---
title: "Numbered Discourses: The Ones · Aṅguttara Nikāya · Ekakanipāta"
author: "The Buddha"
translator: "Bhikkhu Sujato"
languages: [pi, en]
shelf: "Pali Canon"
section: 1 of 31
url: https://scriptura.si/works/pali-anguttara-nikaya-1/1/
cite: "The Buddha, tr. Bhikkhu Sujato, Numbered Discourses: The Ones · Aṅguttara Nikāya · Ekakanipāta, section 1. Scriptura (scriptura.si), https://scriptura.si/works/pali-anguttara-nikaya-1/1/"
---

# Numbered Discourses: The Ones · Aṅguttara Nikāya · Ekakanipāta

*The Buddha, tr. Bhikkhu Sujato*

Teachings grouped in ones: one thing that obsesses the mind, one thing that leads to great harm, the one person born for the welfare of the world.

> Pali: the Mahāsaṅgīti Tipiṭaka (Buddha Jayanti edition, 2500), from SuttaCentral’s bilara-data, dedicated to the public domain (CC0).

> English: Bhikkhu Sujato, from SuttaCentral’s bilara-data, dedicated to the public domain (CC0). Notes are not included.

> Rows follow the segment numbers the two texts share, gathered into paragraphs; verse keeps its lines.

## 1. The Chapter on What Occupies the Mind · AN 1.1–1.10

Source: https://scriptura.si/works/pali-anguttara-nikaya-1/1/ · cite a paragraph as https://scriptura.si/works/pali-anguttara-nikaya-1/1/#p-N

[¶0] AN 1.1

> Pali: AN 1.1

[¶1] So I have heard. At one time the Buddha was staying near Sāvatthī in Jeta’s Grove, Anāthapiṇḍika’s monastery. There the Buddha addressed the mendicants, “Mendicants!”

> Pali: Evaṁ me sutaṁ— ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme. Tatra kho bhagavā bhikkhū āmantesi: “bhikkhavo”ti.

[¶2] “Venerable sir,” they replied. The Buddha said this:

> Pali: “Bhadante”ti te bhikkhū bhagavato paccassosuṁ. Bhagavā etadavoca:

[¶3] “Mendicants, I do not see a single sight that occupies a man’s mind like the sight of a woman. The sight of a woman occupies a man’s mind.”

> Pali: “Nāhaṁ, bhikkhave, aññaṁ ekarūpampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthirūpaṁ. Itthirūpaṁ, bhikkhave, purisassa cittaṁ pariyādāya tiṭṭhatī”ti.

[¶4] > Pali: Paṭhamaṁ.

[¶5] AN 1.2

> Pali: AN 1.2

[¶6] “Mendicants, I do not see a single sound that occupies a man’s mind like the sound of a woman. The sound of a woman occupies a man’s mind.”

> Pali: “Nāhaṁ, bhikkhave, aññaṁ ekasaddampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthisaddo. Itthisaddo, bhikkhave, purisassa cittaṁ pariyādāya tiṭṭhatī”ti.

[¶7] > Pali: Dutiyaṁ.

[¶8] AN 1.3

> Pali: AN 1.3

[¶9] “Mendicants, I do not see a single smell that occupies a man’s mind like the smell of a woman. The smell of a woman occupies a man’s mind.”

> Pali: “Nāhaṁ, bhikkhave, aññaṁ ekagandhampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthigandho. Itthigandho, bhikkhave, purisassa cittaṁ pariyādāya tiṭṭhatī”ti.

[¶10] > Pali: Tatiyaṁ.

[¶11] AN 1.4

> Pali: AN 1.4

[¶12] “Mendicants, I do not see a single taste that occupies a man’s mind like the taste of a woman. The taste of a woman occupies a man’s mind.”

> Pali: “Nāhaṁ, bhikkhave, aññaṁ ekarasampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthiraso. Itthiraso, bhikkhave, purisassa cittaṁ pariyādāya tiṭṭhatī”ti.

[¶13] > Pali: Catutthaṁ.

[¶14] AN 1.5

> Pali: AN 1.5

[¶15] “Mendicants, I do not see a single touch that occupies a man’s mind like the touch of a woman. The touch of a woman occupies a man’s mind.”

> Pali: “Nāhaṁ, bhikkhave, aññaṁ ekaphoṭṭhabbampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthiphoṭṭhabbo. Itthiphoṭṭhabbo, bhikkhave, purisassa cittaṁ pariyādāya tiṭṭhatī”ti.

[¶16] > Pali: Pañcamaṁ.

[¶17] AN 1.6

> Pali: AN 1.6

[¶18] “Mendicants, I do not see a single sight that occupies a woman’s mind like the sight of a man. The sight of a man occupies a woman’s mind.”

> Pali: “Nāhaṁ, bhikkhave, aññaṁ ekarūpampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisarūpaṁ. Purisarūpaṁ, bhikkhave, itthiyā cittaṁ pariyādāya tiṭṭhatī”ti.

[¶19] > Pali: Chaṭṭhaṁ.

[¶20] AN 1.7

> Pali: AN 1.7

[¶21] “Mendicants, I do not see a single sound that occupies a woman’s mind like the sound of a man. The sound of a man occupies a woman’s mind.”

> Pali: “Nāhaṁ, bhikkhave, aññaṁ ekasaddampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisasaddo. Purisasaddo, bhikkhave, itthiyā cittaṁ pariyādāya tiṭṭhatī”ti.

[¶22] > Pali: Sattamaṁ.

[¶23] AN 1.8

> Pali: AN 1.8

[¶24] “Mendicants, I do not see a single smell that occupies a woman’s mind like the smell of a man. The smell of a man occupies a woman’s mind.”

> Pali: “Nāhaṁ, bhikkhave, aññaṁ ekagandhampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisagandho. Purisagandho, bhikkhave, itthiyā cittaṁ pariyādāya tiṭṭhatī”ti.

[¶25] > Pali: Aṭṭhamaṁ.

[¶26] AN 1.9

> Pali: AN 1.9

[¶27] “Mendicants, I do not see a single taste that occupies a woman’s mind like the taste of a man. The taste of a man occupies a woman’s mind.”

> Pali: “Nāhaṁ, bhikkhave, aññaṁ ekarasampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisaraso. Purisaraso, bhikkhave, itthiyā cittaṁ pariyādāya tiṭṭhatī”ti.

[¶28] > Pali: Navamaṁ.

[¶29] AN 1.10

> Pali: AN 1.10

[¶30] “Mendicants, I do not see a single touch that occupies a woman’s mind like the touch of a man. The touch of a man occupies a woman’s mind.”

> Pali: “Nāhaṁ, bhikkhave, aññaṁ ekaphoṭṭhabbampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisaphoṭṭhabbo. Purisaphoṭṭhabbo, bhikkhave, itthiyā cittaṁ pariyādāya tiṭṭhatī”ti.

[¶31] > Pali: Dasamaṁ.

[¶32] > Pali: Rūpādivaggo paṭhamo.