“Mendicants, I do not see a single thing that is so very harmful as this mind that is not tamed. An untamed mind is very harmful.”
“Nāhaṁ, bhikkhave, aññaṁ ekadhammampi samanupassāmi yaṁ evaṁ adantaṁ mahato anatthāya saṁvattati yathayidaṁ, bhikkhave, cittaṁ. Cittaṁ, bhikkhave, adantaṁ mahato anatthāya saṁvattatī”ti.
Paṭhamaṁ.
“Mendicants, I do not see a single thing that is so very beneficial as this mind that is tamed. A tamed mind is very beneficial.”
“Nāhaṁ, bhikkhave, aññaṁ ekadhammampi samanupassāmi yaṁ evaṁ dantaṁ mahato atthāya saṁvattati yathayidaṁ, bhikkhave, cittaṁ. Cittaṁ, bhikkhave, dantaṁ mahato atthāya saṁvattatī”ti.
Dutiyaṁ.
“Mendicants, I do not see a single thing that is so very harmful as this mind that is not guarded. An unguarded mind is very harmful.”
“Nāhaṁ, bhikkhave, aññaṁ ekadhammampi samanupassāmi yaṁ evaṁ aguttaṁ mahato anatthāya saṁvattati yathayidaṁ, bhikkhave, cittaṁ. Cittaṁ, bhikkhave, aguttaṁ mahato anatthāya saṁvattatī”ti.
Tatiyaṁ.
“Mendicants, I do not see a single thing that is so very beneficial as this mind that is guarded. A guarded mind is very beneficial.”
“Nāhaṁ, bhikkhave, aññaṁ ekadhammampi samanupassāmi yaṁ evaṁ guttaṁ mahato atthāya saṁvattati yathayidaṁ, bhikkhave, cittaṁ. Cittaṁ, bhikkhave, guttaṁ mahato atthāya saṁvattatī”ti.
Catutthaṁ.
“Mendicants, I do not see a single thing that is so very harmful as this mind that is not protected. An unprotected mind is very harmful.”
“Nāhaṁ, bhikkhave, aññaṁ ekadhammampi samanupassāmi yaṁ evaṁ arakkhitaṁ mahato anatthāya saṁvattati yathayidaṁ, bhikkhave, cittaṁ. Cittaṁ, bhikkhave, arakkhitaṁ mahato anatthāya saṁvattatī”ti.
Pañcamaṁ.
“Mendicants, I do not see a single thing that is so very beneficial as this mind that is protected. A protected mind is very beneficial.”
“Nāhaṁ, bhikkhave, aññaṁ ekadhammampi samanupassāmi yaṁ evaṁ rakkhitaṁ mahato atthāya saṁvattati yathayidaṁ, bhikkhave, cittaṁ. Cittaṁ, bhikkhave, rakkhitaṁ mahato atthāya saṁvattatī”ti.
Chaṭṭhaṁ.
“Mendicants, I do not see a single thing that is so very harmful as this mind that is not restrained. An unrestrained mind is very harmful.”
“Nāhaṁ, bhikkhave, aññaṁ ekadhammampi samanupassāmi yaṁ evaṁ asaṁvutaṁ mahato anatthāya saṁvattati yathayidaṁ, bhikkhave, cittaṁ. Cittaṁ, bhikkhave, asaṁvutaṁ mahato anatthāya saṁvattatī”ti.
Sattamaṁ.
“Mendicants, I do not see a single thing that is so very beneficial as this mind that is restrained. A restrained mind is very beneficial.”
“Nāhaṁ, bhikkhave, aññaṁ ekadhammampi samanupassāmi yaṁ evaṁ saṁvutaṁ mahato atthāya saṁvattati yathayidaṁ, bhikkhave, cittaṁ. Cittaṁ, bhikkhave, saṁvutaṁ mahato atthāya saṁvattatī”ti.
Aṭṭhamaṁ.
“Mendicants, I do not see a single thing that is so very harmful as this mind that is not tamed, guarded, protected, and restrained. An untamed, unguarded, unprotected, and unrestrained mind is very harmful.”
“Nāhaṁ, bhikkhave, aññaṁ ekadhammampi samanupassāmi yaṁ evaṁ adantaṁ aguttaṁ arakkhitaṁ asaṁvutaṁ mahato anatthāya saṁvattati yathayidaṁ, bhikkhave, cittaṁ. Cittaṁ, bhikkhave, adantaṁ aguttaṁ arakkhitaṁ asaṁvutaṁ mahato anatthāya saṁvattatī”ti.
Navamaṁ.
“Mendicants, I do not see a single thing that is so very beneficial as this mind that is tamed, guarded, protected, and restrained. A tamed, guarded, protected, and restrained mind is very beneficial.”
“Nāhaṁ, bhikkhave, aññaṁ ekadhammampi samanupassāmi yaṁ evaṁ dantaṁ guttaṁ rakkhitaṁ saṁvutaṁ mahato atthāya saṁvattati yathayidaṁ, bhikkhave, cittaṁ. Cittaṁ, bhikkhave, dantaṁ guttaṁ rakkhitaṁ saṁvutaṁ mahato atthāya saṁvattatī”ti.
Dasamaṁ.
Adantavaggo catuttho.