρείων καὶ τοσούτων προσόδων οὐκ ἐπιθυμεῖν, ἀλλὰ ταῦτα μὲν ὑμᾶς ἐάσειν ἔχειν, ὑπὲρ δὲ τῶν μελινῶν καὶ τῶν ὀλυρῶν τῶν ἐν τοῖς Θρᾳκίοις σιροῖς ἐν τῷ βαράθρῳ χειμάζειν.

[¶4] 45. It is not so, but it is to win these prizes that he devotes his activities to all those other objects.

> Greek: 45. οὐκ ἔστι ταῦτα, ἀλλὰ κἀκεῖνʼ ὑπὲρ τοῦ τούτων γενέσθαι κύριος καὶ τἄλλα πάντα πραγματεύεται.

[¶5] 46. What, then, is the task of sound patriots? To know and realize all this, to shake off our outrageous and incurable slothfulness, to contribute funds, to call upon our allies, and to provide and arrange for the permanent upkeep of our existing army, so that just as Philip has a force ready to attack and enslave all the Greek states, so you may have one ready to protect and assist them all.

> Greek: 46. τί οὖν εὖ φρονούντων ἀνθρώπων ἐστίν; εἰδότας ταῦτα καὶ ἐγνωκότας τὴν μὲν ὑπερβάλλουσαν καὶ ἀνήκεστον ταύτην ῥᾳθυμίαν ἀποθέσθαι, χρήματα δʼ εἰσφέρειν καὶ τοὺς συμμάχους ἀξιοῦν, καὶ ὅπως τὸ συνεστηκὸς τοῦτο συμμενεῖ στράτευμʼ ὁρᾶν καὶ πράττειν, ἵνʼ ὥσπερ ἐκεῖνος ἕτοιμον ἔχει δύναμιν τὴν ἀδικήσουσαν καὶ καταδουλωσομένην ἅπαντας τοὺς Ἕλληνας, οὕτω τὴν σώσουσαν ὑμεῖς καὶ βοηθήσουσαν ἅπασιν ἕτοιμον ἔχητε.

[¶6] 47. For if you trust to mere expeditions, you can never gain any of your essential objects. You must first levy a force and provide for its maintenance, and appoint paymasters and clerks, and arrange that there shall be the strictest watch kept over your expenditure, and afterwards you must demand from your paymasters an account of their moneys, and from the general an account of his campaign. If you do this, and if you are really in earnest about it, you will either compel Philip to keep the peace fairly and to abide within his own frontiers—and that would be the greatest blessing of all—or you will fight him on equal terms.

> Greek: 47. οὐ γὰρ ἔστι βοηθείαις χρωμένους οὐδέποτʼ οὐδὲν τῶν δεόντων πρᾶξαι, ἀλλὰ κατασκευάσαντας δεῖ δύναμιν, καὶ τροφὴν ταύτῃ πορίσαντας καὶ ταμίας καὶ δημοσίους, καὶ ὅπως ἔνι τὴν τῶν χρημάτων φυλακὴν ἀκριβεστάτην γενέσθαι, οὕτω ποιήσαντας, τὸν μὲν τῶν χρημάτων λόγον παρὰ τούτων λαμβάνειν, τὸν δὲ τῶν ἔργων παρὰ τοῦ στρατηγοῦ. κἂν οὕτω ποιήσητε καὶ ταῦτʼ ἐθελήσηθʼ ὡς ἀληθῶς, ἄγειν εἰρήνην δικαίαν καὶ μένειν ἐπὶ τῆς αὑτοῦ Φίλιππον ἀναγκάσετε, οὗ μεῖζον οὐδὲν ἂν γένοιτʼ ἀγαθόν, ἢ πολεμήσετʼ ἐξ ἴσου.

[¶7] 48. But if anyone thinks that all this means great expense and much toil and worry, he is quite correct, but if he reckons up what will hereafter be the result to Athens if she refuses to act, he will conclude that it is to our interest to perform our duty willingly.

> Greek: 48. εἰ δέ τῳ δοκεῖ ταῦτα καὶ δαπάνης μεγάλης καὶ πόνων πολλῶν καὶ πραγματείας εἶναι, καὶ μάλʼ ὀρθῶς δοκεῖ· ἀλλʼ ἐὰν λογίσηται τὰ τῇ πόλει μετὰ ταῦτα γενησόμενα, ἂν ταῦτα μὴ ʼθέλῃ, εὑρήσει λυσιτελοῦν τὸ ἑκόντας ποιεῖν τὰ δέοντα.

[¶8] 49. For if you have the guarantee of some god, since no mere mortal could be a satisfactory surety for such an event that if you remain inactive and abandon everything, Philip will not in the end march against yourselves, by Zeus and all the other gods, it would be disgraceful and unworthy of you and of the resources of your city and the record of your ancestors to abandon all the other Greeks to enslavement for the sake of your own ease, and I for one would rather die than be guilty of proposing such a policy. All the same, if someone else proposes it and wins your assent, so be it: offer no resistance, sacrifice everything.

> Greek: 49. εἰ μὲν γάρ ἐστί τις ἐγγυητὴς θεῶν (οὐ γὰρ ἀνθρώπων γʼ οὐδεὶς ἂν γένοιτʼ ἀξιόχρεως τηλικούτου πράγματος) ὡς, ἐὰν ἄγηθʼ ἡσυχίαν καὶ ἅπαντα προῆσθε, οὐκ ἐπʼ αὐτοὺς ὑμᾶς τελευτῶν ἐκεῖνος ἥξει, αἰσχρὸν μὲν νὴ τὸν Δία καὶ πάντας θεοὺς καὶ ἀνάξιον ὑμῶν καὶ τῶν ὑπαρχόντων τῇ πόλει καὶ πεπραγμένων τοῖς προγόνοις, τῆς ἰδίας ἕνεκα ῥᾳθυμίας τοὺς ἄλλους πάντας Ἕλληνας εἰς δουλείαν προέσθαι, καὶ ἔγωγʼ αὐτὸς μὲν τεθνάναι μᾶλλον ἂν ἢ ταῦτʼ εἰρηκέναι βουλοίμην· οὐ μὴν ἀλλʼ εἴ τις ἄλλος λέγει καὶ ὑμᾶς πείθει, ἔστω, μὴ ἀμύνεσθε, ἅπαντα πρόεσθε.

[¶9] 50. But if no one approves of this, and if on the contrary we all of us foresee that the more we allow him to extend his power, the stronger and more formidable we shall find him in war, what escape is open to us, or why do we delay? When, men of Athens, shall we consent to do our duty? “Whenever it is necessary,” you will say.

> Greek: 50. εἰ δὲ μηδενὶ τοῦτο δοκεῖ, τοὐναντίον δὲ πρόϊσμεν ἅπαντες, ὅτι ὅσῳ ἂν πλειόνων ἐάσωμεν ἐκεῖνον γενέσθαι κύριον, τοσούτῳ χαλεπωτέρῳ καὶ ἰσχυροτέρῳ χρησόμεθʼ ἐχθρῷ, ποῖ ἀναδυόμεθα; ἢ τί μέλλομεν; ἢ πότʼ, ὦ ἄνδρες Ἀθηναῖοι, τὰ δέοντα ποιεῖν ἐθελήσομεν;

[¶10] 51. But what any free man would call necessity is not merely present now, but is long ago past, and from the necessity that constrains a slave we must surely pray to be delivered. Do you ask the difference? The strongest necessity that a free man feels is shame for his own position, and I know not if we could name a stronger; but for a slave necessity means stripes and bodily outrage, unfit to name here, from which Heaven defend us!

> Greek: 51. ὅταν νὴ Δίʼ ἀναγκαῖον ᾖ. ἀλλʼ ἣν μὲν ἄν τις ἐλευθέρων ἀνθρώπων ἀνάγκην εἴποι, οὐ μόνον ἤδη πάρεστιν, ἀλλὰ καὶ πάλαι παρελήλυθε, τὴν δὲ τῶν δούλων ἀπεύχεσθαι δήπου μὴ γενέσθαι δεῖ. διαφέρει δὲ τί; ὅτι ἐστὶν ἐλευθέρῳ μὲν ἀνθρώπῳ μεγίστη ἀνάγκη ἡ ὑπὲρ τῶν γιγνομένων αἰσχύνη, καὶ μείζω ταύτης οὐκ οἶδʼ ἥντινʼ ἂν εἴποιμεν· δούλῳ δὲ πληγαὶ καὶ ὁ τοῦ σώματος αἰκισμός, ἃ μήτε γένοιτο οὔτε λέγειν ἄξιον.

[¶11] 52. Therefore, although I would gladly touch on all the other topics and explain the way in which certain politicians are working your ruin, I will confine myself to pointing out that whenever any question arises that concerns Philip, instantly up jumps someone and tells you how good a thing it is to preserve peace, and what a bother it is to keep up a large army, and how certain persons want to plunder your wealth, and all that sort of thing; and by these speeches they put you off and afford leisure for Philip to do whatever he wishes.

> Greek: 52. πάντα τοίνυν τἄλλʼ εἰπὼν ἂν ἡδέως, καὶ δείξας ὃν τρόπον ὑμᾶς ἔνιοι καταπολιτεύονται, τὰ μὲν ἄλλʼ ἐάσω· ἀλλʼ ἐπειδάν τι τῶν πρὸς Φίλιππον ἐμπέσῃ, εὐθὺς ἀναστάς τις λέγει τὸ τὴν εἰρήνην ἄγειν ὡς ἀγαθὸν καὶ τὸ τρέφειν δύναμιν μεγάλην ὡς χαλεπόν, καὶ διαρπάζειν τινὲς τὰ χρήματα βούλονται, καὶ τοιούτους λόγους, ἐξ ὧν ἀναβάλλουσι μὲν ὑμᾶς, ἡσυχίαν δὲ ποιοῦσιν ἐκείνῳ πράττειν ὅ τι βούλεται.

[¶12] 53. But the result of this is for you indeed repose and idleness, for the present—blessings which I am afraid you will one day consider dearly purchased—but for the speakers the popularity and the payment. But in my view it is not to you that they should recommend peace, for you have taken the advice and there you sit: it is to the man who is even now on the war-path.

> Greek: 53. ἐκ δὲ τούτων περιγίγνεται, ὑμῖν μὲν ἡ σχολὴ καὶ τὸ μηδὲν ἤδη ποιεῖν, ἃ δέδοιχʼ ὅπως μήποθʼ ἡγήσεσθʼ ἐπὶ πολλῷ γεγενῆσθαι, τούτοις δʼ αἱ χάριτες καὶ ὁ μισθὸς ὁ τούτων. ἐγὼ δʼ οἴομαι τὴν μὲν εἰρήνην ἄγειν οὐχ ὑμᾶς δεῖν πείθειν, οἳ πεπεισμένοι κάθησθε, ἀλλὰ τὸν τὰ τοῦ πολέμου πράττοντα· ἂν γὰρ ἐκεῖνος πεισθῇ, τά γʼ ἀφʼ ὑμῶν ὑπάρχει·

[¶13] 54. For if Philip can be won over, your share of the compact is ready to hand. Again, they should reflect that the irksome thing is not the expense of securing our safety, but the doom that will be ours if we shrink from that expense. As for the “plunder of your wealth,” they ought to prevent that by proposing some way of checking it and not by abandoning your interests.

> Greek: 54. νομίζειν δʼ εἶναι χαλεπὰ οὐχ ὅσʼ ἂν εἰς σωτηρίαν δαπανῶμεν, ἀλλʼ ἃ πεισόμεθα, ἂν ταῦτα μὴ ʼθέλωμεν ποιεῖν· καὶ τὸ διαρπασθήσεται τὰ χρήματα τῷ φυλακὴν εἰπεῖν διʼ ἧς σωθήσεται κωλύειν, οὐχὶ τῷ τοῦ συμφέροντος ἀφεστάναι.

[¶14] 55. And yet, men of Athens, it is just this that rouses my indignation, that some of you should be distressed at the prospect of the plunder of your wealth, when you are quite competent to protect it and to punish any offender, but that you are not distressed at the sight of Philip thus plundering every Greek state in turn, the more so as he is plundering them to injure you.

> Greek: 55. καίτοι ἔγωγʼ ἀγανακτῶ καὶ αὐτὸ τοῦτʼ, ὦ ἄνδρες Ἀθηναῖοι, εἰ τὰ μὲν χρήματα λυπεῖ τινὰς ὑμῶν εἰ διαρπασθήσεται, ἃ καὶ φυλάττειν καὶ κολάζειν τοὺς ἀδικοῦντας ἐφʼ ὑμῖν ἐστι, τὴν δʼ Ἑλλάδα πᾶσαν οὑτωσὶ Φίλιππος ἐφεξῆς ἁρπάζων οὐ λυπεῖ, καὶ ταῦτʼ ἐφʼ ὑμᾶς ἁρπάζων.

[¶15] 56. What then is the reason, men of Athens, why these speakers never admit that Philip is provoking war, when he is thus openly conducting campaigns, violating rights, and subduing cities, but when others urge you not to give way to Philip nor submit to these losses, they accuse them of trying to provoke war? I will explain.

> Greek: 56. τί ποτʼ οὖν ἐστι τὸ αἴτιον, ὦ ἄνδρες Ἀθηναῖοι, τὸ τὸν μὲν οὕτω φανερῶς στρατεύοντα, ἀδικοῦντα, πόλεις καταλαμβάνοντα, μηδένα τούτων πώποτʼ εἰπεῖν ὡς πόλεμον ποιεῖ, τοὺς δὲ μὴ ἐπιτρέπειν μηδὲ προΐεσθαι ταῦτα συμβουλεύοντας, τούτους τὸν πόλεμον ποιήσειν αἰτιᾶσθαι;

[¶16] 57. It is because they want the natural anger that you would feel at any sufferings in the war to be diverted against your wisest counsellors, so that you may bring them to trial instead of punishing Philip, and that they may themselves be the accusers instead of paying the penalty for their present wrong-doings. That is the meaning of their suggestion that there is a party among you that desires war, and that that is the question you now have to decide.

> Greek: 57. ἐγὼ διδάξω· ὅτι τὴν ὀργὴν ἣν εἰκός ἐστι γενέσθαι παρʼ ὑμῶν, ἄν τι λυπῆσθε τῷ πολέμῳ, εἰς τοὺς ὑπὲρ ὑμῶν λέγοντας τὰ βέλτιστα τρέψαι βούλονται, ἵνα τούτους κρίνητε, μὴ Φίλιππον ἀμύνησθε, καὶ κατηγορῶσιν αὐτοί, μὴ δίκην δῶσιν ὧν ποιοῦσι νῦν. τοῦτʼ αὐτοῖς δύναται τὸ λέγειν ὡς ἄρα βούλονται πόλεμόν τινες ποιῆσαι παρʼ ὑμῖν, καὶ περὶ τούτου ἡ διαδικασία αὕτη ἐστίν.

[¶17] 58. But I am absolutely certain that, without waiting for any Athenian to propose a declaration of war, Philip is in possession of much of our territory and has just dispatched a force against Cardia. If, however, we like to pretend that he is not at war with us, he would be the greatest fool alive if he tried to disprove that.

> Greek: 58. ἐγὼ δʼ οἶδʼ ἀκριβῶς ὅτι οὐ γράψαντος Ἀθηναίων οὐδενός πω πόλεμον, καὶ ἄλλα πολλὰ Φίλιππος ἔχει τῶν τῆς πόλεως καὶ νῦν εἰς Καρδίαν πέπομφε βοήθειαν. εἰ μέντοι βουλόμεθʼ ἡμεῖς μὴ προσποιεῖσθαι πολεμεῖν αὐτὸν ἡμῖν, ἀνοητότατος πάντων ἂν εἴη τῶν ὄντων ἀνθρώπων, εἰ τοῦτʼ ἐξελέγχοι.

[¶18] 59. But when our turn comes, what shall we say then? For of course he will deny that he is attacking us, just as he denied that he was attacking the men of Oreus, when his troops were already in their territory, or the Pheraeans before that, when he was actually assaulting their walls, or the Olynthians at the start, until he was inside their frontiers with his army. Or shall we say, even at that hour, that those who bid us repel him are provoking war? If so, there is nothing left but slavery; for there is no alternative between that and being allowed neither to defend ourselves nor to remain at peace.

> Greek: 59. ἀλλʼ ἐπειδὰν ἐπʼ αὐτοὺς ἡμᾶς ἴῃ, τί φήσομεν; ἐκεῖνος μὲν γὰρ οὐ πολεμεῖν, ὥσπερ οὐδʼ Ὠρείταις, τῶν στρατιωτῶν ὄντων ἐν τῇ χώρᾳ, οὐδὲ Φεραίοις πρότερον, πρὸς τὰ τείχη προσβάλλων αὐτῶν, οὐδʼ Ὀλυνθίοις ἐξ ἀρχῆς, ἕως ἐν αὐτῇ τῇ χώρᾳ τὸ στράτευμα παρῆν ἔχων. ἢ καὶ τότε τοὺς ἀμύνεσθαι κελεύοντας πόλεμον ποιεῖν φήσομεν; οὐκοῦν ὑπόλοιπον δουλεύειν· οὐ γὰρ ἄλλο γʼ οὐδέν ἐστι μεταξὺ τοῦ μήτʼ ἀμύνεσθαι μήτʼ ἄγειν ἡσυχίαν ἐᾶσθαι.

[¶19] 60. Moreover, you have not the same interests at stake as the other cities, for it is not our subjection that Philip aims at, but our annihilation. He is well assured that you will not consent to be slaves; or if you consent, will never learn how to be slaves, for you are accustomed to rule others; but that you will be able, if you seize your opportunity, to cause him more trouble than all the rest of the world.

> Greek: 60. καὶ μὴν οὐχ ὑπὲρ τῶν ἴσων ὑμῖν καὶ τοῖς ἄλλοις ἔσθʼ ὁ κίνδυνος· οὐ γὰρ ὑφʼ αὑτῷ τὴν πόλιν ποιήσασθαι βούλεται Φίλιππος, ἀλλʼ ὅλως ἀνελεῖν. οἶδεν γὰρ ἀκριβῶς ὅτι δουλεύειν μὲν ὑμεῖς οὔτʼ ἐθελήσετε, οὔτʼ, ἂν ἐθελήσητε, ἐπιστήσεσθε (ἄρχειν γὰρ εἰώθατε), πράγματα δʼ αὐτῷ παρασχεῖν, ἂν καιρὸν λάβητε, πλείω τῶν ἄλλων ἀνθρώπων ἁπάντων δυνήσεσθε.

[¶20] 61. Therefore you must needs bear in mind that this is a life-and-death struggle, and the men who have sold themselves to Philip must be abhorred and cudgelled to death, for it is impossible to quell the foes without, until you have punished those within your gates [who are Philip’s servants; but if you are tripped by these stumbling-blocks, you are sure to be baulked of the others].

> Greek: 61. ὡς οὖν ὑπὲρ τῶν ἐσχάτων ὄντος τοῦ ἀγῶνος, οὕτω προσήκει γιγνώσκειν, καὶ τοὺς πεπρακότας αὑτοὺς ἐκείνῳ μισεῖν κἀποτυμπανίσαι· οὐ γὰρ ἔστιν, οὐκ ἔστι τῶν ἔξω τῆς πόλεως ἐχθρῶν κρατῆσαι, πρὶν ἂν τοὺς ἐν αὐτῇ τῇ πόλει κολάσητʼ ἐχθρούς.

[¶21] 62. What do you imagine is his motive in outraging you now—I think no other term describes his conduct—or why is it that, in deceiving the others, he at least confers benefits upon them, but in your case he is already resorting to threats? For example, the Thessalians were beguiled by his generosity into their present state of servitude; no words can describe how he formerly deceived the miserable Olynthians by his gift of Potidaea and many other places;

> Greek: 62. πόθεν οἴεσθε νῦν αὐτὸν ὑβρίζειν ὑμᾶς (οὐδὲν γὰρ ἄλλʼ ἔμοιγε δοκεῖ ποιεῖν ἢ τοῦτο) καὶ τοὺς μὲν ἄλλους εὖ ποιοῦντα, εἰ μηδὲν ἄλλο, ἐξαπατᾶν, ὑμῖν δʼ ἀπειλεῖν ἤδη; οἷον Θετταλοὺς πολλὰ δοὺς ὑπηγάγετʼ εἰς τὴν νῦν παροῦσαν δουλείαν· οὐδʼ ἂν εἰπεῖν δύναιτʼ οὐδεὶς ὅσα τοὺς ταλαιπώρους Ὀλυνθίους πρότερον δοὺς Ποτείδαιαν ἐξηπάτησε καὶ πόλλʼ ἕτερα·

[¶22] 63. the Thebans he is now misleading, having handed over Boeotia to them and relieved them of a long and trying war. So each of these states has reaped some benefit from him; some of them have already paid the penalty, as all men know; the rest will pay it whenever the day of reckoning comes. As for you, I say nothing of your losses in war, but in the very act of accepting the peace, how completely you were deceived, how grievously you were robbed!

> Greek: 63. Θηβαίους νῦν ὑπάγει τὴν Βοιωτίαν αὐτοῖς παραδοὺς καὶ ἀπαλλάξας πολέμου πολλοῦ καὶ χαλεποῦ· ὥστε καρπωσάμενοί τινʼ ἕκαστοι τούτων πλεονεξίαν οἱ μὲν ἤδη πεπόνθασιν ἃ δὴ πάντες ἴσασιν, οἱ δʼ ὅταν ποτὲ συμβῇ πείσονται. ὑμεῖς δʼ ὧν μὲν ἀπεστέρησθε, σιωπῶ· ἀλλʼ ἐν αὐτῷ τῷ τὴν εἰρήνην ποιήσασθαι, πόσʼ ἐξηπάτησθε, πόσων ἀπεστέρησθε.

[¶23] 64. Were you not deceived about Phocis, Thermopylae, the Thraceward districts, Doriscus, Serrium, Cersobleptes himself? Is not Philip now holding the city of the Cardians, and admitting that he holds it? Why then does he deal thus with the other Greeks, but not with you in the same way? Because ours is the one city in the world where immunity is granted to plead on behalf of our enemies, and where a man who has been bribed can safely address you in person, even when you have been robbed of your own.

> Greek: 64. οὐχὶ Φωκέας, οὐ Πύλας, οὐχὶ τἀπὶ Θρᾴκης, Δορίσκον, Σέρριον, τὸν Κερσοβλέπτην αὐτόν; οὐ νῦν τὴν πόλιν τὴν Καρδιανῶν ἔχει καὶ ὁμολογεῖ; τί ποτʼ οὖν ἐκείνως τοῖς ἄλλοις καὶ οὐ τὸν αὐτὸν τρόπον ὑμῖν προσφέρεται; ὅτι ἐν μόνῃ τῶν πασῶν πόλεων τῇ ὑμετέρᾳ ἄδειʼ ὑπὲρ τῶν ἐχθρῶν λέγειν δέδοται, καὶ λαβόντα χρήματʼ αὐτὸν ἀσφαλές ἐστι λέγειν παρʼ ὑμῖν, κἂν ἀφῃρημένοι τὰ ὑμέτερʼ αὐτῶν ἦτε. οὐκ ἦν ἀσφαλὲς λέγειν ἐν Ὀλύνθῳ τὰ Φιλίππου μὴ σὺν εὖ πεπονθότων τῶν πολλῶν Ὀλυνθίων τῷ Ποτείδαιαν καρποῦσθαι·

[¶24] 65. It would not have been safe in Olynthus to plead Philip’s cause, unless the Olynthian democracy had shared in the enjoyment of the revenues of Potidaea. It would not have been safe in Thessaly to plead Philip’s cause, if the commoners of Thessaly had not shared in the advantages that Philip conferred when he expelled their tyrants and restored to them their Amphictyonic privileges. It would not have been safe at Thebes, until he gave them back Boeotia and wiped out the Phocians.

> Greek: 65. οὐκ ἦν ἀσφαλὲς λέγειν ἐν Θετταλίᾳ τὰ Φιλίππου μὴ σὺν εὖ πεπονθότος τοῦ πλήθους τοῦ Θετταλῶν τῷ τοὺς τυράννους ἐκβαλεῖν Φίλιππον αὐτοῖς καὶ τὴν Πυλαίαν ἀποδοῦναι· οὐκ ἦν ἐν Θήβαις ἀσφαλές, πρὶν τὴν Βοιωτίαν ἀπέδωκε καὶ τοὺς Φωκέας ἀνεῖλεν.

[¶25] 66. But at Athens, though Philip has not only robbed you of Amphipolis and the Cardian territory, but is also turning Euboea into a fortress to overawe you, and is even now on his way to attack Byzantium, it is safe to speak on Philip’s behalf. Indeed, of these politicians, some who were beggars are suddenly growing rich, some unknown to name and fame are now men of honor and distinction; while you, on the contrary, have passed from honor to dishonor, from affluence to destitution. For a city’s wealth I hold to be allies, credit, goodwill, and of all these you are destitute.

> Greek: 66. ἀλλʼ Ἀθήνησιν, οὐ μόνον Ἀμφίπολιν καὶ τὴν Καρδιανῶν χώραν ἀπεστερηκότος Φιλίππου, ἀλλὰ καὶ κατασκευάζοντος ὑμῖν ἐπιτείχισμα τὴν Εὔβοιαν καὶ νῦν ἐπὶ Βυζάντιον παριόντος, ἀσφαλές ἐστι λέγειν ὑπὲρ Φιλίππου. καὶ γάρ τοι τούτων μὲν ἐκ πτωχῶν ἔνιοι ταχὺ πλούσιοι γίγνονται, καὶ ἐξ ἀνωνύμων καὶ ἀδόξων ἔνδοξοι καὶ γνώριμοι, ὑμεῖς δὲ τοὐναντίον ἐκ μὲν ἐνδόξων ἄδοξοι, ἐκ δʼ εὐπόρων ἄποροι· πόλεως γὰρ ἔγωγε πλοῦτον ἡγοῦμαι συμμάχους, πίστιν, εὔνοιαν, ὧν πάντων ἔσθʼ ὑμεῖς ἄποροι.

[¶26] 67. Because you are indifferent to these advantages and allow them to be taken from you, Philip is prosperous and powerful and formidable to Greeks and barbarians alike, while you are deserted and humiliated, famous for your well-stocked markets, but in provision for your proper needs, contemptible. Yet I observe that some of our speakers do not urge the same policy for you as for themselves; for you, they say, ought to remain quiet even when you are wronged; they themselves cannot remain quiet among you, though no man does them wrong.

> Greek: 67. ἐκ δὲ τοῦ τούτων ὀλιγώρως ἔχειν καὶ ἐᾶν ταῦτα φέρεσθαι ὁ μὲν εὐδαίμων καὶ μέγας καὶ φοβερὸς πᾶσιν Ἕλλησι καὶ βαρβάροις, ὑμεῖς δʼ ἔρημοι καὶ ταπεινοί, τῇ τῶν ὠνίων ἀφθονίᾳ λαμπροί, τῇ δʼ ὧν προσῆκε παρασκευῇ καταγέλαστοι. οὐ τὸν αὐτὸν δὲ τρόπον περί θʼ ὑμῶν καὶ περὶ αὑτῶν ἐνίους τῶν λεγόντων ὁρῶ βουλευομένους· ὑμᾶς μὲν γὰρ ἡσυχίαν ἄγειν φασὶ δεῖν, κἄν τις ὑμᾶς ἀδικῇ, αὐτοὶ δʼ οὐ δύνανται παρʼ ὑμῖν ἡσυχίαν ἄγειν οὐδενὸς αὐτοὺς ἀδικοῦντος.

[¶27] 68. Then some irresponsible person comes forward and says, “Of course, you decline to make a definite proposal or to run any such risk. You are a coward and a milksop.” I am not foolhardy, impudent, and shameless, and I pray that I may never be; nevertheless I think myself more truly brave than many of your neck-or-nothing politicians.

> Greek: 68. εἶτα φησὶν ὃς ἂν τύχῃ παρελθών οὐ γὰρ ἐθέλεις γράφειν, οὐδὲ κινδυνεύειν, ἀλλʼ ἄτολμος εἶ καὶ μαλακός. ἐγὼ δὲ θρασὺς μὲν καὶ βδελυρὸς καὶ ἀναιδὴς οὔτʼ εἰμὶ μήτε γενοίμην, ἀνδρειότερον μέντοι πολλῶν πάνυ τῶν ἰταμῶς πολιτευομένων παρʼ ὑμῖν ἐμαυτὸν ἡγοῦμαι.

[¶28] 69. For if anyone, Athenians, disregarding what will benefit the State, traffics in trials, confiscations, bribes, and indictments, he shows in this no true bravery, but, ensuring his own safety by the popularity of his speeches and measures, he is bold without risk. But whoever in your best interests often opposes your wishes, and never speaks to win favor, but always gives you of his best, and makes choice of that policy which is more under the dominion of chance than of calculation, and yet accepts the responsibility of either, he is the brave man.

> Greek: 69. ὅστις μὲν γάρ, ὦ ἄνδρες Ἀθηναῖοι, παριδὼν ἃ συνοίσει τῇ πόλει, κρίνει, δημεύει, δίδωσι, κατηγορεῖ, οὐδεμιᾷ ταῦτʼ ἀνδρείᾳ ποιεῖ, ἀλλʼ ἔχων ἐνέχυρον τῆς αὑτοῦ σωτηρίας τὸ πρὸς χάριν ὑμῖν λέγειν καὶ πολιτεύεσθαι, ἀσφαλῶς θρασύς ἐστιν· ὅστις δʼ ὑπὲρ τοῦ βελτίστου πολλὰ τοῖς ὑμετέροις ἐναντιοῦται βουλήμασι, καὶ μηδὲν λέγει πρὸς χάριν ἀλλὰ τὸ βέλτιστον ἀεί, καὶ τὴν τοιαύτην πολιτείαν προαιρεῖται ἐν ᾗ πλειόνων ἡ τύχη κυρία γίγνεται ἢ οἱ λογισμοί, τούτων δʼ ἀμφοτέρων ἑαυτὸν ὑπεύθυνον ὑμῖν παρέχει, οὗτός ἐστʼ ἀνδρεῖος, καὶ χρήσιμός γε πολίτης ὁ τοιοῦτός ἐστιν, οὐχ οἱ τῆς παρʼ ἡμέραν χάριτος τὰ μέγιστα τῆς πόλεως ἀπολωλεκότες, οὓς ἐγὼ τοσούτου δέω ζηλοῦν ἢ νομίζειν ἀξίους πολίτας τῆς πόλεως εἶναι, ὥστʼ εἴ τις ἔροιτό με, εἰπέ μοι, σὺ δὲ δὴ τί τὴν πόλιν ἡμῖν ἀγαθὸν πεποίηκας;

[¶29] 70. Yes, and it is he who is the useful citizen, not those who for a moment’s popularity have made havoc of the chief resources of the State. These men I am so far from envying or deeming them worthy citizens of our city, that if a man should say to me, “Speak for yourself, and tell us what good you have ever done the State,” though I might speak, men of Athens, of the equipment of war-galleys and of choruses, of money contributions and of the ransom of captives, and of other instances of liberality, I would say not a word of them, but only reply that my policy has never been the policy of these men; that though I could, perhaps as well as the rest, accuse and bribe and confiscate and act in general as they are acting, I have never applied myself to any of these arts nor obeyed the promptings of greed or ambition, but continue to offer advice which does indeed lower me in your esteem, but which, if you will follow it, would contribute to your greatness.

> Greek: 70. ἔχων, ὦ ἄνδρες Ἀθηναῖοι, καὶ τριηραρχίας εἰπεῖν καὶ χορηγίας καὶ χρημάτων εἰσφορὰς καὶ λύσεις αἰχμαλώτων καὶ τοιαύτας ἄλλας φιλανθρωπίας, οὐδὲν ἂν τούτων εἴποιμι, ἀλλʼ ὅτι τῶν τοιούτων πολιτευμάτων οὐδὲν πολιτεύομαι, ἀλλὰ δυνάμενος ἂν ἴσως, ὥσπερ καὶ ἕτεροι, καὶ κατηγορεῖν καὶ χαρίζεσθαι καὶ δημεύειν καὶ τἄλλʼ ἃ ποιοῦσιν οὗτοι ποιεῖν, οὐδʼ ἐφʼ ἓν τούτων πώποτʼ ἐμαυτὸν ἔταξα, οὐδὲ προήχθην οὔθʼ ὑπὸ κέρδους οὔθʼ ὑπὸ φιλοτιμίας, ἀλλὰ διαμένω λέγων ἐξ ὧν ἐγὼ μὲν πολλῶν ἐλάττων εἰμὶ παρʼ ὑμῖν, ὑμεῖς δʼ, εἰ πείσεσθέ μοι, μείζους ἂν εἴητε·

[¶30] 71. So much perhaps I may say of myself without offence.

> Greek: 71. οὕτω γὰρ ἴσως ἀνεπίφθονον εἰπεῖν.

[¶31] 72. Nor indeed does it seem to me the part of an honest citizen to devise political measures by which I shall at once take the highest place among you, but you the lowest among the nations. No, the advancement of the State must always go along with the measures proposed by good citizens, and they must always support the best and not the easiest policy; for towards the latter nature herself will lead the way, but to instruct you by speech and guide you to the former is the duty of the good citizen.

> Greek: 72. οὐδʼ ἔμοιγε δοκεῖ δικαίου τοῦτʼ εἶναι πολίτου, τοιαῦτα πολιτεύμαθʼ εὑρίσκειν ἐξ ὧν ἐγὼ μὲν πρῶτος ὑμῶν ἔσομαι εὐθέως, ὑμεῖς δὲ τῶν ἄλλων ὕστατοι· ἀλλὰ συναυξάνεσθαι δεῖ τὴν πόλιν τοῖς τῶν ἀγαθῶν πολιτῶν πολιτεύμασι, καὶ τὸ βέλτιστον ἀεί, μὴ τὸ ῥᾷστον ἅπαντας λέγειν· ἐπʼ ἐκεῖνο μὲν γὰρ ἡ φύσις αὐτὴ βαδιεῖται, ἐπὶ τοῦτο δὲ τῷ λόγῳ δεῖ προάγεσθαι διδάσκοντα τὸν ἀγαθὸν πολίτην.

[¶32] 73. Now I have even heard some such remark as this: that I, of course, always speak for the best, but that you get nothing from me except words, while what the city wants is deeds and a practical policy of some sort. I will myself explain how I stand in this matter, and I will be perfectly candid. I do not think that your adviser has any business except to give the best counsel he can, and I think I can easily prove that this is so.

> Greek: 73. ἤδη τοίνυν τινὸς ἤκουσα τοιοῦτόν τι λέγοντος, ὡς ἄρʼ ἐγὼ λέγω μὲν ἀεὶ τὰ βέλτιστα, ἔστιν δʼ οὐδὲν ἀλλʼ ἢ λόγοι τὰ παρʼ ἐμοῦ, δεῖ δʼ ἔργων τῇ πόλει καὶ πράξεώς τινος. ἐγὼ δʼ ὡς ἔχω περὶ τούτων, λέξω πρὸς ὑμᾶς καὶ οὐκ ἀποκρύψομαι. οὐδʼ εἶναι νομίζω τοῦ συμβουλεύοντος ὑμῖν ἔργον οὐδὲν πλὴν εἰπεῖν τὰ βέλτιστα. καὶ τοῦθʼ ὅτι τοῦτον ἔχει τὸν τρόπον ῥᾳδίως οἶμαι δείξειν.

[¶33] 74. For you know, of course, that the famous Timotheus once harangued you to the effect that you ought to send an expedition to save the Euboeans, when the Thebans were trying to enslave them, and his words ran something like this: “Tell me,” he said, “when you have got the Thebans in the island, are you deliberating how you will deal with them and what you ought to do? Will you not cover the sea with your war-galleys, men of Athens? Will you not rise up at once and march down to the Piraeus and drag them down the slips?”

> Greek: 74. ἴστε γὰρ δήπου τοῦθʼ ὅτι Τιμόθεός ποτʼ ἐκεῖνος ἐν ὑμῖν ἐδημηγόρησεν ὡς δεῖ βοηθεῖν καὶ τοὺς Εὐβοέας σῴζειν, ὅτε Θηβαῖοι κατεδουλοῦντʼ αὐτούς, καὶ λέγων εἶπεν οὕτω πως· εἰπέ μοι, βουλεύεσθε, ἔφη, Θηβαίους ἔχοντες ἐν νήσῳ, τί χρήσεσθε καὶ τί δεῖ ποιεῖν; οὐκ ἐμπλήσετε τὴν θάλατταν, ὦ ἄνδρες Ἀθηναῖοι, τριήρων; οὐκ ἀναστάντες ἤδη πορεύσεσθʼ εἰς τὸν Πειραιᾶ;

[¶34] 75. That, then, was what Timotheus said, and that was what you did, and the union of the two brought about the practical result. But if Timotheus had given you the best advice he could (as indeed he did), but you had shirked your duty and paid no heed to him, would the State have reaped any of the effects that then followed? Not a bit of it. So the same applies to whatever I utter now and whatever this man or that utters. For deeds you must look to yourselves, but for advice, the best that skill in speech can command, look to the speaker who rises to address you.

> Greek: 75. οὐ καθέλξετε τὰς ναῦς; οὐκοῦν εἶπε μὲν ταῦθʼ ὁ Τιμόθεος, ἐποιήσατε δʼ ὑμεῖς· ἐκ δὲ τούτων ἀμφοτέρων τὸ πρᾶγμʼ ἐπράχθη. εἰ δʼ ὁ μὲν εἶπεν ὡς οἷόν τε [τὰ] ἄριστα, ὥσπερ εἶπεν, ὑμεῖς δʼ ἀπερρᾳθυμήσατε καὶ μηδὲν ὑπηκούσατε, ἆρʼ ἂν ἦν γεγονός τι τῶν τότε συμβάντων τῇ πόλει; οὐχ οἷόν τε. οὕτω τοίνυν καὶ περὶ ὧν ἂν ἐγὼ λέγω καὶ περὶ ὧν ἂν ὁ δεῖνʼ εἴπῃ, τὰ μὲν ἔργα παρʼ ὑμῶν αὐτῶν ζητεῖτε, τὰ δὲ βέλτιστα ἐπιστήμῃ λέγειν παρὰ τοῦ παριόντος.

[¶35] 76. Let me sum up before I leave the platform. I say that we must pay our contributions and keep together the force now in the field, rectifying whatever seems to be amiss, but not disbanding the whole for any adverse criticism. We must send ambassadors in every direction to instruct, to exhort, to act. While doing all this, we must also punish those politicians who take bribes, and we must hate them wherever found, in order that those who prove their own virtue and honesty may find that their advice has been beneficial to themselves as well as to the citizens at large.

> Greek: 76. ἐν κεφαλαίῳ δʼ ἃ λέγω φράσας καταβῆναι βούλομαι. χρήματʼ εἰσφέρειν φημὶ δεῖν· τὴν ὑπάρχουσαν δύναμιν συνέχειν, ἐπανορθοῦντας εἴ τι δοκεῖ μὴ καλῶς ἔχειν, μὴ ὅσοις ἄν τις αἰτιάσηται τὸ ὅλον καταλύοντας· πρέσβεις ἐκπέμπειν πανταχοῖ τοὺς διδάξοντας, νουθετήσοντας, πράξοντας· παρὰ πάντα ταῦτα τοὺς ἐπὶ τοῖς πράγμασι δωροδοκοῦντας κολάζειν καὶ μισεῖν πανταχοῦ, ἵνʼ οἱ μέτριοι καὶ δικαίους αὑτοὺς παρέχοντες εὖ βεβουλεῦσθαι δοκῶσι καὶ τοῖς ἄλλοις καὶ ἑαυτοῖς.

[¶36] 77. If you deal thus with public affairs and cease to neglect them entirely, perhaps, yes, perhaps even now there may be a change for the better. If, however, you sit here, confining your zeal to cries of dissent or approval, and drawing back from every call to duty, I see not that any words, divorced from the necessary action on your part, can ever save the State.

> Greek: 77. ἂν οὕτω τοῖς πράγμασι χρῆσθε καὶ παύσησθʼ ὀλιγωροῦντες ἁπάντων, ἴσως ἄν, ἴσως καὶ νῦν ἔτι βελτίω γένοιτο. εἰ μέντοι καθεδεῖσθε, ἄχρι τοῦ θορυβῆσαι καὶ ἐπαινέσαι σπουδάζοντες, ἐὰν δὲ δέῃ τι ποιεῖν ἀναδυόμενοι, οὐχ ὁρῶ λόγον ὅστις ἄνευ τοῦ ποιεῖν ὑμᾶς ἃ προσήκει δυνήσεται τὴν πόλιν σῶσαι.