---
title: "Women of Trachis · Τραχίνιαι"
author: "Sophocles"
translator: "Richard Jebb"
languages: [grc, en]
shelf: "Classical Greek"
url: https://scriptura.si/works/sophocles-women-of-trachis/
cite: "Sophocles, tr. Richard Jebb, Women of Trachis · Τραχίνιαι. Scriptura (scriptura.si), https://scriptura.si/works/sophocles-women-of-trachis/"
---

# Women of Trachis · Τραχίνιαι

*Sophocles, tr. Richard Jebb*

Deianeira tries to win back Heracles with a love charm, and destroys him.

> Greek: ed. Francis Storr, from the Perseus Digital Library (canonical-greekLit, tlg0011.tlg001, CC BY-SA 4.0).

> English: Richard Jebb, from the Perseus Digital Library (tlg0011.tlg001.perseus-eng3). Notes are not included.

> Rows follow the references the two texts share (line numbers), cut where both reach the end of a sentence.

## Contents

1. [Lines 1–626](https://scriptura.si/works/sophocles-women-of-trachis/1.md)
2. [Lines 627–1278](https://scriptura.si/works/sophocles-women-of-trachis/2.md)

## 1. Lines 1–626

Source: https://scriptura.si/works/sophocles-women-of-trachis/1/ · cite a paragraph as https://scriptura.si/works/sophocles-women-of-trachis/1/#p-N

[¶0] Deianeira:
There is a saying among men, put forth long ago, that you cannot judge a mortal’s life and know whether it is good or bad until he dies. But well I know, even before I have passed away to Hades’ domain, that my life is ill-fortuned and heavy.
For I, while still dwelling in the house of my father Oeneus at Pleuron, had such fear of marriage as never any woman of Aetolia had. For my suitor was a river-god, Achelous,
who in three shapes was always asking me from my father—coming now as a bull in visible form, now as a serpent, sheeny and coiled, now ox-faced with human trunk, while from his thick-shaded beard wellheads of fountain-water sprayed.

> Greek: Δηιάνειρα:
λόγος μέν ἐστʼ ἀρχαῖος ἀνθρώπων φανείς,
ὡς οὐκ ἂν αἰῶνʼ ἐκμάθοις βροτῶν, πρὶν ἂν
θάνῃ τις, οὔτʼ εἰ χρηστὸς οὔτʼ εἴ τῳ κακός·
ἐγὼ δὲ τὸν ἐμόν, καὶ πρὶν εἰς Ἅιδου μολεῖν,
ἔξοιδʼ ἔχουσα δυστυχῆ τε καὶ βαρύν,
ἥτις πατρὸς μὲν ἐν δόμοισιν Οἰνέως
ναίουσʼ ἔτʼ ἐν Πλευρῶνι νυμφείων ὄκνον
ἄλγιστον ἔσχον, εἴ τις Αἰτωλὶς γυνή.
μνηστὴρ γὰρ ἦν μοι ποταμός, Ἀχελῷον λέγω,
ὅς μʼ ἐν τρισὶν μορφαῖσιν ἐξῄτει πατρός,
φοιτῶν ἐναργὴς ταῦρος, ἄλλοτʼ αἰόλος
δράκων ἑλικτός, ἄλλοτʼ ἀνδρείῳ κύτει
βούπρῳρος· ἐκ δὲ δασκίου γενειάδος
κρουνοὶ διερραίνοντο κρηναίου ποτοῦ.

[¶1] In the expectation that such a suitor would get me, I was always praying in my misery that I might die, before I should ever approach that marriage-bed. But at last, to my joy, the glorious son of Zeus and Alcmena came and
closed with him in combat and delivered me. The manner of their fighting I cannot clearly recount. I know it not, but if there be anyone who watched that sight without trembling, he might give an account of it. But I, as I sat there, was struck with terror,
lest my beauty should win me sorrow in the end. But Zeus, Arbiter of Contests, accomplished a good ending—if indeed it was good. For since being joined with Heracles as his chosen bride, I nourish one fear after another in my anxiety for him. One night brings distress,
and the next night, in turn, drives it out. Children, furthermore, were born to us, whom at the time he looked at only as the farmer looks at a distant field, visiting it only once to sow seed and once to reap. Such was the manner of his life, ever sending him
to and from our home in servitude to some master. But now, when he has risen above those trials—now it is that my fear is keenest. For ever since he slew the mighty Iphitus, we have been dwelling here in Trachis, refugees
in the home of a foreign host. But where Heracles is, no one knows. I only know that he is gone, and has caused me sharp pain for him. I am almost sure that he has come to some suffering. The interval has not been brief; rather, he is unheard from ten months already,
plus another five. Yes, there has been some terrible misfortune. That tablet which he left with me before departing suggests it to me. I often pray to the gods that I did not receive it to my misfortune.

> Greek: τοιόνδʼ ἐγὼ μνηστῆρα προσδεδεγμένη
δύστηνος αἰεὶ κατθανεῖν ἐπηυχόμην,
πρὶν τῆσδε κοίτης ἐμπελασθῆναί ποτε.
χρόνῳ δʼ ἐν ὑστέρῳ μέν, ἀσμένῃ δέ μοι,
ὁ κλεινὸς ἦλθε Ζηνὸς Ἀλκμήνης τε παῖς·
ὃς εἰς ἀγῶνα τῷδε συμπεσὼν μάχης
ἐκλύεταί με· καὶ τρόπον μὲν ἂν πόνων
οὐκ ἂν διείποιμʼ· οὐ γὰρ οἶδʼ· ἀλλʼ ὅστις ἦν
θακῶν ἀταρβὴς τῆς θέας, ὅδʼ ἂν λέγοι·
ἐγὼ γὰρ ἥμην ἐκπεπληγμένη φόβῳ
μή μοι τὸ κάλλος ἄλγος ἐξεύροι ποτέ.
τέλος δʼ ἔθηκε Ζεὺς ἀγώνιος καλῶς,
εἰ δὴ καλῶς. λέχος γὰρ Ἡρακλεῖ κριτὸν
ξυστᾶσʼ ἀεί τινʼ ἐκ φόβου φόβον τρέφω,
κείνου προκηραίνουσα· νὺξ γὰρ εἰσάγει
καὶ νὺξ ἀπωθεῖ διαδεδεγμένη πόνον.
κἀφύσαμεν δὴ παῖδας, οὓς κεῖνός ποτε,
γῄτης ὅπως ἄρουραν ἔκτοπον λαβών,
σπείρων μόνον προσεῖδε κἀξαμῶν ἅπαξ.
τοιοῦτος αἰὼν εἰς δόμους τε κἀκ δόμων
αἰεὶ τὸν ἄνδρʼ ἔπεμπε λατρεύοντά τῳ.
νῦν δʼ ἡνίκʼ ἄθλων τῶνδʼ ὑπερτελὴς ἔφυ,
ἐνταῦθα δὴ μάλιστα ταρβήσασʼ ἔχω.
ἐξ οὗ γὰρ ἔκτα κεῖνος Ἰφίτου βίαν,
ἡμεῖς μὲν ἐν Τραχῖνι τῇδʼ ἀνάστατοι
ξένῳ παρʼ ἀνδρὶ ναίομεν, κεῖνος δʼ ὅπου
βέβηκεν οὐδεὶς οἶδε· πλὴν ἐμοὶ πικρὰς
ὠδῖνας αὐτοῦ προσβαλὼν ἀποίχεται.
σχεδὸν δʼ ἐπίσταμαί τι πῆμʼ ἔχοντά νιν·
χρόνον γὰρ οὐχὶ βαιόν, ἀλλʼ ἤδη δέκα
μῆνας πρὸς ἄλλοις πέντʼ ἀκήρυκτος μένει.
κἀστίν τι δεινὸν πῆμα· τοιαύτην ἐμοὶ
δέλτον λιπὼν ἔστειχε, τὴν ἐγὼ θαμὰ
θεοῖς ἀρῶμαι πημονῆς ἄτερ λαβεῖν.

[¶2] Nurse:
Deianeira, my mistress, many are the times already that I have
observed you mourning the departure of Heracles with great weeping and lamentation. But now—if it is proper to school the free-born with the doctrines of a slave, and if I am obliged to point out what you should do—how is it that you so abound in sons, yet
you do not send one of them to seek your husband, especially Hyllus? It would be appropriate to send him, if he cared for his father’s sake that he be deemed to fare well. Here he is now, dashing to the house in timely stride. So if in your eyes I speak in season,
you can use both my counsel and the man.
Enter Hyllus.

> Greek: Θεράπαινα:
δέσποινα Δῃάνειρα, πολλὰ μέν σʼ ἐγὼ
κατεῖδον ἤδη πανδάκρυτʼ ὀδύρματα
τὴν Ἡράκλειον ἔξοδον γοωμένην·
νῦν δʼ, εἰ δίκαιον τοὺς ἐλευθέρους φρενοῦν
γνώμαισι δούλαις, κἀμὲ χρὴ φράσαι τὸ σόν·
πῶς παισὶ μὲν τοσοῖσδε πληθύεις, ἀτὰρ
ἀνδρὸς κατὰ ζήτησιν οὐ πέμπεις τινά,
μάλιστα δʼ ὅνπερ εἰκὸς Ὕλλον, εἰ πατρὸς
νέμοι τινʼ ὤραν τοῦ καλῶς πράσσειν δοκεῖν;
ἐγγὺς δʼ ὅδʼ αὐτὸς ἀρτίπους θρῴσκει δόμους,
ὥστʼ εἴ τί σοι πρὸς καιρὸν ἐννέπειν δοκῶ,
πάρεστι χρῆσθαι τἀνδρὶ τοῖς τʼ ἐμοῖς λόγοις.

[¶3] Deianeira:
My child, my son, wise words fall, it seems, from humble lips. For this woman is a slave, but her advice is worthy of the free.

> Greek: Δηιάνειρα:
ὦ τέκνον, ὦ παῖ, κἀξ ἀγεννήτων ἄρα
μῦθοι καλῶς πίπτουσιν· ἥδε γὰρ γυνὴ
δούλη μέν, εἴρηκεν δʼ ἐλεύθερον λόγον.

[¶4] Hyllus:
What sort of advice, Mother? Tell me, if I may be told.

> Greek: Ὕλλος:
ποῖον; δίδαξον, μῆτερ, εἰ διδακτά μοι.

[¶5] Deianeira:
It brings shame, she says, that you have not sought to learn of your father and where he is, when he has been abroad for so long.

> Greek: Δηιάνειρα:
σὲ πατρὸς οὕτω δαρὸν ἐξενωμένου
τὸ μὴ πυθέσθαι ποῦ ʼστιν, αἰσχύνην φέρειν.

[¶6] Hyllus:
But I know where, if one can put any trust in rumors.

> Greek: Ὕλλος:
ἀλλʼ οἶδα, μύθοις εἴ τι πιστεύειν χρεών.

[¶7] Deianeira:
And in what region, my child, do you hear that he has settled?

> Greek: Δηιάνειρα:
καὶ ποῦ κλύεις νιν, τέκνον, ἱδρῦσθαι χθονός;

[¶8] Hyllus:
Last year, they say, through all its length,
he toiled as a slave to a Lydian woman.

> Greek: Ὕλλος:
τὸν μὲν παρελθόντʼ ἄροτον ἐν μήκει χρόνου
Λυδῇ γυναικί φασί νιν λάτριν πονεῖν.

[¶9] Deianeira:
If he endured even that, then one might believe any and all rumors.

> Greek: Δηιάνειρα:
πᾶν τοίνυν, εἰ καὶ τοῦτʼ ἔτλη, κλύοι τις ἄν.

[¶10] Hyllus:
Well, he has been released from that service, as I hear.

> Greek: Ὕλλος:
ἀλλʼ ἐξαφεῖται τοῦδέ γʼ, ὡς ἐγὼ κλύω.

[¶11] Deianeira:
Where, then, is he reported to be now—alive, or dead?

> Greek: Δηιάνειρα:
ποῦ δῆτα νῦν ζῶν ἢ θανὼν ἀγγέλλεται;

[¶12] Hyllus:
He is waging or yet planning a war,
they say, upon Euboea, the realm of Eurytus.

> Greek: Ὕλλος:
Εὐβοΐδα χώραν φασίν, Εὐρύτου πόλιν,
ἐπιστρατεύειν αὐτὸν ἢ μέλλειν ἔτι.

[¶13] Deianeira:
Are you aware, my son, that he has left with me sure oracles concerning that land?

> Greek: Δηιάνειρα:
ἆρʼ οἶσθα δῆτʼ, ὦ τέκνον, ὡς ἔλειπέ μοι
μαντεῖα πιστὰ τῆσδε τῆς χώρας πέρι;

[¶14] Hyllus:
What are they, mother? I do not know the oracles you mean.

> Greek: Ὕλλος:
τὰ ποῖα, μῆτερ; τὸν λόγον γὰρ ἀγνοῶ.

[¶15] Deianeira:
They read that either he shall meet the end of his life,
or, after taking on this contest, he shall thereafter, at least, enjoy a happy life for its duration. And so, my child, when his fate is thus trembling in the balance, will you not go to assist him? For we are saved,
if he finds safety, or we perish along with him.

> Greek: Δηιάνειρα:
ὡς ἢ τελευτὴν τοῦ βίου μέλλει τελεῖν
ἢ τοῦτον ἄρας ἆθλον εἰς τό γʼ ὕστερον
τὸν λοιπὸν ἤδη βίοτον εὐαίωνʼ ἔχειν.
ἐν οὖν ῥοπῇ, τοιᾷδε κειμένῳ, τέκνον,
οὐκ εἶ ξυνέρξων, ἡνίκʼ ἢ σεσώσμεθα
[ἢ πίπτομεν σοῦ πατρὸς ἐξολωλότος]
κείνου βίον σώσαντος, ἢ οἰχόμεσθʼ ἅμα;

[¶16] Hyllus:
I will go, Mother. Had I known the substance of these prophecies, I would have long been at his side. As it was, my father’s usual good fortune did not allow me to fear for him, nor to be overly anxious.

> Greek: Ὕλλος:
ἀλλʼ εἶμι, μῆτερ· εἰ δὲ θεσφάτων ἐγὼ
βάξιν κατῄδη τῶνδε, κἂν πάλαι παρῆ·
νῦν δʼ ὁ ξυνήθης πότμος οὐκ εἴα πατρὸς
ἡμᾶς προταρβεῖν οὐδὲ δειμαίνειν ἄγαν.

[¶17] Now that I have the knowledge, I will spare no pains to learn the whole truth in this matter.

> Greek: νῦν δʼ ὡς ξυνίημʼ, οὐδὲν ἐλλείψω τὸ μὴ οὐ
πᾶσαν πυθέσθαι τῶνδʼ ἀλήθειαν πέρι.

[¶18] Deianeira:
Go, then, my son. For prosperity yields advantage even for him who learns of it late. Exeunt Hyllus, on one side, and the Nurse into the house.
Enter the Chorus on the other side.

> Greek: Δηιάνειρα:
χώρει νυν, ὦ παῖ· καὶ γὰρ ὑστέρῳ τό γʼ εὖ
πράσσειν, ἐπεὶ πύθοιτο, κέρδος ἐμπολᾷ.

[¶19] Chorus:
You, to whom Night gives birth when she is vanquished and despoiled of her starry crown,
and whom, as you blaze, she lays to rest, I pray you, O Sun, Sun, tell me, where is Alcmena’s son, where dwells her child? O Shining god with your bright flash,
is he on the straits of the sea, or does he lean upon the twin continents? Speak, you who surpass all in sight!

> Greek: Χορός:
ὃν αἰόλα νὺξ ἐναριζομένα
τίκτει κατευνάζει τε, φλογιζόμενον
Ἅλιον Ἅλιον αἰτῶ
τοῦτο καρῦξαι, τὸν Ἀλκμήνας πόθι μοι πόθι παῖς
ναίει ποτʼ, ὦ λαμπρᾷ στεροπᾷ φλεγέθων,
ἢ ποντίας αὐλῶνος ἢ δισσαῖσιν ἀπείροις κλιθείς,
εἴπʼ, ὦ κρατιστεύων κατʼ ὄμμα.

[¶20] Chorus:
For with longing heart, as I hear, Deianeira, the battle-prize, now,
like some mournful bird, never rests her eyes’ longing that they might be without tears, but nourishing a well-remembered fear for her husband’s travels she is constantly afflicted
by her anxious, widowed marriage-bed and in her misery anticipates misfortune.

> Greek: Χορός:
ποθουμένᾳ γὰρ φρενὶ πυνθάνομαι
τὰν ἀμφινεικῆ Δηιάνειραν ἀεί,
οἷά τινʼ ἄθλιον ὄρνιν,
οὔποτʼ εὐνάζειν ἀδακρύτων βλεφάρων πόθον, ἀλλʼ
εὔμναστον ἀνδρὸς δεῖμα τρέφουσαν ὁδοῦ
ἐνθυμίοις εὐναῖς ἀνανδρώτοισι τρύχεσθαι, κακὰν
δύστανον ἐλπίζουσαν αἶσαν.

[¶21] Chorus:
For just as one may see billow after billow
advancing and passing over the wide deep before the tireless south-wind, or the north, so the great toil of his life, stormy as the Cretan sea, now whirls back the heir of Cadmus, now exalts him. But some god always
keeps him unerring from the house of Hades.
To Deianeira.

> Greek: Χορός:
πολλὰ γὰρ ὥστʼ ἀκάμαντος ἢ νότου ἢ βορέα τις
κύματʼ ἂν εὐρέϊ πόντῳ βάντʼ ἐπιόντα τʼ ἴδοι,
οὕτῶ δὲ τὸν Καδμογενῆ στρέφει, τὸ δʼ αὔξει,
βιότου πολύπονον ὥσπερ πέλαγος
Κρήσιον. ἀλλά τις θεῶν αἰὲν ἀναμπλάκητον Ἅιδα
σφε δόμων ἐρύκει.

[¶22] Chorus:
With respect I reproach you for your weeping, but still I will speak in dissent.

> Greek: Χορός:
ὧν ἐπιμεμφομένα σʼ αἰδοῖα μέν, ἀντία δʼ οἴσω.

[¶23] You must not, I say, wear away fair hope. Remember that the all-accomplishing king, the son of Cronus, does not appoint a painless lot for mortals. Sorrow and joy revolve to all, as the stars of the Bear
move in their circling paths.
Chorus:
Starry night does not remain constant with men, nor does tribulation, nor wealth; in a moment it is gone from us, and to another in his turn come both
gladness and bereavement. So I urge even you, our Queen, to keep these matters firmly in your outlook. You must, for who has
known Zeus to be so without care for his children?

> Greek: φαμὶ γὰρ οὐκ ἀποτρύειν ἐλπίδα τὰν ἀγαθὰν
χρῆναί σʼ· ἀνάλγητα γὰρ οὐδʼ ὁ πάντα κραίνων βασιλεὺς ἐπέβαλε θνατοῖς Κρονίδας·
ἀλλʼ ἐπὶ πῆμα καὶ χαρὰ πᾶσι κυκλοῦσιν, οἷον
ἄρκτου στροφάδες κέλευθοι.
μένει γὰρ οὔτʼ αἰόλα
Χορός:
νὺξ βροτοῖσιν οὔτε κῆρες
οὔτε πλοῦτος, ἀλλʼ ἄφαρ
βέβακε, τῷ δʼ ἐπέρχεται
χαίρειν τε καὶ στέρεσθαι.
ἃ καὶ σὲ τὰν ἄνασσαν ἐλπίσιν λέγω
τάδʼ αἰὲν ἴσχειν· ἐπεὶ τίς ὧδε
τέκνοισι Ζῆνʼ ἄβουλον εἶδεν;

[¶24] Deianeira:
You have heard of my trouble, I would guess, and that has brought you here. But the anguish which consumes my heart—may you never come to know it through your own experience!—to that now you are total strangers. Yes, a young life grows in those sheltered regions
of its own, and the Sun-god’s heat disturbs it not, nor rain, nor any wind. Rather it takes up a toilless existence amidst pleasure, until such time as she is called “wife” instead of “maiden”, and takes her portion of anxious thoughts in the night,
fearing for husband or for children. At that point a woman could understand the burden of my misfortunes by recalling her own experience. As a matter of fact, I have had many a trouble to weep for, but I am going to speak of one that none of the previous could equal.

> Greek: Δηιάνειρα:
πεπυσμένη μέν, ὡς ἀπεικάσαι, πάρει
πάθημα τοὐμόν· ὡς δʼ ἐγὼ θυμοφθορῶ,
μήτʼ ἐκμάθοις παθοῦσα νῦν τʼ ἄπειρος εἶ.
τὸ γὰρ νεάζον ἐν τοιοῖσδε βόσκεται
χώροισιν αὑτοῦ, καί νιν οὐ θάλπος θεοῦ
οὐδʼ ὄμβρος οὐδὲ πνευμάτων οὐδὲν κλονεῖ,
ἀλλʼ ἡδοναῖς ἄμοχθον ἐξαίρει βίον
ἐς τοῦθʼ ἕως τις ἀντὶ παρθένου γυνὴ
κληθῇ λάβῃ τʼ ἐν νυκτὶ φροντίδων μέρος,
ἤτοι πρὸς ἀνδρὸς ἢ τέκνων φοβουμένη.
τότʼ ἄν τις εἰσίδοιτο, τὴν αὑτοῦ σκοπῶν
πρᾶξιν, κακοῖσιν οἷς ἐγὼ βαρύνομαι.
πάθη μὲν οὖν δὴ πόλλʼ ἔγωγʼ ἐκλαυσάμην·
ἓν δʼ, οἷον οὔπω πρόσθεν, αὐτίκʼ ἐξερῶ.

[¶25] When lord Heracles was setting out from home on his last journey, he left in the house an ancient tablet, inscribed with signs which he had never before brought himself to explain to me when going out on one of his many labors.
He had always departed as if to conquer, not to die. But now, as if he were a doomed man, he told me what I should take for my marriage portion, and what share of their father’s land he wished divided for his children. And he fixed the time for the division, saying that, when he had been gone
from our land for a year and three months, he was fated either to die at that time, or by escaping the end of the period to live thereafter an untroubled life. That, he explained, was the fate ordained by the gods
to be the end of the labors of Heracles just as, he said, the ancient oak at Dodona had once told him through the mouths of the two Peleiades. And it is in the present time that the truth of these prophecies is coming to pass, so that they must be fulfilled.

> Greek: ὁδὸν γὰρ ἦμος τὴν τελευταίαν ἄναξ
ὡρμᾶτʼ ἀπʼ οἴκων Ἡρακλῆς, τότʼ ἐν δόμοις
λείπει παλαιὰν δέλτον ἐγγεγραμμένην
ξυνθήμαθʼ, ἁμοὶ πρόσθεν οὐκ ἔτλη ποτέ,
πολλοὺς ἀγῶνας ἐξιών, οὔπω φράσαι,
ἀλλʼ ὥς τι δράσων εἷρπε κοὐ θανούμενος.
νῦν δʼ ὡς ἔτʼ οὐκ ὢν εἶπε μὲν λέχους ὅ τι
χρείη μʼ ἑλέσθαι κτῆσιν εἶπε δʼ ἣν τέκνοις
μοῖραν πατρῴας γῆς διαιρετὸν νέμοι,
χρόνον προτάξας ὡς τρίμηνον ἡνίκα
χώρας ἀπείη κἀνιαύσιον βεβώς,
τότʼ ἢ θανεῖν χρείη σφε τῷδε τῷ χρόνῳ
ἢ τοῦθʼ ὑπεκδραμόντα τοῦ χρόνου τέλος
τὸ λοιπὸν ἤδη ζῆν ἀλυπήτῳ βίῳ.
τοιαῦτʼ ἔφραζε πρὸς θεῶν εἱμαρμένα
τῶν Ἡρακλείων ἐκτελευτᾶσθαι πόνων,
ὡς τὴν παλαιὰν φηγὸν αὐδῆσαί ποτε
Δωδῶνι δισσῶν ἐκ Πελειάδων ἔφη.
καὶ τῶνδε ναμέρτεια συμβαίνει χρόνου
τοῦ νῦν παρόντος, ὡς τελεσθῆναι χρεών·

[¶26] As a result I leap up from sweet sleep in fear, dear maidens, terrified at the possibility that I must remain widowed of the noblest man of all.

> Greek: ὥσθʼ ἡδέως εὕδουσαν ἐκπηδᾶν ἐμὲ
φόβῳ, φίλαι, ταρβοῦσαν, εἴ με χρὴ μένειν
πάντων ἀρίστου φωτὸς ἐστερημένην.

[¶27] Chorus:
Hush—no more ill-omened words! I see a man approaching who is crowned with garlands as if for joyous news.
Enter the Messenger.

> Greek: Χορός:
εὐφημίαν νῦν ἴσχʼ· ἐπεὶ καταστεφῆ
στείχονθʼ ὁρῶ τινʼ ἄνδρα πρὸς χαρὰν λόγων.

[¶28] Messenger:
Queen Deianeira, I shall be the first messenger to free you from fear. Know that Alcmena’s son lives and triumphs, and from battle brings the first-fruits to the gods of this land.

> Greek: Ἄγγελος:
δέσποινα Δῃάνειρα, πρῶτος ἀγγέλων
ὄκνου σε λύσω· τὸν γὰρ Ἀλκμήνης τόκον
καὶ ζῶντʼ ἐπίστω καὶ κρατοῦντα κἀκ μάχης
ἄγοντʼ ἀπαρχὰς θεοῖσι τοῖς ἐγχωρίοις.

[¶29] Deianeira:
What news is this, old man, that you give me?

> Greek: Δηιάνειρα:
τίνʼ εἶπας, ὦ γεραιέ, τόνδε μοι λόγον;

[¶30] Messenger:
That your much-admired husband will soon come to your house, revealed in his victorious might.

> Greek: Ἄγγελος:
τάχʼ ἐς δόμους σοὺς τὸν πολύζηλον πόσιν
ἥξειν φανέντα σὺν κράτει νικηφόρῳ.

[¶31] Deianeira:
From what citizen or what stranger did you learn these tidings?

> Greek: Δηιάνειρα:
καὶ τοῦ τόδʼ ἀστῶν ἢ ξένων μαθὼν λέγεις;

[¶32] Messenger:
In the meadow, the summer haunt of oxen, Lichas the herald is proclaiming it to many. From him I heard it,
and dashed away so that, in all honesty, having been the first to report this news, I might profit in some way by you and win your favor.

> Greek: Ἄγγελος:
ἐν βουθερεῖ λειμῶνι πρὸς πολλοὺς θροεῖ
Λίχας ὁ κῆρυξ ταῦτα· τοῦδʼ ἐγὼ κλύων
ἀπῇξʼ, ὅπως τοι πρῶτος ἀγγείλας τάδε
πρὸς σοῦ τι κερδάναιμι καὶ κτῴμην χάριν.

[¶33] Deianeira:
And why is he not here, if he is so successful?

> Greek: Δηιάνειρα:
αὐτὸς δὲ πῶς ἄπεστιν, εἴπερ εὐτυχεῖ;

[¶34] Messenger:
He does not, my lady, enjoy ease of movement. The entire Malian populace
stands about him in a circle and questions him, and he cannot move forward. Each person is bent on learning according to his desire, and will not release the man until he has heard his pleasure. Thus against his wishes, but in keeping with theirs, he is with them. Yet you will soon see him face to face.

> Greek: Ἄγγελος:
οὐκ εὐμαρείᾳ χρώμενος πολλῇ, γύναι.
κύκλῳ γὰρ αὐτὸν Μηλιεὺς ἅπας λεὼς
κρίνει παραστάς, οὐδʼ ἔχει βῆναι πρόσω·
τὸ γὰρ ποθοῦν ἕκαστος ἐκμαθεῖν θέλων
οὐκ ἂν μεθεῖτο, πρὶν καθʼ ἡδονὴν κλύειν.
οὕτως ἐκεῖνος οὐχ ἑκών, ἑκοῦσι δὲ
ξύνεστιν· ὄψει δʼ αὐτὸν αὐτίκʼ ἐμφανῆ.

[¶35] Deianeira:
O Zeus, ruler of the sacred uncut meadow of Oeta, at last, though after much delay, you have given us joy! Uplift your voices, you women within the house and you beyond our gates, since now we enjoy the brightness of this message, which has risen on us beyond my hope!

> Greek: Δηιάνειρα:
ὦ Ζεῦ, τὸν Οἴτης ἄτομον ὃς λειμῶνʼ ἔχεις,
ἔδωκας ἡμῖν ἀλλὰ σὺν χρόνῳ χαράν.
φωνήσατʼ, ὦ γυναῖκες, αἵ τʼ εἴσω στέγης
αἵ τʼ ἐκτὸς αὐλῆς, ὡς ἄελπτον ὄμμʼ ἐμοὶ
φήμης ἀνασχὸν τῆσδε νῦν καρπούμεθα.

[¶36] Chorus:
Let the brides of tomorrow raise a joyous cry for the house with shouts of triumph at the hearth. Among them let the yell of the men go up in unison for Apollo of the bright quiver, our defender! And at the same time,
maidens, lift up a paean, cry aloud to his sister, Ortygian Artemis, huntress of deer, goddess with torch in each hand,
and to the nymphs her neighbors! I am uplifted, I will not spurn the flute—O you master of my heart! Behold, his ivy stirs me! Euoe!
Quickly it wheels me round in Bacchus’s race! Oh, oh, Paean! Look, dear lady! All is taking shape, plain to see, before your gaze.

> Greek: Χορός:
ἀνολολυξάτω δόμοις ἐφεστίοις
ἀλαλαγαῖς ἁ μελλόνυμφος, ἐν δὲ
κοινὸς ἀρσένων ἴτω
κλαγγὰ τὸν εὐφαρέτραν
Ἀπόλλω προστάταν· ὁμοῦ δὲ
παιᾶνα παιᾶνʼ ἀνάγετʼ, ὦ παρθένοι,
βοᾶτε τὰν ὁμόσπορον
Ἄρτεμιν Ὀρτυγίαν
ἐλαφαβόλον ἀμφίπυρον,
γείτονάς τε Νύμφας.
ἀείρομαι οὐδʼ ἀπώσομαι
τὸν αὐλόν, ὦ τύραννε τᾶς ἐμᾶς φρενός.
ἰδού μʼ ἀναταράσσει,
εὐοῖ μʼ,
ὁ κισσὸς ἄρτι βακχίαν
ὑποστρέφων ἅμιλλαν. ἰὼ ἰὼ Παιάν.
ἴδʼ, ὦ φίλα γύναι,
τάδʼ ἀντίπρῳρα δή σοι
βλέπειν πάρεστʼ ἐναργῆ.

[¶37] Deianeira:
I see it, dear maidens; the sight has not escaped my watchful eyes. I see that procession. I bid the herald joyous welcome after his long absence!—if indeed you bring anything that gives joy.
Enter Lichas, followed by captive maidens.

> Greek: Δηιάνειρα:
ὁρῶ, φίλαι γυναῖκες, οὐδέ μʼ ὄμματος
φρουρὰν παρῆλθε, τόνδε μὴ λεύσσειν στόλον·
χαίρειν δὲ τὸν κήρυκα προυννέπω, χρόνῳ
πολλῷ φανέντα, χαρτὸν εἴ τι καὶ φέρεις.

[¶38] Lichas:
We are happy in our return, and happy in your greeting,
lady, in accordance with the deed achieved. For when a man has fair fortune, it is his right to win good welcome.

> Greek: Λίχας:
ἀλλʼ εὖ μὲν ἵγμεθʼ, εὖ δὲ προσφωνούμεθα,
γύναι, κατʼ ἔργου κτῆσιν· ἄνδρα γὰρ καλῶς
πράσσοντʼ ἀνάγκη χρηστὰ κερδαίνειν ἔπη.

[¶39] Deianeira:
Most welcome man, tell me first what first I would know—shall I receive Heracles alive?

> Greek: Δηιάνειρα:
ὦ φίλτατʼ ἀνδρῶν, πρῶθʼ ἃ πρῶτα βούλομαι
δίδαξον, εἰ ζῶνθʼ Ἡρακλῆ προσδέξομαι.

[¶40] Lichas:
I certainly left him alive and well,
in vigorous health, unburdened by disease.

> Greek: Λίχας:
ἔγωγέ τοι σφʼ ἔλειπον ἰσχύοντά τε
καὶ ζῶντα καὶ θάλλοντα κοὐ νόσῳ βαρύν.

[¶41] Deianeira:
Where, tell me—in his ancestral land, or on barbarian soil?

> Greek: Δηιάνειρα:
ποῦ γῆς; πατρῴας εἴτε βαρβάρου; λέγε.

[¶42] Lichas:
There is a headland of Euboea, where to Cenaean Zeus he marks out altars and fruitful ground in tribute.

> Greek: Λίχας:
ἀκτή τις ἔστʼ Εὐβοιίς, ἔνθʼ ὁρίζεται
βωμοὺς τέλη τʼ ἔγκαρπα Κηναίῳ Διί.

[¶43] Deianeira:
In payment of a vow, or at the command of an oracle?

> Greek: Δηιάνειρα:
εὐκταῖα φαίνων ἢ ἀπὸ μαντείας τινός;

[¶44] Lichas:
For a vow, made when he was seeking to conquer and plunder the country of these women whom you see before you.

> Greek: Λίχας:
εὐχαῖς ὅθʼ ᾕρει τῶνδʼ ἀνάστατον δορὶ
χώραν γυναικῶν ὧν ὁρᾷς ἐν ὄμμασιν.

[¶45] Deianeira:
And these—who are they, by the gods, and whose daughters? They deserve pity, unless their misfortune deceives me.

> Greek: Δηιάνειρα:
αὗται δέ, πρὸς θεῶν, τοῦ ποτʼ εἰσὶ καὶ τίνες;
οἰκτραὶ γάρ, εἰ μὴ ξυμφοραὶ κλέπτουσί με.

[¶46] Lichas:
These are captives whom he
selected as choice spoils for himself and for the gods when he sacked the city of Eurytus.

> Greek: Λίχας:
ταύτας ἐκεῖνος Εὐρύτου πέρσας πόλιν
ἐξείλεθʼ αὑτῷ κτῆμα καὶ θεοῖς κριτόν.

[¶47] Deianeira:
Was it in fact the war against that city which kept him away so long, beyond all forecast, past all count of days?

> Greek: Δηιάνειρα:
ἦ κἀπὶ ταύτῃ τῇ πόλει τὸν ἄσκοπον
χρόνον βεβὼς ἦν ἡμερῶν ἀνήριθμον;

[¶48] Lichas:
No. The greater part of the time he was detained in Lydia, no free man, as he declares,
but sold into servitude. No offense should be taken at my tale, lady, when the deed is found to be Zeus’ work. He passed a whole year, as he himself says, a bought slave to the barbarian Omphale. And so stung was he by the shame of it,
that he bound himself by a solemn oath, swearing one day to enslave with wife and child the man who had brought that suffering upon him. And not in vain did he speak the oath; but, when he had been purified, he gathered a mercenary army and went against the city
of Eurytus. For, Heracles asserted, that man alone of mortals had a share in causing his suffering. For when Heracles, a guest-friend of long standing, came to his house and hearth, Eurytus roared against him with insults of ruinous intent,
saying that, although Heracles had inevitable shafts in his hands, he fell short of his own sons in the contest of the bow. Next he shouted that Heracles was a freeman’s slave, a broken hulk, and then at a banquet, when his guest was full of wine, he tossed him from his home. Furious at this treatment,
when afterward Iphitus came to the hill of Tiryns on the track of horses that had strayed, Heracles seized a moment when the man’s eyes were one place and his thoughts another, and hurled him from a towering summit. But in anger at that deed, the king,
the father of all, Olympian Zeus, sent him away to be sold, and did not tolerate that this once, he killed a man by guile. Had he achieved his vengeance openly, Zeus would surely have pardoned him the righteous triumph.

> Greek: Λίχας:
οὔκ, ἀλλὰ τὸν μὲν πλεῖστον ἐν Λυδοῖς χρόνον
κατείχεθʼ, ὥς φησʼ αὐτός, οὐκ ἐλεύθερος,
ἀλλʼ ἐμποληθείς· τοῦ λόγου δʼ οὐ χρὴ φθόνον,
γύναι, προσεῖναι, Ζεὺς ὅτου πράκτωρ φανῇ.
κεῖνος δὲ πραθεὶς Ὀμφάλῃ τῇ βαρβάρῳ
ἐνιαυτὸν ἐξέπλησεν, ὡς αὐτὸς λέγει.
χοὔτως ἐδήχθη τοῦτο τοὔνειδος λαβὼν
ὥσθʼ ὅρκον αὑτῷ προσβαλὼν διώμοσεν,
ἦ μὴν τὸν ἀγχιστῆρα τοῦδε τοῦ πάθους
ξὺν παιδὶ καὶ γυναικὶ δουλώσειν ἔτι.
κοὐχ ἡλίωσε τοὔπος, ἀλλʼ ὅθʼ ἁγνὸς ἦν,
στρατὸν λαβὼν ἐπακτὸν ἔρχεται πόλιν
τὴν Εὐρυτείαν. τόνδε γὰρ μεταίτιον
μόνον βροτῶν ἔφασκε τοῦδʼ εἶναι πάθους·
ὃς αὐτὸν ἐλθόντʼ ἐς δόμους ἐφέστιον,
ξένον παλαιὸν ὄντα, πολλὰ μὲν λόγοις
ἐπερρόθησε, πολλὰ δʼ ἀτηρᾷ φρενί,
λέγων χεροῖν μὲν ὡς ἄφυκτʼ ἔχων βέλη
τῶν ὧν τέκνων λείποιτο πρὸς τόξου κρίσιν,
φωνεῖ δὲ δοῦλος ἀνδρὸς ὡς ἐλευθέρου
ῥαίοιτο· δείπνοις δʼ ἡνίκʼ ἦν ᾠνωμένος,
ἔρριψεν ἐκτὸς αὐτόν. ὧν ἔχων χόλον,
Λίχας:
ὡς ἵκετʼ αὖθις Ἴφιτος Τιρυνθίαν
πρὸς κλιτύν, ἵππους νομάδας ἐξιχνοσκοπῶν,
τότʼ ἄλλοσʼ αὐτὸν ὄμμα, θατέρᾳ δὲ νοῦν
ἔχοντʼ, ἀπʼ ἄκρας ἧκε πυργώδους πλακός.
ἔργου δʼ ἕκατι τοῦδε μηνίσας ἄναξ
ὁ τῶν ἁπάντων Ζεὺς πατὴρ Ὀλύμπιος
πρατόν νιν ἐξέπεμψεν οὐδʼ ἠνέσχετο,
ὁθούνεκʼ αὐτὸν μοῦνον ἀνθρώπων δόλῳ
ἔκτεινεν· εἰ γὰρ ἐμφανῶς ἠμύνατο,
Ζεύς τἂν συνέγνω ξὺν δίκῃ χειρουμένῳ·

[¶49] For the gods do not love criminal behavior either. So those men, who gloried in bitter speech, are themselves residents of Hades, all of them, and their city is enslaved. And the women whom you see, fallen from happiness to misery,
are sent here to you. For that was your husband’s command, which I, his faithful servant, perform. As for the man himself, know that he will come, once he has made pure sacrifice to Zeus of his fathers for the sacking of the city. After all the good news
that has been told, this, indeed, is the sweetest word to hear.

> Greek: ὕβριν γὰρ οὐ στέργουσιν οὐδὲ δαίμονες.
κεῖνοι δʼ ὑπερχλίοντες ἐκ γλώσσης κακῆς
αὐτοὶ μὲν Ἅιδου πάντες εἴσʼ οἰκήτορες,
πόλις δὲ δούλη· τάσδε δʼ ἅσπερ εἰσορᾷς
ἐξ ὀλβίων ἄζηλον εὑροῦσαι βίον
χωροῦσι πρὸς σέ· ταῦτα γὰρ πόσις τε σὸς
ἐφεῖτʼ, ἐγὼ δὲ πιστὸς ὢν κείνῳ τελῶ.
αὐτὸν δʼ ἐκεῖνον, εὖτʼ ἂν ἁγνὰ θύματα
ῥέξῃ πατρῴῳ Ζηνὶ τῆς ἁλώσεως,
φρόνει νιν ὡς ἥξοντα· τοῦτο γὰρ λόγου
πολλοῦ καλῶς λεχθέντος ἥδιστον κλύειν.

[¶50] Chorus:
Now, O Queen, your joy is plainly revealed; part is with you, and of the rest you have foreknowledge.

> Greek: Χορός:
ἄνασσα, νῦν σοι τέρψις ἐμφανὴς κυρεῖ,
τῶν μὲν παρόντων, τὰ δὲ πεπυσμένῃ λόγῳ.

[¶51] Deianeira:
Yes, how would I not rejoice with dutiful spirit, when I hear of my husband’s successful venture?

> Greek: Δηιάνειρα:
πῶς δʼ οὐκ ἐγὼ χαίροιμʼ ἄν, ἀνδρὸς εὐτυχῆ
κλύουσα πρᾶξιν τήνδε, πανδίκῳ φρενί;

[¶52] My rejoicing is bound to keep pace with his success. And yet a prudent mind can see room for fear, lest he who prospers should one day stumble. For a strange pity came over me, friends, at the sight of these ill-fated exiles,
homeless and fatherless in a foreign land. Though they were once the daughters perhaps of freeborn men, they now live the life of slaves. O Zeus, god who turns the tide of battle, may I never see you stalking against a child of my line on any occasion;
no, if you do some such thing, let it not be while I am still alive! So great is my fear, as I look upon these girls.
To Iole.

> Greek: πολλή ʼστʼ ἀνάγκη τῇδε τοῦτο συντρέχειν.
ὅμως δʼ ἔνεστι τοῖσιν εὖ σκοπουμένοις
ταρβεῖν τὸν εὖ πράσσοντα, μὴ σφαλῇ ποτε.
ἐμοὶ γὰρ οἶκτος δεινὸς εἰσέβη, φίλαι,
ταύτας ὁρώσῃ δυσπότμους ἐπὶ ξένης
χώρας ἀοίκους ἀπάτοράς τʼ ἀλωμένας,
αἳ πρὶν μὲν ἦσαν ἐξ ἐλευθέρων ἴσως
ἀνδρῶν, τανῦν δὲ δοῦλον ἴσχουσιν βίον.
ὦ Ζεῦ τροπαῖε, μή ποτʼ εἰσίδοιμί σε
πρὸς τοὐμὸν οὕτω σπέρμα χωρήσαντά ποι,
μηδʼ, εἴ τι δράσεις, τῆσδέ γε ζώσης ἔτι.
οὕτως ἐγὼ δέδοικα τάσδʼ ὁρωμένη.

[¶53] Unfortunate girl, who are you? Are you without a man, or are you a mother? To judge by your appearance, you are untried in those roles, but someone of noble birth.

> Greek: ὦ δυστάλαινα, τίς ποτʼ εἶ νεανίδων;
ἄνανδρος ἢ τεκνοῦσσα; πρὸς μὲν γὰρ φύσιν
πάντων ἄπειρος τῶνδε, γενναία δέ τις.

[¶54] Lichas, whose daughter is this stranger? Who is her mother, who the father who begot her? Speak; I pity her more than all the rest, when I look at her, inasmuch as she alone knows self-control.

> Greek: Λίχα, τίνος ποτʼ ἐστὶν ἡ ξένη βροτῶν;
τίς ἡ τεκοῦσα, τίς δʼ ὁ φιτύσας πατήρ;
ἔξειπʼ· ἐπεί νιν τῶνδε πλεῖστον ᾤκτισα
βλέπουσʼ, ὅσῳπερ καὶ φρονεῖν οἶδεν μόνη.

[¶55] Lichas:
Why would I know? Why would you ask me? Perhaps
she is the offspring of not the lowest family in that land.

> Greek: Λίχας:
τί δʼ οἶδʼ ἐγώ, τί δʼ ἄν με καὶ κρίνοις; ἴσως
γέννημα τῶν ἐκεῖθεν οὐκ ἐν ὑστάτοις.

[¶56] Deianeira:
Can she be of the ruling family? Was she a child of Eurytus?

> Greek: Δηιάνειρα:
μὴ τῶν τυράννων; Εὐρύτου σπορά τις ἦν;

[¶57] Lichas:
I do not know; I did not in fact make a long investigation.

> Greek: Λίχας:
οὐκ οἶδα· καὶ γὰρ οὐδʼ ἀνιστόρουν μακράν.

[¶58] Deianeira:
And you do not know her name from one of her fellow captives?

> Greek: Δηιάνειρα:
οὐδʼ ὄνομα πρός του τῶν ξυνεμπόρων ἔχεις;

[¶59] Lichas:
No, indeed. In silence I completed my task.

> Greek: Λίχας:
ἥκιστα· σιγῇ τοὐμὸν ἔργον ἤνυτον.

[¶60] Deianeira:
Unhappy girl, tell it to me, anyway, from your own mouth. It is indeed distressing to me not to know who you are.

> Greek: Δηιάνειρα:
εἴπʼ, ὦ τάλαινʼ, ἀλλʼ ἡμὶν ἐκ σαυτῆς, ἐπεὶ
καὶ ξυμφορά τοι μὴ εἰδέναι σέ γʼ ἥτις εἶ.

[¶61] Lichas:
It will not, I assure you, be at all on a par with time past if she moves her lips. She has not said a word, large or small,
but has been constantly laboring with the heavy pains of her misfortune and weeping, poor girl, since she left her windswept fatherland. Her condition is indeed bad—for her, anyway—but claims our forbearance.

> Greek: Λίχας:
οὔ τἄρα τῷ γε πρόσθεν οὐδὲν ἐξ ἴσου
χρόνῳ διήσει γλῶσσαν, ἥτις οὐδαμὰ
προύφηνεν οὔτε μείζονʼ οὔτʼ ἐλάσσονα,
ἀλλʼ αἰὲν ὠδίνουσα συμφορᾶς βάρος
δακρυρροεῖ δύστηνος, ἐξ ὅτου πάτραν
διήνεμον λέλοιπεν· ἡ δέ τοι τύχη
κακὴ μὲν αὐτῇ γʼ, ἀλλὰ συγγνώμην ἔχει.

[¶62] Deianeira:
Then let her be left in peace, and go beneath our roof
as it pleases her. Let her not in addition to her existing troubles take fresh grief from me; she has enough already. Now let us all go in, so that you may go speedily on your journey, while I make all things ready in the house. Exit Lichas, followed by the Captives, into the house.
Messenger: Coming nearer to Deianeira.

> Greek: Δηιάνειρα:
ἡ δʼ οὖν ἐάσθω, καὶ πορευέσθω στέγας
οὕτως ὅπως ἥδιστα, μηδὲ πρὸς κακοῖς
τοῖς οὖσιν ἄλλην πρός γʼ ἐμοῦ λύπην λάβῃ·
ἅλις γὰρ ἡ παροῦσα. πρὸς δὲ δώματα
χωρῶμεν ἤδη πάντες, ὡς σύ θʼ οἷ θέλεις
σπεύδῃς, ἐγώ τε τἄνδον ἐξαρκῆ τιθῶ.

[¶63] Do go in, but first remain here a short while, so that you may learn, apart from these others, who they are whom you take into your home, and gain necessary knowledge of the facts which you have not heard. For of these I am in full possession.

> Greek: Ἄγγελος:
αὐτοῦ γε πρῶτον βαιὸν ἀμμείνασʼ, ὅπως
μάθῃς ἄνευ τῶνδʼ, οὕστινάς τʼ ἄγεις ἔσω,
ὧν τʼ οὐδὲν εἰσήκουσας ἐκμάθῃς ἃ δεῖ·
τούτων ἔχω γὰρ πάντʼ ἐπιστήμην ἐγώ.

[¶64] Deianeira:
What do you mean? Why do you stay my departure?

> Greek: Δηιάνειρα:
τί δʼ ἐστί; τοῦ με τήνδʼ ἐφίστασαι βάσιν;

[¶65] Messenger:
Stop and listen. My former report was not a waste of your time, and neither, I believe, will this one be.

> Greek: Ἄγγελος:
σταθεῖσʼ ἄκουσον· καὶ γὰρ οὐδὲ τὸν πάρος
μῦθον μάτην ἤκουσας, οὐδὲ νῦν δοκῶ.

[¶66] Deianeira:
Shall I call those others back again? Or do you wish to speak before me and these women?

> Greek: Δηιάνειρα:
πότερον ἐκείνους δῆτα δεῦρʼ αὖθις πάλιν
καλῶμεν, ἢ ʼμοὶ ταῖσδέ τʼ ἐξειπεῖν θέλεις;

[¶67] Messenger:
To you and the women I can speak freely. Never mind the others.

> Greek: Ἄγγελος:
σοὶ ταῖσδέ τʼ οὐδὲν εἴργεται, τούτους δʼ ἔα.

[¶68] Deianeira:
Well, they are gone. Now let your speech signal your meaning.

> Greek: Δηιάνειρα:
καὶ δὴ βεβᾶσι, χὠ λόγος σημαινέτω.

[¶69] Messenger:
That man Lichas spoke nothing of what he just told you in strict accordance with the truth. He was just now lying, or else he was dishonest in his earlier report.

> Greek: Ἄγγελος:
ἁνὴρ ὅδʼ οὐδὲν ὧν ἔλεξεν ἀρτίως
φωνεῖ δίκης ἐς ὀρθόν, ἀλλʼ ἢ νῦν κακὸς
ἢ πρόσθεν οὐ δίκαιος ἄγγελος παρῆν.

[¶70] Deianeira:
What do you say? Explain to me clearly all that you mean,
for I cannot understand what you said.

> Greek: Δηιάνειρα:
τί φής; σαφῶς μοι φράζε πᾶν ὅσον νοεῖς.
ἃ μὲν γὰρ ἐξείρηκας ἀγνοία μʼ ἔχει.

[¶71] Messenger:
I heard this man declare, before many witnesses, that it was for the sake of this girl that Heracles overthrew Eurytus and the high towers of Oechalia: Eros,
alone of the gods, enchanted him into doing those deeds of arms, not the toilsome servitude to Omphale in Lydia, nor the death to which Iphitus was hurled. But now the herald has thrust Eros aside and tells a different tale. Well, when Heracles could not persuade him whose seed produced the child
to give him the girl for his secret concubine, he devised some petty complaint as a pretext, and made war upon her fatherland, in which, as the herald said, that Eurytus ruled. He killed the king, her father, and
sacked her city. And now, as you see, he makes his return, sending her to this house not without consideration, lady, and not as if she were to be a slave. No, do not expect that; it is not likely, if his heart has been kindled with desire. On this account, my Queen, I resolved to reveal to you all
that I had heard from that man. Many others were listening to it, as I was, in the public place where the Trachinians were assembled, so they can convict him. If my words are unwelcome, I am grieved; but nevertheless I have spoken the truth.

> Greek: Ἄγγελος:
τούτου λέγοντος τἀνδρὸς εἰσήκουσʼ ἐγώ,
πολλῶν παρόντων μαρτύρων, ὡς τῆς κόρης
ταύτης ἕκατι κεῖνος Εὔρυτόν θʼ ἕλοι
τήν θʼ ὑψίπυργον Οἰχαλίαν, Ἔρως δέ νιν
μόνος θεῶν θέλξειεν αἰχμάσαι τάδε,
οὐ τἀπὶ Λυδοῖς οὐδʼ ὑπʼ Ὀμφάλῃ πόνων
λατρεύματʼ οὐδʼ ὁ ῥιπτὸς Ἰφίτου μόρος·
ὃν νῦν παρώσας οὗτος ἔμπαλιν λέγει.
ἀλλʼ ἡνίκʼ οὐκ ἔπειθε τὸν φυτοσπόρον
τὴν παῖδα δοῦναι, κρύφιον ὡς ἔχοι λέχος,
ἔγκλημα μικρὸν αἰτίαν θʼ ἑτοιμάσας
ἐπιστρατεύει πατρίδα τὴν ταύτης, ἐν ᾗ
τὸν Εὔρυτον τόνδʼ εἶπε δεσπόζειν θρόνων,
κτείνει τʼ ἄνακτα πατέρα τῆσδε καὶ πόλιν
ἔπερσε. καὶ νῦν, ὡς ὁρᾷς, ἥκει δόμους
ὡς τούσδε πέμπων οὐκ ἀφροντίστως, γύναι,
οὐδʼ ὥστε δούλην· μηδὲ προσδόκα τόδε·
οὐδʼ εἰκός, εἴπερ ἐντεθέρμανται πόθῳ.
ἔδοξεν οὖν μοι πρὸς σὲ δηλῶσαι τὸ πᾶν,
δέσποινʼ, ὃ τοῦδε τυγχάνω μαθὼν πάρα.
καὶ ταῦτα πολλοὶ πρὸς μέσῃ Τραχινίων
ἀγορᾷ συνεξήκουον ὡσαύτως ἐμοί,
ὥστʼ ἐξελέγχειν· εἰ δὲ μὴ λέγω φίλα,
οὐχ ἥδομαι, τὸ δʼ ὀρθὸν ἐξείρηχʼ ὅμως.

[¶72] Deianeira:
Ah, misery! What is happening to me? What secret plague have I welcomed beneath my roof? Ah, me! So, she was born without a name, as her escort swore?

> Greek: Δηιάνειρα:
οἴμοι τάλαινα, ποῦ ποτʼ εἰμὶ πράγματος;
τίνʼ εἰσδέδεγμαι πημονὴν ὑπόστεγον
λαθραῖον; ὦ δύστηνος· ἆρʼ ἀνώνυμος
πέφυκεν, ὥσπερ οὑπάγων διώμνυτο;

[¶73] Messenger:
No, illustrious by name, as by birth;
she is the daughter of Eurytus, and was once called Iole. But he could say nothing of her birth, because, of course, he made no investigation.

> Greek: Ἄγγελος:
ἦ κάρτα λαμπρὰ καὶ κατʼ ὄνομα καὶ φύσιν,
πατρὸς μὲν οὖσα γένεσιν Εὐρύτου ποτὲ
Ἰόλη ʼκαλεῖτο, τῆς ἐκεῖνος οὐδαμὰ
βλάστας ἐφώνει, δῆθεν οὐδὲν ἱστορῶν.

[¶74] Chorus:
May destruction seize not all wrongdoers—no, only the man who practices stealthy wrongdoing that is shameful to his rank!

> Greek: Χορός:
ὄλοιντο—μή τι πάντες οἱ κακοί, τὰ δὲ
λαθραῖʼ ὃς ἀσκεῖ μὴ πρέποντʼ αὐτῷ κακά.

[¶75] Deianeira:
Ah, friends, what should I do? I am dumbstruck by this latest news!

> Greek: Δηιάνειρα:
τί χρὴ ποεῖν, γυναῖκες; ὡς ἐγὼ λόγοις
τοῖς νῦν παροῦσιν ἐκπεπληγμένη κυρῶ.

[¶76] Chorus:
Go and question Lichas, since he might tell the truth, if you were willing to compel him by threat of force to answer.

> Greek: Χορός:
πεύθου μολοῦσα τἀνδρός, ὡς τάχʼ ἂν σαφῆ
λέξειεν, εἴ νιν πρὸς βίαν κρίνειν θέλοις.

[¶77] Deianeira:
I will go. Your advice does not lack good judgment.

> Greek: Δηιάνειρα:
ἀλλʼ εἶμι· καὶ γὰρ οὐκ ἀπὸ γνώμης λέγεις.

[¶78] Messenger:
And I, shall I wait here? Or what do you require?

> Greek: Ἄγγελος:
ἡμεῖς δὲ προσμένωμεν; ἢ τί χρὴ ποεῖν;

[¶79] Deianeira:
Stay here—since he is coming out from the house without my summons, but of his own accord.
Enter Lichas.

> Greek: Δηιάνειρα:
μίμνʼ, ὡς ὅδʼ ἀνὴρ οὐκ ἐμῶν ὑπʼ ἀγγέλων,
ἀλλʼ αὐτόκλητος ἐκ δόμων πορεύεται.

[¶80] Lichas:
My lady, what message shall I bear to Heracles? Instruct me, for, as you see, I am going.

> Greek: Λίχας:
τί χρή, γύναι, μολόντα μʼ Ἡρακλεῖ λέγειν;
δίδαξον, ὡς ἕρποντος, ὡς ὁρᾷς, ἐμοῦ.

[¶81] Deianeira:
How quickly you rush away, when your arrival had been so tardy—before we have even resumed our talk.

> Greek: Δηιάνειρα:
ὡς ἐκ ταχείας σὺν χρόνῳ βραδεῖ μολὼν
ᾄσσεις, πρὶν ἡμᾶς κἀννεώσασθαι λόγους.

[¶82] Lichas:
Well, if there is anything you must ask, I am at your service.

> Greek: Λίχας:
ἀλλʼ εἴ τι χρῄζεις ἱστορεῖν, πάρειμʼ ἐγώ.

[¶83] Deianeira:
Will you indeed give me the honest truth?

> Greek: Δηιάνειρα:
ἦ καὶ τὸ πιστὸν τῆς ἀληθείας νέμεις;

[¶84] Lichas:
Yes, be great Zeus my witness—in anything that I know.

> Greek: Λίχας:
ἴστω μέγας Ζεύς, ὧν γʼ ἂν ἐξειδὼς κυρῶ.

[¶85] Deianeira:
Who is the woman, then, whom you escorted here?

> Greek: Δηιάνειρα:
τίς ἡ γυνὴ δῆτʼ ἐστὶν ἣν ἥκεις ἄγων;

[¶86] Lichas:
She is Euboean. But whose offspring, I cannot say.

> Greek: Λίχας:
Εὐβοιίς· ὧν δʼ ἔβλαστεν οὐκ ἔχω λέγειν.

[¶87] Messenger:
You there, look at me. To whom do you think you speak?

> Greek: Ἄγγελος:
οὗτος, βλέφʼ ὧδε· πρὸς τίνʼ ἐννέπειν δοκεῖς;

[¶88] Lichas:
And you, to what end have you asked me such a question?

> Greek: Λίχας:
σὺ δʼ εἰς τί δή με τοῦτʼ ἐρωτήσας ἔχεις;

[¶89] Messenger:
Dare to answer my question, if you are sensible.

> Greek: Ἄγγελος:
τόλμησον εἰπεῖν, εἰ φρονεῖς, ὅ σʼ ἱστορῶ.

[¶90] Lichas:
I speak to the royal Deianeira, daughter of Oeneus, wife of Heracles and, unless my eyes deceive me, my mistress.

> Greek: Λίχας:
πρὸς τὴν κρατοῦσαν Δῃάνειραν, Οἰνέως
κόρην δάμαρτά θʼ Ἡρακλέους, εἰ μὴ κυρῶ
λεύσσων μάταια, δεσπότιν τε τὴν ἐμήν.

[¶91] Messenger:
The very word that I wished to hear from you—you admit that she is your mistress?

> Greek: Ἄγγελος:
τοῦτʼ αὔτʼ ἔχρῃζον, τοῦτό σου μαθεῖν· λέγεις δέσποιναν εἶναι τήνδε σήν;

[¶92] Lichas:
Yes, it is only right to do so.

> Greek: Λίχας:
δίκαια γάρ.

[¶93] Messenger:
Well, then, what penalty would you think it right to pay, if you should be found to be behaving wrongly towards her?

> Greek: Ἄγγελος:
τί δῆτα; ποίαν ἀξιοῖς δοῦναι δίκην,
ἢν εὑρεθῇς ἐς τήνδε μὴ δίκαιος ὤν;

[¶94] Lichas:
Wrongly? What fiction have you created?

> Greek: Λίχας:
πῶς μὴ δίκαιος; τί ποτε ποικίλας ἔχεις;

[¶95] Messenger:
None. Rather it is you, to be sure, who do this.

> Greek: Ἄγγελος:
οὐδέν· σὺ μέντοι κάρτα τοῦτο δρῶν κυρεῖς.

[¶96] Lichas:
I am leaving—I was foolish to listen to you so long.

> Greek: Λίχας:
ἄπειμι· μῶρος δʼ ἦ πάλαι κλύων σέθεν.

[¶97] Messenger:
No, not until you have answered a small question.

> Greek: Ἄγγελος:
οὔ, πρίν γʼ ἂν εἴπῃς ἱστορούμενος βραχύ.

[¶98] Lichas:
Speak, if you require something. You are not the silent type.

> Greek: Λίχας:
λέγʼ, εἴ τι χρῄζεις· καὶ γὰρ οὐ σιγηλὸς εἶ.

[¶99] Messenger:
That captive, whom you escorted into the house, you know whom I mean?

> Greek: Ἄγγελος:
τὴν αἰχμάλωτον, ἣν ἔπεμψας ἐς δόμους, κάτοισθα δήπου;

[¶100] Lichas:
Yes. But why do you ask?

> Greek: Λίχας:
φημί· πρὸς τί δʼ ἱστορεῖς;

[¶101] Messenger:
Did you not avow that she, on whom you look as if in ignorance,
was Iole, the seed of Eurytus, your captive?

> Greek: Ἄγγελος:
οὔκουν σὺ ταύτην, ἣν ὑπʼ ἀγνοίας ὁρᾷς,
Ἰόλην ἔφασκες Εὐρύτου σπορὰν ἄγειν;

[¶102] Lichas:
To whom on earth did I say it? Who and where is the man who heard me say it and will be your witness?

> Greek: Λίχας:
ποίοις ἐν ἀνθρώποισι; τίς πόθεν μολὼν
σοὶ μαρτυρήσει ταῦτʼ ἐμοῦ κλύειν πάρα;

[¶103] Messenger:
To many of our own citizens you said it. In the public gathering of Trachinians a great crowd heard this much, at least, from you.

> Greek: Ἄγγελος:
πολλοῖσιν ἀστῶν· ἐν μέσῃ Τραχινίων
ἀγορᾷ πολύς σου ταῦτά γʼ εἰσήκουσʼ ὄχλος.

[¶104] Lichas:
Sure,
they said they heard. But it does not amount to the same thing to tell one’s fancy and to give an accurate report.

> Greek: Λίχας:
κλύειν γʼ ἔφασκον· ταὐτὸ δʼ οὐχὶ γίγνεται
δόκησιν εἰπεῖν κἀξακριβῶσαι λόγον.

[¶105] Messenger:
What do you mean, fancy! Did you not speak on your oath when you said that you were bringing her as a bride for Heracles?

> Greek: Ἄγγελος:
ποίαν δόκησιν; οὐκ ἐπώμοτος λέγων
δάμαρτʼ ἔφασκες Ἡρακλεῖ ταύτην ἄγειν;

[¶106] Lichas:
I? Bringing a bride? In the name of the gods, dear
mistress, tell me who on earth this stranger is?

> Greek: Λίχας:
ἐγὼ δάμαρτα; πρὸς θεῶν, φράσον, φίλη
δέσποινα, τόνδε τίς ποτʼ ἐστὶν ὁ ξένος.

[¶107] Messenger:
I am a man who heard from your own lips that the conquest of the whole city was due to desire for this girl and that the Lydian woman did not destroy it, but the passion which arose for the girl.

> Greek: Ἄγγελος:
ὃς σοῦ παρὼν ἤκουσεν, ὡς ταύτης πόθῳ
πόλις δαμείη πᾶσα, κοὐχ ἡ Λυδία
πέρσειεν αὐτήν, ἀλλʼ ὁ τῆσδʼ ἔρως φανείς.

[¶108] Lichas:
Lady, send this creature away.
To babble with the insane is not the mark of a sensible man.

> Greek: Λίχας:
ἅνθρωπος, ὦ δέσποινʼ, ἀποστήτω· τὸ γὰρ
νοσοῦντι ληρεῖν ἀνδρὸς οὐχὶ σώφρονος.

[¶109] Deianeira:
No, I implore you by Zeus whose strikes lightning down along the high glens of Oeta, do not rob me of a true report! Your words will not fall on the ears of a cruel woman, nor has she yet to learn the fate of humanity,
how by our nature we are often inconstant in our pleasures. He does not use good sense, then, who like a boxer opposes the blows of Eros. For Eros rules the gods as he pleases, and he rules me as well—that is certain. Why not another woman, just like me?

> Greek: Δηιάνειρα:
μή, πρός σε τοῦ κατʼ ἄκρον Οἰταῖον νάπος
Διὸς καταστράπτοντος, ἐκκλέψῃς λόγον.
οὐ γὰρ γυναικὶ τοὺς λόγους ἐρεῖς κακῇ
οὐδʼ ἥτις οὐ κάτοιδε τἀνθρώπων, ὅτι
χαίρειν πέφυκεν οὐχὶ τοῖς αὐτοῖς ἀεί.
Ἔρωτι μέν νυν ὅστις ἀντανίσταται
πύκτης ὅπως ἐς χεῖρας, οὐ καλῶς φρονεῖ·
οὗτος γὰρ ἄρχει καὶ θεῶν ὅπως θέλει,
κἀμοῦ γε· πῶς δʼ οὐ χἀτέρας οἵας γʼ ἐμοῦ;

[¶110] And so I am crazed indeed, if I blame my husband because that disease has seized him or because he was seized by this woman, his partner in a thing which is no shame to them, and no wrong to me. Impossible! If it was from him that you learned
to lie, it was not a noble lesson. But if you are your own teacher in this, you will be seen as cruel when it is your wish to prove kind. No, tell me the whole truth, since to a free-born man the name of liar attaches like an ugly stain.

> Greek: ὥστʼ εἴ τι τὠμῷ τʼ ἀνδρὶ τῇδε τῇ νόσῳ
ληφθέντι μεμπτός εἰμι, κάρτα μαίνομαι,
ἢ τῇδε τῇ γυναικὶ τῇ μεταιτίᾳ
τοῦ μηδὲν αἰσχροῦ μηδʼ ἐμοὶ κακοῦ τινος.
οὐκ ἔστι ταῦτʼ· ἀλλʼ εἰ μὲν ἐκ κείνου μαθὼν
ψεύδει, μάθησιν οὐ καλὴν ἐκμανθάνεις.
εἰ δʼ αὐτὸς αὑτὸν ὧδε παιδεύεις, ὅταν
θέλῃς γενέσθαι χρηστός, ὀφθήσει κακός.
ἀλλʼ εἰπὲ πᾶν τἀληθές· ὡς ἐλευθέρῳ
ψευδεῖ καλεῖσθαι κὴρ πρόσεστιν οὐ καλή.

[¶111] If your hope is to escape detection, that cannot come to pass: many are those whom you told and who will inform me. And if you are afraid, your fear is mistaken, since it is not learning the truth that would pain me. But to know it, what is terrible in that? Has
Heracles not all by himself already mated with a multitude of other women? And never yet has one of them come away with a harsh word or reproach from me, nor shall this girl, even if she should melt in her passion. Indeed, I felt a profound pity when I saw her because
her beauty has destroyed her life, and she, unfortunate one, has against her will devastated her fatherland and enslaved it. Well, those things must go with the wind. But as for you, I tell you, be dishonest to others, but always speak the truth to me.

> Greek: ὅπως δὲ λήσεις, οὐδὲ τοῦτο γίγνεται·
πολλοὶ γὰρ οἷς εἴρηκας, οἳ φράσουσʼ ἐμοί.
κεἰ μὲν δέδοικας, οὐ καλῶς ταρβεῖς, ἐπεὶ
τὸ μὴ πυθέσθαι, τοῦτό μʼ ἀλγύνειεν ἄν·
τὸ δʼ εἰδέναι τί δεινόν; οὐχὶ χἀτέρας
πλείστας ἀνὴρ εἷς Ἡρακλῆς ἔγημε δή;
κοὔπω τις αὐτῶν ἔκ γʼ ἐμοῦ λόγον κακὸν
ἠνέγκατʼ οὐδʼ ὄνειδος· ἥδε τʼ οὐδʼ ἂν εἰ
κάρτʼ ἐντακείη τῷ φιλεῖν, ἐπεί σφʼ ἐγὼ
ᾤκτιρα δὴ μάλιστα προσβλέψασʼ, ὅτι
τὸ κάλλος αὐτῆς τὸν βίον διώλεσεν,
καὶ γῆν πατρῴαν οὐχ ἑκοῦσα δύσμορος
ἔπερσε κἀδούλωσεν. ἀλλὰ ταῦτα μὲν
ῥείτω κατʼ οὖρον· σοὶ δʼ ἐγὼ φράζω κακὸν
πρὸς ἄλλον εἶναι, πρὸς δʼ ἔμʼ ἀψευδεῖν ἀεί.

[¶112] Chorus:
Obey her good and kind advice, and hereafter you will neither have cause to complain of this lady, nor lack my thanks.

> Greek: Χορός:
πείθου λεγούσῃ χρηστά, κοὐ μέμψει χρόνῳ
γυναικὶ τῇδε κἀπʼ ἐμοῦ κτήσει χάριν.

[¶113] Lichas:
Indeed, then, dear mistress. Since I see that you think as mortals should think and not without good judgment, I will tell you the whole truth, and not hide it.

> Greek: Λίχας:
ἀλλʼ, ὦ φίλη δέσποινʼ, ἐπεί σε μανθάνω
θνητὴν φρονοῦσαν θνητὰ κοὐκ ἀγνώμονα,
πᾶν σοι φράσω τἀληθὲς οὐδὲ κρύψομαι.

[¶114] Yes, it is just as this one says. That terrible longing for the girl long ago shot through Heracles, and for her sake the desolate Oechalia, her father’s land, was leveled by his spear. But he—I must say what is in his favor—
he never ordered me to conceal the fact and never denied it. Instead I, lady, fearing to wound your heart by such news, erred—if you regard this in any way an error. Since, however, you now know the whole story,
for his sake and for yours equally bear with the woman, and be willing that the gentle words which you spoke about her have been spoken unalterably. For though by the strength of his hands he is victorious in all else, Heracles has been utterly subdued by his passion for this girl.

> Greek: ἔστιν γὰρ οὕτως ὥσπερ οὗτος ἐννέπει.
ταύτης ὁ δεινὸς ἵμερός ποθʼ Ἡρακλῆ
διῆλθε, καὶ τῆσδʼ εἵνεχʼ ἡ πολύφθορος
καθῃρέθη πατρῷος Οἰχαλία δόρει.
καὶ ταῦτα, δεῖ γὰρ καὶ τὸ πρὸς κείνου λέγειν,
οὔτʼ εἶπε κρύπτειν οὔτʼ ἀπηρνήθη ποτέ,
ἀλλʼ αὐτός, ὦ δέσποινα, δειμαίνων τὸ σὸν
μὴ στέρνον ἀλγύνοιμι τοῖσδε τοῖς λόγοις,
ἥμαρτον, εἴ τι τήνδʼ ἁμαρτίαν νέμεις.
ἐπεί γε μὲν δὴ πάντʼ ἐπίστασαι λόγον,
κείνου τε καὶ σὴν ἐξ ἴσου κοινὴν χάριν
καὶ στέργε τὴν γυναῖκα καὶ βούλου λόγους,
οὓς εἶπας ἐς τήνδʼ, ἐμπέδως εἰρηκέναι·
ὡς τἄλλʼ ἐκεῖνος πάντʼ ἀριστεύων χεροῖν
τοῦ τῆσδʼ ἔρωτος εἰς ἅπανθʼ ἥσσων ἔφυ.

[¶115] Deianeira:
My own thoughts move me to act as you advise. Rest assured that I will not earn another affliction for myself by waging a fruitless fight against the gods. But let us go into the house, so that you may carry him my messages and since gifts should be given in due recompense for gifts received,
so that you may take these also. It would not be right that you should go back with empty hands, after coming with such a rich cargo. Exit Lichas, the Messenger and Deianeira into the house.

> Greek: Δηιάνειρα:
ἀλλʼ ὧδε καὶ φρονοῦμεν ὥστε ταῦτα δρᾶν,
κοὔτοι νόσον γʼ ἐπακτὸν ἐξαρούμεθα,
θεοῖσι δυσμαχοῦντες. ἀλλʼ εἴσω στέγης
χωρῶμεν, ὡς λόγων τʼ ἐπιστολὰς φέρῃς,
ἅ τʼ ἀντὶ δώρων δῶρα χρὴ προσαρμόσαι,
καὶ ταῦτʼ ἄγῃς· κενὸν γὰρ οὐ δίκαιά σε
χωρεῖν προσελθόνθʼ ὧδε σὺν πολλῷ στόλῳ.

[¶116] Chorus:
Great and mighty is the victory which the Cyprian queen always bears away. I bypass the tales of the gods,
and do not narrate how she beguiled the son of Cronus, and Hades, the lord of darkness, or Poseidon, shaker of the earth. But, when this bride was to be won,
who were the massive rivals that entered the contest for her nuptials? Who stepped forward to the ordeal of battle full of blows and raising dust?

> Greek: Χορός:
μέγα τι σθένος ἁ Κύπρις ἐκφέρεται νίκας ἀεί.
καὶ τὰ μὲν θεῶν
παρέβαν, καὶ ὅπως Κρονίδαν ἀπάτασεν οὐ λέγω,
οὐδὲ τὸν ἔννυχον Ἅιδαν
ἢ Ποσειδάωνα τινάκτορα γαίας·
ἀλλʼ ἐπὶ τάνδʼ ἄρʼ ἄκοιτιν
τίνες ἀμφίγυοι κατέβαν πρὸ γάμων,
τίνες πάμπληκτα παγκόνιτά τʼ ἐξῆλθον ἄεθλʼ ἀγώνων;

[¶117] Chorus:
One was a mighty river-god, the form of a bull, high-horned and four-legged,
Achelous, from Oeniadae. The other came from Thebes, home of Bacchus, brandishing his resilient bow, his spears and club; he was the son of Zeus. These two then met in a mass, lusting to win a bride,
and the Cyprian goddess of nuptial joy was there with them, acting as sole umpire.

> Greek: Χορός:
ὁ μὲν ἦν ποταμοῦ σθένος, ὑψίκερω τετραόρου
φάσμα ταύρου,
Ἀχελῷος ἀπʼ Οἰνιαδᾶν, ὁ δὲ Βακχίας ἀπὸ
ἦλθε παλίντονα Θήβας
τόξα καὶ λόγχας ῥόπαλόν τε τινάσσων,
παῖς Διός· οἳ τότʼ ἀολλεῖς
ἴσαν ἐς μέσον ἱέμενοι λεχέων·
μόνα δʼ εὔλεκτρος ἐν μέσῳ Κύπρις ῥαβδονόμει ξυνοῦσα.

[¶118] Chorus:
There was clatter of fists and clang of bow and crash of a bull’s horns mixed together;

> Greek: Χορός:
τότʼ ἦν χερός, ἦν δὲ τόξων πάταγος,
ταυρείων τʼ ἀνάμιγδα κεράτων·

[¶119] then there were close-locked grapplings and deadly blows from foreheads and loud deep cries from both. Meanwhile the delicate beauty sat on the side of a hill that could be seen from afar,
awaiting the husband that would be hers. So the battle rages, as I narrate. But the face of the bride which is the prize of the strife awaits the end in piteous anguish. And suddenly she has left her mother,
like an orphaned calf.
Enter Deianeira.

> Greek: ἦν δʼ ἀμφίπλεκτοι κλίμακες,
ἦν δὲ μετώπων ὀλόεντα
πλήγματα, καὶ στόνος ἀμφοῖν.
ἁ δʼ εὐῶπις ἁβρὰ
τηλαυγεῖ παρʼ ὄχθῳ
ἧστο, τὸν ὃν προσμένουσʼ ἀκοίταν.
ἀγὼν δὲ μαργᾷ μὲν οἷα φράζω·
τὸ δʼ ἀμφινείκητον ὄμμα νύμφας
ἐλεινὸν ἀμμένει·
κἀπὸ ματρὸς ἄφαρ βέβακεν,
ὥστε πόρτις ἐρήμα.

[¶120] Deianeira:
Dear friends, while our guest is saying his farewell to the captive girls in the house, I have stolen away partly to tell you what these hands have devised,
and partly to grieve over my sufferings in your company. I have received a maiden—or, I believe, no longer a maiden, but an experienced woman—into my home, just as a mariner takes on cargo, a merchandise to wreck my peace of mind. And now we are two, a pair waiting under
a single bedspread for one man’s embrace. Such is the reward that Heracles has sent me—he whom I called true and loyal—for guarding his home through all that long time. I do not know how to be angry with him, even though he is infected with this disease.

> Greek: Δηιάνειρα:
ἦμος, φίλαι, κατʼ οἶκον ὁ ξένος θροεῖ
ταῖς αἰχμαλώτοις παισὶν ὡς ἐπʼ ἐξόδῳ,
τῆμος θυραῖος ἦλθον ὡς ὑμᾶς λάθρᾳ,
τὰ μὲν φράσουσα χερσὶν ἁτεχνησάμην,
τὰ δʼ οἷα πάσχω συγκατοικτιουμένη.
κόρην γάρ, οἶμαι δʼ οὐκέτʼ, ἀλλʼ ἐζευγμένην,
παρεισδέδεγμαι φόρτον ὥστε ναυτίλος,
λωβητὸν ἐμπόλημα τῆς ἐμῆς φρενός.
καὶ νῦν δύʼ οὖσαι μίμνομεν μιᾶς ὑπὸ
χλαίνης ὑπαγκάλισμα. τοιάδʼ Ἡρακλῆς,
ὁ πιστὸς ἡμῖν κἀγαθὸς καλούμενος,
οἰκούριʼ ἀντέπεμψε τοῦ μακροῦ χρόνου.
ἐγὼ δὲ θυμοῦσθαι μὲν οὐκ ἐπίσταμαι
νοσοῦντι κείνῳ πολλὰ τῇδε τῇ νόσῳ·

[¶121] But, then again, to live with her, sharing the same marriage—what woman could endure it? For I see that the flower of her youth is blossoming, while mine is fading. The eyes of men love to pluck off the bloom of youth, but they turn their steps from the old.

> Greek: τὸ δʼ αὖ ξυνοικεῖν τῇδʼ ὁμοῦ τίς ἂν γυνὴ
δύναιτο, κοινωνοῦσα τῶν αὐτῶν γάμων;
ὁρῶ γὰρ ἥβην τὴν μὲν ἕρπουσαν πρόσω,
τὴν δὲ φθίνουσαν· ὧν ἀφαρπάζειν φιλεῖ
ὀφθαλμὸς ἄνθος, τῶν δʼ ὑπεκτρέπει πόδα.

[¶122] On this account I am afraid lest Heracles, in name my husband, should be the younger woman’s man. But, as I said, anger brings shame to a woman of understanding. I will tell you, my friends, the way by which I will have deliverance and relief.

> Greek: ταῦτʼ οὖν φοβοῦμαι μὴ πόσις μὲν Ἡρακλῆς
ἐμὸς καλῆται, τῆς νεωτέρας δʼ ἀνήρ.
ἀλλʼ οὐ γάρ, ὥσπερ εἶπον, ὀργαίνειν καλὸν
γυναῖκα νοῦν ἔχουσαν· ᾗ δʼ ἔχω, φίλαι,
λυτήριον λώφημα, τῇδʼ ὑμῖν φράσω.

[¶123] I had a gift, an old one given to me by a monster of long ago, and kept it hidden in a bronze urn. While yet a girl, I took this gift from the shaggy-chested Nessus—from his lifeblood, as he lay dying. He is the one who used to carry men
in his arms for hire across the deep current of the Evenus, using no oar for conveyance, nor ship’s sail. He carried me, too, on his shoulders, when at my father’s sending, I first departed with Heracles as his wife. When I was in midstream,
he touched me with lewd hands. I shrieked, and straightaway the son of Zeus turned round and with his hands shot a feathered arrow that whistled right through his chest to the lungs. As he passed away the monster spoke these few words: “Child of aged Oeneus,
you will have this benefit from my ferrying, if you obey me, since you were the last whom I carried. If you gather with your hands the blood clotted round my wound, at the place where the Hydra, Lerna’s monstrous growth, imbued the arrow with black gall,
you will have a charm for the heart of Heracles, so that he will never look upon any woman and love her more than you.” Remembering this charm, my friends—for, after his death, I had kept it carefully locked up in the house—
I have imbued this robe with it, applying to it all that he instructed while he lived. The work is finished. May deeds of wicked daring always be far from my thoughts and from my knowledge, as I detest the women who attempt them! But if in any way I may prevail against this girl by love-spells
and the charms used on Heracles, the means to that end have been devised—unless I seem to be acting rashly. If so, I will stop immediately.

> Greek: ἦν μοι παλαιὸν δῶρον ἀρχαίου ποτὲ
θηρός, λέβητι χαλκέῳ κεκρυμμένον,
ὃ παῖς ἔτʼ οὖσα τοῦ δασυστέρνου παρὰ
Νέσσου φθίνοντος ἐκ φονῶν ἀνειλόμην,
ὃς τὸν βαθύρρουν ποταμὸν Εὔηνον βροτοὺς
μισθοῦ ʼπόρευε χερσίν, οὔτε πομπίμοις
κώπαις ἐρέσσων οὔτε λαίφεσιν νεώς.
ὃς κἀμέ, τὸν πατρῷον ἡνίκα στόλον
ξὺν Ἡρακλεῖ τὸ πρῶτον εὖνις ἑσπόμην,
φέρων ἐπʼ ὤμοις, ἡνίκʼ ἦ μέσῳ πόρῳ,
ψαύει ματαίαις χερσίν· ἐκ δʼ ἤυσʼ ἐγώ,
χὠ Ζηνὸς εὐθὺς παῖς ἐπιστρέψας χεροῖν
ἧκεν κομήτην ἰόν· ἐς δὲ πλεύμονας
στέρνων διερροίζησεν. ἐκθνῄσκων δʼ ὁ θὴρ
τοσοῦτον εἶπε· παῖ γέροντος Οἰνέως,
τοσόνδʼ ὀνήσει τῶν ἐμῶν, ἐὰν πίθῃ,
πορθμῶν, ὁθούνεχʼ ὑστάτην σʼ ἔπεμψʼ ἐγώ·
ἐὰν γὰρ ἀμφίθρεπτον αἷμα τῶν ἐμῶν
σφαγῶν ἐνέγκῃ χερσίν, ᾗ μελαγχόλους
ἔβαψεν ἰοὺς θρέμμα Λερναίας ὕδρας,
ἔσται φρενός σοι τοῦτο κηλητήριον
τῆς Ἡρακλείας, ὥστε μήτινʼ εἰσιδὼν
στέρξει γυναῖκα κεῖνος ἀντὶ σοῦ πλέον.
τοῦτʼ ἐννοήσασʼ, ὦ φίλαι, δόμοις γὰρ ἦν
κείνου θανόντος ἐγκεκλῃμένον καλῶς,
χιτῶνα τόνδʼ ἔβαψα, προσβαλοῦσʼ ὅσα
ζῶν κεῖνος εἶπε· καὶ πεπείρανται τάδε.
κακὰς δὲ τόλμας μήτʼ ἐπισταίμην ἐγὼ
μήτʼ ἐκμάθοιμι, τάς τε τολμώσας στυγῶ·
φίλτροις δʼ ἐάν πως τήνδʼ ὑπερβαλώμεθα
τὴν παῖδα καὶ θέλκτροισι τοῖς ἐφʼ Ἡρακλεῖ,
μεμηχάνηται τοὔργον, εἴ τι μὴ δοκῶ
πράσσειν μάταιον· εἰ δὲ μή, πεπαύσομαι.

[¶124] Chorus:
On the contrary. If there is any reason for confidence in these actions, we think that your plan is not wrong.

> Greek: Χορός:
ἀλλʼ εἴ τις ἐστὶ πίστις ἐν τοῖς δρωμένοις,
δοκεῖς παρʼ ἡμῖν οὐ βεβουλεῦσθαι κακῶς.

[¶125] Deianeira:
My reason for confidence is this: there is the appearance of success in the plan. But the proof I have not yet essayed.

> Greek: Δηιάνειρα:
οὕτως ἔχει γʼ ἡ πίστις, ὡς τὸ μὲν δοκεῖν
ἔνεστι, πείρᾳ δʼ οὐ προσωμίλησά πω·

[¶126] Chorus:
Your knowledge must come after you act. For you can have no test which is not fanciful except by making the attempt.

> Greek: Χορός:
ἀλλʼ εἰδέναι χρὴ δρῶσαν, ὡς οὐδʼ εἰ δοκεῖς
ἔχειν, ἔχοις ἂν γνῶμα, μὴ πειρωμένη.

[¶127] Deianeira:
Well, we shall know shortly, for there I see the man
already at the doors. He will soon depart. Only I ask that I may be well sheltered by you! When you accomplish even shameful deeds under the cover of darkness, you will never fall into disgrace.
Enter Lichas.

> Greek: Δηιάνειρα:
ἀλλʼ αὐτίκʼ εἰσόμεσθα, τόνδε γὰρ βλέπω
θυραῖον ἤδη· διὰ τάχους δʼ ἐλεύσεται.
μόνον παρʼ ὑμῶν εὖ στεγοίμεθʼ· ὡς σκότῳ
κἂν αἰσχρὰ πράσσῃς, οὔποτʼ αἰσχύνῃ πεσεῖ.

[¶128] Lichas:
What are your instructions? Tell me, daughter of Oeneus, for already I am tardy because of my long stay.

> Greek: Λίχας:
τί χρὴ ποεῖν; σήμαινε, τέκνον Οἰνέως,
ὡς ἐσμὲν ἤδη τῷ μακρῷ χρόνῳ βραδεῖς.

[¶129] Deianeira:
In fact I have just been seeing to this very thing for you, Lichas, while you were addressing the foreign women in the house: take for me this long robe, prepared by my own hand, a gift to my absent husband. Give it to him and tell him to be sure that no man
puts it on his body before him and that it not be seen by the light of the sun, nor by the sacred precinct, nor by the blaze at the hearth, until he stands conspicuous before all eyes and shows it clearly to the gods on a day for the sacrifice of bulls.

> Greek: Δηιάνειρα:
ἀλλʼ αὐτὰ δή σοι ταῦτα καὶ πράσσω, Λίχα,
ἕως σὺ ταῖς ἔσωθεν ἠγορῶ ξέναις,
ὅπως φέρῃς μοι τόνδε ταναϋφῆ πέπλον,
δώρημʼ ἐκείνῳ τἀνδρὶ τῆς ἐμῆς χερός.
διδοὺς δὲ τόνδε φράζʼ ὅπως μηδεὶς βροτῶν
κείνου πάροιθεν ἀμφιδύσεται χροΐ,
μηδʼ ὄψεταί νιν μήτε φέγγος ἡλίου
μήθʼ ἕρκος ἱερὸν μήτʼ ἐφέστιον σέλας,
πρὶν κεῖνος αὐτὸν φανερὸς ἐμφανῶς σταθεὶς
δείξῃ θεοῖσιν ἡμέρᾳ ταυροσφάγῳ.

[¶130] For so had I vowed, that if I should ever see or hear that he had come safely home, I would dutifully adorn him with this robe and reveal him to the god as a new sacrificer in new garb. As proof of your commission you will carry a token which he will easily recognize
within the circle of this seal. Now go; and first, observe the rule that messengers should be unwilling to act out of line, and second, see to it that my thanks may be joined to his, doubling the gratitude you earn.

> Greek: οὕτω γὰρ ηὔγμην, εἴ ποτʼ αὐτὸν ἐς δόμους
ἴδοιμι σωθέντʼ ἢ κλύοιμι πανδίκως,
στελεῖν χιτῶνι τῷδε καὶ φανεῖν θεοῖς
θυτῆρα καινῷ καινὸν ἐν πεπλώματι.
καὶ τῶνδʼ ἀποίσεις σῆμʼ, ὃ κεῖνος εὐμαθὲς
σφραγῖδος ἕρκει τῷδʼ ἐπὸν μαθήσεται.
ἀλλʼ ἕρπε, καὶ φύλασσε πρῶτα μὲν νόμον,
τὸ μὴ ʼπιθυμεῖν πομπὸς ὢν περισσὰ δρᾶν·
ἔπειθʼ ὅπως ἂν ἡ χάρις κείνου τέ σοι
κἀμοῦ ξυνελθοῦσʼ ἐξ ἁπλῆς διπλῆ φανῇ.

[¶131] Lichas:
If I practice Hermes’ art of heraldry with any skill, I certainly will never slip up while doing your errand. I will not fail to carry and present this chest in the same condition, nor to add to it the proper assurance of the reasons which you have for sending it.

> Greek: Λίχας:
ἀλλʼ εἴπερ Ἑρμοῦ τήνδε πομπεύω τέχνην
βέβαιον, οὔ τι μὴ σφαλῶ γʼ ἐν σοί ποτε,
τὸ μὴ οὐ τόδʼ ἄγγος ὡς ἔχει δεῖξαι φέρων,
λόγων τε πίστιν ὧν λέγεις ἐφαρμόσαι.

[¶132] Deianeira:
You may go now, for you know well
how things are with us in the house.

> Greek: Δηιάνειρα:
στείχοις ἂν ἤδη· καὶ γὰρ ἐξεπίστασαι
τά γʼ ἐν δόμοισιν ὡς ἔχοντα τυγχάνει.

[¶133] Lichas:
I know and will report that all is well.

> Greek: Λίχας:
ἐπίσταμαί τε καὶ φράσω σεσωσμένα.

## 2. Lines 627–1278

Source: https://scriptura.si/works/sophocles-women-of-trachis/2/ · cite a paragraph as https://scriptura.si/works/sophocles-women-of-trachis/2/#p-N

[¶0] Deianeira:
And you know, further, from your own eyes my greeting to the foreign girl, how I welcomed her warmly.

> Greek: Δηιάνειρα:
ἀλλʼ οἶσθα μὲν δὴ καὶ τὰ τῆς ξένης ὁρῶν
προσδέγματʼ, αὐτὴν ὡς ἐδεξάμην φίλως.

[¶1] Lichas:
So much so that my heart was struck with joy.

> Greek: Λίχας:
ὥστʼ ἐκπλαγῆναι τοὐμὸν ἡδονῇ κέαρ.

[¶2] Deianeira:
What more, then, is there for you to tell him? I am afraid that it would be too soon to speak of the longing on my part, before I know if I am longed for there. Exit Lichas on one side and Deianeira into the house.

> Greek: Δηιάνειρα:
τί δῆτʼ ἂν ἄλλο γʼ ἐννέποις; δέδοικα γὰρ
μὴ πρῲ λέγοις ἂν τὸν πόθον τὸν ἐξ ἐμοῦ,
πρὶν εἰδέναι τἀκεῖθεν εἰ ποθούμεθα.

[¶3] Chorus:
O you who dwell by the warm springs near ships’ haven and rocky cliff, and you who live by
the crags of Oeta! And you dwellers by the land-locked waters of the Malian gulf, and the headland sacred to the virgin-goddess of the golden shuttle, where are the famed councils of the Greeks at the gates!

> Greek: Χορός:
ὦ ναύλοχα καὶ πετραῖα
θερμὰ λουτρὰ καὶ πάγους
Οἴτας παραναιετάοντες, οἵ τε μέσσαν Μηλίδα πὰρ λίμναν
χρυσαλακάτου τʼ ἀκτὰν κόρας,
ἔνθʼ Ἑλλάνων ἀγοραὶ
Πυλάτιδες κλέονται·

[¶4] Chorus:
Soon the glorious voice of the flute will go up for you again, sounding no bothersome, strident notes, but divine music worthy of the lyre! For the son whom Alcmena bore to Zeus
is hurrying homeward, with spoils won by supreme valor.

> Greek: Χορός:
ὁ καλλιβόας τάχʼ ὑμῖν
αὐλὸς οὐκ ἀναρσίαν
ἀχῶν καναχὰν ἐπάνεισιν, ἀλλὰ θείας ἀντίλυρον μούσας.
ὁ γὰρ Διὸς Ἀλκμήνας κόρος
σοῦται πάσας ἀρετᾶς
λάφυρʼ ἔχων ἐπʼ οἴκους·

[¶5] Chorus:
We thought him lost utterly to our land, a wanderer over sea, while we waited through twelve long months and knew nothing.

> Greek: Χορός:
ὃν ἀπόπτολιν εἴχομεν παντᾷ,
δυοκαιδεκάμηνον ἀμμένουσαι
χρόνον, πελάγιον, ἴδριες οὐδέν·

[¶6] She, his loving wife, miserable, was ever pining in her miserable heart, always weeping. But now Ares, stung to rage, has freed her days from their toil.

> Greek: ἁ δέ οἱ φίλα δάμαρ
τάλαιναν δυστάλαινα καρδίαν
πάγκλαυτος αἰὲν ὤλλυτο·
νῦν δʼ Ἄρης οἰστρηθεὶς
ἐξέλυσʼ ἐπίπονον ἁμέραν.

[¶7] Chorus:
May he come, may he come! Let him not halt the many-oared ship that carries him before he has reached this town, leaving the island altar where he is reported to be sacrificing!

> Greek: Χορός:
ἀφίκοιτʼ ἀφίκοιτο· μὴ σταίη
πολύκωπον ὄχημα ναὸς αὐτῷ,
πρὶν τάνδε πρὸς πόλιν ἀνύσειε,
νασιῶτιν ἑστίαν
ἀμείψας, ἔνθα κλῄζεται θυτήρ·

[¶8] May he come from there full of desire, steeped in love on the pretext of the robe by Persuasion’s all-powerful ointment!
Enter Deianeira from the house.

> Greek: ὅθεν μόλοι πανίμερος,
τᾶς πειθοῦς παγχρίστῳ
συγκραθεὶς ἐπὶ προφάσει φάρους.

[¶9] Deianeira:
Friends, how I fear that I may have gone too far in all that I was doing just now!

> Greek: Δηιάνειρα:
γυναῖκες, ὡς δέδοικα μὴ περαιτέρω
πεπραγμένʼ ᾖ μοι πάνθʼ ὅσʼ ἀρτίως ἔδρων.

[¶10] Chorus:
What has happened, Deianeira, daughter of Oeneus?

> Greek: Χορός:
τί δʼ ἔστι, Δῃάνειρα, τέκνον Οἰνέως;

[¶11] Deianeira:
I do not know, but I despair that I will soon be found to have done a great wrong, when my hope was for good.

> Greek: Δηιάνειρα:
οὐκ οἶδʼ· ἀθυμῶ δʼ, εἰ φανήσομαι τάχα
κακὸν μέγʼ ἐκπράξασʼ ἀπʼ ἐλπίδος καλῆς.

[¶12] Chorus:
Surely it is nothing that bears on your gift to Heracles?

> Greek: Χορός:
οὐ δή τι τῶν σῶν Ἡρακλεῖ δωρημάτων;

[¶13] Deianeira:
Yes, it is! So much so that I would never recommend to anybody
that he be eager for action in obscurity.

> Greek: Δηιάνειρα:
μάλιστά γʼ, ὥστε μήποτʼ ἂν προθυμίαν
ἄδηλον ἔργου τῳ παραινέσαι λαβεῖν.

[¶14] Chorus:
Tell us the cause of your fear, if it may be told.

> Greek: Χορός:
δίδαξον, εἰ διδακτόν, ἐξ ὅτου φοβεῖ.

[¶15] Deianeira:
A thing has happened, my friends, such that, if I declare it, it will be a strange marvel for you to hear. The implement with which I was just now anointing the festal robe,
a white tuft of fleecy sheep’s wool, has disappeared, eaten away by no animal in the courtyard, but self-devoured and self-destroyed it crumbled down over a stone slab. But I must tell the story at greater length, so that you may know exactly how this thing was accomplished.

> Greek: Δηιάνειρα:
τοιοῦτον ἐκβέβηκεν οἷον, ἢν φράσω,
γυναῖκες, ὑμᾶς θαῦμʼ ἀνέλπιστον μαθεῖν.
ᾧ γὰρ τὸν ἐνδυτῆρα πέπλον ἀρτίως
ἔχριον, ἀργὴς οἰὸς εὐέρου πόκος,
τοῦτʼ ἠφάνισται διάβορον πρὸς οὐδενὸς
τῶν ἔνδον, ἀλλʼ ἐδεστὸν ἐξ αὑτοῦ φθίνει,
καὶ ψῇ κατʼ ἄκρας σπιλάδος· ὡς δʼ εἰδῇς ἅπαν,
ᾗ τοῦτʼ ἐπράχθη, μείζονʼ ἐκτενῶ λόγον.

[¶16] I neglected no part of the precepts which the savage Centaur gave me when he was hurting from the bitter barb in his side; they were in my memory, like the graven words which no hand may wash from a tablet of bronze. Now this was his order to me, and I obeyed it:

> Greek: ἐγὼ γὰρ ὧν ὁ θήρ με Κένταυρος, πονῶν
πλευρὰν πικρᾷ γλωχῖνι, προυδιδάξατο
παρῆκα θεσμῶν οὐδέν, ἀλλʼ ἐσῳζόμην
χαλκῆς ὅπως δύσνιπτον ἐκ δέλτου γραφήν.
καί μοι τάδʼ ἦν πρόρρητα καὶ τοιαῦτʼ ἔδρων·

[¶17] to keep this potion hidden in inmost recesses always away from fire and untouched by the sun’s warm ray, until I should apply it, newly spread, where I wished. So I had done. And just now, when the moment for action had come, I performed the anointing secretly in the rooms of the house
with a tuft of soft wool which I had plucked from a sheep of our home-flock; then I folded up my gift, and laid it, unvisited by sunlight, within its hollow chest, as you saw. But as I am going back into the house, I see a thing inexplicable by words and beyond the knowledge of the human mind to understand.

> Greek: τὸ φάρμακον τοῦτʼ ἄπυρον ἀκτῖνός τʼ ἀεὶ
θερμῆς ἄθικτον ἐν μυχοῖς σῴζειν ἐμέ,
ἕως νιν ἀρτίχριστον ἁρμόσαιμί που.
κἄδρων τοιαῦτα. νῦν δʼ, ὅτʼ ἦν ἐργαστέον,
ἔχρισα μὲν κατʼ οἶκον ἐν δόμοις κρυφῇ
μαλλῷ, σπάσασα κτησίου βοτοῦ λάχνην,
κἄθηκα συμπτύξασʼ ἀλαμπὲς ἡλίου
κοίλῳ ζυγάστρῳ δῶρον, ὥσπερ εἴδετε.
εἴσω δʼ ἀποστείχουσα δέρκομαι φάτιν
ἄφραστον, ἀξύμβλητον ἀνθρώπῳ μαθεῖν.

[¶18] For somehow I happened to have thrown the ball of wool, with which I had been anointing the robe, into the full blaze of the sun’s rays. As it grew warm, it ran all into confusion, and quickly crumbled to powder on the ground, like nothing in appearance so much as
the morsels left by a saw’s teeth when wood is cut. It lies just so, fallen. And from the earth, where it lay exposed, clotted foam seethes up, like the rich juice of the blue fruit from the vine of Bacchus when it is poured on the ground.

> Greek: τὸ γὰρ κάταγμα τυγχάνω ῥίψασά πως
τῆς οἰός, ᾧ προύχριον, ἐς μέσην φλόγα,
ἀκτῖνʼ ἐς ἡλιῶτιν· ὡς δʼ ἐθάλπετο,
ῥεῖ πᾶν ἄδηλον καὶ κατέψηκται χθονί,
μορφῇ μάλιστʼ εἰκαστὸν ὥστε πρίονος
ἐκβρώματʼ ἂν βλέψειας ἐν τομῇ ξύλου.
τοιόνδε κεῖται προπετές· ἐκ δὲ γῆς, ὅθεν
προύκειτʼ, ἀναζέουσι θρομβώδεις ἀφροί,
γλαυκῆς ὀπώρας ὥστε πίονος ποτοῦ
χυθέντος εἰς γῆν Βακχίας ἀπʼ ἀμπέλου.

[¶19] And so I am distraught, and I do not know to which side my thoughts should fall. I only see that I have brought a terrible deed to completion. For why or in thanks for what should the monster in his death-throes have shown good will to me, because of whom he was dying? Impossible! No, he was
enchanting me in order to destroy the man who had shot him. And now too late I gain the knowledge of this, when it can no longer help. Yes, I alone—unless my outlook prove mistaken—I, miserable one, shall completely destroy him! For I know that the arrow which made the wound harmed
even the god Cheiron, and that it kills all varieties of beasts that it touches. Since it is this same black venom in the blood that has passed out through the wound of Nessus, must it not kill Heracles also? To my mind, at least, it must. Nevertheless, I am resolved that, if he is to be brought down,
at the same time I too will die along with him in the selfsame fall. No woman could bear to live with a reputation for evil, if she cares above all that her nature is not evil.

> Greek: Δηιάνειρα:
ὥστʼ οὐκ ἔχω τάλαινα ποῖ γνώμης πέσω·
ὁρῶ δέ μʼ ἔργον δεινὸν ἐξειργασμένην.
πόθεν γὰρ ἄν ποτʼ, ἀντὶ τοῦ θνῄσκων ὁ θὴρ
ἐμοὶ παρέσχʼ εὔνοιαν, ἧς ἔθνῃσχʼ ὕπερ;
οὐκ ἔστιν, ἀλλὰ τὸν βαλόντʼ ἀποφθίσαι
χρῄζων ἔθελγέ μʼ· ὧν ἐγὼ μεθύστερον,
ὅτʼ οὐκέτʼ ἀρκεῖ, τὴν μάθησιν ἄρνυμαι.
μόνη γὰρ αὐτόν, εἴ τι μὴ ψευσθήσομαι
γνώμης, ἐγὼ δύστηνος ἐξαποφθερῶ·
τὸν γὰρ βαλόντʼ ἄτρακτον οἶδα καὶ θεὸν
Χείρωνα πημήναντα, χὦνπερ ἂν θίγῃ,
φθείρει τὰ πάντα κνώδαλʼ· ἐκ δὲ τοῦδʼ ὅδε
σφαγῶν διελθὼν ἰὸς αἵματος μέλας
πῶς οὐκ ὀλεῖ καὶ τόνδε; δόξῃ γοῦν ἐμῇ.
καίτοι δέδοκται, κεῖνος εἰ σφαλήσεται,
ταύτῃ σὺν ὁρμῇ κἀμὲ συνθανεῖν ἅμα·
ζῆν γὰρ κακῶς κλύουσαν οὐκ ἀνασχετόν,
ἥτις προτιμᾷ μὴ κακὴ πεφυκέναι.

[¶20] Chorus:
Fear is necessary when terrible deeds are done, but one should not judge one’s expectations before the outcome is known.

> Greek: Χορός:
ταρβεῖν μὲν ἔργα δείνʼ ἀναγκαίως ἔχει,
τὴν δʼ ἐλπίδʼ οὐ χρὴ τῆς τύχης κρίνειν πάρος.

[¶21] Deianeira:
There is no room for expectation when one’s plans are bad, at least the kind of expectation which lends confidence.

> Greek: Δηιάνειρα:
οὐκ ἔστιν ἐν τοῖς μὴ καλοῖς βουλεύμασιν
οὐδʼ ἐλπίς, ἥτις καὶ θράσος τι προξενεῖ.

[¶22] Chorus:
And yet in the case of those whose mistakes were unwitting, men’s anger is softened. So it should be for you.

> Greek: Χορός:
ἀλλʼ ἀμφὶ τοῖς σφαλεῖσι μὴ ʼξ ἑκουσίας
ὀργὴ πέπειρα, τῆς σε τυγχάνειν πρέπει.

[¶23] Deianeira:
No, such words are not for one who took part in the wrongdoing,
but only for him who has no trouble at his own door.

> Greek: Δηιάνειρα:
τοιαῦτα δʼ ἂν λέξειεν οὐχ ὁ τοῦ κακοῦ
κοινωνός, ἀλλʼ ᾧ μηδέν ἐστʼ οἴκοι βαρύ.

[¶24] Chorus:
It would suit you to refrain from saying anything more, unless you would reveal anything to your own son. For he is here, the one who earlier went to seek his father.

> Greek: Χορός:
σιγᾶν ἂν ἁρμόζοι σε τὸν πλείω λόγον,
εἰ μή τι λέξεις παιδὶ τῷ σαυτῆς· ἐπεὶ
πάρεστι, μαστὴρ πατρὸς ὃς πρὶν ᾤχετο.

[¶25] Hyllus:
O Mother, how I wish I could choose one of three fates for you!
I wish that you no longer lived, or, if you remained, that someone else called you “Mother”, or that some new and kinder heart had been exchanged for your present one!

> Greek: Ὕλλος:
ὦ μῆτερ, ὡς ἂν ἐκ τριῶν σʼ ἓν εἱλόμην,
ἢ μηκέτʼ εἶναι ζῶσαν, ἢ σεσωσμένην
ἄλλου κεκλῆσθαι μητέρʼ, ἢ λῴους φρένας
τῶν νῦν παρουσῶν τῶνδʼ ἀμείψασθαί ποθεν.

[¶26] Deianeira:
My son, what have I done to cause your hate?

> Greek: Δηιάνειρα:
τί δʼ ἐστίν, ὦ παῖ, πρός γʼ ἐμοῦ στυγούμενον;

[¶27] Hyllus:
Listen to me! You have killed
your husband, my father—my father!

> Greek: Ὕλλος:
τὸν ἄνδρα τὸν σὸν ἴσθι, τὸν δʼ ἐμὸν λέγω
πατέρα, κατακτείνασα τῇδʼ ἐν ἡμέρᾳ.

[¶28] Deianeira:
oh, no! What is this you have blurted out, Hyllus?

> Greek: Δηιάνειρα:
οἴμοι, τινʼ ἐξήνεγκας, ὦ τέκνον, λόγον;

[¶29] Hyllus:
Only what cannot but be fulfilled. For who could undo what has happened?

> Greek: Ὕλλος:
ὃν οὐχ οἷόν τε μὴ οὐ τελεσθῆναι· τὸ γὰρ
φανθὲν τίς ἂν δύναιτʼ ἂν ἀγένητον ποεῖν;

[¶30] Deianeira:
What do you mean, son? From whom did you hear this
that you charge me with a crime so awful?

> Greek: Δηιάνειρα:
πῶς εἶπας, ὦ παῖ; τοῦ παρʼ ἀνθρώπων μαθὼν
ἄζηλον οὕτως ἔργον εἰργάσθαι με φής;

[¶31] Hyllus:
I have seen my father’s overwhelming misfortune with my own eyes. I did not learn of it by hearsay.

> Greek: Ὕλλος:
αὐτὸς βαρεῖαν ξυμφορὰν ἐν ὄμμασιν
πατρὸς δεδορκὼς κοὐ κατὰ γλῶσσαν κλύων.

[¶32] Deianeira:
Where did you find him? Where were you with him?

> Greek: Δηιάνειρα:
ποῦ δʼ ἐμπελάζεις τἀνδρὶ καὶ παρίστασαι;

[¶33] Hyllus:
If you need to hear, then I must tell all.

> Greek: Ὕλλος:
εἰ χρὴ μαθεῖν σε, πάντα δὴ φωνεῖν χρεών.

[¶34] After sacking the famous city of Eurytus, he went his way with the trophies and choice spoils of victory. There is a sea-washed headland of Euboea, Cape Cenaeum, where he marked out altars and a sacred grove to the Zeus of his fathers.

> Greek: ὅθʼ εἷρπε κλεινὴν Εὐρύτου πέρσας πόλιν,
νίκης ἄγων τροπαῖα κἀκροθίνια,
ἀκτή τις ἀμφίκλυστος Εὐβοίας ἄκρον
Κήναιόν ἐστιν, ἔνθα πατρῴῳ Διὶ
βωμοὺς ὁρίζει τεμενίαν τε φυλλάδα·

[¶35] There I first saw him, to the gratification of my desire. He was about to make a sacrifice rich in offerings when his own herald, Lichas, came to him from home with your gift, the deadly robe, in his hands. This he put on as you prescribed
and then began his offering with twelve bulls, free from blemish, the prime of the spoil; but altogether he brought a hundred mixed victims to the altar. At first the miserable wretch prayed with serene soul and rejoiced in his ornate garb.

> Greek: οὗ νιν τὰ πρῶτʼ ἐσεῖδον ἄσμενος πόθῳ.
μέλλοντι δʼ αὐτῷ πολυθύτους τεύχειν σφαγὰς
κῆρυξ ἀπʼ οἴκων ἵκετʼ οἰκεῖος Λίχας,
τὸ σὸν φέρων δώρημα, θανάσιμον πέπλον·
ὃν κεῖνος ἐνδύς, ὡς σὺ προυξεφίεσο,
ταυροκτονεῖ μὲν δώδεκʼ ἐντελεῖς ἔχων
λείας ἀπαρχὴν βοῦς· ἀτὰρ τὰ πάνθʼ ὁμοῦ
ἑκατὸν προσῆγε συμμιγῆ βοσκήματα.
καὶ πρῶτα μὲν δείλαιος ἵλεῳ φρενί,
κόσμῳ τε χαίρων καὶ στολῇ, κατηύχετο·

[¶36] But when the blood-fed flame began to blaze from the holy offerings and from the resinous pine, a sweat broke out on his skin and the tunic clung to his sides close-glued at every joint, as if by a craftsman’s hand; there came
a convulsive, biting pain in his bones; and then the venom, like that of some deadly, cruel viper, began to devour him. At that he shouted for the ill-fated Lichas—who was in no way to blame for your crime—asking by what plots he had brought that robe.

> Greek: ὅπως δὲ σεμνῶν ὀργίων ἐδαίετο
φλὸξ αἱματηρὰ κἀπὸ πιείρας δρυός,
ἱδρὼς ἀνῄει χρωτί, καὶ προσπτύσσεται
πλευραῖσιν ἀρτίκολλος, ὥστε τέκτονος,
χιτὼν ἅπαν κατʼ ἄρθρον· ἦλθε δʼ ὀστέων
ἀδαγμὸς ἀντίσπαστος· εἶτα φοινίας
ἐχθρᾶς ἐχίδνης ἰὸς ὣς ἐδαίνυτο.
ἐνταῦθα δὴ ʼβόησε τὸν δυσδαίμονα
Λίχαν, τὸν οὐδὲν αἴτιον τοῦ σοῦ κακοῦ,
ποίαις ἐνέγκοι τόνδε μηχαναῖς πέπλον·

[¶37] But he, unfortunate one, all-unknowing, said that he had brought your gift from you alone, just as it had been sent. When Heracles heard it, just as a piercing spasm clutched his lungs, he caught him by the foot where the ankle bends in the socket
and threw him at a surf-beaten rock in the sea, causing the white brain to ooze from his hair, when the crown of his head had been scattered and his blood with it.

> Greek: ὁ δʼ οὐδὲν εἰδὼς δύσμορος τὸ σὸν μόνης
δώρημʼ ἔλεξεν, ὥσπερ ἦν ἐσταλμένον.
κἀκεῖνος ὡς ἤκουσε καὶ διώδυνος
σπαραγμὸς αὐτοῦ πλευμόνων ἀνθήψατο,
μάρψας ποδός νιν, ἄρθρον ᾗ λυγίζεται,
ῥιπτεῖ πρὸς ἀμφίκλυστον ἐκ πόντου πέτραν·
κόμης δὲ λευκὸν μυελὸν ἐκραίνει, μέσου
κρατὸς διασπαρέντος αἵματός θʼ ὁμοῦ.

[¶38] But all the people lifted up a cry of astounded grief when they saw that the one was frenzied, and the other destroyed;

> Greek: Ὕλλος:
ἅπας δʼ ἀνηυφήμησεν οἰμωγῇ λεώς,
τοῦ μὲν νοσοῦντος, τοῦ δὲ διαπεπραγμένου·

[¶39] and no one dared to approach the man. For he convulsed down to the ground and up into the air as he shouted and cried out. All around the cliffs resounded, both the steep headlands of Locris and the Euboean capes. But when he was exhausted with repeatedly
throwing himself on the ground in his anguish and repeatedly shouting with howls of grief, as he dwelled on his ill-mated marriage with miserable you and his alliance with Oeneus, which, he said, he got for himself as the ruin of his life, then from out of the shrouding altar-smoke
he raised his wildly-rolling eyes and saw me weeping among his many troops. He stared at me and called me: “O my son, come to me. Do not fly from my trouble, not even if you have to share my death. Come, lift me up and away and above all put me
in a place where no one can see me. But if you have pity, at least carry me in all speed away from this country so that I may not die here.” When he had laid this command on me, we put him onboard ship and brought him just barely to this land,
while he moaned in his convulsions. And you shall soon see him, either alive or freshly dead. Such, Mother, are the designs and deeds against my father of which you have been found guilty. May Punishing Justice and the Erinys punish you for them! Yes, if it be right, that is my prayer.

> Greek: κοὐδεὶς ἐτόλμα τἀνδρὸς ἀντίον μολεῖν.
ἐσπᾶτο γὰρ πέδονδε καὶ μετάρσιος,
βοῶν, ἰύζων· ἀμφὶ δʼ ἐκτύπουν πέτραι,
Λοκρῶν τʼ ὄρειοι πρῶνες Εὐβοίας τʼ ἄκραι.
ἐπεὶ δʼ ἀπεῖπε, πολλὰ μὲν τάλας χθονὶ
ῥίπτων ἑαυτόν, πολλὰ δʼ οἰμωγῇ βοῶν,
τὸ δυσπάρευνον λέκτρον ἐνδατούμενος
σοῦ τῆς ταλαίνης, καὶ τὸν Οἰνέως γάμον
οἷον κατακτήσαιτο λυμαντὴν βίου,
τότʼ ἐκ προσέδρου λιγνύος διάστροφον
ὀφθαλμὸν ἄρας εἶδέ μʼ ἐν πολλῷ στρατῷ
δακρυρροοῦντα, καί με προσβλέψας καλεῖ·
ὦ παῖ, πρόσελθε, μὴ φύγῃς τοὐμὸν κακόν,
μηδʼ εἴ σε χρὴ θανόντι συνθανεῖν ἐμοί·
ἀλλʼ ἆρον ἔξω, καὶ μάλιστα μέν με θὲς
ἐνταῦθʼ ὅπου με μή τις ὄψεται βροτῶν·
εἰ δʼ οἶκτον ἴσχεις, ἀλλά μʼ ἔκ γε τῆσδε γῆς
πόρθμευσον ὡς τάχιστα, μηδʼ αὐτοῦ θάνω.
τοσαῦτʼ ἐπισκήψαντος, ἐν μέσῳ σκάφει
θέντες σφε πρὸς γῆν τήνδʼ ἐκέλσαμεν μόλις
βρυχώμενον σπασμοῖσι· καί νιν αὐτίκα
ἢ ζῶντʼ ἐσόψεσθʼ ἢ τεθνηκότʼ ἀρτίως.
τοιαῦτα, μῆτερ, πατρὶ βουλεύσασʼ ἐμῷ
καὶ δρῶσʼ ἐλήφθης, ὧν σε ποίνιμος Δίκη
τίσαιτʼ Ἐρινύς τʼ. εἰ θέμις δʼ, ἐπεύχομαι·

[¶40] Right it is, for to my eyes you have rejected the right by killing the best and bravest of men in all the world, whose equal you will never see again. Deianeira moves towards the house.
Chorus: To Deianeira.

> Greek: θέμις δʼ, ἐπεί μοι τὴν θέμιν σὺ προύβαλες,
πάντων ἄριστον ἄνδρα τῶν ἐπὶ χθονὶ
κτείνασʼ, ὁποῖον ἄλλον οὐκ ὄψει ποτέ.

[¶41] Why do you leave without a word? Do you not know that your silence pleads your accuser’s case?

> Greek: Χορός:
τί σῖγʼ ἀφέρπεις; οὐ κάτοισθʼ ὁθούνεκα
ξυνηγορεῖς σιγῶσα τῷ κατηγόρῳ;

[¶42] Hyllus:
Let her leave. May a fair wind speed her far from my sight! Why should she falsely keep the dignity of the name “Mother,” when she is all unlike a mother in her deeds? No, let her go—farewell to her. May such delight as
she gives my father become her own! Exit Deianeira into the house, followed at a distance by Hyllus.

> Greek: Ὕλλος:
ἐᾶτʼ ἀφέρπειν· οὖρος ὀφθαλμῶν ἐμῶν
αὐτῇ γένοιτʼ ἄπωθεν ἑρπούσῃ καλός.
ὄγκον γὰρ ἄλλως ὀνόματος τί δεῖ τρέφειν
μητρῷον, ἥτις μηδὲν ὡς τεκοῦσα δρᾷ;
ἀλλʼ ἑρπέτω χαίρουσα· τὴν δὲ τέρψιν ἣν
τὠμῷ δίδωσι πατρί, τήνδʼ αὐτὴ λάβοι.

[¶43] Chorus:
See, maidens, how suddenly the divine word of the old prophecy has closed upon us, which allotted this destiny: that when the twelfth year
with its full complement of months should have come to an end, it would complete the undertaking of toils for the true-born son of Zeus! And that promise rides before a steady wind to sure fulfillment. For how shall he who does not see the light of day
ever have toilsome servitude any more in death?

> Greek: Χορός:
ἴδʼ οἷον, ὦ παῖδες, προσέμιξεν ἄφαρ
τοὔπος τὸ θεοπρόπον ἡμῖν
τᾶς παλαιφάτου προνοίας,
ὅ τʼ ἔλακεν, ὁπότε τελεόμηνος ἐκφέροι
δωδέκατος ἄροτος, ἀναδοχὰν τελεῖν πόνων
τῷ Διὸς αὐτόπαιδι· καὶ τάδʼ ὀρθῶς
ἔμπεδα κατουρίζει. πῶς γὰρ ἂν ὁ μὴ λεύσσων
ἔτι ποτʼ ἔτʼ ἐπίπονον πόνων ἔχοι θανὼν λατρείαν;

[¶44] Chorus:
For if the Centaur’s deceitful torture smears his sides with a murderous net, where clings the venom which Death birthed and the gleaming serpent nourished,
how can he look upon tomorrow’s sun, when that appalling Hydra-shape grasps him? Those murderous goads, prepared
by the deceptive words of black-haired Nessus, torment him with confused thrashing and seethe on his skin.

> Greek: Χορός:
εἰ γάρ σφε Κενταύρου φονίᾳ νεφέλᾳ
χρίει δολοποιὸς ἀνάγκα
πλευρά, προστακέντος ἰοῦ,
ὃν τέκετο θάνατος, ἔτρεφε δʼ αἰόλος δράκων,
πῶς ὅδʼ ἂν ἀέλιον ἕτερον ἢ τανῦν ἴδοι,
δεινοτάτῳ μὲν ὕδρας προστετακὼς
φάσματι; μελαγχαίτα δʼ ἄμμιγά νιν αἰκίζει
Νέσσου ὑποφόνια δολιόμυθα κέντρʼ ἐπιζέσαντα.

[¶45] Chorus:
In these matters this miserable lady had no apprehension, when she foresaw in the new marriage a great plague swiftly rushing upon her household. Her own hand applied the drug. But no doubt for the results yielded by a stranger’s
counsel, given at a fatal meeting—for these she despairingly groans and sheds a tender dew of thickly-falling tears.

> Greek: Χορός:
ὧν ἅδʼ ἁ τλάμων ἄοκνος μεγάλαν προορῶσα
δόμοισι βλάβαν νέων
ἀΐσσουσαν γάμων τὰ μὲν αὐτὰ προσέβαλε, τὰ
δʼ ἀπʼ ἀλλόθρου
γνώμας μολόντʼ ὀλεθρίαισι συναλλαγαῖς
ἦ που ὀλοὰ στένει,
ἦ που ἀδινῶν χλωρὰν
τέγγει δακρύων ἄχναν.

[¶46] And the coming fate foreshadows a great disaster, contrived by guile.

> Greek: ἁ δʼ ἐρχομένα μοῖρα προφαίνει δολίαν
καὶ μεγάλαν ἄταν.

[¶47] Chorus:
Our streaming tears break forth. Ah, no! An infection pours over him, an illness more to be pitied
than any suffering that adversaries ever brought upon that glorious hero. Ah, you dark head of the spear foremost in battle, who by your mighty point recently led that swift bride from Oechalia’s heights!

> Greek: Χορός:
ἔρρωγεν παγὰ δακρύων· κέχυται νόσος, ὦ πόποι,
οἷον ἀναρσίων
οὔπω Ἡρακλέους ἀγακλειτὸν ἐπέμολε πάθος οἰκτίσαι.
ἰὼ κελαινὰ λόγχα προμάχου δορός,
ἃ τότε θοὰν νύμφαν
ἄγαγες ἀπʼ αἰπεινᾶς
τάνδʼ Οἰχαλίας αἰχμᾷ·

[¶48] But the Cyprian goddess, ministering in silence, has been plainly proved the author of these deeds.

> Greek: ἁ δʼ ἀμφίπολος Κύπρις ἄναυδος φανερὰ
τῶνδʼ ἐφάνη πράκτωρ.

[¶49] First Semi-Chorus:
Is it fancy, or did I just now hear some cry of grief rushing through the house?

> Greek: Ἡμιχόριον 1:
πότερον ἐγὼ μάταιος, ἢ κλύω τινὸς
οἴκτου διʼ οἴκων ἀρτίως ὁρμωμένου; τί φημι;

[¶50] What is this?
Second Semi-Chorus:
It is no uncertain sound, but a wail of anguish from inside. The house has some new trouble.
Chorus:
And note how strangely, with what consternation on her brow
that old woman approaches to give us some news.
Enter the Nurse, from the house.

> Greek: Ἡμιχόριον 2:
ἠχεῖ τις οὐκ ἄσημον, ἀλλὰ δυστυχῆ
κωκυτὸν εἴσω, καί τι καινίζει στέγη.
Ἡμιχόριον:
ξύνες δὲ
τήνδʼ ὡς κατηφὴς καὶ συνωφρυωμένη
χωρεῖ πρὸς ἡμᾶς γραῖα σημανοῦσά τι.

[¶51] Nurse:
Ah, my daughters, great, indeed, are the sorrows for us that began with the gift sent to Heracles!

> Greek: Τροφός:
ὦ παῖδες, ὡς ἄρʼ ἡμὶν οὐ σμικρῶν κακῶν
ἦρξεν τὸ δῶρον Ἡρακλεῖ τὸ πόμπιμον.

[¶52] Chorus:
Old woman, what new trouble have you to tell?

> Greek: Χορός:
τί δʼ, ὦ γεραιά, καινοποιηθὲν λέγεις;

[¶53] Nurse:
Deianeira has departed on the last
of all her journeys, departed without stirring a foot.

> Greek: Τροφός:
βέβηκε Δῃάνειρα τὴν πανυστάτην
ὁδῶν ἁπασῶν ἐξ ἀκινήτου ποδός.

[¶54] Chorus:
Surely you do not mean she is dead?

> Greek: Χορός:
οὐ δή ποθʼ ὡς θανοῦσα;

[¶55] Nurse:
My tale is told.

> Greek: Τροφός:
πάντʼ ἀκήκοας.

[¶56] Chorus:
Dead, the poor woman?

> Greek: Χορός:
τέθνηκεν ἡ τάλαινα;

[¶57] Nurse:
Again you hear me affirm it.

> Greek: Τροφός:
δεύτερον κλύεις.

[¶58] Chorus:
Poor, lost one! Tell me, what was the manner of her death?

> Greek: Χορός:
τάλαινʼ ὀλεθρία· τίνι τρόπῳ θανεῖν σφε φής;

[¶59] Nurse:
Oh, it was most cruel in its execution!

> Greek: Τροφός:
σχετλιώτατά γε πρὸς πρᾶξιν.

[¶60] Chorus:
Speak,
woman, with what end did she meet?

> Greek: Χορός:
εἰπὲ τῷ μόρῳ,
γύναι, ξυντρέχει.

[¶61] Nurse:
She destroyed herself.

> Greek: Τροφός:
αὑτὴν διηΐστωσε.

[¶62] Chorus:
What impulse drove her? What disease of her mind seized her on the point of its evil shaft? How did she contrive
this death upon death, accomplishing it all on her own?

> Greek: Χορός:
τίς θυμὸς ἢ τίνες νόσοι
τάνδʼ αἰχμᾷ βέλεος κακοῦ ξυνεῖλε; πως ἐμήσατο
πρὸς θανάτῳ θάνατον ἀνύσασα μόνα;

[¶63] Nurse:
By a stroke of the sword which gives cause for mourning.

> Greek: Τροφός:
στονόεντος ἐν τομᾷ σιδάρου.

[¶64] Chorus:
Did you witness that violent deed, poor helpless one?

> Greek: Χορός:
ἐπεῖδες, ὦ ματαία, τάνδε τὴν ὕβριν;

[¶65] Nurse:
I did, yes, since I was standing close by.

> Greek: Τροφός:
ἐπεῖδον, ὡς δὴ πλησία παραστάτις.

[¶66] Chorus:
What was it? How was it done? Oh, speak!

> Greek: Χορός:
τίς ἦν; πῶς; φέρʼ εἰπέ.

[¶67] Nurse:
Of her own accord she set her hand to the deed.

> Greek: Τροφός:
αὐτὴ πρὸς αὑτῆς χειροποιεῖται τάδε.

[¶68] Chorus:
What are you saying?

> Greek: Χορός:
τί φωνεῖς;

[¶69] Nurse:
The certain truth.

> Greek: Τροφός:
σαφηνῆ.

[¶70] Chorus:
The firstborn, the firstborn of that newly arisen bride is
a great Erinys on this house!

> Greek: Χορός:
ἔτεκεν ἔτεκε δὴ μεγάλαν
ἁ νέορτος ἅδε νύμφα
δόμοισι τοῖσδʼ ἐρινύν.

[¶71] Nurse:
Too true. And had you been close at hand and seen her do it, you would have pitied her even more.

> Greek: Τροφός:
ἄγαν γε· μᾶλλον δʼ, εἰ παροῦσα πλησία
ἔλευσσες οἷʼ ἔδρασε, κάρτʼ ἂν ᾤκτισας.

[¶72] Chorus:
And could a woman’s hand dare to carry out such deeds?

> Greek: Χορός:
καὶ ταῦτʼ ἔτλη τις χεὶρ γυναικεία κτίσαι;

[¶73] Nurse:
Yes, with fierce daring. You shall hear, and then you will bear me witness.

> Greek: Τροφός:
δεινῶς γε· πεύσει δʼ, ὥστε μαρτυρεῖν ἐμοί.

[¶74] When she came alone into the house and saw her son preparing a deep litter in the court, with which to go back and meet his father, she hid herself where none would see. Falling before the altars, she moaned that
they were left desolate, and whenever she touched any household thing that she, poor lady, had habitually used in the past, her tears would flow. If, as she roamed hither and thither through the house, she beheld the form of any well-loved servant, she wept in misery at the sight,
crying aloud upon her own fate, and her childless existence thereafter. But when she finished this, I saw her suddenly rush into the bedchamber of Heracles. I hid in the shadows to keep my observation secret and was watching over her
when I saw her spread coverings on the bedstead of Heracles. When she had done this, she sprang up on them and sat in the middle of the bed. Then she broke out in warm streams of tears
and said: “Ah, my bridal bed and bridal chamber, farewell now and for ever, since you will never more receive me in these covers as his wife.” She says no more, but with a vehement hand she loosens her robe where the brooch of beaten gold
lies above her breasts and bares all her left side and arm. Then I run with all my strength, and warn her son of her intent. But even in the space between my going and our return,
we find that she has driven a two-edged sword up through her side to the heart. At that sight, her son gave a great cry. For he knew, poor boy, that in his anger he had driven her to that action. He had learned too late from the servants in the house
that she had acted without knowledge and at the will of the monster. Then and there the youth in his misery left no cry of grief unmade as he lamented over her, nor as he fell to kiss her lips; he threw himself at her side, loudly moaning
that he had rashly attacked her with a false accusation and weeping that he must now live orphaned of both alike, of his father and of her. Such are the fortunes of this house. Rash, indeed, is he who reckons on tomorrow, or perchance on days beyond it.
There is no tomorrow, until today is safely past. Exit the Nurse.

> Greek: ἐπεὶ γὰρ ἦλθε δωμάτων εἴσω μόνη
καὶ παῖδʼ ἐν αὐλαῖς εἶδε κοῖλα δέμνια
στορνύνθʼ, ὅπως ἄψορρον ἀντῴη πατρί,
κρύψασʼ ἑαυτὴν ἔνθα μή τις εἰσίδοι,
βρυχᾶτο μὲν βωμοῖσι προσπίπτουσʼ ὅτι
γένοιντʼ ἔρημοι, ʼκλαιε δʼ ὀργάνων ὅτου
ψαύσειεν οἷς ἐχρῆτο δειλαία πάρος·
ἄλλῃ δὲ κἄλλῃ δωμάτων στρωφωμένη,
εἴ του φίλων βλέψειεν οἰκετῶν δέμας,
ἔκλαιεν ἡ δύστηνος εἰσορωμένη,
αὐτὴ τὸν αὑτῆς δαίμονʼ ἀνακαλουμένη
καὶ τὰς ἄπαιδας ἐς τὸ λοιπὸν οὐσίας.
ἐπεὶ δὲ τῶνδʼ ἔληξεν, ἐξαίφνης σφʼ ὁρῶ
τὸν Ἡράκλειον θάλαμον εἰσορμωμένην.
κἀγὼ λαθραῖον ὄμμʼ ἐπεσκιασμένη
φρούρουν· ὁρῶ δὲ τὴν γυναῖκα δεμνίοις
τοῖς Ἡρακλείοις στρωτὰ βάλλουσαν φάρη.
ὅπως δʼ ἐτέλεσε τοῦτʼ, ἐπενθοροῦσʼ ἄνω
καθέζετʼ ἐν μέσοισιν εὐνατηρίοις,
καὶ δακρύων ῥήξασα θερμὰ νάματα
ἔλεξεν· ὦ λέχη τε καὶ νυμφεῖʼ ἐμά,
τὸ λοιπὸν ἤδη χαίρεθʼ, ὡς ἔμʼ οὔποτε
δέξεσθʼ ἔτʼ ἐν κοίταισι ταῖσδʼ εὐνάτριαν.
τοσαῦτα φωνήσασα συντόνῳ χερὶ
λύει τὸν αὑτῆς πέπλον, ᾗ χρυσήλατος
προύκειτο μαστῶν περονίς, ἐκ δʼ ἐλώπισεν
πλευρὰν ἅπασαν ὠλένην τʼ εὐώνυμον.
κἀγὼ δρομαία βᾶσʼ, ὅσονπερ ἔσθενον,
τῷ παιδὶ φράζω τῆς τεχνωμένης τάδε.
κἀν ᾧ τὸ κεῖσε δεῦρό τʼ ἐξορμώμεθα,
ὁρῶμεν αὐτὴν ἀμφιπλῆγι φασγάνῳ
πλευρὰν ὑφʼ ἧπαρ καὶ φρένας πεπληγμένην.
ἰδὼν δʼ ὁ παῖς ᾤμωξεν· ἔγνω γὰρ τάλας
τοὔργον κατʼ ὀργὴν ὡς ἐφάψειεν τόδε,
ὄψʼ ἐκδιδαχθεὶς τῶν κατʼ οἶκον οὕνεκα
ἄκουσα πρὸς τοῦ θηρὸς ἔρξειεν τάδε.
κἀνταῦθʼ ὁ παῖς δύστηνος οὔτʼ ὀδυρμάτων
ἐλείπετʼ οὐδέν, ἀμφί νιν γοώμενος,
οὔτʼ ἀμφιπίπτων στόμασιν, ἀλλὰ πλευρόθεν
πλευρὰν παρεὶς ἔκειτο πόλλʼ ἀναστένων,
ὥς νιν ματαίως αἰτίᾳ βάλοι κακῇ,
κλαίων ὁθούνεκʼ ἐκ δυοῖν ἔσοιθʼ ἅμα,
πατρός τʼ ἐκείνης τʼ, ὠρφανισμένος βίον.
τοιαῦτα τἀνθάδʼ ἐστίν· ὥστʼ εἴ τις δύο
ἢ καί τι πλείους ἡμέρας λογίζεται,
μάταιός ἐστιν· οὐ γὰρ ἔσθʼ ἥ γʼ αὔριον,
πρὶν εὖ πάθῃ τις τὴν παροῦσαν ἡμέραν.

[¶75] Chorus:
Which disaster shall I bewail first? Which is more to be pitied? In my grief I cannot decide.

> Greek: Χορός:
πότερα πρότερον ἐπιστένω,
πότερα μέλεα περαιτέρω,
δύσκριτʼ ἔμοιγε δυστάνῳ.

[¶76] Chorus:
One sorrow may be seen in the house; for one we wait with apprehension. To have and to await are one and the same.

> Greek: Χορός:
τάδε μὲν ἔχομεν ὁρᾶν δόμοις,
τάδε δὲ μένομεν ἐπʼ ἐλπίσιν·
κοινὰ δʼ ἔχειν τε καὶ μέλλειν.

[¶77] Chorus:
oh, that some strong breeze, a fair wind, might arise at our hearth
to bear me far from this land, so that I might not die of terror when I look but once
upon the mighty seed of Zeus! For they say that he is approaching the house in torments from which there is no deliverance, a wonder of unutterable woe.

> Greek: Χορός:
εἴθʼ ἀνεμόεσσά τις
γένοιτʼ ἔπουρος ἑστιῶτις αὔρα,
ἥτις μʼ ἀποικίσειεν ἐκ τόπων, ὅπως
τὸν Δῖον ἄλκιμον γόνον
μὴ ταρβαλέα θάνοιμι
μοῦνον εἰσιδοῦσʼ ἄφαρ·
ἐπεὶ ἐν δυσαπαλλάκτοις ὀδύναις
χωρεῖν πρὸ δόμων λέγουσιν
ἄσπετόν τι θαῦμα.

[¶78] Chorus:
Ah, he was not far off, but close to us, he for whom I cried in advance, like the shrill nightingale! Here is a foreign procession of strange men. And in what manner, then, do they bring him? In sorrow, as for some loved one, they tread their mournful, noiseless tread. Ah, he is carried on in silence!

> Greek: Χορός:
ἀγχοῦ δʼ ἄρα κοὐ μακρὰν
προύκλαιον, ὀξύφωνος ὡς ἀηδών.
ξένων γὰρ ἐξόμιλος ἥδε τις βάσις.
πᾷ δʼ αὖ φορεῖ νιν; ὡς φίλου
προκηδομένα βαρεῖαν
ἄψοφον φέρει βάσιν.

[¶79] Should I think that he is dead, or just asleep?
Enter from one side an Old Man, with attendants, bearing Heracles upon a litter, and Hyllus from the house.
Hyllus:
O my father! O my misery! What is to become of me? What is my best plan? Ah!
Old Man: Whispering.

> Greek: αἰαῖ, ὅδʼ ἀναύδατος φέρεται.
τί χρὴ θανόντα νιν ἢ καθʼ
ὕπνον ὄντα κρῖναι;
Ὕλλος:
οἴμοι ἐγὼ σοῦ,
πάτερ, οἴμοι ἐγὼ σοῦ μέλεος.

[¶80] Hush, young man! Do not rouse
the cruel pain that infuriates your father! He lives, though on the very edge. Bite your tongue and hold it!
Hyllus:
What do you say, old man—is he alive?

> Greek: τί πάθω; τί δὲ μήσομαι; οἴμοι.
Πρέσβυς:
σίγα, τέκνον, μὴ κινήσῃς
ἀγρίαν ὀδύνην πατρὸς ὠμόφρονος·
ζῇ γὰρ προπετής· ἀλλʼ ἴσχε δακὼν στόμα σόν.

[¶81] Old Man:
You must not awake the slumberer! You must not rouse and revive
his fierce, recurrent infection, my son!

> Greek: Ὕλλος:
πῶς φής, γέρον; ἦ ζῇ;
Πρέσβυς:
οὐ μὴ ʼξεγερεῖς τὸν ὕπνῳ κάτοχον
κἀκκινήσεις κἀναστήσεις
φοιτάδα δεινὴν νόσον, ὦ τέκνον.

[¶82] Hyllus:
But the immense weight of this misery crushes me. My heart craves release!

> Greek: Ὕλλος:
ἀλλʼ ἐπί μοι μελέῳ
βάρος ἄπλετον· ἐμμέμονεν φρήν.

[¶83] Heracles:
O Zeus, in what land am I? Among what people
do I lie, tortured with unending agonies? O me, what pain! Oh, that accursed pest gnaws me once more!

> Greek: Ἡρακλῆς:
ὦ Ζεῦ,
ποῖ γᾶς ἥκω; παρὰ τοῖσι βροτῶν
κεῖμαι πεπονημένος ἀλλήκτοις
ὀδύναις; οἴμοι μοι ἐγὼ τλάμων·
ἡ δʼ αὖ μιαρὰ βρύκει. φεῦ.

[¶84] Old Man:
Did I not know how much better it was that you should keep silent, instead of scattering
sleep from his brain and eyes?

> Greek: Πρέσβυς:
ἆρʼ ἐξῄδη σʼ ὅσον ἦν κέρδος
σιγῇ κεύθειν καὶ μὴ σκεδάσαι
τῷδʼ ἀπὸ κρατὸς βλεφάρων θʼ ὕπνον;

[¶85] Hyllus:
No, I know no way to be patient when I witness this misery.

> Greek: Ὕλλος:
οὐ γὰρ ἔχω πῶς ἂν
στέρξαιμι κακὸν τόδε λεύσσων.

[¶86] Heracles:
O Cenaean rock, foundation of my altars, what cruel reward
you have earned me for those fair offerings, O Zeus! Ah, in what ruin you have deposited me, in what ruin! Would that I had never looked on you to my sorrow with my eyes, never come face to face with this blooming madness, which no spell can soothe!

> Greek: Ἡρακλῆς:
ὦ Κηναία κρηπὶς βωμῶν,
ἱερῶν οἵαν οἵων ἐπί μοι
μελέῳ χάριν ἠνύσω· ὦ Ζεῦ.
οἵαν μʼ ἄρʼ ἔθου λώβαν, οἵαν·
ἣν μή ποτʼ ἐγὼ προσιδεῖν ὁ τάλας
ὤφελον ὄσσοις, τόδʼ ἀκήλητον
μανίας ἄνθος καταδερχθῆναι.

[¶87] Where is the enchanter, where the practiced healer, save Zeus alone, who will charm this catastrophe away? I would be amazed if I saw him from even a great distance!

> Greek: τίς γὰρ ἀοιδός, τίς ὁ χειροτέχνης
ἰατορίας, ὃς τήνδʼ ἄτην
χωρὶς Ζηνὸς κατακηλήσει;
θαῦμʼ ἂν πόρρωθεν ἰδοίμην.

[¶88] Heracles:
Ah!
Leave me! Leave me in my misfortune! Leave me to sleep my last. Where, where do you touch me? Where do you lay me? You will kill me, you will kill me! If there was any pain that slumbered, you have aroused it!

> Greek: Ἡρακλῆς:
ἒ ἔ,
ἐᾶτέ μʼ, ἐᾶτέ με δύσμορον ὕστατον,
ἐᾶθʼ ὕστατον εὐνᾶσθαι.
Ἡρακλῆς:
πᾷ πᾷ μου ψαύεις; ποῖ κλίνεις;
ἀπολεῖς μʼ, ἀπολεῖς.
ἀνατέτροφας ὅ τι καὶ μύσῃ.

[¶89] It has seized me,—oh, the pest comes again!—What is your homeland, you men most ungrateful of all the Greeks? I wore out my wretched days in ridding the Greeks of pests both on the deep and throughout every forest. And now, when I am afflicted, will no man turn merciful fire or sword on me?

> Greek: ἧπταί μου, τοτοτοῖ, ἥδʼ αὖθʼ ἕρπει. πόθεν ἔστʼ, ὦ
πάντων Ἑλλάνων ἀδικώτατοι ἀνέρες, οὓς δὴ
πολλὰ μὲν ἐν πόντῳ κατά τε δρία πάντα καθαίρων
ὠλεκόμαν ὁ τάλας, καὶ νῦν ἐπὶ τῷδε νοσοῦντι
οὐ πῦρ, οὐκ ἔγχος τις ὀνήσιμον οὐκ ἐπιτρέψει;

[¶90] Oh! Oh! Will no one come and strike the head from this accursed body with one fierce stroke? Ah, me!

> Greek: Ἡρακλῆς:
ἒ ἔ,
οὐδʼ ἀπαράξαι κρᾶτα βίᾳ θέλει
μολὼν τοῦ στυγεροῦ; φεῦ φεῦ.

[¶91] Old Man:
You are the man’s son, and this task exceeds my strength. Help him, for the strength to save him is at your command,
more than mine.

> Greek: Πρέσβυς:
ὦ παῖ τοῦδʼ ἀνδρός, τοὔργον τόδε μεῖζον ἀνήκει
ἢ κατʼ ἐμὰν ῥώμαν· σὺ δὲ σύλλαβε. σοὶ γὰρ ἑτοίμα
ἐς πλέον ἢ διʼ ἐμοῦ σῴζειν.

[¶92] Hyllus:
My hands reach out to him, but no resource in myself or from another can help me make his life forget its agonies. So strong is the destiny appointed by Zeus!

> Greek: Ὕλλος:
ψαύω μὲν ἔγωγε,
λαθίπονον δʼ ὀδυνᾶν οὔτʼ ἔνδοθεν οὔτε θύραθεν
ἔστι μοι ἐξανύσαι βίοτον· τοιαῦτα νέμει Ζεύς.

[¶93] Heracles:
O my son, where are you?
Raise me, take hold of me here, here! Oh, oh, my god! Again, again the cruel pest leaps, leaps up to rend me, the
wild, uncombatable plague! O Pallas, Pallas, it tortures me again! oh, please, my son, pity your sire! Draw a sword—you will not be blamed for it—strike me beneath my collarbone.
Heal this pain with which your godless mother has enraged me! So may I see her fall to ruin, exactly, just exactly, as she has destroyed me!
Sweet Hades, brother of Zeus, give me sleep, give me sleep. Kill me in my misery by a swift-flying doom!

> Greek: Ἡρακλῆς:
ὦ παῖ, ποῦ ποτʼ εἶ; τᾷδέ με τᾷδέ με
πρόσλαβε κουφίσας. ἒ ἔ, ἰὼ δαῖμον.
Ἡρακλῆς:
θρῴσκει δʼ αὖ, θρῴσκει δειλαία
διολοῦσʼ ἡμᾶς
ἀποτίβατος ἀγρία νόσος.
ὦ Παλλὰς Παλλάς, τόδε μʼ αὖ λωβᾶται. ἰὼ παῖ,
τὸν φύτορʼ οἰκτίρας, ἀνεπίφθονον εἴρυσον ἔγχος,
παῖσον ἐμᾶς ὑπὸ κλῇδος· ἀκοῦ δʼ ἄχος, ᾧ μʼ ἐχόλωσεν
σὰ μάτηρ ἄθεος, τὰν ὧδʼ ἐπίδοιμι πεσοῦσαν
αὔτως, ὧδʼ αὔτως ὥς μʼ ὤλεσεν. ὦ γλυκὺς Ἅιδας,
Ἡρακλῆς:
ὦ Διὸς αὐθαίμων, εὔνασον εὔνασον μʼ
ὠκυπέτᾳ μόρῳ τὸν μέλεον φθίσας.

[¶94] Chorus:
I shudder, friends, to hear these sorrows
which our King suffers. What a man is here, and what misfortunes lash at him!

> Greek: Χορός:
κλύουσʼ ἔφριξα τάσδε συμφοράς, φίλαι,
ἄνακτος, οἵαις οἷος ὢν ἐλαύνεται.

[¶95] Heracles:
Ah, many and hot and cruel not in name alone have been the labors of these hands, the burdens hoisted upon these shoulders! And yet no toil ever laid on me by the bedfellow of Zeus or by the hateful Eurystheus was as harsh
as this thing which the daughter of Oeneus, fair and false, has fastened upon my back, this woven net of the Erinyes in which I perish! Plastered to my sides, it has eaten away my inmost flesh and sucks the channels of my lungs,
making my body its home. Already it has drunk away my fresh lifeblood, and my whole body is wasted, conquered by these indescribable bonds. Not spearmen on the battlefield, nor the Giants’ earth-born army, nor the might of savage beasts,
not Hellas, nor the land of the barbarian, nor any land which I came to purify has ever done this to me. No, a woman, a weak woman, born not to the strength of man, all alone has brought me down without a stroke of the sword! Son, show yourself my trueborn son,
and do not honor your mother’s name above your father’s. Bring out the woman that bore you, and give her with your own hands into my hand, that I may know for certain which sight grieves you more—my tortured frame, or hers, when she suffers her just punishment!

> Greek: Ἡρακλῆς:
ὦ πολλὰ δὴ καὶ θερμὰ κοὐ λόγῳ κακὰ
καὶ χερσὶ καὶ νώτοισι μοχθήσας ἐγώ·
κοὔπω τοιοῦτον οὔτʼ ἄκοιτις ἡ Διὸς
προύθηκεν οὔθʼ ὁ στυγνὸς Εὐρυσθεὺς ἐμοί,
οἷον τόδʼ ἡ δολῶπις Οἰνέως κόρη
καθῆψεν ὤμοις τοῖς ἐμοῖς Ἐρινύων
ὑφαντὸν ἀμφίβληστρον, ᾧ διόλλυμαι.
πλευραῖσι γὰρ προσμαχθὲν ἐκ μὲν ἐσχάτας
βέβρωκε σάρκας, πλεύμονός τʼ ἀρτηρίας
ῥοφεῖ ξυνοικοῦν, ἐκ δὲ χλωρὸν αἷμά μου
πέπωκεν ἤδη, καὶ διέφθαρμαι δέμας
τὸ πᾶν, ἀφράστῳ τῇδε χειρωθεὶς πέδῃ.
κοὐ ταῦτα λόγχη πεδιάς, οὔθʼ ὁ γηγενὴς
στρατὸς Γιγάντων οὔτε θήρειος βία,
οὔθʼ Ἑλλὰς οὔτʼ ἄγλωσσος οὔθʼ ὅσην ἐγὼ
γαῖαν καθαίρων ἱκόμην, ἔδρασέ πω·
γυνὴ δέ, θῆλυς φῦσα κοὐκ ἀνδρὸς φύσιν,
μόνη με δὴ καθεῖλε φασγάνου δίχα.
ὦ παῖ, γενοῦ μοι παῖς ἐτήτυμος γεγώς,
καὶ μὴ τὸ μητρὸς ὄνομα πρεσβεύσῃς πλέον.
δός μοι χεροῖν σαῖν αὐτὸς ἐξ οἴκου λαβὼν
ἐς χεῖρα τὴν τεκοῦσαν, ὡς εἰδῶ σάφα
εἰ τοὐμὸν ἀλγεῖς μᾶλλον ἢ κείνης ὁρῶν
λωβητὸν εἶδος ἐν δίκῃ κακούμενον.

[¶96] Go, my son, be bold! Show your pity for me, whom many might think deserving of pity—pity me moaning and weeping like a girl! No one could say that he had ever seen this man do that before. No, always without complaint I used to pursue my troubles.

> Greek: ἴθʼ, ὦ τέκνον, τόλμησον· οἴκτιρόν τέ με
πολλοῖσιν οἰκτρόν, ὅστις ὥστε παρθένος
βέβρυχα κλαίων, καὶ τόδʼ οὐδʼ ἂν εἷς ποτε
τόνδʼ ἄνδρα φαίη πρόσθʼ ἰδεῖν δεδρακότα,
ἀλλʼ ἀστένακτος αἰὲν εἱπόμην κακοῖς.

[¶97] But now in my misery I have been found a woman, instead of the man I used to be.

> Greek: νῦν δʼ ἐκ τοιούτου θῆλυς ηὕρημαι τάλας.

[¶98] Come close, stand near your father and do examine the magnitude of the misfortune by which I suffer; for I will uncover my suffering. Look! See all of you this miserable body;
see how wretched, how pitiable I am! Ah, misery! The ruinous spasm flames again; it shoots through my sides—I must wrestle once more with that cruel, devouring plague!

> Greek: Ἡρακλῆς:
καὶ νῦν προσελθὼν στῆθι πλησίον πατρός,
σκέψαι θʼ ὁποίας ταῦτα συμφορᾶς ὕπο
πέπονθα· δείξω γὰρ τάδʼ ἐκ καλυμμάτων.
ἰδού, θεᾶσθε πάντες ἄθλιον δέμας,
ὁρᾶτε τὸν δύστηνον, ὡς οἰκτρῶς ἔχω.
αἰαῖ, ἆ τάλας,
ἔθαλψεν ἄτης σπασμὸς ἀρτίως ὅδʼ αὖ,
διῇξε πλευρῶν, οὐδʼ ἀγύμναστόν μʼ ἐᾶν
ἔοικεν ἡ τάλαινα διάβορος νόσος.

[¶99] King Hades, receive me! Strike me, O fire of Zeus! Hurl down your thunderbolt, ruler, dash it, Father, upon my head! Again the pest consumes me, it has blazed up, it has leapt to fury! O hands, my hands,
O shoulders and chest and trusty arms, you are indeed those noted arms which once subdued with your might the dweller in Nemea, the scourge of herdsmen, the lion, a creature that no man might approach or confront; you tamed the Lernaean Hydra,
and that monstrous army of beasts with double form, hostile, going on hoofed feet, violent, lawless, of surpassing violence; you tamed the beast in Erymanthia, and underground the three-headed whelp of Hades, a resistless terror, offspring of the fierce Echidna; you tamed the dragon
that guarded the golden fruit in the farthest places of the earth. These toils and thousands more have I tasted, and no man has ever erected a trophy of victory over my hands. But now, with joints unhinged and with flesh torn to shreds, I have become the miserable spoil of an unseen destroyer,
—I, who am called the son of noblest mother, I, who am reputed the seed of Zeus, lord of the starry sky. But you may be sure of one thing: though I am nothing, though I cannot move a step, yet she who has done this deed shall feel my heavy hand even so. Let her but come to me
so that she may learn to proclaim this message to all the world, that in my death, as in my life, I punished the guilty!

> Greek: ὦναξ Ἀίδη, δέξαι μʼ,
ὦ Διὸς ἀκτίς, παῖσον,
ἔνσεισον, ὦναξ, ἐγκατάσκηψον βέλος,
πάτερ, κεραυνοῦ· δαίνυται γὰρ αὖ πάλιν,
ἤνθηκεν, ἐξωρμήκεν. ὦ χέρες χέρες,
ὦ νῶτα καὶ στέρνʼ, ὦ φίλοι βραχίονες,
ὑμεῖς δὲ κεῖνοι δὴ καθέσταθʼ, οἵ ποτε
Νεμέας ἔνοικον, βουκόλων ἀλάστορα
λέοντʼ, ἄπλατον θρέμμα κἀπροσήγορον,
βίᾳ κατειργάσασθε, Λερναίαν θʼ ὕδραν,
διφυῆ τʼ ἄμικτον ἱπποβάμονα στρατὸν
θηρῶν, ὑβριστὴν ἄνομον, ὑπέροχον βίαν,
Ἐρυμάνθιόν τε θῆρα, τόν θʼ ὑπὸ χθονὸς
Ἅιδου τρίκρανον σκύλακʼ, ἀπρόσμαχον τέρας,
δεινῆς Ἐχίδνης θρέμμα, τόν τε χρυσέων
δράκοντα μήλων φύλακʼ ἐπʼ ἐσχάτοις τόποις.
ἄλλων τε μόχθων μυρίων ἐγευσάμην,
κοὐδεὶς τροπαῖʼ ἔστησε τῶν ἐμῶν χερῶν.
νῦν δʼ ὧδʼ ἄναρθρος καὶ κατερρακωμένος
τυφλῆς ὑπʼ ἄτης ἐκπεπόρθημαι τάλας,
ὁ τῆς ἀρίστης μητρὸς ὠνομασμένος,
ὁ τοῦ κατʼ ἄστρα Ζηνὸς αὐδηθεὶς γόνος.
ἀλλʼ εὖ γέ τοι τόδʼ ἴστε, κἂν τὸ μηδὲν ὦ
κἂν μηδὲν ἕρπω, τήν γε δράσασαν τάδε
χειρώσομαι κἀκ τῶνδε· προσμόλοι μόνον,
ἵνʼ ἐκδιδαχθῇ πᾶσιν ἀγγέλλειν ὅτι
καὶ ζῶν κακούς γε καὶ θανὼν ἐτισάμην.

[¶100] Chorus:
Ah, unhappy Greece, what mourning do I foresee for her, if she is cheated of this man!

> Greek: Χορός:
ὦ τλῆμον Ἑλλάς, πένθος οἷον εἰσορῶ
ἕξουσαν, ἀνδρὸς τοῦδέ γʼ εἰ σφαλήσεται.

[¶101] Hyllus:
Father, since your pause permits an answer,
hear me, diseased though you are; I will ask you for no more than is my due. Give yourself to me in a mood not as harsh as that to which your heart is now stung. Otherwise you cannot learn in what circumstances you wrongly wish to triumph and wrongly show resentment.

> Greek: Ὕλλος:
ἐπεὶ παρέσχες ἀντιφωνῆσαι, πάτερ,
σιγὴν παρασχὼν κλῦθί μου, νοσῶν ὅμως·
αἰτήσομαι γάρ σʼ ὧν δίκαια τυγχάνειν.
δός μοι σεαυτόν, μὴ τοσοῦτον ὡς δάκνει
θυμῷ δύσοργος· οὐ γὰρ ἂν γνοίης ἐν οἷς
χαίρειν προθυμεῖ κἀν ὅτοις ἀλγεῖς μάτην.

[¶102] Heracles:
Stop when you have said what it is you desire. In this pain of mine I understand none of your many riddles.

> Greek: Ἡρακλῆς:
εἰπὼν ὃ χρῄζεις λῆξον· ὡς ἐγὼ νοσῶν
οὐδὲν ξυνίημʼ ὧν σὺ ποικίλλεις πάλαι.

[¶103] Hyllus:
I come to tell you of my mother—her present circumstances and how she erred unknowingly.

> Greek: Ὕλλος:
τῆς μητρὸς ἥκω τῆς ἐμῆς φράσων ἐν οἷς
νῦν ἐστιν ὥς θʼ ἥμαρτεν οὐχ ἑκουσία.

[¶104] Heracles:
You corrupt thing! Have you indeed mentioned her name again,
the name, “Mother, Murderess of Father,” in my hearing?

> Greek: Ἡρακλῆς:
ὦ παγκάκιστε, καὶ παρεμνήσω γὰρ αὖ
τῆς πατροφόντου μητρός, ὡς κλύειν ἐμέ;

[¶105] Hyllus:
Yes, for her condition is such that my silence shames me.

> Greek: Ὕλλος:
ἔχει γὰρ οὕτως ὥστε μὴ σιγᾶν πρέπειν.

[¶106] Heracles:
No, it does not shame you, when you consider her past crimes.

> Greek: Ἡρακλῆς:
οὐ δῆτα τοῖς γε πρόσθεν ἡμαρτημένοις.

[¶107] Hyllus:
You will not say so, at least in view of her deeds today.

> Greek: Ὕλλος:
ἀλλʼ οὐδὲ μὲν δὴ τοῖς γʼ ἐφʼ ἡμέραν ἐρεῖς.

[¶108] Heracles:
Speak—but take care that you not be found corrupt.

> Greek: Ἡρακλῆς:
λέγʼ, εὐλαβοῦ δὲ μὴ φανῇς κακὸς γεγώς.

[¶109] Hyllus:
I will speak. She is just now dead, a new murder.

> Greek: Ὕλλος:
λέγω· τέθνηκεν ἀρτίως νεοσφαγής.

[¶110] Heracles:
By whose hand? Your sinister words give a prophecy of wonder!

> Greek: Ἡρακλῆς:
πρὸς τοῦ; τέρας τοι διὰ κακῶν ἐθέσπισας.

[¶111] Hyllus:
She did it by her own hand, and no other’s.

> Greek: Ὕλλος:
αὐτὴ πρὸς αὑτῆς, οὐδενὸς πρὸς ἐκτόπου.

[¶112] Heracles:
Ah, no! Before she died by mine as she deserved!

> Greek: Ἡρακλῆς:
οἴμοι· πρὶν ὡς χρῆν σφʼ ἐξ ἐμῆς θανεῖν χερός;

[¶113] Hyllus:
Even your rage would be deflected, if you would learn the whole of it.

> Greek: Ὕλλος:
κἂν σοῦ στραφείη θυμός, εἰ τὸ πᾶν μάθοις.

[¶114] Heracles:
Your tale begins strangely, but tell me what you mean.

> Greek: Ἡρακλῆς:
δεινοῦ λόγου κατῆρξας· εἰπὲ δʼ ᾗ νοεῖς.

[¶115] Hyllus:
The sum is this: she did wrong, but with a good intent.

> Greek: Ὕλλος:
ἅπαν τὸ χρῆμʼ, ἥμαρτε χρηστὰ μωμένη.

[¶116] Heracles:
Did she do a good deed, corrupt traitor, when she killed your father?

> Greek: Ἡρακλῆς:
χρήστʼ, ὦ κάκιστε, πατέρα σὸν κτείνασα δρᾷ;

[¶117] Hyllus:
No, her plan was to apply a love-charm for your heart, when she saw your new marriage inside the house, but she missed her aim.

> Greek: Ὕλλος:
στέργημα γὰρ δοκοῦσα προσβαλεῖν σέθεν
ἀπήμπλαχʼ, ὡς προσεῖδε τοὺς ἔνδον γάμους.

[¶118] Heracles:
And what Trachinian is so potent a charmer?

> Greek: Ἡρακλῆς:
καὶ τίς τοσοῦτος φαρμακεὺς Τραχινίων;

[¶119] Hyllus:
Nessus the Centaur persuaded her long ago to inflame your desire with such a potion.

> Greek: Ὕλλος:
Νέσσος πάλαι Κένταυρος ἐξέπεισέ νιν
τοιῷδε φίλτρῳ τὸν σὸν ἐκμῆναι πόθον.

[¶120] Heracles:
Ah! Ah, misery! I am lost, ruined, ruined! The light of day exists for me no more!

> Greek: Ἡρακλῆς:
ἰοὺ ἰοὺ δύστηνος, οἴχομαι τάλας·
ὄλωλʼ ὄλωλα, φέγγος οὐκέτʼ ἔστι μοι.

[¶121] Ah, now I understand the depth of my misfortune! Go, my son! Your father is no more. Summon for me all the crop of your brothers. Summon, too, poor Alcmena, in vain the bedfellow of Zeus, so that
you may hear my final words tell what oracles I know.

> Greek: οἴμοι, φρονῶ δὴ ξυμφορᾶς ἵνʼ ἕσταμεν.
ἴθʼ, ὦ τέκνον, πατὴρ γὰρ οὐκέτʼ ἔστι σοι·
κάλει τὸ πᾶν μοι σπέρμα σῶν ὁμαιμόνων,
κάλει δὲ τὴν τάλαιναν Ἀλκμήνην, Διὸς
μάτην ἄκοιτιν, ὡς τελευταίαν ἐμοῦ
φήμην πύθησθε θεσφάτων ὅσʼ οἶδʼ ἐγώ.

[¶122] Hyllus:
I cannot. Your mother is not here. It happens that she keeps her home at Tiryns by the sea. Some of your children she has taken to raise with her there, and others, you will find, are dwelling in Thebes.

> Greek: Ὕλλος:
ἀλλʼ οὔτε μήτηρ ἐνθάδʼ, ἀλλʼ ἐπακτίᾳ
Τίρυνθι συμβέβηκεν ὥστʼ ἔχειν ἕδραν.
παίδων δὲ τοὺς μὲν ξυλλαβοῦσʼ αὐτὴ τρέφει,
τοὺς δʼ ἂν τὸ Θήβης ἄστυ ναίοντας μάθοις·

[¶123] But we who are with you, Father, will render at your command all service that is needed.

> Greek: ἡμεῖς δʼ ὅσοι πάρεσμεν, εἴ τι χρή, πάτερ,
πράσσειν, κλύοντες ἐξυπηρετήσομεν.

[¶124] Heracles:
Hear, then, your task. You have come to where you will reveal what sort of man you are, who are called my son. It was foreshown to me by my father far in the past that I would
perish by no creature that had the breath of life, but by one already dead, a dweller with Hades. So this savage Centaur in death has killed me alive, just as the divine will had been foretold. And I will show you how
later oracles tally with the first and testify to the old prophecy. I wrote them down for myself from the mouth of my father’s oak of many tongues in the grove of the Selli, who dwell on the hills and sleep on the ground. The tree said that, at the time which lives and now is,
my release from the toils laid upon me would be accomplished. And I expected prosperous days, but the meaning, it seems, was only that I would die. For toil comes no more to the dead. Since, then, my son, those words are clearly finding their fulfillment,
you, on your part, must fight on my behalf. You must not delay, and so sharpen my tongue, but give your consent to work with me, like one who has discovered that best of laws, the law of obedience to your father.

> Greek: Ἡρακλῆς:
σὺ δʼ οὖν ἄκουε τοὔργον· ἐξήκεις δʼ ἵνα
φανεῖς ὁποῖος ὢν ἀνὴρ ἐμὸς καλεῖ.
ἐμοὶ γὰρ ἦν πρόφαντον ἐκ πατρὸς πάλαι,
τῶν ἐμπνεόντων μηδενὸς θανεῖν ὕπο,
ἀλλʼ ὅστις Ἅιδου φθίμενος οἰκήτωρ πέλοι.
ὅδʼ οὖν ὁ θὴρ Κένταυρος, ὡς τὸ θεῖον ἦν
πρόφαντον, οὕτω ζῶντά μʼ ἔκτεινεν θανών.
φανῶ δʼ ἐγὼ τούτοισι συμβαίνοντʼ ἴσα
μαντεῖα καινά, τοῖς πάλαι ξυνήγορα,
ἃ τῶν ὀρείων καὶ χαμαικοιτῶν ἐγὼ
Σελλῶν ἐσελθὼν ἄλσος εἰσεγραψάμην
πρὸς τῆς πατρῴας καὶ πολυγλώσσου δρυός,
ἥ μοι χρόνῳ τῷ ζῶντι καὶ παρόντι νῦν
ἔφασκε μόχθων τῶν ἐφεστώτων ἐμοὶ
λύσιν τελεῖσθαι· κἀδόκουν πράξειν καλῶς.
τὸ δʼ ἦν ἄρʼ οὐδὲν ἄλλο πλὴν θανεῖν ἐμέ.
τοῖς γὰρ θανοῦσι μόχθος οὐ προσγίγνεται.
ταῦτʼ οὖν ἐπειδὴ λαμπρὰ συμβαίνει, τέκνον,
δεῖ σʼ αὖ γενέσθαι τῷδε τἀνδρὶ σύμμαχον
καὶ μὴ ʼπιμεῖναι τοὐμὸν ὀξῦναι στόμα,
ἀλλʼ αὐτὸν εἰκαθόντα συμπράσσειν, νόμον
κάλλιστον ἐξευρόντα, πειθαρχεῖν πατρί.

[¶125] Hyllus:
Yes, Father—though in coming to this point in our talk
I begin to have some fear—I will obey you in all your decrees.

> Greek: Ὕλλος:
ἀλλʼ, ὦ πάτερ, ταρβῶ μὲν εἰς λόγου στάσιν
τοιάνδʼ ἐπελθών, πείσομαι δʼ ἅ σοι δοκεῖ.

[¶126] Heracles:
First of all, put your right hand in mine.

> Greek: Ἡρακλῆς:
ἔμβαλλε χεῖρα δεξιὰν πρώτιστά μοι·

[¶127] Hyllus:
With what purpose in mind do you so strongly urge this pledge on me?

> Greek: Ὕλλος:
ὡς πρὸς τί πίστιν τήνδʼ ἄγαν ἐπιστρέφεις;

[¶128] Heracles:
Give your hand at once—do not disobey me!

> Greek: Ἡρακλῆς:
οὐ θᾶσσον οἴσεις μηδʼ ἀπιστήσεις ἐμοί;

[¶129] Hyllus:
Here, I hold it out to you. Nothing will be denied you.

> Greek: Ὕλλος:
ἰδοὺ προτείνω, κοὐδὲν ἀντειρήσεται.

[¶130] Heracles:
Now, swear by the head of Zeus my begetter!

> Greek: Ἡρακλῆς:
ὄμνυ Διός νυν τοῦ με φύσαντος κάρα,

[¶131] Hyllus:
To do what deed? May this also be revealed?

> Greek: Ὕλλος:
ἦ μὴν τί δράσειν; καὶ τόδʼ ἐξειρήσεται;

[¶132] Heracles:
To perform for me the task that I shall impose.

> Greek: Ἡρακλῆς:
ἦ μὴν ἐμοὶ τὸ λεχθὲν ἔργον ἐκτελεῖν.

[¶133] Hyllus:
I swear it with Zeus for witness of the oath.

> Greek: Ὕλλος:
ὄμνυμʼ ἔγωγε, Ζῆνʼ ἔχων ἐπώμοτον.

[¶134] Heracles:
And pray that, if you break this oath, you may suffer.

> Greek: Ἡρακλῆς:
εἰ δʼ ἐκτὸς ἔλθοις, πημονὰς εὔχου λαβεῖν.

[¶135] Hyllus:
I shall not suffer, since I will keep it. Yet so I pray.

> Greek: Ὕλλος:
οὐ μὴ λάβω· δράσω γάρ· εὔχομαι δʼ ὅμως·

[¶136] Heracles:
Good, then do you know the summit of Oeta, Zeus’s sacred mountain?

> Greek: Ἡρακλῆς:
οἶσθʼ οὖν τὸν Οἴτης Ζηνὸς ὕψιστον πάγον;

[¶137] Hyllus:
I know it. I have often stood on that height to sacrifice.

> Greek: Ὕλλος:
οἶδʼ, ὡς θυτήρ γε πολλὰ δὴ σταθεὶς ἄνω.

[¶138] Heracles:
Then, you must carry my body there after raising it up in your own hands, aided by as many of our friends as you require;

> Greek: Ἡρακλῆς:
ἐνταῦθά νυν χρὴ τοὐμὸν ἐξάραντά σε
σῶμʼ αὐτόχειρα καὶ ξὺν οἷς χρῄζεις φίλων.

[¶139] and when you have cut many a branch from the deep-rooted oak and chopped down many a sturdy wild-olive, you must lay my body on them and with a flaming pine-torch burn it. And let no tear of mourning show itself there.
No, do this without laments or tears, if you are indeed my son. But if you fail to do this, even from the world below my curse and my wrath shall await you for ever.

> Greek: πολλὴν μὲν ὕλην τῆς βαθυρρίζου δρυὸς
κείραντα, πολλὸν δʼ ἄρσενʼ ἐκτεμόνθʼ ὁμοῦ
ἄγριον ἔλαιον, σῶμα τοὐμὸν ἐμβαλεῖν,
καὶ πευκίνης λαβόντα λαμπάδος σέλας
πρῆσαι. γόου δὲ μηδὲν εἰσίτω δάκρυ,
ἀλλʼ ἀστένακτος κἀδάκρυτος, εἴπερ εἶ
τοῦδʼ ἀνδρός, ἔρξον· εἰ δὲ μή, μενῶ σʼ ἐγὼ
καὶ νέρθεν ὢν ἀραῖος εἰσαεὶ βαρύς.

[¶140] Hyllus:
Ah, Father, what have you said? What you have done to me!

> Greek: Ὕλλος:
οἴμοι, πάτερ, τί δʼ εἶπας; οἷά μʼ εἴργασαι.

[¶141] Heracles:
I have spoken that which you must perform. If you refuse,
then get yourself some other father, and be called my son no longer!

> Greek: Ἡρακλῆς:
ὁποῖα δραστέʼ ἐστίν· εἰ δὲ μή, πατρὸς
ἄλλου γενοῦ του μηδʼ ἐμὸς κληθῇς ἔτι.

[¶142] Hyllus:
Ah, me! What deeds you call on me to do, Father—that I should become your murderer, polluted with your blood!

> Greek: Ὕλλος:
οἴμοι μάλʼ αὖθις, οἷά μʼ ἐκκαλεῖ, πάτερ,
φονέα γενέσθαι καὶ παλαμναῖον σέθεν.

[¶143] Heracles:
Not so, in truth, but healer of my sufferings, sole physician of my pain!

> Greek: Ἡρακλῆς:
οὐ δῆτʼ ἔγωγʼ, ἀλλʼ ὧν ἔχω παιώνιον
καὶ μοῦνον ἰατῆρα τῶν ἐμῶν κακῶν.

[¶144] Hyllus:
And how, by inflaming your body, shall I heal it?

> Greek: Ὕλλος:
καὶ πῶς ὑπαίθων σῶμʼ ἂν ἰῴμην τὸ σόν;

[¶145] Heracles:
If your fear keeps you from this one task, at least perform the rest.

> Greek: Ἡρακλῆς:
ἀλλʼ εἰ φοβεῖ πρὸς τοῦτο, τἄλλα γʼ ἔργασαι.

[¶146] Hyllus:
The service of carrying you will not be refused.

> Greek: Ὕλλος:
φορᾶς γέ τοι φθόνησις οὐ γενήσεται.

[¶147] Heracles:
And the heaping of the pyre which I have ordered?

> Greek: Ἡρακλῆς:
ἦ καὶ πυρᾶς πλήρωμα τῆς εἰρημένης;

[¶148] Hyllus:
Yes, except that I will not touch fire to it with my own hands.

> Greek: Ὕλλος:
ὅσον γʼ ἂν αὐτὸς μὴ ποτιψαύων χεροῖν·

[¶149] All else will I do, and you will have no hindrance on my part.

> Greek: τὰ δʼ ἄλλα πράξω κοὐ καμεῖ τοὐμὸν μέρος.

[¶150] Heracles:
Well, that much will be enough—yet add one small favor to your large benefits.

> Greek: Ἡρακλῆς:
ἀλλʼ ἀρκέσει καὶ ταῦτα· πρόσνειμαι δέ μοι
χάριν βραχεῖαν πρὸς μακροῖς ἄλλοις διδούς.

[¶151] Hyllus:
Even if it is tremendously large, it will be done.

> Greek: Ὕλλος:
εἰ καὶ μακρὰ κάρτʼ ἐστίν, ἐργασθήσεται.

[¶152] Heracles:
Do you know, then, the maiden, daughter of Eurytus?

> Greek: Ἡρακλῆς:
τὴν Εὐρυτείαν οἶσθα δῆτα παρθένον;

[¶153] Hyllus:
You mean Iole, I would guess.

> Greek: Ὕλλος:
Ἰόλην ἔλεξας, ὥς γʼ ἐπεικάζειν ἐμέ.

[¶154] Heracles:
You know her. Just this is the command that I impose upon you, my son: when I am dead, if you wish to show your piety by remembrance of your oath to your father, make this woman your wife and do not disobey your father.

> Greek: Ἡρακλῆς:
ἔγνως. τοσοῦτον δή σʼ ἐπισκήπτω, τέκνον·
ταύτην ἐμοῦ θανόντος, εἴπερ εὐσεβεῖν
βούλει, πατρῴων ὁρκίων μεμνημένος,
προσθοῦ δάμαρτα, μηδʼ ἀπιστήσῃς πατρί·

[¶155] Let no other but you take her who has lain close at my side. You, my son, make that marriage-bond your own. Obey; for although you were obedient in great affairs, your disobedience in small ones cancels the gratitude already won.

> Greek: μηδʼ ἄλλος ἀνδρῶν τοῖς ἐμοῖς πλευροῖς ὁμοῦ
κλιθεῖσαν αὐτὴν ἀντὶ σοῦ λάβῃ ποτέ,
ἀλλʼ αὐτός, ὦ παῖ, τοῦτο κήδευσον λέχος.
πείθου· τὸ γάρ τοι μεγάλα πιστεύσαντʼ ἐμοὶ
σμικροῖς ἀπιστεῖν τὴν πάρος συγχεῖ χάριν.

[¶156] Hyllus:
Ah, me, it is wrong to be angry with a sick man, but who could bear to see him have thoughts like these?

> Greek: Ὕλλος:
οἴμοι· τὸ μὲν νοσοῦντι θυμοῦσθαι κακόν,
τὸ δʼ ὧδʼ ὁρᾶν φρονοῦντα τίς ποτʼ ἂν φέροι;

[¶157] Heracles:
Your words show no willingness to do as I say.

> Greek: Ἡρακλῆς:
ὡς ἐργασείων οὐδὲν ὧν λέγω θροεῖς.

[¶158] Hyllus:
Who on earth would, when she alone is to blame for my mother’s death, and for your present condition besides?
Who would choose to do so, unless he were infected by avenging fiends? It would be better, Father, that I also die, rather than live united with those whom I most detest!

> Greek: Ὕλλος:
τίς γάρ ποθʼ, ἥ μοι μητρὶ μὲν θανεῖν μόνη
μεταίτιος σοί τʼ αὖθις ὡς ἔχεις ἔχειν,
τίς ταῦτʼ ἄν, ὅστις μὴ ʼξ ἀλαστόρων νοσοῖ,
ἕλοιτο; κρεῖσσον κἀμέ γʼ, ὦ πάτερ, θανεῖν
ἢ τοῖσιν ἐχθίστοισι συνναίειν ὁμοῦ.

[¶159] Heracles:
The man will render no due respect, it seems, to my dying prayer. No, be sure that the curse of the gods
will await you for disobeying my commands.

> Greek: Ἡρακλῆς:
ἁνὴρ ὅδʼ, ὡς ἔοικεν, οὐ νεμεῖν ἐμοὶ
φθίνοντι μοῖραν· ἀλλά τοι θεῶν ἀρὰ
μενεῖ σʼ ἀπιστήσαντα τοῖς ἐμοῖς λόγοις.

[¶160] Hyllus:
Ah, you will soon show, it seems, how diseased you are!

> Greek: Ὕλλος:
ὤμοι, τάχʼ, ὡς ἔοικας, ὡς νοσεῖς φράσεις.

[¶161] Heracles:
Yes, for you stir me from my slumbering plague.

> Greek: Ἡρακλῆς:
σὺ γάρ μʼ ἀπʼ εὐνασθέντος ἐκκινεῖς κακοῦ.

[¶162] Hyllus:
I am miserable! I have no way out of so many dilemmas!

> Greek: Ὕλλος:
δείλαιος, ὡς ἐς πολλὰ τἀπορεῖν ἔχω.

[¶163] Heracles:
Yes, since you think it wrong to obey your begetter.

> Greek: Ἡρακλῆς:
οὐ γὰρ δικαιοῖς τοῦ φυτεύσαντος κλύειν.

[¶164] Hyllus:
But must I then learn to be unholy, Father?

> Greek: Ὕλλος:
ἀλλʼ ἐκδιδαχθῶ δῆτα δυσσεβεῖν, πάτερ;

[¶165] Heracles:
It is not unholy, if you gladden my heart.

> Greek: Ἡρακλῆς:
οὐ δυσσέβεια, τοὐμὸν εἰ τέρψεις κέαρ.

[¶166] Hyllus:
Do you, then, command me to do this as a clear duty?

> Greek: Ὕλλος:
πράσσειν ἄνωγας οὖν με πανδίκως τάδε;

[¶167] Heracles:
I do, and I call on the gods to bear me witness!

> Greek: Ἡρακλῆς:
ἔγωγε· τούτων μάρτυρας καλῶ θεούς.

[¶168] Hyllus:
Then I will do it, and not refuse,
—calling upon the gods to witness your deed. I can never be condemned for obeying you, Father.

> Greek: Ὕλλος:
τοιγὰρ ποήσω κοὐκ ἀπώσομαι, τὸ σὸν
θεοῖσι δεικνὺς ἔργον· οὐ γὰρ ἄν ποτε
κακὸς φανείην σοί γε πιστεύσας, πάτερ.

[¶169] Heracles:
Your words make a fair ending, and to them, my son, quickly add the gracious deed itself, so that you may place me on the pyre before any pain returns to tear or sting me.

> Greek: Ἡρακλῆς:
καλῶς τελευτᾷς, κἀπὶ τοῖσδε τὴν χάριν
ταχεῖαν, ὦ παῖ, πρόσθες, ὡς πρὶν ἐμπεσεῖν
σπαραγμὸν ἤ τινʼ οἶστρον, ἐς πυράν με θῇς.

[¶170] Come, make haste and lift me! This, in truth, is rest from troubles, this is the end, the last end, of Heracles!

> Greek: ἄγʼ ἐγκονεῖτʼ, αἴρεσθε· παῦλά τοι κακῶν
αὕτη, τελευτὴ τοῦδε τἀνδρὸς ὑστάτη.

[¶171] Hyllus:
Nothing hinders the fulfillment of your wish, since your commandment strongly compels me, Father.

> Greek: Ὕλλος:
ἀλλʼ οὐδὲν εἴργει σοὶ τελειοῦσθαι τάδε,
ἐπεὶ κελεύεις κἀξαναγκάζεις, πάτερ.

[¶172] Heracles:
Come, then, before you awaken this
plague, O my hardened soul, give me a bit of steel to bind my lips like stone to stone! Stop any cry, since the task you accomplish, though by constraint, gives cause for joy.

> Greek: Ἡρακλῆς:
ἄγε νυν, πρὶν τήνδʼ ἀνακινῆσαι
νόσον, ὦ ψυχὴ σκληρά, χάλυβος
λιθοκόλλητον στόμιον παρέχουσʼ,
ἀνάπαυε βοήν, ὡς ἐπίχαρτον
τελέουσʼ ἀεκούσιον ἔργον.

[¶173] Hyllus:
Lift him, attendants!
Grant me ample forgiveness for this, but also recall the great cruelty of the gods in the deeds that are being done. They beget children and are hailed as fathers, and yet they can let such sufferings pass before their eyes.

> Greek: Ὕλλος:
αἴρετʼ, ὀπαδοί, μεγάλην μὲν ἐμοὶ
τούτων θέμενοι συγγνωμοσύνην,
μεγάλην δὲ θεῶν ἀγνωμοσύνην
εἰδότες ἔργων τῶν πρασσομένων,
οἳ φύσαντες καὶ κλῃζόμενοι
πατέρες τοιαῦτʼ ἐφορῶσι πάθη.

[¶174] No man foresees the future; the present is full of mourning for us, and of shame for the powers above, and indeed of hardship beyond compare for him who endures this disaster.
To the Leader of the Chorus.

> Greek: τὰ μὲν οὖν μέλλοντʼ οὐδεὶς ἐφορᾷ,
τὰ δὲ νῦν ἑστῶτʼ οἰκτρὰ μὲν ἡμῖν,
αἰσχρὰ δʼ ἐκείνοις,
χαλεπώτατα δʼ οὖν ἀνδρῶν πάντων
τῷ τήνδʼ ἄτην ὑπέχοντι.

[¶175] And you, maiden, do not be left at the house. You have seen immense, shocking death, with sorrows great in number and strange. And in all of them there is nothing that is not Zeus.

> Greek: λείπου μηδὲ σύ, παρθένʼ, ἀπʼ οἴκων,
μεγάλους μὲν ἰδοῦσα νέους θανάτους,
πολλὰ δὲ πήματα καὶ καινοπαθῆ,
κοὐδὲν τούτων ὅ τι μὴ Ζεύς.