1.1. Pythion, who lived by the temple of Earth, was seized with trembling which began in the hands. First day. Acute fever; wandering. Second day. General exacerbation. Third day. Same symptoms. Fourth day. Stools scanty, uncompounded and bilious. Fifth day. General exacerbation; fitful sleep; constipation. Sixth day. Varied, reddish sputa. Seventh day. Mouth drawn awry. Eighth day. General exacerbation; tremblings persisted; urine from the beginning to the eighth day thin, colourless, with a cloudy substance floating in it. Tenth day. Sweat; sputa somewhat concocted; crisis; urine somewhat thin about the time of the crisis. After the crisis, forty days subsequent to it, abscess in the seat, and an abscession through strangury.
1.1. α′.Πυθίωνι, ὃς ᾤκει παρὰ Γῆς ἱρόν, ἤρξατο τρόμος ἀπὸ χειρῶν· τῇ πρώτῃ πυρετὸς ὀξύς· λῆρος. δευτέρῃ πάντα παρωξύνθη. τρίτῃ τὰ αὐτά. τετάρτῃ ἀπὸ κοιλίης ὀλίγα, ἄκρητα, χολώδεα διῆλθε. πέμπτῃ πάντα παρωξύνθη· ὕπνοι λεπτοί· κοιλίη ἔστη. ἕκτῃ πτύαλα ποικίλα, ὑπέρυθρα. ἑβδόμῃ στόμα παρειρύσθη. ὀγδόῃ πάντα παρωξύνθη, τρόμοι παρέμενον· οὖρα δὲ κατʼ ἀρχὰς μὲν καὶ μέχρι τῆς ὀγδόης λεπτά, ἄχρω· ἐναιώρημα εἶχον ἐπινέφελον. δεκάτῃ ἵδρωσε, πτύαλα ὑποπέπονα, ἐκρίθη· οὖρα ὑπόλεπτα περὶ κρίσιν. μετὰ δὲ κρίσιν, τεσσαράκοντα ἡμέρῃσιν ὕστερον, ἐμπύημα περὶ ἕδρην, καὶ στραγγουριώδης ἐγένετο ἀπόστασις.
1.2. Hermocrates, who lay sick by the new wall, was seized with fever. He began to feel pain in the head and loins; tension of the hypochondrium without swelling; tongue at the beginning parched; deafness at once; no sleep; no great thirst; urine thick, red, with no sediment on standing; stools not scanty, and burnt. Fifth day. Urine thin, with particles floating in it, without sediment; at night delirium. Sixth day. Jaundice; general exacerbation; not rational. Seventh day. Discomfort; urine thin, and as before. The following days similar. About the eleventh day there seemed to be general relief; coma began; urine thicker, reddish, thin at the bottom, without sediment; by degrees grew more rational. Fourteenth day. No fever; no sweat; sleep; reason quite recovered; urine as before. About the seventeenth day there was a relapse, and the patient grew hot. On the following days there was acute fever; urine thin; delirium. Twentieth day. A fresh crisis; no fever; no sweat. All the time the patient had no appetite; was perfectly collected but could not talk; tongue dry; no thirst; snatches of sleep; coma. About the twenty-fourth day he grew hot; bowels loose with copious, thin discharges. On the following days acute fever; tongue parched. Twenty-seventh day. Death. In this case deafness persisted throughout; urine thick, red, without settling, or thin, colourless, with substances floating in it. The patient had no power to take food.
1.2. β′.Ἑρμοκράτην, ὃς κατέκειτο παρὰ τὸ καινὸν τεῖχος, πῦρ ἔλαβεν. ἤρξατο δὲ ἀλγεῖν κεφαλήν, ὀσφῦν· ὑποχονδρίου ἔντασις λαπαρῶς· γλῶσσα δὲ ἀρχομενῳ ἐπεκαύθη· κώφωσις αὐτίκα· ὕπνοι οὐκ ἐνῆσαν· διψώδης οὐ λίην· οὖρα παχέα, ἐρυθρά, κείμενα οὐ καθίστατο· ἀπὸ δὲ κοιλίης οὐκ ὀλίγα συγκεκαυμένα διῄει. πέμπτῃ οὔρησε λεπτά, εἶχεν ἐναιώρημα, οὐχ ἵδρυτο, ἐς νύκτα παρέκρουσεν. ἕκτῃ ἰκτεριώδης, πάντα παρωξύνθη, οὐ κατενόει. ἑβδόμῃ δυσφόρως, οὖρα λεπτά, ὅμοια. τὰς ἑπομένας παραπλησίως. περὶ δὲ ἑνδεκάτην ἐόντι πάντα ἔδοξε κουφισθῆναι· κῶμα ἤρξατο, οὔρει παχύτερα, ὑπέρυθρα, κάτω λεπτά· οὐ καθίστατο· ἡσυχῇ κατενόει. τεσσαρεσκαιδεκάτῃ ἄπυρος, οὐχ ἵδρωσεν, ἐκοιμήθη, κατενόει πάντα, οὖρα παρα πλήσια. περὶ δὲ ἑπτακαιδεκάτην ἐόντι ὑπέστρεψεν, ἐθερμάνθη. τὰς ἑπομένας πυρετὸς ὀξύς, οὖρα λεπτά, παρέκρουσεν. πάλιν δὲ εἰκοστῇ ἐκρίθη, ἄπυρος, οὐχ ἵδρωσεν. ἀπόσιτος παρὰ πάντα τὸν χρόνον, κατενόει πάντα, διαλέγεσθαι οὐκ ἠδύνατο, γλῶσσα ἐπίξηρος, οὐκ ἐδίψη· κατεκοιμᾶτο σμικρά, κωματώδης. περὶ δὲ εἰκοστὴν καὶ τετάρτην ἐπεθερμάνθη, κοιλίη ὑγρὴ πολλοῖσι λεπτοῖσι. καὶ τὰς ἑπομένας πυρετὸς ὀξύς, γλῶσσα συνεκαύθη. ἑβδόμῃ καὶ εἰκοστῇ ἀπέθανε. τούτῳ κώφωσις διὰ τέλεος παρέμενεν, οὖρα παχέα καὶ ἐρυθρά, οὐ καθιστάμενα, ἢ λεπτὰ καὶ ἄχρω καὶ ἐναιώρημα ἔχοντα· γεύεσθαι δὲ οὐκ ἠδύνατο.
1.3. The man lying sick in the garden of Delearces had for a long time heaviness in the head and pain in the right temple. From some exciting cause he was seized with fever, and took to his bed. Second day. Slight flow of unmixed blood from the left nostril. The bowels were well moved; urine thin and varied, with particles in small groups, like barley-meal or semen, floating in it. Third day. Acute fever; stools black, thin, frothy, with a livid sediment in them; slight stupor; getting up caused distress; in the urine a livid, rather viscous sediment. Fourth day. Vomited scanty, bilious, yellow vomits, and after a short interval, verdigris-coloured ones; slight flow of unmixed blood from the left nostril; stools unaltered and urine unaltered; sweat about the head and collar-bones; spleen enlarged; pain in the direction of the thigh; tension, soft under-neath, of the right hypochondrium; no sleep at night; slight delirium. Fifth day. Stools more copious, black, frothy; a black sediment in the stools; no sleep at night; delirium. Sixth day. Stools black, oily, viscid, foul-smelling; slept; was more rational. Seventh day. Tongue dry; thirsty; no sleep; delirium; urine thin, not of a good colour. Eighth day. Stools black, scanty, compact; sleep; was collected; not very thirsty. Ninth day. Rigor, acute fever; sweat; chill; delirium; squinting of the right eye; tongue dry; thirsty; sleepless. Tenth day. Symptoms about the same. Eleventh day. Quite rational; no fever; slept, urine thin about the time of the crisis. The patient remained free from fever for two days, relapsed on the fourteenth day, and immediately had no sleep at night and was completely delirious. Fifteenth day. Urine muddy, like that which has been stirred up after settling; acute fever; completely delirious; no sleep; pain in knees and legs. On the application of a suppository, black, solid motions were passed. Sixteenth day. Urine thin, with a cloudy substance floating in it; delirium. Seventeenth day. Extremities cold in the early morning; would wrap himself up; acute fever; sweated all over; was relieved; more rational; some fever; thirst; vomited bilious matters, yellow and scanty; solid motions from the bowels; after a while they became black, scanty and thin; urine thin, and not of a good colour. Eighteenth day. Was not rational; comatose. Nineteenth day. The same symptoms. Twentieth day. Slept; completely rational; sweated; no fever; no thirst; urine thin. Twenty-first day. Slightly delirious; rather thirsty; pain in the hypochondrium and throbbing about the navel continuously. Twenty-fourth day. Sediment in urine; completely rational. Twenty-seventh day. Pain in the right hip, but in other respects very comfortable; sediment in the urine. About the twenty-ninth day pain in the right eye; urine thin. Fortieth day. Passed motions full of phlegm, white and rather frequent; copious sweat all over; a perfect crisis.
1.3. γ′.ὁ κατακείμενος ἐν τῷ Δελεάρκεος κήπῳ κεφαλῆς βάρος καὶ κρόταφον δεξιὸν ἐπώδυνον εἶχε χρόνον πολύν. μετὰ δὲ προφάσιος πῦρ ἔλαβε, κατεκλίθη. δευτέρῃ ἐξ ἀριστεροῦ ὀλίγον ἄκρητον ἐρρύη· ἀπὸ δὲ κοιλίης κόπρανα καλῶς διῆλθεν, οὖρα λεπτὰ ποικίλα, ἐναιωρήματα ἔχοντα κατὰ σμικρὰ οἷον κρίμνα, γονοειδέα. τρίτῃ πυρετὸς ὀξύς, διαχωρήματα μέλανα, λεπτά, ἔπαφρα, ὑπόστασις πελιδνὴ διαχωρήμασιν, ὑπεκαροῦτο, ἐδυσφόρει περὶ τὰς ἀναστάσιας, οὔροις ὑπόστασις πελιδνή, ὑπόγλισχρος. τετάρτῃ ἤμεσε χολώδεα ξανθὰ ὀλίγα, διαλιπὼν ὀλίγον ἰώδεα, ἐξ ἀριστεροῦ ὀλίγον ἄκρητον ἐρρύη, διαχωρήματα ὅμοια, οὖρα ὅμοια, ἐφίδρωσε περὶ κεφαλὴν καὶ κληῖδας, σπλὴν ἐπήρθη, μηροῦ ὀδύνη κατʼ ἴξιν, ὑποχονδρίου δεξιοῦ σύντασις ὑπολάπαρος, νυκτὸς οὐκ ἐκοιμήθη, παρέκρουσε σμικρά. πέμπτῃ δια χωρήματα πλείω, μέλανα, ἔπαφρα, ὑπόστασις μέλαινα διαχωρήμασι, νύκτα οὐχ ὕπνωσε, παρέκρουσεν. ἕκτῃ διαχωρήματα μέλανα, λιπαρά, γλίσχρα, δυσώδεα, ὕπνωσε, κατενόει μᾶλλον. ἑβδόμῃ γλῶσσα ἐπίξηρος, διψώδης, οὐκ ἐκοιμήθη, παρέκρουσεν, οὖρα λεπτά, οὐκ εὔχρω. ὀγδόῃ διαχωρήματα μέλανα ὀλίγα, συνεστηκότα, ὕπνωσε, κατενόει, διψώδης οὐ λίην. ἐνάτῃ ἐπερρίγωσε, πυρετὸς ὀξύς, ἵδρωσε, ψύξις, παρέκρουσε, δεξιῷ ἴλλαινε, γλῶσσα ἐπίξηρος, διψώδης, ἄγρυπνος. δεκάτῃ περὶ τὰ αὐτά. ἑνδεκάτῃ κατενόει πάντα, ἄπυρος, ὑπνωσεν, οὖρα λεπτὰ περὶ κρίσιν. δύο διέλιπεν ἄπυρος, ὑπέστρεψεν τεσσαρες καιδεκάτῃ, αὐτίκα δὲ νύκτα οὐκ ἐκοιμήθη, πάντα παρέκρουσεν. πεντεκαιδεκάτῃ οὖρον θολερόν, οἶον ἐκ τῶν καθεστηκότων γίνεται, ὅταν ἀναταραχθῇ, πυρετὸς ὀξύς, πάντα παρέκρουσεν, οὐκ ἐκοιμήθη, γούνατα καὶ κνήμας ἐπώδυνα εἶχεν· ἀπὸ δὲ κοιλίης βάλανον προσθεμένῳ μέλανα κόπρανα διῆλθεν. ἑξκαιδεκάτῃ οὖρα λεπτά, εἶχεν ἐναιώρημα ἐπινέφελον, παρέκρουσεν. ἑπτακαιδεκάτῃ πρωϊ ἄκρεα ψυχρά, περιεστέλλετο, πυρετὸς ὀξύς, ἵδρωσε διʼ ὅλου, ἐκουφίσθη, κατενόει μᾶλλον, οὐκ ἄπυρος, διψώδης, ἤμεσε χολώδεα, ξανθά, ὀλίγα, ἀπὸ δὲ κοιλίης κόπρανα διῆλθε, μετʼ ὀλίγον δὲ μέλανα, ὀλίγα, λεπτά· οὖρα λεπτά, οὐκ εὔχρω. ὀκτωκαιδεκάτῃ οὐ κατενόει, κωματώδης. ἐννεακαιδεκάτῃ διὰ τῶν αὐτῶν. εἰκοστῇ ὕπνωσε, κατενόει πάντα, ἵδρωσεν, ἄπυρος, οὐκ ἐδίψη, οὖρα δὲ λεπτά. εἰκοστῇ πρώτῃ σμικρὰ παρέκρουσεν, ὑπεδίψη, ὑπο χονδρίου πόνος καὶ περὶ ὀμφαλὸν παλμὸς διὰ τέλεος. εἰκοστῇ τετάρτῃ οὔροισιν ὑπόστασις, κατενόει πάντα. εἰκοστῇ ἑβδόμῃ ἰσχίου δεξιοῦ ὀδύνη, τὰ δʼ ἄλλα ἔσχεν ἐπιεικέστατα, οὔροισιν ὑπόστασις. περὶ δὲ εἰκοστὴν ἐνάτην ὀφθαλμοῦ δεξιοῦ ὀδύνη, οὖρα λεπτά. τεσσαρακοστῇ διεχώρησε φλεγματώδεα, λευκά, ὑπόσυχνα, ἵδρωσε πολλῷ διʼ ὅλου, τελέως ἐκρίθη.
1.4. Philistes in Thasos had for a long time pain in the head, and at last fell into a state of stupor and took to his bed. Heavy drinking having caused continuous fevers the pain grew worse. At night he grew hot at the first. First day. Vomited bilious matters, scanty, at first yellow, afterwards increasing and of the colour of verdigris; solid motions from the bowels; an uncomfortable night. Second day. Deafness; acute fever; tension of the right hypochondrium, which fell inwards. Urine thin, transparent, with a small quantity of substance, like semen, floating in it. About mid-day became raving. Third day. Uncomfortable. Fourth day. Convulsions; exacerbation. Fifth day. Died early in the morning.
1.4. δ′.ἐν Θάσῳ Φιλιστῆς κεφαλὴν ἐπόνει χρόνον πολὺν καί ποτε καὶ ὑποκαρωθεὶς κατεκλίθη· ἐκ δὲ πότων πυρετῶν συνεχέων γενομένων ὁ πόνος παρωξύνθη. νυκτὸς ἐπεθερμάνθη τὸ πρῶτον. τῇ πρώτῃ ἤμεσε χολώδεα, ὀλίγα, ξανθὰ τὸ πρῶτον, μετὰ δὲ ταῦτα ἰώδεα πλείω, ἀπὸ δὲ κοιλίης κόπρανα διῆλθε· νύκτα δυσφόρως. δευτέρῃ κώφωσις, πυρετὸς ὀξύς, ὑποχόνδριον δεξιὸν συνετάθη, ἔρρεπεν ἐς τὰ ἔσω· οὖρα λεπτά, διαφανέα, εἶχεν ἐναιώρημα γονοειδές, σμικρόν· ἐξεμάνη περὶ μέσον ἡμέρης. τρίτῃ δυσφόρως. τετάρτῃ σπασμοί, παρωξύνθη. πέμπτῃ πρωὶ ἀπέθανεν.
1.5. Chaerion, who lay sick in the house of Demaenetus, was seized with fever after drinking. At once there was painful heaviness of the head; no sleep; bowels disturbed with thin, rather bilious stools. Third day. Acute fever, trembling of the head, particularly of the lower lip; after a while rigor, convulsions, complete delirium; an uncomfortable night. Fourth day. Quiet; snatches of sleep; wandering. Fifth day. Pain; general exacerbation; irrational talk; uncomfortable night; no sleep. Sixth day. The same symptoms. Seventh day. Rigor; acute fever; sweating all over; crisis. This patient’s stools were throughout bilious, scanty and uncompounded. Urine thin, not of a good colour, with a cloudy substance floating in it. About the eighth day the urine had a better colour, with a slight, white sediment; quite rational and no fever; an intermission. Ninth day. Relapse. About the fourteenth day acute fever. Sixteenth day. Vomited bilious, yellow matters rather frequently. Seventeenth day. Rigor; acute fever; sweating; crisis ended the fever. Urine after relapse and crisis of a good colour, with a sediment; no delirium during the relapse. Eighteenth day. Slight heat; rather thirsty; urine thin, with cloudy substance floating in it; slight delirium. Nineteenth day. No fever; pain in the neck; sediment in urine. Twentieth day. Complete crisis.
1.5. ε′.Χαιρίωνα, ὃς κατέκειτο παρὰ Δημαινέτῳ, ἐκ πότου πῦρ ἔλαβεν. αὐτίκα δὲ κεφαλῆς βάρος ἐπώδυνον, οὐκ ἐκοιμᾶτο, κοιλίη ταραχώδης λεπτοῖσιν, ὑποχολώδεσι. τρίτῃ πυρετὸς ὀξύς, κεφαλῆς τρόμος, μάλιστα δὲ χείλεος τοῦ κάτω· μετʼ ὀλίγον δὲ ῥῖγος, σπασμοί, πάντα παρέκρουσε, νύκτα δυσφόρως. τετάρτῃ διʼ ἡσυχίης, σμικρὰ ἐκοιμήθη, παρέλεγε. πέμπτῃ ἐπιπόνως, πάντα παρωξύνθη, λῆρος, νύκτα δυσφόρως, οὐκ ἐκοιμήθη. ἕκτῃ διὰ τῶν αὐτῶν. ἑβδόμῃ ἐπερρίγωσε, πυρετὸς ὀξύς, ἵδρωσε διʼ ὅλου, ἐκρίθη. τούτῳ διὰ τέλεος ἀπὸ κοιλίης διαχωρήματα χολώδεα, ὀλίγα, ἄκρητα· οὖρα λεπτά, οὐκ εὔχρω, ἐναιώρημα ἐπινέφελον ἔχοντα. περὶ ὀγδόην οὔρησεν εὐχροώτερα, ἔχοντα ὑπόστασιν λευκὴν ὀλίγην, κατενόει, ἄπυρος· διέλιπεν. ἐνάτῃ ὑπέστρεψε. περὶ δὲ τεσσαρεσκαιδεκάτην πυρετὸς ὀξύς. ἑκκαιδεκάτῃ ἤμεσε χολώδεα, ξανθά, ὑπόσυχνα. ἑπτακαιδεκάτῃ ἐπερρίγωσε, πυρετὸς ὀξύς, ἵδρωσεν, ἄπυρος ἐκρίθη. οὖρα μετὰ ὑποστροφὴν καὶ κρίσιν εὔχρω, ὑπόστασιν ἔχοντα, οὐδὲ παρέκρουσεν ἐν τῇ ὑποστροφῇ. ὀκτωκαιδεκάτῃ ἐθερμαίνετο σμικρά, ὑπεδίψη, οὖρα λεπτά, ἐναιώρημα ἐπινέφελον, σμικρὰ παρέκρουσεν. ἐννεακαιδεκάτῃ ἄπυρος, τράχηλον ἐπωδύνως εἶχεν, οὔροισιν ὑπόστασις. τελέως ἐκρίθη εἰκοστῇ.
1.6. The maiden daughter of Euryanax was seized with fever. Throughout the illness she suffered no thirst and had no inclination for food. Slight alvine discharges; urine thin, scanty, and not of a good colour. At the beginning of the fever suffered pain in the seat. On the sixth day did not sweat, being without fever; a crisis. The sore near the seat suppurated slightly, and burst at the crisis. After the crisis, on the seventh day, she had a rigor; grew slightly hot; sweated. Afterwards the extremities always cold. About the tenth day, after the sweating that occurred, she grew delirious, but was soon rational again. They said that the trouble was due to eating grapes. After an intermission, on the twelfth day she again wandered a great deal; the bowels were disturbed, with bilious, uncompounded, scanty, thin, irritating stools, which frequently made her get up. She died the seventh day from the second attack of delirium. This patient at the beginning of the illness had pain in the throat, which was red throughout. The uvula was drawn back. Many fluxes, scanty and acrid. She had a cough with signs of coction, but brought up nothing. No appetite for any food the whole time, nor did she desire anything. No thirst, and she drank nothing worth mentioning. She was silent, and did not converse at all. Depression, the patient despairing of herself. There was also some inherited tendency to consumption.
1.6. ς′.τὴν Εὐρυάνακτος θυγατέρα, παρθένον, πῦρ ἔλαβεν. ἦν δὲ ἄδιψος διὰ τέλεος· γεύματα οὐ προσεδέχετο. ἀπὸ δὲ κοιλίης σμικρὰ διῄει, οὖρα λεπτά, ὀλίγα, οὐκ εὔχρω. ἀρχομένου δὲ τοῦ πυρετοῦ περὶ ἕδρην ἐπόνει. ἑκταίη δὲ ἐοῦσα ἄπυρος οὐχ ἵδρωσεν· ἐκρίθη. τὸ δὲ περὶ τὴν ἕδρην σμικρὰ ἐξεπύησεν, ἐρράγη ἅμα κρίσει. μετὰ δὲ κρίσιν ἑβδομαίη ἐοῦσα ἐρρίγωσε, σμικρὰ ἐπεθερμάνθη, ἵδρωσεν. ὕστερον δὲ ἄκρεα ψυχρὰ αἰεί. περὶ δὲ δεκάτην μετὰ τὸν ἱδρῶτα τὸν γενόμενον παρέκρουσε καὶ πάλιν ταχὺ κατενόει· ἔλεγον δὲ γευσαμένην βότρυος. διαλιποῦσα δὲ δωδεκάτῃ πάλιν πολλὰ παρελήρει, κοιλίη ἐπεταράχθη χολώδεσιν, ἀκρήτοισιν, ὀλίγοισι, λεπτοῖσι, δακνώδεσι, πυκνὰ ἀνίστατο. ἀφʼ ἧς δὲ παρέκρουσε τὸ ὕστερον, ἀπέθανε ἑβδόμῃ. αὕτη ἀρχομένου τοῦ νοσήματος ἤλγει φάρυγγα, καὶ διὰ τέλεος ἔρευθος εἶχε, γαργαρεὼν ἀνεσπασμένος. ῥεύματα πολλά, σμικρά, δριμέα. ἔβησσε πέπονα, οὐδὲν ἀνῆγεν· ἀπόσιτος πάντων παρὰ πάντα τὸν χρόνον οὐδʼ ἐπεθύμησεν οὐδενός. ἄδιψος, οὐδʼ ἔπινεν οὐδὲν ἄξιον λόγου. σιγῶσα, οὐδὲν διελέγετο. δυσθυμίη, ἀνελπίστως ἑωυτῆς εἶχεν. ἦν δέ τι καὶ συγγενικὸν φθινῶδες.
1.7. The woman suffering from angina who lay sick in the house of Aristion began her complaint with indistinctness of speech. Tongue red, and grew parched. First day. Shivered, and grew hot. Third day. Rigor; acute fever; a reddish, hard swelling in the neck, extending to the breast on either side; extremities cold and livid, breathing elevated; drink returned through the nostrilsshe could not swallowstools and urine ceased. Fourth day. General exacerbation. Fifth day. Death.
1.7. ζ′.ἡ κυναγχικὴ ἡ παρὰ Ἀριστίωνος, ᾗ πρῶτον ἤρξατο ἀσαφὴς φωνή. γλῶσσα ἐρυθ ρή, ἐπεξηράνθη. τῇ πρώτῃ φρικώδης, ἐπεθερμάνθη. τρίτῃ ῥῖγος, πυρετὸς ὀξύς, οἴδημα ὑπέρυθρον, σκληρὸν τραχήλου καὶ ἐπὶ στῆθος ἐξ ἀμφοτέρων, ἄκρεα ψυχρά, πελιδνά, πνεῦμα μετέωρον, ποτὸν διὰ ῥινῶν, καταπίνειν οὐκ ἠδύνατο, διαχωρήματα καὶ οὖρα ἐπέστη. τετάρτῃ πάντα παρωξύνθη. πέμπτῃ ἀπέθανε.
1.8. The youth who lay sick by the Liars’ Market was seized with fever after unaccustomed fatigue, toil and running. First day. Bowels disturbed with bilious, thin, copious stools; urine thin and blackish; no sleep; thirst. Second day. General exacerbation; stools more copious and more unfavourable. No sleep; mind disordered; slight sweating. Third day. Uncomfortable; thirst; nausea; much tossing; distress; delirium; extremities livid and cold; tension, soft underneath, of the hypochondrium on both sides. Fourth day. No sleep; grew worse. Seventh day. Died, being about twenty years old.
1.8. η′.τὸ μειράκιον, ὃ κατέκειτο ἐπὶ ψευδέων ἀγορῇ, πῦρ ἔλαβεν ἐκ κόπων καὶ πόνων καὶ δρόμων παρὰ τὸ ἔθος. τῇ πρώτῃ κοιλίη ταραχώδης χολώδεσι, λεπτοῖσι, πολλοῖσιν, οὖρα λεπτά, ὑπομέλανα, οὐχ ὕπνωσε, διψώδης. δευτέρῃ πάντα παρωξύνθη, διαχωρήματα πλείω, ἀκαιρότερα. οὐχ ὕπνωσε, τὰ τῆς γνώμης ταραχώδεα, σμικρὰ ὑφίδρωσε. τρίτῃ δυσφόρως, διψώδης, ἀσώδης, πολὺς βληστρισμός, ἀπορίη, παρέκρουσεν, ἄκρεα πελιδνὰ καὶ ψυχρά, ὑποχονδρίου ἔντασις ὑπολάπαρος ἐξ ἀμφοτέρων. τετάρτῃ οὐχ ὕπνωσεν· ἐπὶ τὸ χεῖρον. ἑβδόμῃ ἀπέθανεν, ἡλικίην περὶ ἔτεα εἴκοσιν.
1.9. The woman who lodged with Tisamenus was in bed with a troublesome attack of inflammation of the upper bowel. Copious vomits; could not retain her drink. Pains in the region of the hypochondria. The pains were also lower, in the region of the bowels. Constant tormina. No thirst. She grew hot, though the extremities were cold all the time. Nausea; sleeplessness. Urine scanty and thin. Excreta crude, thin and scanty. It was no longer possible to do her any good, and she died.
1.9. θ′.ἡ παρὰ Τεισαμενοῦ γυνὴ κατέκειτο, ᾗ τὰ εἰλεώδεα δυσφόρως ὥρμησεν. ἔμετοι πολλοί, ποτὸν κατέχειν οὐκ ἠδύνατο. πόνοι περὶ ὑποχόνδρια. καὶ ἐν τοῖσι κάτω κατὰ κοιλίην οἱ πόνοι. στρόφοι συνεχέες. οὐ διψώδης. ἐπεθερμαίνετο, ἄκρεα ψυχρὰ διὰ τέλεος. ἀσώδης, ἄγρυπνος. οὖρα ὀλίγα, λεπτά. διαχωρήματα ὠμά, λεπτὰ, ὀλίγα. ὠφελεῖν οὐκέτι ἠδύνατο, ἀπέθανεν.
1.10. A woman who was one of the house of Pantimides after a miscarriage was seized with fever on the first day. Tongue dry; thirst; nausea; sleeplessness. Bowels disordered, with thin, copious and crude stools. Second day. Rigor; acute fever; copious stools; no sleep. Third day. The pains greater. Fourth day. Delirium. Seventh day. Death. The bowels were throughout loose, with copious, thin, crude stools. Urine scanty and thin.
1.10. ι′.γυναῖκα ἐξ ἀποφθορῆς νηπίου τῶν περὶ Παντιμίδην τῇ πρώτῃ πῦρ ἔλαβε. γλῶσσα ἐπίξηρος, διψώδης, ἀσώδης, ἄγρυπνος. κοιλίη ταραχώδης λεπτοῖσι, πολλοῖσιν, ὠμοῖσι. δευτέρῃ ἐπερρίγωσε, πυρετὸς ὀξύς, ἀπὸ κοιλίης πολλά, οὐχ ὕπνωσε. τρίτῃ μείζους οἱ πόνοι. τετάρτῃ παρέκρουσεν· ἑβδόμῃ ἀπέθανε. κοιλίη διὰ παντὸς ὑγρὴ διαχωρήμασι πολλοῖσι, λεπτοῖσιν, ὠμοῖσιν· οὖρα ὀλίγα λεπτά.
1.11. Another woman, after a miscarriage about the fifth month, the wife of Hicetas, was seized with fever. At the beginning she had alternations of coma and sleeplessness; pain in the loins; heaviness in the head. Second day. Bowels disordered with scanty, thin stools, which at first were uncompounded. Third day. Stools more copious and worse; no sleep at night. Fourth day. Delirium; fears; depression. Squinting of the right eye; slight cold sweat about the head; extremities cold. Fifth day. General exacerbation; much wandering, with rapid recovery of reason; no thirst; no sleep; stools copious and unfavourable throughout; urine scanty, thin and blackish; extremities cold and rather livid. Sixth day. Same symptoms. Seventh day. Death.
1.11. ια′.ἑτέρην ἐξ ἀποφθορῆς περὶ πεντάμηνον, Ἱκέτεω γυναῖκα, πῦρ ἔλαβεν. ἀρχομένη κωματώδης ἦν, καὶ πάλιν ἄγρυπνος, ὀσφύος ὀδύνη, κεφαλῆς βάρος. δευτέρῃ κοιλίη ἐπεταράχθη ὀλίγοισι, λεπτοῖσιν, ἀκρήτοισι τὸ πρῶτον. τρίτῃ πλείω, χείρω· νυκτὸς οὐδὲν ἐκοιμήθη. τετάρτῃ παρέκρουσε, φόβοι, δυσθυμίαι. δεξιῷ ἴλλαινε, ἵδρωσε περι κεφαλὴν ὀλίγῳ ψυχρῷ, ἄκρεα ψυχρά· πέμπτῃ πάντα παρωξύνθη, πολλὰ παρέλεγε καὶ πάλιν ταχὺ κατενόει· ἄδιψος, ἄγρυπνος, κοιλίη πολλοῖσιν ἀκαίροισι διὰ τέλεος· οὖρα ὀλίγα, λεπτά, ὑπομέλανα· ἄκρεα ψυχρά, ὑποπέλιδνα. ἕκτῃ διὰ τῶν αὐτῶν. ἑβδόμῃ ἀπέθανε.
1.12. A woman who lay sick by the Liars’ Market, after giving birth in a first and painful delivery to a male child, was seized with fever. From the very first there was thirst, nausea, slight pain at the stomach, dry tongue, bowels disordered with thin and scanty discharges, no sleep. Second day. Slight rigor; acute fever; slight, cold sweating around the head. Third day. In pain; crude, thin, copious discharges from the bowels. Fourth day. Rigor; general exacerbation; sleepless. Fifth day. In pain. Sixth day. The same symptoms; copious, fluid discharges from the bowels. Seventh day. Rigor; acute fever; thirst; much tossing; towards evening cold sweat all over; chill; extremities cold, and would not be warmed. At night she again had a rigor; the extremities would not be warmed; no sleep; slight delirium, but quickly was rational again. Eighth day. About mid-day recovered her heat; thirst; coma; nausea; vomited bilious, scanty, yellowish matters. An uncomfortable night; no sleep; unconsciously passed a copious discharge of urine. Ninth day. General abatement of the symptoms; coma. Towards evening slight rigor; vomited scanty, bilious matters. Tenth day. Rigor; exacerbation of the fever; no sleep whatsoever. In the early morning a copious discharge of urine without sediment; extremities were warmed. Eleventh day. Vomited bilious matters, of the colour of verdigris. A rigor shortly afterwards, and the extremities became cold again; in the evening sweat, rigor and copious vomiting; a painful night. Twelfth day. Vomited copious, black, fetid matters; much hiccoughing; painful thirst. Thirteenth day. Vomited black, fetid, copious matters; rigor. About mid-day lost her speech. Fourteenth day. Epistaxis; death. The bowels of this patient were throughout loose, and there were shivering fits. Age about seventeen.
1.12. ιβ′.γυναῖκα, ἥτις κατέκειτο ἐπὶ ψευδέων ἀγορῇ, τεκοῦσαν τότε πρῶτον ἐπιπόνως ἄρσεν πῦρ ἔλαβεν. αὐτίκα ἀρχομένη διψώδης, ἀσώδης, καρδίην ὑπήλγει, γλῶσσα ἐπίξηρος, κοιλίη ἐπεταράχθη λεπτοῖσιν ὀλίγοισιν, οὐχ ὕπνωσε. δευτέρῃ σμικρὰ ἐπερρίγωσε, πυρετὸς ὀξύς, σμικρὰ περὶ κεφαλὴν ἵδρωσε ψυχρῷ. τρίτῃ ἐπιπόνως· ἀπὸ κοιλίης ὠμά, λεπτὰ πολλὰ διῄει. τετάρτῃ ἐπερρίγωσε, πάντα παρωξύνθη· ἄγρυπνος· πέμπτῃ ἐπιπόνως. ἕκτῃ διὰ τῶν αὐτῶν· ἀπὸ κοιλίης ἦλθε ὑγρὰ πολλά. ἑβδόμῃ ἐπερρίγωσε, πυρετὸς ὀξύς, δίψα, πολὺς βληστρισμός, περὶ δείλην ἵδρωσε διʼ ὅλου ψυχρῷ, ψύξις, ἄκρεα ψυχρά, οὐκέτι ἀνεθερμαίνετο· καὶ πάλιν ἐς νύκτα ἐπερρίγωσεν, ἄκρεα οὐκ ἀνεθερμαίνετο, οὐχ ὕπνωσε, σμικρὰ παρέκρουσε, καὶ πάλιν ταχὺ κατενόει. ὀγδόῃ περὶ μέσον ἡμέρης ἀνεθερμάνθη, διψώδης, κωματώδης, ἀσώδης, ἤμεσε χολώδεα σμικρὰ ὑπόξανθα. νύκτα δυσφόρως, οὐκ ἐκοιμήθη, οὔρησε πολὺ ἀθρόον οὐκ εἰδυῖα. ἐνάτῃ συνέδωκε πάντα, κωματώδης. πρὸς δείλην σμικρὰ ἐπερρίγωσεν, ἤμεσε σμικρὰ χολώδεα. δεκάτῃ ῥῖγος, πυρετὸς παρωξύνθη, οὐχ ὕπνωσεν οὐδέν· πρωὶ οὔρησε πολὺ ὑπόστασιν οὐκ ἔχον, ἄκρεα ἀνεθερμάνθη. ἑνδεκάτῃ ἤμεσε χολώδεα, ἰώδεα. ἐπερρίγωσεν οὐ μετὰ πολύ, καὶ πάλιν ἄκρεα ψυχρά, ἐς δείλην ἱδρώς, ῥῖγος, ἤμεσε πολλά, νύκτα ἐπιπόνως. δωδεκάτῃ ἤμεσε πολλὰ μέλανα δυσώδεα, λυγμὸς πολύς, δίψος ἐπιπόνως. τρισκαιδεκάτῃ μέλανα, δυσώδεα πολλὰ ἤμεσε, ῥῖγος· περὶ δὲ μέσον ἡμέρης ἄφωνος. τεσσαρεσκαιδεκάτῃ αἷμα διὰ ῥινῶν· ἀπέθανε. ταύτῃ διὰ τέλεος κοιλίη ὑγρή· φρικώδης· ἡλικίη περὶ ἔτεα ἑπτακαίδεκα.
2.2. CONSTITUTION The year was southerly and rainy, with no winds throughout. About the rising of Arcturus, while during the immediately preceding period droughts had prevailed, there were now heavy rains, with southerly winds. Autumn dark and cloudy, with abundance of rain. The winter southerly, humid, and mild after the solstice. Long after the solstice, near the equinox, wintry weather returned, and at the actual equinoctial period there were northerly winds with snow, but not for long. The spring southerly again, with no winds; many rains throughout until the Dog Star. The summer was clear and warm, with waves of stifling heat. The Etesian winds were faint and intermittent. But, on the other hand, near the rising of Arcturus there were heavy rains with northerly winds. The year having proved southerly, wet and mild, in the winter the general health was good except for the consumptives, who will be described in due course.
2.2. ἔτος νότιον ἔπομβρον· ἄπνοια διὰ τέλεος· αὐχμῶν δὲ γενομένων τοὺς ὑπόπροσθεν χρόνους ἐν νοτίοισι περὶ ἀρκτοῦρον ὕδατα πολλά. φθινόπωρον σκιῶδες, ἐπινέφελον, ὑδάτων πλήθεα. χειμὼν νότιος, ὑγρός, μαλθακὸς μετὰ ἡλίου τροπάς· ὕστερον πολλῷ, πλησίον ἰσημερίης, ὀπισθοχειμῶνες, καὶ ἤδη περὶ ἰσημερίην βόρεια, χιονώδεα, οὐ πολὺν χρόνον. ἦρ πάλιν νότιον, ἄπνοον· ὕδατα πολλὰ διὰ τέλεος μέχρι κυνός. θέρος αἴθριον, θερμόν, πνίγεα μεγάλα· ἐτησίαι σμικρὰ διεσπασμένως ἔπνευσαν· πάλιν δὲ περὶ ἀρκτοῦρον ἐν βορείοισιν ὕδατα πολλά. γενομένου δὲ τοῦ ἔτεος νοτίου καὶ ὑγροῦ καὶ μαλθακοῦ κατὰ μὲν χειμῶνα διῆγον ὑγιηρῶς πλὴν τῶν φθινωδέων, περὶ ὧν γεγράψεται.
2.3. Early in the spring, at the same time as the cold snaps which occurred, were many malignant cases of erysipelas, some from a known exciting cause and some not. Many died, and many suffered pain in the throat. Voices impaired; ardent fevers; phrenitis; aphthae in the mouth; tumours in the private parts; inflammations of the eyes; carbuncles; disordered bowels; loss of appetite; thirst in some cases, though not in all; urine disordered, copious, bad; long coma alternating with sleeplessness; absence of crisis in many cases, and obscure crises; dropsies; many consumptives. Such were the diseases epidemic. There were patients suffering from each of the above types, and fatal cases were many. The symptoms in each type were as follow.
2.3. πρωὶ δὲ τοῦ ἦρος ἅμα τοῖσι γενομένοισι ψύχεσιν ἐρυσιπέλατα πολλά, τοῖσι μὲν μετὰ προφάσιος, τοῖσι δʼ οὔ, κακοήθεα· πολλοὺς ἔκτεινε, πολλοὶ φάρυγγας ἐπόνησαν· φωναὶ κακούμεναι, καῦσοι, φρενιτικοί, στόματα ἀφθώδεα, αἰδοίοισι φύματα, ὀφθαλμίαι, ἄνθρακες, κοιλίαι ταραχώδεες, ἀπόσιτοι, διψώδεες οἱ μέν, οἱ δʼ οὔ, οὖρα ταραχώδεα, πολλά, κακά, κωματώδεες ἐπὶ πολὺ καὶ πάλιν ἄγρυπνοι, ἀκρισίαι πολλαί, δύσκριτα, ὕδρωπες, φθινώδεες πολλοί. τὰ μὲν ἐπιδημήσαντα νοσήματα ταῦτα. ἑκάστου δὲ τῶν ὑπογεγραμμένων εἰδέων ἦσαν οἱ κάμνοντες καὶ ἔθνῃσκον πολλοί. συνέπιπτε δʼ ἐφʼ ἑκάστοισι τούτων ὧδε.
2.4. Many were attacked by the erysipelas all over the body when the exciting cause was a trivial accident or a very small wound; especially when the patients were about sixty years old and the wound was in the head, however little the neglect might have been. Many even while undergoing treatment suffered from severe inflammations, and the erysipelas would quickly spread widely in all directions. Most of the patients experienced abscessions ending in suppurations. Flesh, sinews and bones fell away in large quantities. The flux which formed was not like pus, but was a different sort of putre-faction with a copious and varied flux. If any of these symptoms occurred in the head, there was loss of hair from all the head and from the chin; the bones were bared and fell away, and there were copious fluxes. Fever was sometimes present and sometimes absent. These symptoms were terrifying rather than dangerous. For whenever they resulted in suppuration or some similar coction the cases usually recovered. But whenever the inflammation and the erysipelas disappeared without producing any such abscession, there were many deaths. The course of the disease was the same to whatever part of the body it spread. Many lost the arm and the entire forearm. If the malady settled in the sides there was rotting either before or behind. In some cases the entire thigh was bared, or the shin and the entire foot. But the most dangerous of all such cases were when the pubes and genital organs were attacked. Such were the sores which sprang from an exciting cause. In many cases, however, sores occurred in fevers, before a fever, or supervening on fevers. In some of these also, when an abscession took place through suppuration, or when a seasonable disturbance of the bowels occurred or a passing of favourable urine, this gave rise to a solution; but when none of these events happened, and the symptoms disappeared without a sign, death resulted. It was in the spring that by far the greater number of cases of erysipelas occurred, but they continued throughout the summer and during autumn.
2.4. πολλοῖσι μὲν τὸ ἐρυσίπελας μετὰ προφάσιος ἐπὶ τοῖσι τυχοῦσι καὶ πάνυ ἐπὶ σμικροῖσι τρωματίοις ἐφʼ ὅλῳ τῷ σώματι, μάλιστα δὲ τοῖσι περὶ ἑξήκοντα ἔτεα καὶ περὶ κεφαλήν, εἰ καὶ σμικρὸν ἀμεληθείη. πολλοῖσι δὲ καὶ ἐν θεραπείῃ ἐοῦσι μεγάλαι φλεγμοναὶ ἐγίνοντο, καὶ τὸ ἐρυσίπελας πολὺ ταχὺ πάντοθεν ἐπενέμετο. τοῖσι μὲν οὖν πλείστοισιν αὐτῶν ἀποστάσιες ἐς ἐμπυήματα συνέπιπτον· σαρκῶν καὶ νεύρων καὶ ὀστέων ἐκπτώσιες μεγάλαι. ἦν δὲ καὶ τὸ ῥεῦμα τὸ συνιστάμενον οὐ πύῳ ἴκελον, ἀλλὰ σηπεδών τις ἄλλη καὶ ῥεῦμα πολὺ καὶ ποικίλον. οἷσι μὲν οὖν περὶ κεφαλὴν τούτων τι συμπίπτοι γίνεσθαι, μάδησίς τε ὅλης τῆς κεφαλῆς ἐγίνετο καὶ τοῦ γενείου καὶ ὀστέων ψιλώματα καὶ ἐκπτώσιες καὶ πολλὰ ῥεύματα. ἐν πυρετοῖσί τε ταῦτα καὶ ἄνευ πυρετῶν. ἦν δὲ ταῦτα φοβερώτερα ἢ κακίω. οἷσι γὰρ ἐς ἐμπύημα ἤ τινα τοιοῦτον ἀφίκοιτο πεπασμόν, οἱ πλεῖστοι τούτων ἐσῴζοντο. οἷσι δʼ ἡ μὲν φλεγμονὴ καὶ τὸ ἐρυσίπελας ἀπέλθοι, τοιαύτην δὲ ἀπόστασιν μηδεμίαν ποιήσαιτο, τούτων ἀπώλλυντο πολλοί. ὁμοίως δὲ καὶ εἴ πῃ ἄλλῃ τοῦ σώματος πλανηθείη, συνέπιπτε ταῦτα. πολλοῖσι μὲν γὰρ βραχίων καὶ πῆχυς ὅλος περιερρύη. οἷσι δʼ ἐπὶ τὰ πλευρά, ταῦτα ἐκακοῦτο ἢ τῶν ἔμπροσθέν τι ἢ τῶν ὄπισθεν. οἷσι δʼ ὅλος ὁ μηρὸς ἢ τὰ περὶ κνήμην ἀπεψιλοῦτο καὶ ποὺς ὅλος. ἦν δὲ πάντων χαλεπώτατα τῶν τοιούτων, ὅτε περὶ ἥβην καὶ αἰδοῖα γενοίατο. τὰ μὲν περὶ ἕλκεα καὶ μετὰ προφάσιος τοιαῦτα. πολλοῖσι δὲ ἐν πυρετοῖσι καὶ πρὸ πυρετοῦ καὶ ἐπὶ πυρετοῖσι συνέπιπτεν. ἦν δὲ καὶ τούτων, ὅσα μὲν ἀπόστασιν ποιήσαιτο διὰ τοῦ ἐκπυῆσαι ἢ κατὰ κοιλίην ταραχή τις ἐπίκαιρος ἢ χρηστῶν οὔρων διάδοσις γένοιτο, διὰ τούτων λελύσθαι, οἷσι δὲ μηδὲν τούτων συμπίπτοι, ἀσήμως δὲ ἀφανιζομένων, θανατώδεα γίνεσθαι. πολὺ μὲν οὖν πλείστοισι συνέπιπτε τὰ περὶ τὸ ἐρυσίπελας τοῦ ἦρος. παρείπετο δὲ καὶ διὰ τοῦ θέρεος καὶ ὑπὸ φθινόπωρον.
2.5. Much trouble was caused to some patients by the tumours in the throat, inflammations of the tongue and the abscesses about the teeth. Many had the symptom of impaired and muffled voice, at first at the beginning of the cases of consumption, but also in the ardent fevers and in phrenitis.
2.5. πολλὴ δὲ ταραχή τισι καὶ τὰ περὶ φάρυγγα φύματα, καὶ φλεγμοναὶ γλώσσης, καὶ τὰ παρʼ ὀδόντας ἀποστήματα. φωναί τε πολλοῖσιν ἐπεσήμαινον κακούμεναι καὶ κατίλλουσαι, πρῶτον μὲν τοῖσι φθινώδεσιν ἀρχομένοισιν, ἀτὰρ καὶ τοῖσι καυσώδεσι καὶ τοῖσι φρενιτικοῖσιν.
2.6. Now the ardent fevers and phrenitis began early in the spring after the cold snaps which occurred, and very many fell sick at that time. These suffered acute and fatal symptoms. The constitution of the ardent fevers that occurred was as follows. At the beginning coma, nausea, shivering, acute fever, no great thirst, no delirium, slight epistaxis. The exacerbations in most cases on even days, and about the time of the exacerbations there was loss of memory with prostration and speechlessness. The feet and hands of these patients were always colder than usual, most especially about the times of exacerbation. Slowly and in no healthy manner they recovered their heat, becoming rational again and conversing. Either the coma held them continuously without sleep, or they were wakeful and in pain. Bowels disordered in the majority of these cases, with crude, thin, copious stools. Urine copious, thin, with no critical or favourable sign, nor did any other critical sign appear in these patients. For there occurred neither favourable hemorrhage nor any other of the usual critical abscessions. The manner of their dying varied with the individual; it was usually irregular, at the crises, but in some cases after long loss of speech and in many with sweating. These were the symptoms attending the fatal cases of ardent fever, and the cases of phrenitis were similar. These suffered from no thirst at all, and no case showed the mad delirium that attacked others, but they passed away overpowered by a dull oppression of stupor.
2.6. ἤρξαντο μὲν οὖν οἱ καῦσοι καὶ τὰ φρενιτικὰ πρωὶ τοῦ ἦρος μετὰ τὰ γενόμενα ψύχεα, καὶ πλεῖστοι τηνικαῦτα διενόσησαν· ὀξέα δὲ τούτοισι καὶ θανατώδεα συνέπιπτεν. ἦν δὲ ἡ κατάστασις τῶν γενομένων καύσων ὧδε· ἀρχόμενοι κωματώδεες, ἀσώδεες, φρικώδεες, πυρετὸς ὀξύς, οὐ διψώδεες λίην, οὐ παράληροι, ἀπὸ ῥινῶν ἔσταξε σμικρόν. οἱ παροξυσμοὶ τοῖσι πλείστοισιν ἐν ἀρτίῃσι, περὶ δὲ τοὺς παροξυσμοὺς λήθη καὶ ἄφεσις καὶ ἀφωνίη. ἄκρεά τε τούτοισιν αἰεὶ μὲν ψυχρότερα ποδῶν καὶ χειρῶν, πολὺ δὲ περὶ τοὺς παροξυσμοὺς μάλιστα· πάλιν τε βραδέως καὶ οὐ καλῶς ἀνεθερμαίνοντο καὶ πάλιν κατενόεον καὶ διελέγοντο. κατεῖχε δὲ ἢ τὸ κῶμα συνεχές, οὐχ ὑπνῶδες, ἢ μετὰ πόνων ἄγρυπνοι. κοιλίαι ταραχώδεες τοῖσι πλείστοισι τούτων, διαχωρήμασιν ὠμοῖσι, λεπτοῖσι, πολλοῖσιν· οὖρά τε πολλὰ λεπτὰ κρίσιμον οὐδὲ χρηστὸν οὐδὲν ἔχοντα· οὐδὲ ἄλλο κρίσιμον οὐδὲν τοῖσιν οὕτως ἔχουσιν ἐφαίνετο· οὔτε γὰρ ᾑμορράγει καλῶς οὔτε τις ἄλλη τῶν εἰθισμένων ἀπόστασις ἐγένετο κρίσιμος. ἔθνῃσκόν τε ἕκαστος ὡς τύχοι, πεπλανημένως τὰ πολλά, περὶ τὰς κρίσιας, ἐκ πολλοῦ δέ τινες ἄφωνοι, ἱδρῶντες πολλοί. τοῖσι μὲν ὀλεθρίως ἔχουσι συνέπιπτε ταῦτα· παραπλήσια δὲ καὶ τοῖσι φρενιτικοῖσιν. ἄδιψοι δὲ πάνυ οὗτοι ἦσαν, οὐδʼ ἐξεμάνη τῶν φρενιτικῶν οὐδείς, ὥσπερ ἐπʼ ἄλλοισιν, ἀλλʼ ἄλλῃ τινὶ καταφορῇ νωθρῇ καρηβαρέες ἀπώλλυντο.
2.7. There were other fevers also, which I shall describe in due course. Many had aphthae and sores in the mouth. Fluxes about the genitals were copious; sores, tumours external and internal; the swellings which appear in the groin. Watery inflammations of the eyes, chronic and painful. Growths on the eyelids, external and internal, in many cases destroying the sight, which are called “figs.” There were also often growths on other sores, particularly in the genitals. Many carbuncles in the summer, and other affections called “rot.” Large pustules. Many had large tetters.
2.7. ἦσαν δὲ καὶ ἄλλοι πυρετοί, περὶ ὧν γεγράψεται. στόματα πολλοῖσιν ἀφθώδεα, ἑλκώδεα. ῥεύματα περὶ αἰδοῖα πολλά, ἑλκώματα, φύματα ἔξωθεν, ἔσωθεν· τὰ περὶ βουβῶνας. ὀφθαλμίαι ὑγραί, μακροχρόνιοι μετὰ πόνων. ἐπιφύσιες βλεφάρων ἔξωθεν, ἔσωθεν, πολλῶν φθείροντα τὰς ὄψιας, ἃ σῦκα ἐπονομάζουσιν. ἐφύετο δὲ καὶ ἐπὶ τῶν ἄλλων ἑλκέων πολλὰ καὶ ἐν αἰδοίοισιν. ἄνθρακες πολλοὶ κατὰ θέρος καὶ ἄλλα, ἃ σὴψ καλεῖται. ἐκθύματα μεγάλα. ἕρπητες πολλοῖσι μεγάλοι.
2.8. The bowel troubles in many cases turned out many and harmful. In the first place many were attacked by painful tenesmus, mostly childrenall in fact who were approaching pubertyand most of these died. Many lienteries. Cases of dysentery, but they too were not very painful. Stools bilious, greasy, thin and watery. In many cases this condition of the bowels constituted the disease itself, fever being sometimes absent and sometimes present. Painful tormina and malignant colic. There were evacuations, though the bulk of the contents remained behind. The evacuations did not take away the pains, and yielded with difficulty to the remedies administered. Purgings, in fact, did harm in most cases. Of those in this condition many died rapidly, though a few held out longer. In brief, all patients, whether the disease was prolonged or acute, died chiefly from the bowel complaints. For the bowels carried all off together.
2.8. τὰ δὲ κατὰ κοιλίην πολλοῖσι πολλὰ καὶ βλαβερὰ συνέβαινε. πρῶτον μὲν τεινεσμοὶ πολλοῖσιν ἐπιπόνως, πλείστοισι δὲ παιδίοισι, καὶ πᾶσιν ὅσα πρὸ ἥβης, καὶ ἀπώλλυντο τὰ πλεῖστα τούτων. λειεντερικοὶ πολλοί. δυσεντεριώδεες, οὐδʼ οὗτοι λίην ἐπιπόνως. τὰ δὲ χολώδεα καὶ λιπαρὰ καὶ λεπτὰ καὶ ὑδατώδεα· πολλοῖσι μὲν αὐτὸ τὸ νόσημα ἐς τοῦτο κατέσκηψεν ἄνευ τε πυρετῶν καὶ ἐν πυρετοῖσι. μετὰ πόνων στρόφοι καὶ ἀνειλήσιες κακοήθεες. διέξοδοί τε τῶν πολλῶν ἐνόντων τε καὶ ἐπισχόντων. τὰ δὲ διεξιόντα πόνους οὐ λύοντα τοῖσι τε προσφερομένοισι δυσκόλως ὑπακούοντα· καὶ γὰρ αἱ καθάρσιες τοὺς πλείστους προσέβλαπτον. τῶν δὲ οὕτως ἐχόντων πολλοὶ μὲν ὀξέως ἀπώλλυντο, ἔστι δʼ οἷσι καὶ μακρότερα διῆγεν. ὡς δʼ ἐν κεφαλαίῳ εἰρῆσθαι, πάντες, καὶ οἱ τὰ μακρὰ νοσέοντες καὶ οἱ τὰ ὀξέα, ἐκ τῶν κατὰ κοιλίην ἀπέθνῃσκον μάλιστα. πάντας γὰρ κοιλίη συναπήνεγκεν.
2.9. Loss of appetite, to a degree that I never met before, attended all the cases described above, but most especially the last, and of them, and of the others also, especially such as were fatally stricken. Thirst afflicted some, but not others; of the fever patients, as well as of the other cases, none were unseasonably affected, but as far as drink was concerned you could diet them as you pleased.
2.9. ἀπόσιτοι δʼ ἐγένοντο πάντες μὲν καὶ ἐπὶ πᾶσι τοῖσι προγεγραμμένοισιν, ὡς ἐγὼ οὐδὲ πώποτε ἐνέτυχον, πολὺ δὲ μάλιστα οὗτοι καὶ ἐκ τούτων καὶ ἐκ τῶν ἄλλων δὲ οἳ καὶ ὀλεθρίως ἔχοιεν. διψώδεες οἱ μέν, οἱ δʼ οὔ· τῶν ἐν πυρετοῖσι καὶ τοῖσιν ἄλλοισιν οὐδεὶς ἀκαίρως, ἀλλʼ ἦν κατὰ ποτὸν διαιτᾶν ὡς ἤθελες.
2.10. The urine that was passed was copious, not in proportion to, but far exceeding, the drink administered. Yet the urine too that was passed showed a great malignancy. For it had neither the proper consistency, nor coction, nor cleansing powers; it signified for most patients wasting, trouble, pains, and absence of crisis.
2.10. οὖρα δὲ πολλὰ μὲν τὰ διεξιόντα ἦν, οὐκ ἐκ τῶν προσφερομένων ποτῶν, ἀλλὰ πολλὸν ὑπερβάλλοντα. πολλὴ δέ τις καὶ τῶν οὔρων κακότης ἦν τῶν ἀπιόντων. οὔτε γὰρ πάχος οὔτε πεπασμοὺς οὔτε καθάρσιας χρηστὰς εἶχεν. ἐσήμαινεν δὲ τοῖσι πλείστοισι σύντηξιν καὶ ταραχὴν καὶ πόνους καὶ ἀκρισίας.
2.11. Coma attended mostly the phrenitis and ardent fevers, without excluding, however, all the other diseases of the most severe sort that were accompanied by fever. Most patients throughout either were sunk in heavy coma or slept only in fitful snatches.
2.11. κωματώδεες δὲ μάλιστα οἱ φρενιτικοὶ καὶ οἱ καυσώδεες ἦσαν, ἀτὰρ καὶ ἐπὶ τοῖς ἄλλοισι νοσήμασι πᾶσι τοῖσι μεγίστοισιν, ὅ τι μετὰ πυρετοῦ γίνοιτο. διὰ παντὸς δὲ τοῖσι πλείστοισιν ἢ βαρὺ κῶμα παρείπετο ἢ μικροὺς καὶ λεπτοὺς ὕπνους κοιμᾶσθαι.
2.12. Many other forms also of fever were epidemic: tertians, quartans, night fevers, fevers continuous, protracted, irregular, fevers attended with nausea, fevers of no definite character. All these cases suffered severely from trouble. For the bowels in most cases were disordered, with shivering fits. Sweats portended no crisis, and the character of the urine was as I have described. Most of these cases were protracted, for the abscessions too which took place did not prove critical as in other cases; nay rather, in all cases all symptoms marked obscurity of crisis, or absence of crisis, or protraction of the disease, but most especially in the patients last described. A few of these had a crisis about the eightieth day; with most recovery followed no rule. A few of them died of dropsy, without taking to their bed; many sufferers from the other diseases too were troubled with swellings, most particularly the consumptives.
2.12. πολλὰ δὲ καὶ ἄλλα πυρετῶν ἐπεδήμησεν εἴδεα, τριταίων, τεταρταίων, νυκτερινῶν, συνεχέων, μακρῶν, πεπλανημένων, ἀσωδέων, ἀκαταστάτων. ἅπαντες δὲ οὗτοι μετὰ πολλῆς ἐγίνοντο ταραχῆς· κοιλίαι τε γὰρ τοῖσι πλείστοισιν ταραχώδεες, φρικώδεες· ἱδρῶτες οὐ κρίσιμοι, καὶ τὰ τῶν οὔρων ὡς ὑπογέγραπται. μακρὰ δὲ τοῖσι πλείστοισι τούτων· οὐδὲ γὰρ αἱ γινόμεναι τούτοισιν ἀποστάσιες ἔκρινον ὥσπερ ἐπὶ τοῖσιν ἄλλοισι. δύσκριτα μὲν οὖν πᾶσι πάντα ἐγίνετο καὶ ἀκρισίαι καὶ χρόνια, πολὺ δὲ μάλιστα τούτοις. ἔκρινε δὲ τούτων ὀλίγοισι περὶ ὀγδοηκοστήν. τοῖσι δὲ πλείστοισιν ἐξέλειπεν ὡς ἔτυχεν. ἔθνῃσκον δὲ τούτων ὀλίγοι ὑπὸ ὕδρωπος ὀρθοστάδην. πολλοῖσι δὲ καὶ ἐπὶ τοῖσιν ἄλλοισι νοσήμασιν οἰδήματα παρώχλει, πολὺ δὲ μάλιστα τοῖσι φθινώδεσι.
2.13. The severest and most troublesome disease, as well as the most fatal, was the consumption. Many cases began in the winter, and of these several took to their bed, though some went about ailing without doing so. Early in the spring most of those who had gone to bed died, while none of the others lost their cough, though it became easier in the summer. During autumn all took to bed and many died. Most of these were ill for a long time. Now most of these began suddenly to grow worse, showing the following symptoms:—-frequent shivering; often continuous and acute fever; unseasonable, copious, cold sweats throughout; great chill with difficult recovery of heat; bowels variously constipated, then quickly relaxing, and violently relaxing in all cases near the end; the humours about the lungs spread downwards; abundance of unfavourable urine; malignant wasting. The coughs throughout were frequent, bringing up copious, concocted and liquid sputa, but without much pain; but even if there was pain, in all cases the purging from the lungs took place very mildly. The throat did not smart very much, nor did salt humours cause any distress at all. The fluxes, however, viscid, white, moist, frothy, which came from the head, were abundant. But by far the worst symptom that attended both these cases and the others was the distaste for food, as has been mentioned. They had no relish either for drink with nourishment, but they remained entirely without thirst. Heaviness in the body. Coma. In most of them there was swelling, which developed into dropsy. Shivering fits and delirium near death.
2.13. μέγιστον δὲ καὶ χαλεπώτατον καὶ πλείστους ἔκτεινε τὸ φθινῶδες. πολλοὶ γάρ τινες ἀρξάμενοι κατὰ χειμῶνα πολλοὶ μὲν κατεκλίθησαν, οἱ δὲ αὐτῶν ὀρθοστάδην ὑπεφέροντο· πρωὶ δὲ τοῦ ἦρος ἔθνῃσκον οἱ πλεῖστοι τῶν κατακλιθέντων· τῶν δὲ ἄλλων ἐξέλιπον μὲν αἱ βῆχες οὐδενί, ὑφίεσαν δὲ κατὰ θέρος. ὑπὸ δὲ τὸ φθινόπωρον κατεκλίθησαν πάντες καὶ πολλοὶ ἔθνῃσκον. μακρὰ δὲ τούτων οἱ πλεῖστοι διενόσεον. ἤρξατο μὲν οὖν τοῖσι πλείστοισι τούτων ἐξαίφνης ἐκ τούτων κακοῦσθαι· φρικώδεες πυκνά. πολλάκις πυρετοὶ συνεχέες, ὀξέες· ἱδρῶτες ἄκαιροι πολλοί, ψυχροὶ διὰ τέλεος· πολλὴ ψύξις, καὶ μόγις πάλιν ἀναθερμαινόμενοι· κοιλίαι ποικίλως ἐφιστάμεναι καὶ πάλιν ταχὺ καθυγραινόμεναι, περὶ δὲ τελευτὴν πᾶσι βιαίως καθυγραινόμεναι· καὶ τῶν περὶ πνεύμονα πάντων διάδοσις κάτω· πλῆθος οὔρων οὐ χρηστῶν· συντήξιες κακαί. αἱ δὲ βῆχες ἐνῆσαν μὲν διὰ τέλεος πολλαὶ καὶ πολλὰ ἀνάγουσαι πέπονα καὶ ὑγρά, μετὰ πόνων δὲ οὐ λίην· ἀλλʼ εἰ καὶ ἐπόνεον, πάνυ πρηέως πᾶσιν ἡ κάθαρσις τῶν ἀπὸ πνεύμονος ἐγίνετο. φάρυγγες οὐ λίην δακνώδεες, οὐδὲ ἁλμυρίδες οὐδὲν ἠνώχλεον· τὰ μέντοι γλίσχρα καὶ λευκὰ καὶ ὑγρὰ καὶ ἀφρώδεα πολλὰ ἀπὸ κεφαλῆς ᾔει. πολὺ δὲ μέγιστον κακὸν παρείπετο καὶ τούτοισι καὶ τοῖσιν ἄλλοισι τὰ περὶ τὴν ἀποσιτίην, καθάπερ ὑπογέγραπται· οὐδὲ γὰρ πότων μετὰ τροφῆς ἡδέως εἶχον, ἀλλὰ πάνυ διῆγον ἀδίψως· βάρος σώματος· κωματώδεες· τοῖσι πλείστοισιν αὐτῶν οἴδημα, καὶ ἐς ὕδρωπα περιίσταντο· φρικώδεες, παράληροι περὶ θάνατον.