---
title: "The Short Passages · Khuddakapāṭha"
author: "The Buddha"
translator: "Bhikkhu Sujato"
languages: [pi, en]
shelf: "Pali Canon"
section: 1 of 1
url: https://scriptura.si/works/pali-khuddakapatha/1/
cite: "The Buddha, tr. Bhikkhu Sujato, The Short Passages · Khuddakapāṭha, section 1. Scriptura (scriptura.si), https://scriptura.si/works/pali-khuddakapatha/1/"
---

# The Short Passages · Khuddakapāṭha

*The Buddha, tr. Bhikkhu Sujato*

Nine short texts for recitation: the refuges, the Jewel Discourse, the Discourse on Loving-Kindness, Blessings.

> Pali: the Mahāsaṅgīti Tipiṭaka (Buddha Jayanti edition, 2500), from SuttaCentral’s bilara-data, dedicated to the public domain (CC0).

> English: Bhikkhu Sujato, from SuttaCentral’s bilara-data, dedicated to the public domain (CC0). Notes are not included.

> Rows follow the segment numbers the two texts share, gathered into paragraphs; verse keeps its lines.

## 1. Kp 1–9

Source: https://scriptura.si/works/pali-khuddakapatha/1/ · cite a paragraph as https://scriptura.si/works/pali-khuddakapatha/1/#p-N

[¶0] Kp 1 · The Three Refuges

> Pali: Kp 1 · Saraṇattaya

[¶1] Homage to him, the blessed one, the perfected one, the fully awakened Buddha!

> Pali: Namo tassa Bhagavato Arahato Sammāsambuddhassa.

[¶2] I take refuge in the Buddha,
I take refuge in the Teaching,
I take refuge in the Saṅgha.

> Pali: Buddhaṁ saraṇaṁ gacchāmi,
Dhammaṁ saraṇaṁ gacchāmi,
Saṅghaṁ saraṇaṁ gacchāmi.

[¶3] For the second time I take refuge in the Buddha,
for the second time I take refuge in the Teaching,
for the second time I take refuge in the Saṅgha.

> Pali: Dutiyampi buddhaṁ saraṇaṁ gacchāmi,
Dutiyampi dhammaṁ saraṇaṁ gacchāmi,
Dutiyampi saṅghaṁ saraṇaṁ gacchāmi.

[¶4] For the third time I take refuge in the Buddha,
for the third time I take refuge in the Teaching,
for the third time I take refuge in the Saṅgha.

> Pali: Tatiyampi buddhaṁ saraṇaṁ gacchāmi,
Tatiyampi dhammaṁ saraṇaṁ gacchāmi,
Tatiyampi saṅghaṁ saraṇaṁ gacchāmi.

[¶5] > Pali: Saraṇattayaṁ.

[¶6] Kp 2 · The Ten Precepts

> Pali: Kp 2 · Dasasikkhāpada

[¶7] I undertake the precept to refrain from killing living creatures.

> Pali: Pāṇātipātā veramaṇisikkhāpadaṁ samādiyāmi.

[¶8] I undertake the precept to refrain from stealing.

> Pali: Adinnādānā veramaṇisikkhāpadaṁ samādiyāmi.

[¶9] I undertake the precept to refrain from sexual activity.

> Pali: Abrahmacariyā veramaṇisikkhāpadaṁ samādiyāmi.

[¶10] I undertake the precept to refrain from lying.

> Pali: Musāvādā veramaṇisikkhāpadaṁ samādiyāmi.

[¶11] I undertake the precept to refrain from intoxicants of beer, wine, and liquor.

> Pali: Surāmerayamajjapamādaṭṭhānā veramaṇisikkhāpadaṁ samādiyāmi.

[¶12] I undertake the precept to refrain from food at the wrong time.

> Pali: Vikālabhojanā veramaṇisikkhāpadaṁ samādiyāmi.

[¶13] I undertake the precept to refrain from seeing shows of dancing, singing, and music.

> Pali: Naccagītavāditavisūkadassanā veramaṇisikkhāpadaṁ samādiyāmi.

[¶14] I undertake the precept to refrain from attiring and adorning myself with garlands, fragrance, and makeup.

> Pali: Mālāgandhavilepanadhāraṇamaṇḍanavibhūsanaṭṭhānā veramaṇisikkhāpadaṁ samādiyāmi.

[¶15] I undertake the precept to refrain from high and luxurious beds.

> Pali: Uccāsayanamahāsayanā veramaṇisikkhāpadaṁ samādiyāmi.

[¶16] I undertake the precept to refrain from receiving gold and currency.

> Pali: Jātarūparajatapaṭiggahaṇā veramaṇisikkhāpadaṁ samādiyāmi.

[¶17] > Pali: Dasasikkhāpadaṁ.

[¶18] Kp 3 · The Thirty-Two Parts of the Body

> Pali: Kp 3 · Dvattiṁsākāra

[¶19] “In this body there is head hair, body hair, nails, teeth, skin, flesh, sinews, bones, bone marrow, kidneys, heart, liver, diaphragm, spleen, lungs, intestines, mesentery, undigested food, feces, brain, bile, phlegm, pus, blood, sweat, fat, tears, grease, saliva, snot, synovial fluid, urine.”

> Pali: Atthi imasmiṁ kāye—Kesā lomā nakhā dantā taco, maṁsaṁ nhāru aṭṭhi aṭṭhimiñjaṁ vakkaṁ, hadayaṁ yakanaṁ kilomakaṁ pihakaṁ papphāsaṁ, antaṁ antaguṇaṁ udariyaṁ karīsaṁ matthaluṅgaṁ, pittaṁ semhaṁ pubbo lohitaṁ sedo medo, assu vasā kheḷo siṅghāṇikā lasikā muttanti.

[¶20] > Pali: Dvattiṁsākāraṁ.

[¶21] Kp 4 · The Boy’s Questions

> Pali: Kp 4 · Kumārapañhā

[¶22] What is the one? All sentient beings are sustained by food.

> Pali: Ekaṁ nāma kiṁ? Sabbe sattā āhāraṭṭhitikā.

[¶23] What is the two? Name and form.

> Pali: Dve nāma kiṁ? Nāmañca rūpañca.

[¶24] What is the three? Three feelings.

> Pali: Tīṇi nāma kiṁ? Tisso vedanā.

[¶25] What is the four? Four noble truths.

> Pali: Cattāri nāma kiṁ? Cattāri ariyasaccāni.

[¶26] What is the five? Five grasping aggregates.

> Pali: Pañca nāma kiṁ? Pañcupādānakkhandhā.

[¶27] What is the six? Six interior sense fields.

> Pali: Cha nāma kiṁ? Cha ajjhattikāni āyatanāni.

[¶28] What is the seven? Seven awakening factors.

> Pali: Satta nāma kiṁ? Satta bojjhaṅgā.

[¶29] What is the eight? The noble eightfold path.

> Pali: Aṭṭha nāma kiṁ? Ariyo aṭṭhaṅgiko maggo.

[¶30] What is the nine? Nine abodes of sentient beings.

> Pali: Nava nāma kiṁ? Nava sattāvāsā.

[¶31] What is the ten? One endowed with ten factors is called “perfected”.

> Pali: Dasa nāma kiṁ? Dasahaṅgehi samannāgato “arahā”ti vuccatīti.

[¶32] > Pali: Kumārapañhā.

[¶33] Kp 5 · Blessings

> Pali: Kp 5 · Maṅgalasutta

[¶34] So I have heard. At one time the Buddha was staying near Sāvatthī in Jeta’s Grove, Anāthapiṇḍika’s monastery. Then, late at night, a glorious deity, lighting up the entire Jeta’s Grove, went up to the Buddha, bowed, and stood to one side. That deity addressed the Buddha in verse:

> Pali: Evaṁ me sutaṁ— ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme. Atha kho aññatarā devatā abhikkantāya rattiyā abhikkantavaṇṇā kevalakappaṁ jetavanaṁ obhāsetvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhitā kho sā devatā bhagavantaṁ gāthāya ajjhabhāsi—

[¶35] “Many gods and humans
have thought about blessings
desiring well-being:
declare the highest blessing.”

> Pali: “Bahū devā manussā ca,
maṅgalāni acintayuṁ;
Ākaṅkhamānā sotthānaṁ,
brūhi maṅgalamuttamaṁ”.

[¶36] “Not to fraternize with fools,
but to fraternize with the wise,
and honoring those worthy of honor:
this is the highest blessing.

> Pali: “Asevanā ca bālānaṁ,
paṇḍitānañca sevanā;
Pūjā ca pūjaneyyānaṁ,
etaṁ maṅgalamuttamaṁ.

[¶37] Living in a suitable region,
having made merit in the past,
being rightly resolved in oneself,
this is the highest blessing.

> Pali: Patirūpadesavāso ca,
pubbe ca katapuññatā;
Attasammāpaṇidhi ca,
etaṁ maṅgalamuttamaṁ.

[¶38] Education and a craft,
discipline and training,
and well-spoken speech:
this is the highest blessing.

> Pali: Bāhusaccañca sippañca,
vinayo ca susikkhito;
Subhāsitā ca yā vācā,
etaṁ maṅgalamuttamaṁ.

[¶39] Caring for mother and father,
kindness to children and partners,
and unstressful work:
this is the highest blessing.

> Pali: Mātāpituupaṭṭhānaṁ,
puttadārassa saṅgaho;
Anākulā ca kammantā,
etaṁ maṅgalamuttamaṁ.

[¶40] Giving and righteous conduct,
kindness to relatives,
blameless deeds:
this is the highest blessing.

> Pali: Dānañca dhammacariyā ca,
ñātakānañca saṅgaho;
Anavajjāni kammāni,
etaṁ maṅgalamuttamaṁ.

[¶41] Desisting and abstaining from evil,
avoiding drinking liquor,
diligence in good qualities:
this is the highest blessing.

> Pali: Āratī viratī pāpā,
majjapānā ca saṁyamo;
Appamādo ca dhammesu,
etaṁ maṅgalamuttamaṁ.

[¶42] Respect and placidity,
contentment and gratitude,
and timely listening to the teaching:
this is the highest blessing.

> Pali: Gāravo ca nivāto ca,
santuṭṭhi ca kataññutā;
Kālena dhammassavanaṁ,
etaṁ maṅgalamuttamaṁ.

[¶43] Patience, being easy to admonish,
the sight of ascetics,
and timely discussion of the teaching:
this is the highest blessing.

> Pali: Khantī ca sovacassatā,
samaṇānañca dassanaṁ;
Kālena dhammasākacchā,
etaṁ maṅgalamuttamaṁ.

[¶44] Fervor and chastity
seeing the noble truths,
and realization of extinguishment:
this is the highest blessing.

> Pali: Tapo ca brahmacariyañca,
ariyasaccāna dassanaṁ;
Nibbānasacchikiriyā ca,
etaṁ maṅgalamuttamaṁ.

[¶45] Though touched by worldly conditions,
their mind does not tremble;
sorrowless, stainless, secure:
this is the highest blessing.

> Pali: Phuṭṭhassa lokadhammehi,
cittaṁ yassa na kampati;
Asokaṁ virajaṁ khemaṁ,
etaṁ maṅgalamuttamaṁ.

[¶46] Having completed these things,
undefeated everywhere;
everywhere they go in safety:
this is their highest blessing.”

> Pali: Etādisāni katvāna,
Sabbattha maparājitā;
Sabbattha sotthiṁ gacchanti,
Taṁ tesaṁ maṅgalamuttaman”ti.

[¶47] > Pali: Maṅgalasuttaṁ.

[¶48] Kp 6 · Gems

> Pali: Kp 6 · Ratanasutta

[¶49] Whatever beings have gathered here,
on the ground or in the sky;
may beings all be of happy heart,
and listen carefully to what is said.

> Pali: Yānīdha bhūtāni samāgatāni,
Bhummāni vā yāni va antalikkhe;
Sabbeva bhūtā sumanā bhavantu,
Athopi sakkacca suṇantu bhāsitaṁ.

[¶50] So pay heed, all you beings,
have love for humankind,
who day and night bring offerings;
please protect them diligently.

> Pali: Tasmā hi bhūtā nisāmetha sabbe,
Mettaṁ karotha mānusiyā pajāya;
Divā ca ratto ca haranti ye baliṁ,
Tasmā hi ne rakkhatha appamattā.

[¶51] There’s no wealth this life or the next,
no sublime gem in the heavens,
that equals the Realized One.
This sublime gem is in the Buddha:
by this truth, may you be well!

> Pali: Yaṁ kiñci vittaṁ idha vā huraṁ vā,
Saggesu vā yaṁ ratanaṁ paṇītaṁ;
Na no samaṁ atthi tathāgatena,
Idampi buddhe ratanaṁ paṇītaṁ;
Etena saccena suvatthi hotu.

[¶52] Ending, dispassion, the undying, the sublime,
attained by the Sakyan Sage immersed in samādhi;
there is nothing equal to that Dhamma.
This sublime gem is in the Dhamma:
by this truth, may you be well!

> Pali: Khayaṁ virāgaṁ amataṁ paṇītaṁ,
Yadajjhagā sakyamunī samāhito;
Na tena dhammena samatthi kiñci,
Idampi dhamme ratanaṁ paṇītaṁ;
Etena saccena suvatthi hotu.

[¶53] The purity praised by the highest Buddha,
is said to be the “immersion with immediate fruit”;
no equal to that immersion is found.
This sublime gem is in the Dhamma:
by this truth, may you be well!

> Pali: Yaṁ buddhaseṭṭho parivaṇṇayī suciṁ,
Samādhimānantarikaññamāhu;
Samādhinā tena samo na vijjati,
Idampi dhamme ratanaṁ paṇītaṁ;
Etena saccena suvatthi hotu.

[¶54] The eight individual persons praised by the good
are the four pairs of the Holy One’s disciples;
they are worthy of religious donations,
what’s given to them is very fruitful.
This sublime gem is in the Saṅgha:
by this truth, may you be well!

> Pali: Ye puggalā aṭṭha sataṁ pasatthā,
Cattāri etāni yugāni honti;
Te dakkhiṇeyyā sugatassa sāvakā,
Etesu dinnāni mahapphalāni;
Idampi saṅghe ratanaṁ paṇītaṁ,
Etena saccena suvatthi hotu.

[¶55] Dedicated to Gotama’s dispensation,
strong-minded, free of sense desire,
they’ve attained the goal, plunged into freedom from death,
and enjoy the quenching they’ve freely gained.
This sublime gem is in the Saṅgha:
by this truth, may you be well!

> Pali: Ye suppayuttā manasā daḷhena,
Nikkāmino gotamasāsanamhi;
Te pattipattā amataṁ vigayha,
Laddhā mudhā nibbutiṁ bhuñjamānā;
Idampi saṅghe ratanaṁ paṇītaṁ,
Etena saccena suvatthi hotu.

[¶56] As Indra’s pillar rooted in earth
is not shaken by the four winds,
I say a true person is like this,
who sees the noble truths in experience.
This sublime gem is in the Saṅgha:
by this truth, may you be well!

> Pali: Yathindakhīlo pathavissito siyā,
Catubbhi vātehi asampakampiyo;
Tathūpamaṁ sappurisaṁ vadāmi,
Yo ariyasaccāni avecca passati;
Idampi saṅghe ratanaṁ paṇītaṁ,
Etena saccena suvatthi hotu.

[¶57] Those who fathom the noble truths
taught by the one of deep wisdom,
do not take an eighth life,
even if they are hugely negligent.
This sublime gem is in the Saṅgha:
by this truth, may you be well!

> Pali: Ye ariyasaccāni vibhāvayanti,
Gambhīrapaññena sudesitāni;
Kiñcāpi te honti bhusaṁ pamattā,
Na te bhavaṁ aṭṭhamamādiyanti;
Idampi saṅghe ratanaṁ paṇītaṁ,
Etena saccena suvatthi hotu.

[¶58] When they attain to vision
they give up three things:
substantialist view, doubt, and any
attachment to precepts and observances.

> Pali: Sahāvassa dassanasampadāya,
Tayassu dhammā jahitā bhavanti;
Sakkāyadiṭṭhī vicikicchitañca,
Sīlabbataṁ vāpi yadatthi kiñci.

[¶59] They’re freed from the four places of loss,
and cannot do six things.
This sublime gem is in the Saṅgha:
by this truth, may you be well!

> Pali: Catūhapāyehi ca vippamutto,
Chaccābhiṭhānāni abhabba kātuṁ;
Idampi saṅghe ratanaṁ paṇītaṁ,
Etena saccena suvatthi hotu.

[¶60] Even if they do a bad deed
by body, speech, or mind,
they are unable to conceal it;
this, it’s said, is the inability <j>of one who has seen the truth.
This sublime gem is in the Saṅgha:
by this truth, may you be well!

> Pali: Kiñcāpi so kamma karoti pāpakaṁ,
Kāyena vācā uda cetasā vā;
Abhabba so tassa paṭicchadāya,
Abhabbatā diṭṭhapadassa vuttā;
Idampi saṅghe ratanaṁ paṇītaṁ,
Etena saccena suvatthi hotu.

[¶61] Like a tall forest tree crowned with flowers
in the first month of summer;
that’s how he taught the superb Dhamma,
leading to extinguishment, the ultimate benefit.
This sublime gem is in the Buddha:
by this truth, may you be well!

> Pali: Vanappagumbe yatha phussitagge,
Gimhānamāse paṭhamasmiṁ gimhe;
Tathūpamaṁ dhammavaraṁ adesayi,
Nibbānagāmiṁ paramaṁ hitāya;
Idampi buddhe ratanaṁ paṇītaṁ,
Etena saccena suvatthi hotu.

[¶62] The superb, knower of the superb, giver of the superb, bringer of the superb;
taught the superb Dhamma supreme.
This sublime gem is in the Buddha:
by this truth, may you be well!

> Pali: Varo varaññū varado varāharo,
Anuttaro dhammavaraṁ adesayi;
Idampi buddhe ratanaṁ paṇītaṁ,
Etena saccena suvatthi hotu.

[¶63] The old is ended, nothing new is produced;
their minds have no desire for future rebirth.
Withered are the seeds, there’s no desire for growth,
those attentive ones are extinguished like this lamp.
This sublime gem is in the Saṅgha:
by this truth, may you be well!

> Pali: Khīṇaṁ purāṇaṁ nava natthi sambhavaṁ,
Virattacittāyatike bhavasmiṁ;
Te khīṇabījā avirūḷhichandā,
Nibbanti dhīrā yathāyaṁ padīpo;
Idampi saṅghe ratanaṁ paṇītaṁ,
Etena saccena suvatthi hotu.

[¶64] Whatever beings have gathered here,
on the ground or in the sky:
the Realized One is honored by gods and humans!
We bow to the Buddha! May you be safe!

> Pali: Yānīdha bhūtāni samāgatāni,
Bhummāni vā yāni va antalikkhe;
Tathāgataṁ devamanussapūjitaṁ,
Buddhaṁ namassāma suvatthi hotu.

[¶65] Whatever beings have gathered here,
on the ground or in the sky:
the Realized One is honored by gods and humans!
We bow to the Dhamma! May you be safe!

> Pali: Yānīdha bhūtāni samāgatāni,
Bhummāni vā yāni va antalikkhe;
Tathāgataṁ devamanussapūjitaṁ,
Dhammaṁ namassāma suvatthi hotu.

[¶66] Whatever beings have gathered here,
on the ground or in the sky:
the Realized One is honored by gods and humans!
We bow to the Saṅgha! May you be safe!

> Pali: Yānīdha bhūtāni samāgatāni,
Bhummāni vā yāni va antalikkhe;
Tathāgataṁ devamanussapūjitaṁ,
Saṅghaṁ namassāma suvatthi hotūti.

[¶67] > Pali: Ratanasuttaṁ.

[¶68] Kp 7 · Outside the Walls

> Pali: Kp 7 · Tirokuṭṭasutta

[¶69] Outside the walls they stand and wait,
at the junctions and the crossroads.
Returning to their former homes
they wait beside the door posts.

> Pali: Tirokuṭṭesu tiṭṭhanti,
sandhisiṅghāṭakesu ca;
Dvārabāhāsu tiṭṭhanti,
āgantvāna sakaṁ gharaṁ.

[¶70] But when lavish food and drink
of many kinds is set out,
no one remembers them at all,
because of those beings’s deeds.

> Pali: Pahūte annapānamhi,
khajjabhojje upaṭṭhite;
Na tesaṁ koci sarati,
sattānaṁ kammapaccayā.

[¶71] That’s why those who have compassion
give to their relatives
food and drink at the right time,
that’s clean, delicious, and suitable.

> Pali: Evaṁ dadanti ñātīnaṁ,
ye honti anukampakā;
Suciṁ paṇītaṁ kālena,
kappiyaṁ pānabhojanaṁ.

[¶72] “May this be for our relatives!
May our relatives be happy!”
Those ghosts who have gathered there,
the departed relatives who have come

> Pali: Idaṁ vo ñātīnaṁ hotu,
sukhitā hontu ñātayo;
Te ca tattha samāgantvā,
ñātipetā samāgatā.

[¶73] for the lavish food and drink
gratefully express appreciation:
“May our relatives live long!
For those to whom we owe this gain,

> Pali: Pahūte annapānamhi,
sakkaccaṁ anumodare;
Ciraṁ jīvantu no ñātī,
yesaṁ hetu labhāmase.

[¶74] who have given honor to us,
it will not be fruitless for the donor.”
There is no farming there,
no cow pasture can be found;

> Pali: Amhākañca katā pūjā,
dāyakā ca anipphalā;
Na hi tattha kasī atthi,
gorakkhettha na vijjati.

[¶75] likewise there’s no trading,
and no commerce in gold coin.
The departed, the dead in that place
live on what is given here.

> Pali: Vaṇijjā tādisī natthi,
hiraññena kayākayaṁ;
Ito dinnena yāpenti,
petā kālagatā tahiṁ.

[¶76] Just as water that rains on high
flows down to the plains,
so too what is given here
aids the departed ghosts.

> Pali: Unname udakaṁ vuṭṭhaṁ,
yathā ninnaṁ pavattati;
Evamevaṁ ito dinnaṁ,
petānaṁ upakappati.

[¶77] Just as the rivers full
swell the ocean seas
so too what is given here
aids the departed ghosts.

> Pali: Yathā vārivahā pūrā,
paripūrenti sāgaraṁ;
Evamevaṁ ito dinnaṁ,
petānaṁ upakappati.

[¶78] Thinking: “They gave to me, they did for me,
they were my family, friend, comrade”,
give offerings to departed kin,
remembering past deeds.

> Pali: Adāsi me akāsi me,
ñāti mittā sakhā ca me;
Petānaṁ dakkhiṇaṁ dajjā,
pubbe katamanussaraṁ.

[¶79] For neither tears nor grief
or other lamentations
are of any use to the departed,
so long as their relatives stay like this.

> Pali: Na hi ruṇṇaṁ vā soko vā,
yā caññā paridevanā;
Na taṁ petānamatthāya,
evaṁ tiṭṭhanti ñātayo.

[¶80] This offering that has been given,
well placed in the Saṅgha,
is for their lasting welfare,
and aids them right away.

> Pali: Ayañca kho dakkhiṇā dinnā,
saṅghamhi suppatiṭṭhitā;
Dīgharattaṁ hitāyassa,
ṭhānaso upakappati.

[¶81] The relative’s duty has now been shown:
how high honor to departed is performed,
how the mendicants can be kept strong,
and how no little merit is produced by you.

> Pali: So ñātidhammo ca ayaṁ nidassito,
Petāna pūjā ca katā uḷārā;
Balañca bhikkhūnamanuppadinnaṁ,
Tumhehi puññaṁ pasutaṁ anappakanti.

[¶82] > Pali: Tirokuṭṭasuttaṁ.

[¶83] Kp 8 · A Treasure Trove

> Pali: Kp 8 · Nidhikaṇḍasutta

[¶84] A person stores away their savings
in a deep trove by the water’s edge:
“When need arises
it will be there to help

> Pali: Nidhiṁ nidheti puriso,
gambhīre odakantike;
Atthe kicce samuppanne,
atthāya me bhavissati.

[¶85] free me from rulers if I am slandered,
or from bandits if harassed,
or to release me from debt,
or in case of famine or losses.”
What the world calls savings
get stored away for such reasons.

> Pali: Rājato vā duruttassa,
corato pīḷitassa vā;
Iṇassa vā pamokkhāya,
dubbhikkhe āpadāsu vā;
Etadatthāya lokasmiṁ,
nidhi nāma nidhīyati.

[¶86] But no matter how well stored away they are
in a deep pit by the water’s edge,
all their savings will fail
to aid them all the time.

> Pali: Tāvassunihito santo,
gambhīre odakantike;
Na sabbo sabbadā eva,
tassa taṁ upakappati.

[¶87] For perhaps those savings shift from there,
or they forget what marks the site,
or dragons make off with them,
or spirits carry them away,

> Pali: Nidhi vā ṭhānā cavati,
saññā vāssa vimuyhati;
Nāgā vā apanāmenti,
yakkhā vāpi haranti naṁ.

[¶88] or unloved heirs
secretly unearth them.
When their merit is used up,
all of that will vanish.

> Pali: Appiyā vāpi dāyādā,
uddharanti apassato;
Yadā puññakkhayo hoti,
sabbametaṁ vinassati.

[¶89] But by giving and morality,
restraint and self-control,
a woman or man
keeps their savings safe.

> Pali: Yassa dānena sīlena,
saṁyamena damena ca;
Nidhī sunihito hoti,
itthiyā purisassa vā.

[¶90] At a shrine or with the Saṅgha,
with mother or father,
or else an elder sibling,

> Pali: Cetiyamhi ca saṅghe vā,
puggale atithīsu vā;
Mātari pitari cāpi,
atho jeṭṭhamhi bhātari.

[¶91] those savings are kept safe,
they stay with you, undecaying.
We must go on leaving all behind,
only this you take when you go.

> Pali: Eso nidhi sunihito,
ajeyyo anugāmiko;
Pahāya gamanīyesu,
etaṁ ādāya gacchati.

[¶92] You don’t have to share it with others,
no thief makes off with your savings.
An attentive one would make merit,
the savings that stay with you.

> Pali: Asādhāraṇamaññesaṁ,
acorāharaṇo nidhi;
Kayirātha dhīro puññāni,
yo nidhi anugāmiko.

[¶93] Such savings grant every desire
of gods and humans too.
Whatever it is that they wish for
through this they have it all.

> Pali: Esa devamanussānaṁ,
sabbakāmadado nidhi;
Yaṁ yadevābhipatthenti,
sabbametena labbhati.

[¶94] Good looks, a sweet voice,
a good shape, and good appearance,
leadership and followers:
through this they have it all.

> Pali: Suvaṇṇatā susaratā,
susaṇṭhānā surūpatā;
Ādhipaccaparivāro,
sabbametena labbhati.

[¶95] Sovereignty of a local kingdom,
the happiness of a Wheel-Turning Monarch,
even kingship in the heavens:
through this they have it all.

> Pali: Padesarajjaṁ issariyaṁ,
cakkavattisukhaṁ piyaṁ;
Devarajjampi dibbesu,
sabbametena labbhati.

[¶96] Human success,
heavenly delight,
attaining extinguishment:
through this they have it all.

> Pali: Mānussikā ca sampatti,
devaloke ca yā rati;
Yā ca nibbānasampatti,
sabbametena labbhati.

[¶97] Relying on having good friends,
rational application of effort,
mastery of knowledge and freedom:
through this they have it all.

> Pali: Mittasampadamāgamma,
yonisova payuñjato;
Vijjāvimuttivasībhāvo,
sabbametena labbhati.

[¶98] Analytical knowledge, the liberations,
the perfections of the disciple,
the plane of an independent Buddha:
through this they have it all.

> Pali: Paṭisambhidā vimokkhā ca,
yā ca sāvakapāramī;
Paccekabodhi buddhabhūmi,
sabbametena labbhati.

[¶99] This accomplishment in merit
is so very beneficial.
That’s why the attentive and the astute
praise the making of merit.

> Pali: Evaṁ mahatthikā esā,
yadidaṁ puññasampadā;
Tasmā dhīrā pasaṁsanti,
paṇḍitā katapuññatanti.

[¶100] > Pali: Nidhikaṇḍasuttaṁ.

[¶101] Kp 9 · The Discourse on Love

> Pali: Kp 9 · Mettasutta

[¶102] Those who are skilled in the meaning of scripture
should practice as follows to realize the state of peace.
Let them be capable and upright, very upright,
easy to speak to, gentle and humble;

> Pali: Karaṇīyamatthakusalena,
Yanta santaṁ padaṁ abhisamecca;
Sakko ujū ca suhujū ca,
Sūvaco cassa mudu anatimānī.

[¶103] content and unburdensome,
unbusied, living lightly,
alert, with senses calmed,
courteous, not fawning on families.

> Pali: Santussako ca subharo ca,
Appakicco ca sallahukavutti;
Santindriyo ca nipako ca,
Appagabbho kulesvananugiddho.

[¶104] Let them not do the slightest thing
that others who are wise would blame.
May they be happy and safe!
May all beings be happy!

> Pali: Na ca khuddamācare kiñci,
Yena viññū pare upavadeyyuṁ;
Sukhino va khemino hontu,
Sabbasattā bhavantu sukhitattā.

[¶105] Whatever living creatures there are
with not a one left out—
frail or firm, long or large,
medium, small, tiny or round,

> Pali: Ye keci pāṇabhūtatthi,
Tasā vā thāvarā vanavasesā;
Dīghā vā ye va mahantā,
Majjhimā rassakā aṇukathūlā.

[¶106] seen or unseen,
living far or near,
those who have been born <j>and those about to be born—
may all beings be happy!

> Pali: Diṭṭhā vā ye va adiṭṭhā,
Ye va dūre vasanti avidūre;
Bhūtā va sambhavesī va,
Sabbasattā bhavantu sukhitattā.

[¶107] Let none deceive another,
nor look down on anyone anywhere.
Though provoked or aggrieved,
let them not wish pain on each other.

> Pali: Na paro paraṁ nikubbetha,
Nātimaññetha katthaci na kañci;
Byārosanā paṭighasañña,
Nāññamaññassa dukkhamiccheyya.

[¶108] Even as a mother would protect with her life
her child, her only child,
so too for all creatures
unfold a boundless heart.

> Pali: Mātā yathā niyaṁ puttam
Āyusā ekaputtamanurakkhe;
Evampi sabbabhūtesu,
Mānasaṁ bhāvaye aparimāṇaṁ.

[¶109] With love for the whole world,
unfold a boundless heart:
above, below, all round,
unconstricted, without enmity or foe.

> Pali: Mettañca sabbalokasmi,
Mānasaṁ bhāvaye aparimāṇaṁ;
Uddhaṁ adho ca tiriyañca,
Asambādhaṁ averamasapattaṁ.

[¶110] When standing, walking, sitting,
or lying down while yet unweary,
keep this ever in mind;
for this, they say, is a divine meditation in this life.

> Pali: Tiṭṭhaṁ caraṁ nisinno va,
Sayāno yāvatāssa vitamiddho;
Etaṁ satiṁ adhiṭṭheyya,
Brahmametaṁ vihāramidhamāhu.

[¶111] Avoiding harmful views,
virtuous, accomplished in insight,
with desire for sensual pleasures dispelled,
they never return to a womb again.

> Pali: Diṭṭhiñca anupaggamma,
Sīlavā dassanena sampanno;
Kāmesu vinaya gedhaṁ,
Na hi jātuggabbhaseyya punaretīti.

[¶112] > Pali: Mettasuttaṁ.

[¶113] > Pali: Khuddakapāṭhapāḷi niṭṭhitā.