--- title: "Linked Discourses III: The Aggregates · Saṁyutta Nikāya · Khandhavagga" author: "The Buddha" translator: "Bhikkhu Sujato" languages: [pi, en] shelf: "Pali Canon" section: 33 of 44 url: https://scriptura.si/works/pali-samyutta-nikaya-3/33/ cite: "The Buddha, tr. Bhikkhu Sujato, Linked Discourses III: The Aggregates · Saṁyutta Nikāya · Khandhavagga, section 33. Scriptura (scriptura.si), https://scriptura.si/works/pali-samyutta-nikaya-3/33/" --- # Linked Discourses III: The Aggregates · Saṁyutta Nikāya · Khandhavagga *The Buddha, tr. Bhikkhu Sujato* Form, feeling, perception, choices and consciousness: the five aggregates, and the teaching of not-self. > Pali: the Mahāsaṅgīti Tipiṭaka (Buddha Jayanti edition, 2500), from SuttaCentral’s bilara-data, dedicated to the public domain (CC0). > English: Bhikkhu Sujato, from SuttaCentral’s bilara-data, dedicated to the public domain (CC0). Notes are not included. > Rows follow the segment numbers the two texts share, gathered into paragraphs; verse keeps its lines. ## 33. Corruptions · SN 27.1–27.10 Source: https://scriptura.si/works/pali-samyutta-nikaya-3/33/ · cite a paragraph as https://scriptura.si/works/pali-samyutta-nikaya-3/33/#p-N [¶0] SN 27.1 · The Eye > Pali: SN 27.1 · Cakkhusutta [¶1] At Sāvatthī. > Pali: Sāvatthinidānaṁ. [¶2] “Mendicants, desire and greed for the eye, ear, nose, tongue, body, or mind is a corruption of the mind. When a mendicant has given up mental corruption in these six cases, their mind inclines to renunciation. A mind imbued with renunciation is said to be fit for work regarding anything that can be realized by insight.” > Pali: “Yo, bhikkhave, cakkhusmiṁ chandarāgo, cittasseso upakkileso. Yo sotasmiṁ chandarāgo, cittasseso upakkileso. Yo ghānasmiṁ chandarāgo, cittasseso upakkileso. Yo jivhāya chandarāgo, cittasseso upakkileso. Yo kāyasmiṁ chandarāgo, cittasseso upakkileso. Yo manasmiṁ chandarāgo, cittasseso upakkileso. Yato kho, bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṁ hoti. Nekkhammaparibhāvitaṁ cittaṁ kammaniyaṁ khāyati, abhiññā sacchikaraṇīyesu dhammesū”ti. [¶3] > Pali: Paṭhamaṁ. [¶4] SN 27.2 · Sights > Pali: SN 27.2 · Rūpasutta [¶5] At Sāvatthī. > Pali: Sāvatthinidānaṁ. [¶6] “Mendicants, desire and greed for sights, sounds, smells, tastes, touches, or ideas is a corruption of the mind. When a mendicant has given up mental corruption in these six cases, their mind inclines to renunciation. A mind imbued with renunciation is said to be fit for work regarding anything that can be realized by insight.” > Pali: “Yo, bhikkhave, rūpesu chandarāgo, cittasseso upakkileso. Yo saddesu … yo gandhesu … yo rasesu … yo phoṭṭhabbesu … yo dhammesu chandarāgo, cittasseso upakkileso. Yato kho, bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṁ hoti. Nekkhammaparibhāvitaṁ cittaṁ kammaniyaṁ khāyati, abhiññā sacchikaraṇīyesu dhammesū”ti. [¶7] > Pali: Dutiyaṁ. [¶8] SN 27.3 · Consciousness > Pali: SN 27.3 · Viññāṇasutta [¶9] At Sāvatthī. > Pali: Sāvatthinidānaṁ. [¶10] “Mendicants, desire and greed for eye consciousness, ear consciousness, nose consciousness, tongue consciousness, body consciousness, or mind consciousness is a corruption of the mind. When a mendicant has given up mental corruption in these six cases, their mind inclines to renunciation. A mind imbued with renunciation is said to be fit for work regarding anything that can be realized by insight.” > Pali: “Yo, bhikkhave, cakkhuviññāṇasmiṁ chandarāgo, cittasseso upakkileso. Yo sotaviññāṇasmiṁ … yo ghānaviññāṇasmiṁ … yo jivhāviññāṇasmiṁ … yo kāyaviññāṇasmiṁ … yo manoviññāṇasmiṁ chandarāgo, cittasseso upakkileso. Yato kho, bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṁ hoti. Nekkhammaparibhāvitaṁ cittaṁ kammaniyaṁ khāyati, abhiññā sacchikaraṇīyesu dhammesū”ti. [¶11] > Pali: Tatiyaṁ. [¶12] SN 27.4 · Contact > Pali: SN 27.4 · Samphassasutta [¶13] At Sāvatthī. > Pali: Sāvatthinidānaṁ. [¶14] “Mendicants, desire and greed for eye contact, ear contact, nose contact, tongue contact, body contact, or mind contact is a corruption of the mind. …” > Pali: “Yo, bhikkhave, cakkhusamphassasmiṁ chandarāgo, cittasseso upakkileso. Yo sotasamphassasmiṁ … yo ghānasamphassasmiṁ … yo jivhāsamphassasmiṁ … yo kāyasamphassasmiṁ … yo manosamphassasmiṁ chandarāgo, cittasseso upakkileso. Yato kho, bhikkhave, bhikkhuno …pe… abhiññā sacchikaraṇīyesu dhammesū”ti. [¶15] > Pali: Catutthaṁ. [¶16] SN 27.5 · Feeling > Pali: SN 27.5 · Samphassajasutta [¶17] At Sāvatthī. > Pali: Sāvatthinidānaṁ. [¶18] “Mendicants, desire and greed for feeling born of eye contact, feeling born of ear contact, feeling born of nose contact, feeling born of tongue contact, feeling born of body contact, or feeling born of mind contact is a defilement of the mind. …” > Pali: “Yo, bhikkhave, cakkhusamphassajāya vedanāya chandarāgo, cittasseso upakkileso. Yo sotasamphassajāya vedanāya … yo ghānasamphassajāya vedanāya … yo jivhāsamphassajāya vedanāya … yo kāyasamphassajāya vedanāya … yo manosamphassajāya vedanāya chandarāgo, cittasseso upakkileso. Yato kho, bhikkhave, bhikkhuno …pe… abhiññā sacchikaraṇīyesu dhammesū”ti. [¶19] > Pali: Pañcamaṁ. [¶20] SN 27.6 · Perception > Pali: SN 27.6 · Saññāsutta [¶21] At Sāvatthī. > Pali: Sāvatthinidānaṁ. [¶22] “Mendicants, desire and greed for perception of sights, perception of sounds, perception of smells, perception of tastes, perception of touches, or perception of ideas is a corruption of the mind. …” > Pali: “Yo, bhikkhave, rūpasaññāya chandarāgo, cittasseso upakkileso. Yo saddasaññāya … yo gandhasaññāya … yo rasasaññāya … yo phoṭṭhabbasaññāya … yo dhammasaññāya chandarāgo, cittasseso upakkileso. Yato kho, bhikkhave, bhikkhuno …pe… abhiññā sacchikaraṇīyesu dhammesū”ti. [¶23] > Pali: Chaṭṭhaṁ. [¶24] SN 27.7 · Intention > Pali: SN 27.7 · Sañcetanāsutta [¶25] At Sāvatthī. > Pali: Sāvatthinidānaṁ. [¶26] “Mendicants, desire and greed for intention regarding sights, intention regarding sounds, intention regarding smells, intention regarding tastes, intention regarding touches, or intention regarding ideas is a corruption of the mind. …” > Pali: “Yo, bhikkhave, rūpasañcetanāya chandarāgo, cittasseso upakkileso. Yo saddasañcetanāya … yo gandhasañcetanāya … yo rasasañcetanāya … yo phoṭṭhabbasañcetanāya … yo dhammasañcetanāya chandarāgo, cittasseso upakkileso. Yato kho, bhikkhave, bhikkhuno …pe… abhiññā sacchikaraṇīyesu dhammesū”ti. [¶27] > Pali: Sattamaṁ. [¶28] SN 27.8 · Craving > Pali: SN 27.8 · Taṇhāsutta [¶29] At Sāvatthī. > Pali: Sāvatthinidānaṁ. [¶30] “Mendicants, desire and greed for craving for sights, craving for sounds, craving for smells, craving for tastes, craving for touches, or craving for ideas is a corruption of the mind. …” > Pali: “Yo, bhikkhave, rūpataṇhāya chandarāgo, cittasseso upakkileso. Yo saddataṇhāya … yo gandhataṇhāya … yo rasataṇhāya … yo phoṭṭhabbataṇhāya … yo dhammataṇhāya chandarāgo, cittasseso upakkileso. Yato kho, bhikkhave, bhikkhuno …pe… abhiññā sacchikaraṇīyesu dhammesū”ti. [¶31] > Pali: Aṭṭhamaṁ. [¶32] SN 27.9 · Elements > Pali: SN 27.9 · Dhātusutta [¶33] At Sāvatthī. > Pali: Sāvatthinidānaṁ. [¶34] “Mendicants, desire and greed for the earth element, the water element, the fire element, the air element, the space element, or the consciousness element is a corruption of the mind. …” > Pali: “Yo, bhikkhave, pathavīdhātuyā chandarāgo, cittasseso upakkileso. Yo āpodhātuyā … yo tejodhātuyā … yo vāyodhātuyā … yo ākāsadhātuyā … yo viññāṇadhātuyā chandarāgo, cittasseso upakkileso. Yato kho, bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṁ hoti. Nekkhammaparibhāvitaṁ cittaṁ kammaniyaṁ khāyati, abhiññā sacchikaraṇīyesu dhammesū”ti. [¶35] > Pali: Navamaṁ. [¶36] SN 27.10 · The Aggregates > Pali: SN 27.10 · Khandhasutta [¶37] At Sāvatthī. > Pali: Sāvatthinidānaṁ. [¶38] “Mendicants, desire and greed for form, feeling, perception, choices, or consciousness is a corruption of the mind. When a mendicant has given up mental corruption in these five cases, their mind inclines to renunciation. A mind imbued with renunciation is said to be fit for work regarding anything that can be realized by insight.” > Pali: “Yo, bhikkhave, rūpasmiṁ chandarāgo, cittasseso upakkileso …pe… yo viññāṇasmiṁ chandarāgo, cittasseso upakkileso. Yato kho, bhikkhave, bhikkhuno imesu pañcasu ṭhānesu cetaso upakkileso pahīno hoti, nekkhammaninnañcassa cittaṁ hoti. Nekkhammaparibhāvitaṁ cittaṁ kammaniyaṁ khāyati, abhiññā sacchikaraṇīyesu dhammesū”ti. [¶39] > Pali: Dasamaṁ. [¶40] > Pali: Kilesavaggo paṭhamo. [¶41] > Pali: Tassuddānaṁ [¶42] > Pali: Cakkhu rūpañca viññāṇaṁ, phasso ca vedanāya ca; Saññā ca cetanā taṇhā, dhātu khandhena te dasāti. [¶43] The Linked Discourses on corruptions are complete. > Pali: Kilesasaṁyuttaṁ samattaṁ.