---
title: "Numbered Discourses: The Ones · Aṅguttara Nikāya · Ekakanipāta"
author: "The Buddha"
translator: "Bhikkhu Sujato"
languages: [pi, en]
shelf: "Pali Canon"
section: 9 of 31
url: https://scriptura.si/works/pali-anguttara-nikaya-1/9/
cite: "The Buddha, tr. Bhikkhu Sujato, Numbered Discourses: The Ones · Aṅguttara Nikāya · Ekakanipāta, section 9. Scriptura (scriptura.si), https://scriptura.si/works/pali-anguttara-nikaya-1/9/"
---

# Numbered Discourses: The Ones · Aṅguttara Nikāya · Ekakanipāta

*The Buddha, tr. Bhikkhu Sujato*

Teachings grouped in ones: one thing that obsesses the mind, one thing that leads to great harm, the one person born for the welfare of the world.

> Pali: the Mahāsaṅgīti Tipiṭaka (Buddha Jayanti edition, 2500), from SuttaCentral’s bilara-data, dedicated to the public domain (CC0).

> English: Bhikkhu Sujato, from SuttaCentral’s bilara-data, dedicated to the public domain (CC0). Notes are not included.

> Rows follow the segment numbers the two texts share, gathered into paragraphs; verse keeps its lines.

## 9. The Chapter on Negligence · AN 1.82–1.97

Source: https://scriptura.si/works/pali-anguttara-nikaya-1/9/ · cite a paragraph as https://scriptura.si/works/pali-anguttara-nikaya-1/9/#p-N

[¶0] AN 1.82

> Pali: AN 1.82

[¶1] “Mendicants, I do not see a single thing that is so very harmful as negligence. Negligence is very harmful.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, pamādo. Pamādo, bhikkhave, mahato anatthāya saṁvattatī”ti.

[¶2] > Pali: Paṭhamaṁ.

[¶3] AN 1.83

> Pali: AN 1.83

[¶4] “Mendicants, I do not see a single thing that is so very beneficial as diligence. Diligence is very beneficial.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, appamādo. Appamādo, bhikkhave, mahato atthāya saṁvattatī”ti.

[¶5] > Pali: Dutiyaṁ.

[¶6] AN 1.84

> Pali: AN 1.84

[¶7] “Mendicants, I do not see a single thing that is so very harmful as laziness. Laziness is very harmful.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, kosajjaṁ. Kosajjaṁ, bhikkhave, mahato anatthāya saṁvattatī”ti.

[¶8] > Pali: Tatiyaṁ.

[¶9] AN 1.85

> Pali: AN 1.85

[¶10] “Mendicants, I do not see a single thing that is so very beneficial as arousing energy. Arousing energy is very beneficial.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, vīriyārambho. Vīriyārambho, bhikkhave, mahato atthāya saṁvattatī”ti.

[¶11] > Pali: Catutthaṁ.

[¶12] AN 1.86

> Pali: AN 1.86

[¶13] “Mendicants, I do not see a single thing that is so very harmful as having many wishes. Having many wishes is very harmful.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, mahicchatā. Mahicchatā, bhikkhave, mahato anatthāya saṁvattatī”ti.

[¶14] > Pali: Pañcamaṁ.

[¶15] AN 1.87

> Pali: AN 1.87

[¶16] “Mendicants, I do not see a single thing that is so very beneficial as having few wishes. Having few wishes is very beneficial.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, appicchatā. Appicchatā, bhikkhave, mahato atthāya saṁvattatī”ti.

[¶17] > Pali: Chaṭṭhaṁ.

[¶18] AN 1.88

> Pali: AN 1.88

[¶19] “Mendicants, I do not see a single thing that is so very harmful as lack of contentment. Lack of contentment is very harmful.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, asantuṭṭhitā. Asantuṭṭhitā, bhikkhave, mahato anatthāya saṁvattatī”ti.

[¶20] > Pali: Sattamaṁ.

[¶21] AN 1.89

> Pali: AN 1.89

[¶22] “Mendicants, I do not see a single thing that is so very beneficial as contentment. Contentment is very beneficial.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, santuṭṭhitā. Santuṭṭhitā, bhikkhave, mahato atthāya saṁvattatī”ti.

[¶23] > Pali: Aṭṭhamaṁ.

[¶24] AN 1.90

> Pali: AN 1.90

[¶25] “Mendicants, I do not see a single thing that is so very harmful as irrational application of mind. Irrational application of mind is very harmful.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, ayonisomanasikāro. Ayonisomanasikāro, bhikkhave, mahato anatthāya saṁvattatī”ti.

[¶26] > Pali: Navamaṁ.

[¶27] AN 1.91

> Pali: AN 1.91

[¶28] “Mendicants, I do not see a single thing that is so very beneficial as rational application of mind. Rational application of mind is very beneficial.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, yoniso manasikāro. Yonisomanasikāro, bhikkhave, mahato atthāya saṁvattatī”ti.

[¶29] > Pali: Dasamaṁ.

[¶30] AN 1.92

> Pali: AN 1.92

[¶31] “Mendicants, I do not see a single thing that is so very harmful as lack of situational awareness. Lack of situational awareness is very harmful.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, asampajaññaṁ. Asampajaññaṁ, bhikkhave, mahato anatthāya saṁvattatī”ti.

[¶32] > Pali: Ekādasamaṁ.

[¶33] AN 1.93

> Pali: AN 1.93

[¶34] “Mendicants, I do not see a single thing that is so very beneficial as situational awareness. Situational awareness is very beneficial.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, sampajaññaṁ. Sampajaññaṁ, bhikkhave, mahato atthāya saṁvattatī”ti.

[¶35] > Pali: Dvādasamaṁ.

[¶36] AN 1.94

> Pali: AN 1.94

[¶37] “Mendicants, I do not see a single thing that is so very harmful as bad friends. Bad friends are very harmful.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, pāpamittatā. Pāpamittatā, bhikkhave, mahato anatthāya saṁvattatī”ti.

[¶38] > Pali: Terasamaṁ.

[¶39] AN 1.95

> Pali: AN 1.95

[¶40] “Mendicants, I do not see a single thing that is so very beneficial as good friends. Good friends are very beneficial.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, kalyāṇamittatā. Kalyāṇamittatā, bhikkhave, mahato atthāya saṁvattatī”ti.

[¶41] > Pali: Cuddasamaṁ.

[¶42] AN 1.96

> Pali: AN 1.96

[¶43] “Mendicants, I do not see a single thing that is so very harmful as pursuing bad habits and not good habits. Pursuing bad habits and not good habits is very harmful.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, anuyogo akusalānaṁ dhammānaṁ, ananuyogo kusalānaṁ dhammānaṁ. Anuyogo, bhikkhave, akusalānaṁ dhammānaṁ, ananuyogo kusalānaṁ dhammānaṁ mahato anatthāya saṁvattatī”ti.

[¶44] > Pali: Pannarasamaṁ.

[¶45] AN 1.97

> Pali: AN 1.97

[¶46] “Mendicants, I do not see a single thing that is so very beneficial as pursuing good habits and not bad habits. Pursuing good habits and not bad habits is very beneficial.”

> Pali: “Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, anuyogo kusalānaṁ dhammānaṁ, ananuyogo akusalānaṁ dhammānaṁ. Anuyogo, bhikkhave, kusalānaṁ dhammānaṁ, ananuyogo akusalānaṁ dhammānaṁ mahato atthāya saṁvattatī”ti.

[¶47] > Pali: Soḷasamaṁ.

[¶48] > Pali: Pamādādivaggo navamo.