---
title: "Hellenica · Ἑλληνικά"
author: "Xenophon"
translator: "Carleton L. Brownson"
languages: [grc, en]
shelf: "Classical Greek"
section: 13 of 22
url: https://scriptura.si/works/xenophon-hellenica/13/
cite: "Xenophon, tr. Carleton L. Brownson, Hellenica · Ἑλληνικά, section 13. Scriptura (scriptura.si), https://scriptura.si/works/xenophon-hellenica/13/"
---

# Hellenica · Ἑλληνικά

*Xenophon, tr. Carleton L. Brownson*

Greek history from 411 to 362 BC, taking up where Thucydides breaks off.

> Greek: ed. Edgar Cardew Marchant, from the Perseus Digital Library (canonical-greekLit, tlg0032.tlg001, CC BY-SA 4.0).

> English: Carleton L. Brownson, from the Perseus Digital Library (tlg0032.tlg001.perseus-eng2). Notes are not included.

> Rows follow the references the two texts share (books, chapters and sections), cut where both reach the end of a sentence.

## 13. Book IV · chapter 8

Source: https://scriptura.si/works/xenophon-hellenica/13/ · cite a paragraph as https://scriptura.si/works/xenophon-hellenica/13/#p-N

[¶0] 8.2. And the people of the cities received this announcement with joy and approval, and enthusiastically sent gifts of friendship to Pharnabazus. Conon, it seems, was advising Pharnabazus that if he acted in this way, all the cities would be friendly to him, but if it should be evident that he wanted to enslave them, he said that each single city was capable of making a great deal of trouble and that there was danger that the people of Greece also, if they learned of this, would become united.

> Greek: 8.2. οἱ δʼ ἀκούοντες ταῦτα ἥδοντό τε καὶ ἐπῄνουν καὶ ξένια προθύμως ἔπεμπον τῷ Φαρναβάζῳ. καὶ γὰρ ὁ Κόνων τὸν Φαρνάβαζον ἐδίδασκεν ὡς οὕτω μὲν ποιοῦντι πᾶσαι αὐτῷ αἱ πόλεις φίλιαι ἔσοιντο, εἰ δὲ δουλοῦσθαι βουλόμενος φανερὸς ἔσοιτο, ἔλεγεν ὡς μία ἑκάστη πολλὰ πράγματα ἱκανὴ εἴη παρέχειν καὶ κίνδυνος εἴη μὴ καὶ οἱ Ἕλληνες, εἰ ταῦτα αἴσθοιντο, συσταῖεν.

[¶1] 8.3. Pharnabazus was accordingly accepting this counsel. Then, disembarking at Ephesus, he gave Conon forty triremes and told him to meet him at Sestus, while he himself proceeded by land along the coast to his own province. For Dercylidas, who had long been an enemy of his, chanced to be in Abydus at the time when the naval battle took place, and he did not, like the other Lacedaemonian governors, quit the city, but took possession of Abydus and was keeping it friendly to the Lacedaemonians. For he called together the people of the town and spoke as follows:

> Greek: 8.3. ταῦτα μὲν οὖν ἐπείθετο ὁ Φαρνάβαζος. ἀποβὰς δʼ εἰς Ἔφεσον τῷ μὲν Κόνωνι δοὺς τετταράκοντα τριήρεις εἰς Σηστὸν εἶπεν ἀπαντᾶν, αὐτὸς δὲ πεζῇ παρῄει ἐπὶ τὴν αὑτοῦ ἀρχήν. καὶ γὰρ ὁ Δερκυλίδας, ὅσπερ καὶ πάλαι πολέμιος ἦν αὐτῷ, ἔτυχεν ἐν Ἀβύδῳ ὤν, ὅτε ἡ ναυμαχία ἐγένετο, καὶ οὐχ ὥσπερ οἱ ἄλλοι ἁρμοσταὶ ἐξέλιπεν, ἀλλὰ κατέσχε τὴν Ἄβυδον καὶ διέσῳζε φίλην τοῖς Λακεδαιμονίοις. καὶ γὰρ συγκαλέσας τοὺς Ἀβυδηνοὺς ἔλεξε τοιάδε.

[¶2] 8.4. Gentlemen, at this moment it is possible for you, who even in former days have been friends of our state, to show yourselves benefactors of the Lacedaemonians. For showing loyalty in the midst of prosperity calls for no particular admiration, but always, if men show themselves steadfast when friends have fallen upon misfortunes, this is remembered for all time. Do not suppose that just because we have been defeated in the naval battle, we are therefore ever afterward to be counted for naught. Nay, even in former times, you recall, when the Athenians were rulers of the sea, our state was able both to confer benefit upon friends and to inflict harm upon enemies. And the greater the extent to which the other cities have, along with fortune, turned away from us, by so much the greater in reality would your fidelity be made manifest. But if anyone is afraid that we may be besieged here both by land and by sea, let him reflect that there is not yet a Greek fleet on the sea, and if the barbarians shall undertake to rule the sea, Greece will not tolerate this; so that in helping herself she will also become your ally.

> Greek: 8.4. ὦ ἄνδρες, νῦν ἔξεστιν ὑμῖν καὶ πρόσθεν φίλοις οὖσι τῇ πόλει ἡμῶν εὐεργέτας φανῆναι τῶν Λακεδαιμονίων. καὶ γὰρ τὸ μὲν ἐν ταῖς εὐπραξίαις πιστοὺς φαίνεσθαι οὐδὲν θαυμαστόν· ὅταν δέ τινες ἐν συμφοραῖς γενομένων φίλων βέβαιοι φανῶσι, τοῦτʼ εἰς τὸν ἅπαντα χρόνον μνημονεύεται. ἔστι δὲ οὐχ οὕτως ἔχον ⟨ὡς⟩, εἰ τῇ ναυμαχίᾳ ἐκρατήθημεν, οὐδὲν ἄρα ἔτι ἐσμέν· ἀλλὰ καὶ τὸ πρόσθεν δήπου, Ἀθηναίων ἀρχόντων τῆς θαλάττης, ἱκανὴ ἦν ἡ ἡμετέρα πόλις καὶ εὖ φίλους καὶ κακῶς ἐχθροὺς ποιεῖν. ὅσῳ δὲ μᾶλλον αἱ ἄλλαι πόλεις σὺν τῇ τύχῃ ἀπεστράφησαν ἡμῶν, τοσούτῳ ὄντως ἡ ὑμετέρα πιστότης μείζων φανείη ἄν. εἰ δέ τις τοῦτο φοβεῖται, μὴ καὶ κατὰ γῆν καὶ κατὰ θάλατταν ἐνθάδε πολιορκώμεθα, ἐννοείτω ὅτι Ἑλληνικὸν μὲν οὔπω ναυτικόν ἐστιν ἐν τῇ θαλάττῃ, οἱ δὲ βάρβαροι εἰ ἐπιχειρήσουσι τῆς θαλάττης ἄρχειν, οὐκ ἀνέξεται ταῦτα ἡ Ἑλλάς· ὥσθʼ ἑαυτῇ ἐπικουροῦσα καὶ ὑμῖν σύμμαχος γενήσεται.

[¶3] 8.5. Upon hearing these words, the Abydenes yielded compliance, not unwillingly, but with enthusiasm, and they received kindly the Lacedaemonian governors who came to Abydus and sent for those who were elsewhere. Then, after many good men had been collected in the city, Dercylidas crossed over to Sestus, which is opposite Abydus and distant not more than eight stadia, gathered together all who had obtained land in the Chersonese through the Lacedaemonians, and received also all those governors who had been driven out in like fashion from the cities on the European side, saying to them that they ought not to be discouraged, either, when they reflected that even in Asia, which had belonged from all time to the King, there was Temnus—not a large city—and Aegae and other places in which people were able to dwell without being subject to the King. In any event, he said, what stronger place could you find than Sestus, what place harder to capture by siege? For it is a place which requires both ships and troops if it is to be besieged. By such words he kept these men also from being panic-stricken.

> Greek: 8.5. οἱ μὲν δὴ ταῦτα ἀκούοντες οὐκ ἀκόντως ἀλλὰ προθύμως ἐπείσθησαν· καὶ τοὺς μὲν ἰόντας ἁρμοστὰς φίλως ἐδέχοντο, τοὺς δὲ ἀπόντας μετεπέμποντο. ὁ δὲ Δερκυλίδας, ὡς συνελέγησαν πολλοὶ καὶ χρήσιμοι ἄνδρες εἰς τὴν πόλιν, διαβὰς καὶ εἰς Σηστόν, καταντικρὺ ὄντα Ἀβύδου καὶ ἀπέχοντα οὐ πλέον ὀκτὼ σταδίων, ὅσοι τε διὰ Λακεδαιμονίους γῆν ἔσχον ἐν Χερρονήσῳ, ἥθροιζε, καὶ ὅσοι αὖ ἐκ τῶν ἐν τῇ Εὐρώπῃ πόλεων ἁρμοσταὶ ἐξέπιπτον, καὶ τούτους ἐδέχετο, λέγων ὅτι οὐδʼ ἐκείνους ἀθυμεῖν δεῖ, ἐννοουμένους ὅτι καὶ ἐν τῇ Ἀσίᾳ, ἣ ἐξ ἀρχῆς βασιλέως ἐστί, καὶ Τῆμνος, οὐ μεγάλη πόλις, καὶ Αἰγαιεῖς καὶ ἄλλα γε χωρία δύνανται οἰκεῖν οὐχ ὑπήκοοι ὄντες βασιλέως. καίτοι, ἔφη, ποῖον μὲν ⟨ἂν⟩ ἰσχυρότερον Σηστοῦ λάβοιτε χωρίον, ποῖον δὲ δυσπολιορκητότερον; ὃ καὶ νεῶν καὶ πεζῶν δεῖται, εἰ μέλλοι πολιορκηθήσεσθαι.

[¶4] 8.6. Now when Pharnabazus found both Abydus and Sestus in this condition, he made proclamation to their inhabitants that if they did not expel the Lacedaemonians he would make war upon them. And upon their refusing to obey, he directed Conon to prevent them from sailing the sea, while he himself proceeded to lay waste the territory of the Abydenes. But failing to make any progress toward subduing them, he himself went back home, ordering Conon to try to win over the cities along the Hellespont, to the end that as large a fleet as possible might be gathered together by the coming of the spring. For he was angry with the Lacedaemonians on account of what he had suffered at their hands, and therefore desired above all things to go to their country and take what vengeance upon them he could.

> Greek: 8.6. τούτους αὖ τοιαῦτα λέγων ἔσχε τοῦ ἐκπεπλῆχθαι. ὁ δὲ Φαρνάβαζος ἐπεὶ ηὗρε τήν τε Ἄβυδον καὶ τὸν Σηστὸν οὕτως ἔχοντα, προηγόρευεν αὐτοῖς ὡς εἰ μὴ ἐκπέμψοιεν τοὺς Λακεδαιμονίους, πόλεμον ἐξοίσει πρὸς αὐτούς. ἐπεὶ δὲ οὐκ ἐπείθοντο, Κόνωνι μὲν προσέταξε κωλύειν αὐτοὺς τὴν θάλατταν πλεῖν, αὐτὸς δὲ ἐδῄου τὴν τῶν Ἀβυδηνῶν χώραν. ἐπεὶ δὲ οὐδὲν ἐπέραινε πρὸς τὸ καταστρέφεσθαι, αὐτὸς μὲν ἐπʼ οἴκου ἀπῆλθε, τὸν δὲ Κόνωνα ἐκέλευεν εὐτρεπίζεσθαι τὰς καθʼ Ἑλλήσποντον πόλεις, ὅπως εἰς τὸ ἔαρ ὅτι πλεῖστον ναυτικὸν ἁθροισθείη. ὀργιζόμενος γὰρ τοῖς Λακεδαιμονίοις ἀνθʼ ὧν ἐπεπόνθει περὶ παντὸς ἐποιεῖτο ἐλθεῖν τε εἰς τὴν χώραν αὐτῶν καὶ τιμωρήσασθαι ὅ τι δύναιτο.

[¶5] 8.7. In such occupations, accordingly, they passed the winter; but at the opening of spring, having fully manned a large number of ships and hired a force of mercenaries besides, Pharnabazus, and Conon with him, sailed through the islands to Melos, and making that their base, went on to Lacedaemon. And first Pharnabazus put in at Pherae and laid waste this region; then he made descents at one point and another of the coast and did whatever harm he could. But being fearful because the country was destitute of harbours, because the Lacedaemonians might send relief forces, and because provisions were scarce in the land, he quickly turned about, and sailing away, came to anchor at Phoenicus in the island of Cythera.

> Greek: 8.7. καὶ τὸν μὲν χειμῶνα ἐν τοιούτοις ὄντες διῆγον· ἅμα δὲ τῷ ἔαρι ναῦς τε πολλὰς συμπληρώσας καὶ ξενικὸν προσμισθωσάμενος ἔπλευσεν ὁ Φαρνάβαζός τε καὶ ὁ Κόνων μετʼ αὐτοῦ διὰ νήσων εἰς Μῆλον, ἐκεῖθεν δὲ ὁρμώμενοι εἰς τὴν Λακεδαίμονα. καταπλεύσας δὲ πρῶτον μὲν εἰς Φαρὰς ἐδῄωσε ταύτην τὴν χώραν, ἔπειτα καὶ ἄλλοσε ἀποβαίνων τῆς παραθαλαττίας ἐκακούργει ὅ τι ἐδύνατο. φοβούμενος δὲ τήν τε ἀλιμενότητα τῆς χώρας καὶ τὰ τῆς βοηθείας καὶ τὴν σπανοσιτίαν, ταχύ τε ἀνέστρεψε καὶ ἀποπλέων ὡρμίσθη τῆς Κυθηρίας εἰς Φοινικοῦντα.

[¶6] 8.8. And when those who held possession of the city of the Cytherians abandoned their walls through fear of being captured by storm, he allowed them to depart to Laconia under a truce, and having repaired the wall of the Cytherians, left in Cythera a garrison of his own and Nicophemus, an Athenian, as governor. After doing these things and sailing to the Isthmus of Corinth and there exhorting the allies to carry on the war zealously and show themselves men faithful to the King, he left them all the money that he had and sailed off homeward.

> Greek: 8.8. ἐπεὶ δὲ οἱ ἔχοντες τὴν πόλιν τῶν Κυθηρίων φοβηθέντες μὴ κατὰ κράτος ἁλοῖεν ἐξέλιπον τὰ τείχη, ἐκείνους μὲν ὑποσπόνδους ἀφῆκεν εἰς τὴν Λακωνικήν, αὐτὸς δʼ ἐπισκευάσας τὸ τῶν Κυθηρίων τεῖχος φρουρούς τε καὶ Νικόφημον Ἀθηναῖον ἁρμοστὴν ἐν τοῖς Κυθήροις κατέλιπε. ταῦτα δὲ ποιήσας καὶ εἰς Ἰσθμὸν τῆς Κορινθίας καταπλεύσας, καὶ παρακελευσάμενος τοῖς συμμάχοις προθύμως τε πολεμεῖν καὶ ἄνδρας πιστοὺς φαίνεσθαι βασιλεῖ, καταλιπὼν αὐτοῖς χρήματα ὅσα εἶχεν, ᾤχετο ἐπʼ οἴκου ἀποπλέων.

[¶7] 8.9. But when Conon said that if he would allow him to have the fleet, he would maintain it by contributions from the islands and would meanwhile put in at Athens and aid the Athenians in rebuilding their long walls and the wall around Piraeus, adding their he knew nothing could be a heavier blow to the Lacedaemonians than this. And by this act, therefore, he said, you will have conferred a favour upon the Athenians and have taken vengeance upon the Lacedaemonians, inasmuch as you will undo for them the deed for whose accomplishment they underwent the most toil and trouble. Pharnabazus, upon hearing this, eagerly dispatched him to Athens and gave him additional money for the rebuilding of the walls.

> Greek: 8.9. λέγοντος δὲ τοῦ Κόνωνος ⟨ὡς⟩ εἰ ἐῴη αὐτὸν ἔχειν τὸ ναυτικόν, θρέψοι μὲν ἀπὸ τῶν νήσων, καταπλεύσας δʼ εἰς τὴν πατρίδα συναναστήσοι τά τε μακρὰ τείχη τοῖς Ἀθηναίοις καὶ τὸ περὶ τὸν Πειραιᾶ τεῖχος, οὗ εἰδέναι ἔφη ὅτι Λακεδαιμονίοις οὐδὲν ἂν βαρύτερον γένοιτο, καὶ τοῦτο οὖν, ἔφη, σὺ τοῖς μὲν Ἀθηναίοις κεχαρισμένος ἔσει, τοὺς δὲ Λακεδαιμονίους τετιμωρημένος· ἐφʼ ᾧ γὰρ πλεῖστα ἐπόνησαν, ἀτελὲς αὐτοῖς ποιήσεις. ὁ δὲ Φαρνάβαζος ἀκούσας ταῦτα ἀπέστειλεν αὐτὸν προθύμως εἰς τὰς Ἀθήνας, καὶ χρήματα προσέθηκεν αὐτῷ εἰς τὸν ἀνατειχισμόν.

[¶8] 8.10. Upon his arrival Conon erected a large part of the wall, giving his own crews for the work, paying the wages of carpenters and masons, and meeting whatever other expense was necessary. There were some parts of the wall, however, which the Athenians themselves, as well as volunteers from Boeotia and from other states, aided in building. The Corinthians, on the other hand, manned ships with the money which Pharnabazus left, appointed Agathinus as admiral, and established their mastery of the sea in the gulf around Achaea and Lechaeum. And the Lacedaemonians on their side manned ships, which Podanemus commanded.

> Greek: 8.10. ὁ δὲ ἀφικόμενος πολὺ τοῦ τείχους ὤρθωσε, τά τε αὑτοῦ πληρώματα παρέχων καὶ τέκτοσι καὶ λιθολόγοις μισθὸν διδούς, καὶ ἄλλο εἴ τι ἀναγκαῖον ἦν, δαπανῶν. ἦν μέντοι τοῦ τείχους ἃ καὶ αὐτοὶ Ἀθηναῖοι καὶ Βοιωτοὶ καὶ ἄλλαι πόλεις ἐθελούσιαι συνετείχισαν. οἱ μέντοι Κορίνθιοι ἀφʼ ὧν ὁ Φαρνάβαζος κατέλιπε χρημάτων ναῦς πληρώσαντες καὶ Ἀγαθῖνον ναύαρχον ἐπιστήσαντες ἐθαλαττοκράτουν ἐν τῷ περὶ Ἀχαΐαν καὶ Λέχαιον κόλπῳ. ἀντεπλήρωσαν δὲ καὶ οἱ Λακεδαιμόνιοι ναῦς, ὧν Ποδάνεμος ἦρχεν.

[¶9] 8.11. But when he was killed in an attack which took place, and Pollis in his turn, who was vice-admiral, was wounded and went home, Herippidas took command of these ships. Proaenus, the Corinthian, however, who had succeeded to the command of the ships of Agathinus, abandoned Rhium, and the Lacedaemonians took it over. After this Teleutias came to assume charge of the ships of Herippidas, and he in his turn was now master of the gulf.

> Greek: 8.11. ἐπεὶ δὲ οὗτος ἐν προσβολῇ τινι γενομένῃ ἀπέθανε, καὶ Πόλλις αὖ ἐπιστολεὺς ὢν τρωθεὶς ἀπῆλθεν, Ἡριππίδας ταύτας ἀναλαμβάνει τὰς ναῦς. Πρόαινος μέντοι Κορίνθιος τὰς παρʼ Ἀγαθίνου παραλαβὼν ναῦς ἐξέλιπε τὸ Ῥίον· Λακεδαιμόνιοι δʼ αὐτὸ παρέλαβον. μετὰ δὲ τοῦτο Τελευτίας ἐπὶ τὰς Ἡριππίδου ναῦς ἦλθε, καὶ οὗτος αὖ τοῦ κόλπου πάλιν ἐκράτει.

[¶10] 8.12. Now the Lacedaemonians, upon hearing that Conon was not only rebuilding their wall for the Athenians out of the King’s money, but was also, while maintaining his fleet from the latter’s funds, engaged in winning over the islands and the coast cities on the mainland to the Athenians, conceived the idea that if they informed Tiribazus, who was the King’s general, of these things, they could either bring Tiribazus over entirely to their side or at least put an end to his maintaining Conon’s fleet. Having come to this conclusion, they sent Antalcidas to Tiribazus with instructions to inform Tiribazus of these facts, and to endeavour to make peace between the state and the King.

> Greek: 8.12. οἱ δὲ Λακεδαιμόνιοι ἀκούοντες ὅτι Κόνων καὶ τὸ τεῖχος τοῖς Ἀθηναίοις ἐκ τῶν βασιλέως χρημάτων ἀνορθοίη καὶ τὸ ναυτικὸν ἀπὸ τῶν ἐκείνου τρέφων τάς τε νήσους καὶ τὰς ἐν τῇ ἠπείρῳ παρὰ θάλατταν πόλεις Ἀθηναίοις εὐτρεπίζοι, ἐνόμισαν, εἰ ταῦτα διδάσκοιεν Τιρίβαζον βασιλέως ὄντα στρατηγόν, ἢ καὶ ἀποστῆσαι ἂν πρὸς ἑαυτοὺς τὸν Τιρίβαζον ἢ παῦσαί γʼ ἂν τὸ Κόνωνος ναυτικὸν τρέφοντα. γνόντες δὲ οὕτω, πέμπουσιν Ἀνταλκίδαν πρὸς τὸν Τιρίβαζον, προστάξαντες αὐτῷ ταῦτα διδάσκειν καὶ πειρᾶσθαι εἰρήνην τῇ πόλει ποιεῖσθαι πρὸς βασιλέα.

[¶11] 8.13. But when the Athenians learned of this, they likewise sent ambassadors,—Conon at their head, and Hermogenes, Dion, Callisthenes, and Callimedon. They also invited ambassadors from their allies to go with them; and ambassadors did come from the Boeotians, from Corinth, and from Argos.

> Greek: 8.13. αἰσθόμενοι δὲ ταῦτα οἱ Ἀθηναῖοι ἀντιπέμπουσι πρέσβεις μετὰ Κόνωνος Ἑρμογένη καὶ Δίωνα καὶ Καλλισθένη καὶ Καλλιμέδοντα. συμπαρεκάλεσαν δὲ καὶ ἀπὸ τῶν συμμάχων πρέσβεις· καὶ παρεγένοντο ἀπό τε Βοιωτῶν καὶ Κορίνθου καὶ Ἄργους.

[¶12] 8.14. When they had reached their destination, Antalcidas said to Tiribazus that he had come desiring peace between his state and the King, and, furthermore, just such a peace as the King had wished for. For the Lacedaemonians, he said, urged no claim against the King to the Greek cities in Asia and they were content that all the islands and the Greek cities in general should be independent. And yet, he said, if we are ready to agree to such conditions, why should the King be at war with us or be spending money? Indeed, if such terms were made, we could not take the field against the King, either; the Athenians could not unless we assumed the leadership, and we could not if the cities were independent.

> Greek: 8.14. ἐπεὶ δʼ ἐκεῖ ἦσαν, ὁ μὲν Ἀνταλκίδας ἔλεγε πρὸς τὸν Τιρίβαζον ὅτι εἰρήνης δεόμενος ἥκοι τῇ πόλει πρὸς βασιλέα, καὶ ταύτης οἵασπερ βασιλεὺς ἐπεθύμει. τῶν τε γὰρ ἐν τῇ Ἀσίᾳ Ἑλληνίδων πόλεων Λακεδαιμονίους βασιλεῖ οὐκ ἀντιποιεῖσθαι, τάς τε νήσους ἁπάσας καὶ τὰς ἄλλας πόλεις ἀρκεῖν σφίσιν αὐτονόμους εἶναι. καίτοι, ἔφη, τοιαῦτα ἐθελόντων ἡμῶν, τίνος ἂν ἕνεκα πρὸς ἡμᾶς [οἱ Ἕλληνες ἢ] βασιλεὺς πολεμίη ἢ χρήματα δαπανῴη; καὶ γὰρ οὐδʼ ἐπὶ βασιλέα στρατεύεσθαι δυνατὸν οὔτε Ἀθηναίοις μὴ ἡγουμένων ἡμῶν οὔθʼ ἡμῖν αὐτονόμων οὐσῶν τῶν πόλεων.

[¶13] 8.15. Now Tiribazus was mightily pleased at hearing the words of Antalcidas; but to the opponents of Antalcidas these proposals went no further than words. For the Athenians were afraid to agree that the cities and the islands should be independent lest they should be deprived of Lemnos, Imbros, and Scyros; and the Thebans, lest they should be compelled to leave the Boeotian cities independent; while the Argives thought that they could not keep Corinth as Argos, a thing which they desired, if such an agreement and peace were concluded. So it was that this project of peace came to naught, and the ambassadors returned to their several homes.

> Greek: 8.15. τῷ μὲν δὴ Τιριβάζῳ ἀκούοντι ἰσχυρῶς ἤρεσκον οἱ τοῦ Ἀνταλκίδου λόγοι· τοῖς δὲ ἐναντίοις λόγοι ταῦτʼ ἦν. οἵ τε γὰρ Ἀθηναῖοι ἐφοβοῦντο συνθέσθαι αὐτονόμους εἶναι τὰς νήσους, μὴ Λήμνου καὶ Ἴμβρου καὶ Σκύρου στερηθεῖεν, οἵ τε Θηβαῖοι, μὴ ἀναγκασθείησαν ἀφεῖναι τὰς Βοιωτίας πόλεις αὐτονόμους, οἵ τʼ Ἀργεῖοι, οὗ ἐπεθύμουν, οὐκ ἐνόμιζον ἂν τὴν Κόρινθον δύνασθαι ὡς Ἄργος ἔχειν τοιούτων συνθηκῶν καὶ σπονδῶν γενομένων. αὕτη μὲν ἡ εἰρήνη οὕτως ἐγένετο ἀτελής, καὶ ἀπῆλθον οἴκαδε ἕκαστος.

[¶14] 8.16. As for Tiribazus, he thought that it was not safe for him to take the side of the Lacedaemonians without the King’s approval; in secret, however, he gave money to Antalcidas, to the end that a fleet might be manned by the Lacedaemonians and thus the Athenians and their allies be made more desirous of peace, and he also imprisoned Conon, on the ground that he was wronging the King and that the charges made by the Lacedaemonians were true. After doing these things he proceeded to go up to the King for the purpose of telling him not only the proposals of the Lacedaemonians, but also that he had arrested Conon as a wrong-doer, and likewise to ask the King what he should do about all these matters.

> Greek: 8.16. ὁ μέντοι Τιρίβαζος τὸ μὲν ἄνευ βασιλέως μετὰ Λακεδαιμονίων γενέσθαι οὐκ ἀσφαλὲς αὑτῷ ἡγεῖτο εἶναι· λάθρᾳ γε μέντοι ἔδωκε χρήματα Ἀνταλκίδᾳ, ὅπως ἂν πληρωθέντος ναυτικοῦ ὑπὸ Λακεδαιμονίων οἵ τε Ἀθηναῖοι καὶ οἱ σύμμαχοι αὐτῶν μᾶλλον τῆς εἰρήνης προσδέοιντο, καὶ τὸν Κόνωνα ὡς ἀδικοῦντά τε βασιλέα καὶ ἀληθῆ λεγόντων Λακεδαιμονίων εἶρξε. ταῦτα δὲ ποιήσας ἀνέβαινε πρὸς βασιλέα, φράσων ἅ τε λέγοιεν οἱ Λακεδαιμόνιοι καὶ ὅτι Κόνωνα συνειληφὼς εἴη ὡς ἀδικοῦντα, καὶ ἐρωτήσων τί χρὴ ποιεῖν περὶ τούτων ἁπάντων.

[¶15] 8.17. Now the King, when Tiribazus had arrived at his capital in the interior, sent down Struthas to take charge of affairs on the coast. Struthas, however, devoted himself assiduously to the Athenians and their allies, remembering all the harm which the King’s country had suffered at the hands of Agesilaus. The Lacedaemonians accordingly, when they saw that Struthas was hostile to them and friendly to the Athenians, sent Thibron to make war upon him. And Thibron, crossing over to Asia and employing as a base of operations not only Ephesus, but also the cities in the plain of the Maeander—Priene, Leucophrys, and Achilleum,—proceeded to plunder the territory of the King.

> Greek: 8.17. καὶ βασιλεὺς μέν, ὡς Τιρίβαζος ἄνω παρʼ αὐτῷ ἦν, Στρούθαν καταπέμπει ἐπιμελησόμενον τῶν κατὰ θάλατταν. ὁ μέντοι Στρούθας ἰσχυρῶς τοῖς Ἀθηναίοις καὶ τοῖς συμμάχοις τὴν γνώμην προσεῖχε, μεμνημένος ὅσα κακὰ ἐπεπόνθει ἡ βασιλέως χώρα ὑπʼ Ἀγησιλάου. οἱ δὲ Λακεδαιμόνιοι ἐπεὶ ἑώρων τὸν Στρούθαν πρὸς ἑαυτοὺς μὲν πολεμικῶς ἔχοντα, πρὸς δὲ τοὺς Ἀθηναίους φιλικῶς, Θίβρωνα πέμπουσιν ἐπὶ πολέμῳ πρὸς αὐτόν. ὁ δὲ διαβάς τε καὶ ὁρμώμενος ἐξ Ἐφέσου τε καὶ τῶν ἐν Μαιάνδρου πεδίῳ πόλεων Πριήνης τε καὶ Λευκόφρυος καὶ Ἀχιλλείου, ἔφερε καὶ ἦγε τὴν βασιλέως.

[¶16] 8.18. As time went on, however, Struthas, who had observed that the raiding expeditions of Thibron were in every case carried out in a disorderly and disdainful fashion, sent horsemen to the plain and ordered them to rush upon the enemy and surround and carry off whatever they could. Now it chanced that Thibron, having finished breakfast, was engaged in throwing the discus with Thersander, the flute-player. For Thersander was not only a good flute-player, but he also laid claim to physical strength, inasmuch as he was an imitator of things Lacedaemonian.

> Greek: 8.18. προϊόντος δὲ τοῦ χρόνου κατανοήσας ὁ Στρούθας ὅτι Θίβρων βοηθοίη ἑκάστοτε ἀτάκτως καὶ καταφρονητικῶς, ἔπεμψεν ἱππέας εἰς τὸ πεδίον καὶ καταδραμόντας ἐκέλευσε περιβαλλομένους ἐλαύνειν ὅ τι δύναιντο. ὁ δὲ Θίβρων ἐτύγχανεν ἐξ ἀρίστου διασκηνῶν μετὰ Θερσάνδρου τοῦ αὐλητοῦ. ἦν γὰρ ὁ Θέρσανδρος οὐ μόνον αὐλητὴς ἀγαθός, ἀλλὰ καὶ ἀλκῆς [ἰσχύος], ἅτε λακωνίζων, ἀντεποιεῖτο.

[¶17] 8.19. Then Struthas, upon seeing that the enemy were making their raid in disorder, and that the foremost of them were few in number, appeared upon the scene with a large force of horsemen, drawn up in good order. And the first whom they killed were Thibron and Thersander; and when these men fell they put to flight the rest of the army also, and in the pursuit struck down a very great many. Some of Thibron’s men, however, made their escape to the friendly cities and a larger number had been left in camp because they had learned of the expedition too late. For frequently, as in this case also, Thibron undertook his expeditions without even sending out orders. Thus ended these events.

> Greek: 8.19. ὁ δὲ Στρούθας, ἰδὼν ἀτάκτως τε βοηθοῦντας καὶ ὀλίγους τοὺς πρώτους, ἐπιφαίνεται πολλούς τε ἔχων καὶ συντεταγμένους ἱππέας. καὶ Θίβρωνα μὲν καὶ Θέρσανδρον πρώτους ἀπέκτειναν· ἐπεὶ δʼ οὗτοι ἔπεσον, ἐτρέψαντο καὶ τὸ ἄλλο στράτευμα, καὶ διώκοντες παμπλήθεις κατέβαλον, ἦσαν δὲ καὶ οἳ ἐσώθησαν αὐτῶν εἰς τὰς φιλίας πόλεις, καὶ πλείους διὰ τὸ ὀψὲ αἰσθέσθαι τῆς βοηθείας. πολλάκις γάρ, καὶ τότε, οὐδὲ παραγγείλας τὴν βοήθειαν ἐποιήσατο. καὶ ταῦτα μὲν οὕτως ἐγεγένητο.

[¶18] 8.20. Now when those of the Rhodians who had been banished by the democratic faction came to Lacedaemon, they set forth that it was not expedient for the Lacedaemonians to allow the Athenians to subdue Rhodes and thus gain for themselves so great a power. The Lacedaemonians, therefore, realizing that if the commons should prevail, all Rhodes would belong to the Athenians, while if the wealthier classes should prevail, it would be their own possession, manned for them eight ships and appointed Ecdicus as admiral to command them.

> Greek: 8.20. ἐπεὶ δʼ ἦλθον εἰς Λακεδαίμονα οἱ ἐκπεπτωκότες Ῥοδίων ὑπὸ τοῦ δήμου, ἐδίδασκον ὡς οὐκ ἄξιον εἴη περιιδεῖν Ἀθηναίους Ῥόδον καταστρεψαμένους καὶ τοσαύτην δύναμιν συνθεμένους. γνόντες οὖν οἱ Λακεδαιμόνιοι ὡς εἰ μὲν ὁ δῆμος κρατήσοι, Ἀθηναίων ἔσται Ῥόδος ἅπασα, εἰ δὲ οἱ πλουσιώτεροι, ἑαυτῶν, ἐπλήρωσαν αὐτοῖς ναῦς ὀκτώ, ναύαρχον δὲ Ἔκδικον ἐπέστησαν.

[¶19] 8.21. They sent out Diphridas also on board these ships, and ordered him to cross over into Asia and to keep safe the cities which had received Thibron, and then, after assuming command of that part of Thibron’s army which was left alive, and after gathering another army from wherever he could, to make war upon Struthas. Diphridas accordingly set about these things, and he was successful not only in his other undertakings, but particularly in capturing Tigranes, the husband of Struthas’ daughter, and his wife also, as they were journeying to Sardis, and in obtaining a large ransom for their release, so that he was at once able to hire mercenaries with the money thus obtained.

> Greek: 8.21. συνεξέπεμψαν δʼ ἐπὶ τούτων τῶν νεῶν καὶ Διφρίδαν. ἐκέλευσαν δʼ αὐτὸν διαβάντα εἰς τὴν Ἀσίαν τάς τε Θίβρωνα ὑποδεξαμένας πόλεις διασῴζειν, καὶ στράτευμα τὸ περισωθὲν ἀναλαβόντα καὶ ἄλλο, εἴ ποθεν δύναιτο, συλλέξαντα πολεμεῖν πρὸς Στρούθαν. ὁ μὲν δὴ Διφρίδας ταῦτʼ ἐποίει, καὶ τά τʼ ἄλλα ἐπετύγχανε καὶ Τιγράνην τὸν τὴν Στρούθα ἔχοντα θυγατέρα πορευόμενον εἰς Σάρδεις λαμβάνει σὺν αὐτῇ τῇ γυναικί, καὶ χρημάτων πολλῶν ἀπέλυσεν· ὥστʼ εὐθὺς ἐντεῦθεν εἶχε μισθοδοτεῖν.

[¶20] 8.22. This Diphridas was as a man no less attractive than Thibron, and as a general he was more self-controlled and enterprising. For the pleasures of the body did not hold the mastery over him, but in whatever task he was engaged, he always gave himself wholly to it. As for Ecdicus, after sailing to Cnidos and learning that the commons in Rhodes were in possession of everything, and were masters both by land and by sea, having twice as many triremes as he had himself, he remained quiet in Cnidos.

> Greek: 8.22. ἦν δʼ οὗτος ἁνὴρ εὔχαρίς τε οὐχ ἧττον τοῦ Θίβρωνος, μᾶλλόν τε συντεταγμένος καὶ ἐγχειρητικώτερος στρατηγός. οὐδὲ γὰρ ἐκράτουν αὐτοῦ αἱ τοῦ σώματος ἡδοναί, ἀλλʼ ἀεὶ πρὸς ᾧ εἴη ἔργῳ, τοῦτο ἔπραττεν. ὁ δʼ Ἔκδικος ἐπεὶ εἰς τὴν Κνίδον ἔπλευσε καὶ ἐπύθετο τὸν ἐν τῇ Ῥόδῳ δῆμον πάντα κατέχοντα, καὶ κρατοῦντα καὶ κατὰ γῆν καὶ κατὰ θάλατταν [διέπλεον] διπλασίαις τριήρεσιν ἢ αὐτὸς εἶχεν, ἡσυχίαν ἦγεν ἐν τῇ Κνίδῳ.

[¶21] 8.23. The Lacedaemonians, on the other hand, when they found that he had too small a force to be of service to their friends, ordered Teleutias, with the twelve ships which he had under his command in the gulf round Achaea and Lechaeum, to sail around to Ecdicus, send him back home, and himself look after the interests of those who wished to be their friends, and do whatever harm he could to their enemies. And when Teleutias arrived at Samos he obtained from there seven more ships and sailed on to Cnidos, while Ecdicus returned home.

> Greek: 8.23. οἱ δʼ αὖ Λακεδαιμόνιοι ἐπεὶ ᾔσθοντο αὐτὸν ἐλάττω ἔχοντα δύναμιν ἢ ὥστε τοὺς φίλους ὠφελεῖν, ἐκέλευσαν τὸν Τελευτίαν σὺν ταῖς δώδεκα ναυσὶν αἷς εἶχεν ἐν τῷ περὶ Ἀχαΐαν καὶ Λέχαιον κόλπῳ περιπλεῖν πρὸς τὸν Ἔκδικον, κἀκεῖνον μὲν ἀποπέμψαι, αὐτὸν δὲ τῶν τε βουλομένων φίλων εἶναι ἐπιμελεῖσθαι καὶ τοὺς πολεμίους ὅ τι δύναιτο κακὸν ποιεῖν. ὁ δὲ Τελευτίας ἐπειδὴ ἀφίκετο εἰς τὴν Σάμον, προσλαβὼν ἐκεῖθεν ναῦς ἔπλευσεν εἰς Κνίδον, ὁ δʼ Ἔκδικος οἴκαδε.

[¶22] 8.24. Then Teleutias continued his voyage to Rhodes, having now twenty-seven ships; and while sailing thither he fell in with Philocrates, the son of Ephialtes, sailing with ten triremes from Athens to Cyprus for the purpose of aiding Euagoras, and captured all ten. Both parties were acting in this affair in a manner absolutely opposed to their own interests; for the Athenians, although they had the King for a friend, were sending aid to Euagoras who was making war upon the King, and Teleutias, although the Lacedaemonians were at war with the King, was destroying people who were sailing to make war upon him. Then Teleutias, after sailing back to Cnidos and selling there the booty which he had captured, arrived at Rhodes on his second voyage and proceeded to aid those who held to the side of the Lacedaemonians.

> Greek: 8.24. αὐτὸς δʼ ἔπλει εἰς τὴν Ῥόδον, ἤδη ἔχων ναῦς ἑπτὰ καὶ εἴκοσι· πλέων δὲ περιτυγχάνει Φιλοκράτει τῷ Ἐφιάλτου πλέοντι μετὰ δέκα τριήρων Ἀθήνηθεν εἰς Κύπρον ἐπὶ συμμαχίᾳ τῇ Εὐαγόρου, καὶ λαμβάνει πάσας, ὑπεναντιώτατα δὴ ταῦτα ἀμφότεροι ἑαυτοῖς πράττοντες· οἵ τε γὰρ Ἀθηναῖοι φίλῳ χρώμενοι βασιλεῖ συμμαχίαν ἔπεμπον Εὐαγόρᾳ τῷ πολεμοῦντι πρὸς βασιλέα, ὅ τε Τελευτίας Λακεδαιμονίων πολεμούντων βασιλεῖ τοὺς πλέοντας ἐπὶ τῷ ἐκείνου πολέμῳ διέφθειρεν. ἐπαναπλεύσας δʼ εἰς Κνίδον καὶ διαθέμενος ἃ ἔλαβεν, εἰς Ῥόδον αὖ ἀφικόμενος ἐβοήθει τοῖς τὰ αὐτῶν φρονοῦσιν.

[¶23] 8.25. Meanwhile the Athenians, coming to the belief that the Lacedaemonians were again acquiring power on the sea, sent out against them Thrasybulus, of the deme Steiria, with forty ships. When he had sailed out, he gave up his plan of an expedition to Rhodes, thinking on the one hand that he could not easily punish the friends of the Lacedaemonians, since they held a fortress and Teleutias was there with a fleet to support them, and, on the other hand, that the friends of his own state would not fall under the power of the enemy, since they held the cities, were far more numerous, and had been victorious in battle.

> Greek: 8.25. οἱ δʼ Ἀθηναῖοι νομίσαντες τοὺς Λακεδαιμονίους πάλιν δύναμιν κατασκευάζεσθαι ἐν τῇ θαλάττῃ, ἀντεκπέμπουσι Θρασύβουλον τὸν Στειριέα σὺν τετταράκοντα ναυσίν. ὁ δʼ ἐκπλεύσας τῆς μὲν εἰς Ῥόδον βοηθείας ἐπέσχε, νομίζων οὔτʼ ἂν αὐτὸς ῥᾳδίως τιμωρήσασθαι τοὺς φίλους τῶν Λακεδαιμονίων τεῖχος ἔχοντας καὶ Τελευτίου σὺν ναυσὶ παρόντος συμμάχου αὐτοῖς, οὔτʼ ἂν τοὺς σφετέρους φίλους ὑπὸ τοῖς πολεμίοις γενέσθαι, τάς τε πόλεις ἔχοντας καὶ πολὺ πλείους ὄντας καὶ μάχῃ κεκρατηκότας·

[¶24] 8.26. Accordingly he sailed to the Hellespont, and, since there was no adversary there, thought that he could accomplish some useful service for his state. In the first place, therefore, learning that Amedocus, the king of the Odrysians, and Seuthes, the ruler of the coast region, were at variance, he reconciled them to one another and made them friends and allies of the Athenians, thinking that if they were friendly, the Greek cities situated on the Thracian coast would also show a greater inclination towards the Athenians.

> Greek: 8.26. εἰς δὲ τὸν Ἑλλήσποντον πλεύσας καὶ οὐδενὸς ἀντιπάλου παρόντος ἐνόμισε καταπρᾶξαι ἄν τι τῇ πόλει ἀγαθόν. καὶ οὕτω δὴ πρῶτον μὲν καταμαθὼν στασιάζοντας Ἀμήδοκόν τε τὸν Ὀδρυσῶν βασιλέα καὶ Σεύθην τὸν ἐπὶ θαλάττῃ ἄρχοντα ἀλλήλοις μὲν διήλλαξεν αὐτούς, Ἀθηναίοις δὲ φίλους καὶ συμμάχους ἐποίησε, νομίζων καὶ τὰς ὑπὸ τῇ Θρᾴκῃ οἰκούσας Ἑλληνίδας πόλεις φίλων ὄντων τούτων μᾶλλον προσέχειν ἂν τοῖς Ἀθηναίοις τὸν νοῦν.

[¶25] 8.27. Then, with this matter successfully arranged, and the cities in Asia in a favourable attitude on account of the King’s being a friend of the Athenians, he sailed to Byzantium and farmed out the tithe-duty on vessels sailing out of the Pontus. He also changed the government of the Byzantines from an oligarchy to a democracy, so that the commons of Byzantium were not sorry to see the greatest possible number of Athenians present in their city.

> Greek: 8.27. ἐχόντων δὲ τούτων τε καλῶς καὶ τῶν ἐν τῇ Ἀσίᾳ πόλεων διὰ τὸ βασιλέα φίλον τοῖς Ἀθηναίοις εἶναι, πλεύσας εἰς Βυζάντιον ἀπέδοτο τὴν δεκάτην τῶν ἐκ τοῦ Πόντου πλεόντων. μετέστησε δὲ ἐξ ὀλιγαρχίας εἰς τὸ δημοκρατεῖσθαι τοὺς Βυζαντίους· ὥστε οὐκ ἀχθεινῶς ἑώρα ὁ τῶν Βυζαντίων δῆμος Ἀθηναίους ὅτι πλείστους παρόντας ἐν τῇ πόλει.

[¶26] 8.28. Now after he had accomplished these things and had won over the Calchedonians also as friends, he sailed back out of the Hellespont. And finding that all the cities in Lesbos except Mytilene were on the side of the Lacedaemonians, he went against none of them until he had marshalled in Mytilene the four hundred hoplites from his own ships and all the exiles from the Lesbian cities who had fled for refuge to Mytilene, and had also added to this force the stoutest of the Mytilenaeans themselves; nor, furthermore, until he had suggested hopes, firstly to the Mytilenaeans, that if he captured the cities they would be the leaders of all Lesbos, secondly to the exiles, that if they proceeded all together against each single one of the cities, they would be able, acting in unison, to accomplish their restoration to their native states, and again to his marines, that by making Lesbos likewise friendly to their state they would at once obtain a great abundance of money. Then, after giving them this encouragement and marshalling them in line of battle, he led them against Methymna.

> Greek: 8.28. ταῦτα δὲ πράξας καὶ Καλχηδονίους φίλους προσποιησάμενος ἀπέπλει ἔξω τοῦ Ἑλλησπόντου. ἐπιτυχὼν δʼ ἐν τῇ Λέσβῳ ταῖς πόλεσι πάσαις πλὴν Μυτιληναίων λακωνιζούσαις, ἐπʼ οὐδεμίαν αὐτῶν ᾔει, πρὶν ἐν Μυτιλήνῃ συντάξας τούς τε ἀπὸ τῶν ἑαυτοῦ νεῶν τετρακοσίους ὁπλίτας καὶ τοὺς ἐκ τῶν πόλεων φυγάδας, ὅσοι εἰς Μυτιλήνην κατεπεφεύγεσαν, καὶ αὐτῶν δὲ Μυτιληναίων τοὺς ἐρρωμενεστάτους προσλαβών, καὶ ἐλπίδας ὑποθεὶς τοῖς μὲν Μυτιληναίοις, ὡς ἐὰν λάβῃ τὰς πόλεις, προστάται πάσης Λέσβου ἔσονται, τοῖς δὲ φυγάσιν, ὡς ἐὰν ὁμοῦ ὄντες ἐπὶ μίαν ἑκάστην τῶν πόλεων ἴωσιν, ἱκανοὶ ἔσονται ἅπαντες εἰς τὰς πατρίδας ἀνασωθῆναι, τοῖς δʼ αὖ ἐπιβάταις ὡς φίλην Λέσβον προσποιήσαντες τῇ πόλει πολλὴν εὐπορίαν χρημάτων διαπεπραγμένοι ἔσονται, ταῦτα δὲ παραμυθησάμενος καὶ συντάξας ἦγεν αὐτοὺς ἐπὶ Μήθυμναν.

[¶27] 8.29. Therimachus, however, who chanced to be the Lacedaemonian governor, on hearing that Thrasybulus was coming against him, took the marines from his own ships, the Methymnaeans themselves, and all the Mytilenaean exiles who chanced to be there, and went to meet the enemy at the borders. A battle was fought in which Therimachus was killed on the spot and many of the others were killed as they fled.

> Greek: 8.29. Θηρίμαχος μέντοι, ὃς ἁρμοστὴς ἐτύγχανεν ὢν τῶν Λακεδαιμονίων, ὡς ἤκουσε τὸν Θρασύβουλον προσιέναι, τούς τʼ ἀπὸ τῶν αὑτοῦ νεῶν λαβὼν ἐπιβάτας καὶ αὐτοὺς τοὺς Μηθυμναίους καὶ ὅσοι Μυτιληναίων φυγάδες ἐτύγχανον αὐτόθι, ἀπήντων ἐπὶ τὰ ὅρια. μάχης δὲ γενομένης ὁ μὲν Θηρίμαχος αὐτοῦ ἀποθνῄσκει, τῶν δʼ ἄλλων φευγόντων πολλοὶ ἀπέθανον.

[¶28] 8.30. After this Thrasybulus brought over some of the cities, and was busy collecting money for his soldiers by plundering from those which refused to come over; meanwhile he was eager to arrive at Rhodes. But to the end that there also he might make his army as strong as possible, he collected money from various cities, and came to Aspendus in particular and anchored in the Eurymedon river. And after he had already received money from the Aspendians, his soldiers wrongfully did some plundering from their lands; the Aspendians therefore in anger fell upon him during the night and cut him down in his tent.

> Greek: 8.30. ἐκ δὲ τούτου τὰς μὲν προσηγάγετο τῶν πόλεων, ἐκ δὲ τῶν οὐ προσχωρουσῶν λεηλατῶν χρήματα τοῖς στρατιώταις, ἔσπευσεν εἰς τὴν Ῥόδον ἀφικέσθαι. ὅπως ⟨δʼ⟩ ἂν καὶ ἐκεῖ ὡς ἐρρωμενέστατον τὸ στράτευμα ποιήσαιτο, ἐξ ἄλλων τε πόλεων ἠργυρολόγει καὶ εἰς Ἄσπενδον ἀφικόμενος ὡρμίσατο εἰς τὸν Εὐρυμέδοντα ποταμόν. ἤδη δʼ ἔχοντος αὐτοῦ χρήματα παρὰ τῶν Ἀσπενδίων, ἀδικησάντων τι ἐκ τῶν ἀγρῶν τῶν στρατιωτῶν, ὀργισθέντες οἱ Ἀσπένδιοι τῆς νυκτὸς ἐπιπεσόντες κατακόπτουσιν ἐν τῇ σκηνῇ αὐτόν.

[¶29] 8.31. This, then, was the end of Thrasybulus, who was esteemed a most excellent man. And the Athenians chose Agyrrhius in his place, and sent him out to take command of the ships. The Lacedaemonians, on the other hand, learning that the tithe-duty on the vessels sailing out of the Pontus had been sold at Byzantium by the Athenians, that they were in possession of Calchedon, and that the other Hellespontine cities were in a favourable attitude toward them because Pharnabazus was their friend, concluded that they must attend to this situation.

> Greek: 8.31. καὶ Θρασύβουλος μὲν δὴ μάλα δοκῶν ἀνὴρ ἀγαθὸς εἶναι οὕτως ἐτελεύτησεν. οἱ μέντοι Ἀθηναῖοι ἑλόμενοι ἀντʼ αὐτοῦ Ἀγύρριον ἐπὶ τὰς ναῦς ἐξέπεμψαν. αἰσθόμενοι δʼ οἱ Λακεδαιμόνιοι ὅτι ἡ δεκάτη τε τῶν ἐκ τοῦ Πόντου πεπραμένη εἴη ἐν Βυζαντίῳ ὑπʼ Ἀθηναίων καὶ Καλχηδόνα ἔχουσι καὶ αἱ ἄλλαι Ἑλλησπόντιαι πόλεις φίλου ὄντος αὐτοῖς Φαρναβάζου εὖ ἔχοιεν, ἔγνωσαν ἐπιμελητέον εἶναι.

[¶30] 8.32. They did not, indeed, find any fault with Dercylidas; but Anaxibius, inasmuch as the ephors had become friends of his, succeeded in having himself sent out to Abydus as governor. And he promised that if he received money and ships, he would also make war upon the Athenians, so that matters might not stand so well with them in the Hellespont.

> Greek: 8.32. τῷ μὲν οὖν Δερκυλίδᾳ οὐδὲν ἐμέμφοντο· Ἀναξίβιος μέντοι φίλων αὐτῷ γενομένων τῶν ἐφόρων διεπράξατο ὥστε αὐτὸς ἐκπλεῦσαι ἁρμοστὴς εἰς Ἄβυδον. εἰ δὲ λάβοι ἀφορμὴν καὶ ναῦς, καὶ πολεμήσειν ὑπισχνεῖτο τοῖς Ἀθηναίοις, ὥστε μὴ ἔχειν ἐκείνοις καλῶς τὰ ἐν Ἑλλησπόντῳ.

[¶31] 8.33. Accordingly the ephors gave Anaxibius three triremes and money enough for a thousand mercenaries, and sent him out. When he had reached Abydus, his operations by land were as follows: after collecting a mercenary force, he proceeded to detach some of the Aeolian cities from Pharnabazus, take the field in retaliatory expeditions against the cities which had made expeditions against Abydus, march upon them, and lay waste their territory. On the naval side, in addition to the ships which he had he fully manned three others from Abydus, and brought into port whatever merchant vessel he found anywhere belonging to the Athenians or their allies.

> Greek: 8.33. οἱ μὲν δὴ δόντες καὶ τρεῖς τριήρεις καὶ ἀφορμὴν εἰς ξένους χιλίους ἐξέπεμψαν τὸν Ἀναξίβιον. ὁ δὲ ἐπειδὴ ἀφίκετο, κατὰ γῆν μὲν ἁθροίσας ξενικὸν τῶν τʼ Αἰολίδων πόλεων παρεσπᾶτό τινας τοῦ Φαρναβάζου καὶ ἐπιστρατευσάσαις ταῖς πόλεσιν ἐπὶ τὴν Ἄβυδον ἀντεπεστράτευε καὶ ἐπεπορεύετο καὶ ἐδῄου τὴν χώραν αὐτῶν· καὶ ναῦς δὲ πρὸς αἷς εἶχε συμπληρώσας ἐξ Ἀβύδου τρεῖς ἄλλας κατῆγεν, εἴ τί που λαμβάνοι Ἀθηναίων πλοῖον ἢ τῶν ἐκείνων συμμάχων.

[¶32] 8.34. The Athenians, however, learning of these things, and fearing that the results of all Thrasybulus’ work in the Hellespont might be ruined for them, sent out against Anaxibius Iphicrates, with eight ships and about one thousand two hundred peltasts. The greater part of these were the men whom he had commanded at Corinth. For when the Argives had incorporated Corinth in Argos, they said that they had no need of them; for Iphicrates had put to death some of the partisans of Argos; accordingly he had returned to Athens and chanced to be at home at this time.

> Greek: 8.34. αἰσθόμενοι δὲ ταῦτα οἱ Ἀθηναῖοι καὶ δεδιότες μὴ φθαρείη σφίσιν ἃ κατεσκεύασεν ἐν τῷ Ἑλλησπόντῳ Θρασύβουλος, ἀντεκπέμπουσιν Ἰφικράτην ναῦς ὀκτὼ ἔχοντα καὶ πελταστὰς εἰς διακοσίους καὶ χιλίους. οἱ πλεῖστοι δὲ αὐτῶν ἦσαν ὧν ἐν Κορίνθῳ ἦρξεν. ἐπεὶ γὰρ οἱ Ἀργεῖοι τὴν Κόρινθον Ἄργος ἐπεποίηντο, οὐδὲν ἔφασαν αὐτῶν δεῖσθαι· καὶ γὰρ ἀπεκτόνει τινὰς τῶν ἀργολιζόντων· καὶ οὕτως ἀπελθὼν Ἀθήναζε οἴκοι ἔτυχεν ὤν.

[¶33] 8.35. Now when he reached the Chersonese, at first Anaxibius and he made war upon one another by sending out raiding parties; but as time went on Iphicrates found out that Anaxibius had gone to Antandrus with his mercenaries, the Lacedaemonians who were with him, and two hundred hoplites from Abydus, and heard that he had brought Antandrus into relations of friendship with him. Whereupon, suspecting that after he had also established his garrison there he would return again and bring the Abydenes back home, Iphicrates crossed over by night to the most deserted portion of the territory of Abydus, and going up into the mountains, set an ambush. Furthermore, he ordered the triremes which had brought him across the strait to sail at daybreak along the coast of the Chersonese, up the strait, in order that it might seem that he had sailed up the Hellespont to collect money, as he was wont to do.

> Greek: 8.35. ἐπεὶ δὲ ἀφίκετο εἰς Χερρόνησον, τὸ μὲν πρῶτον Ἀναξίβιος καὶ Ἰφικράτης λῃστὰς διαπέμποντες ἐπολέμουν ἀλλήλοις· προϊόντος δὲ τοῦ χρόνου ὁ Ἰφικράτης αἰσθόμενος καὶ Ἀναξίβιον οἰχόμενον εἰς Ἄντανδρον σύν τε τοῖς μισθοφόροις καὶ τοῖς περὶ αὐτὸν Λακωνικοῖς καὶ σὺν Ἀβυδηνοῖς διακοσίοις ὁπλίταις, καὶ ἀκούσας ὅτι τὴν Ἄντανδρον φιλίαν προσειληφὼς εἴη, ὑπονοῶν ὅτι καταστήσας αὖ τὴν ἐκεῖ φρουρὰν ἀποπορεύσοιτο πάλιν καὶ ἀπάξοι τοὺς Ἀβυδηνοὺς οἴκαδε, διαβὰς τῆς νυκτὸς ᾗ ἐρημότατον ἦν τῆς Ἀβυδηνῆς καὶ ἐπανελθὼν εἰς τὰ ὄρη ἐνέδραν ἐποιήσατο. τὰς δὲ τριήρεις αἳ διήγαγον αὐτὸν ἐκέλευε παραπλεῖν ἅμα τῇ ἡμέρᾳ παρὰ τὴν Χερρόνησον τῆς ἄνω, ὅπως δοκοίη, ὥσπερ εἰώθει, ἐπʼ ἀργυρολογίαν ἐπαναπεπλευκέναι.

[¶34] 8.36. Having done all these things he was not disappointed, for Anaxibius did come marching back, even though—at least, as the story ran—his sacrifices on that day had not proved favourable; but despite that fact, filled with disdainful confidence because he was proceeding through a friendly country and to a friendly city, and because he heard from those who met him that Iphicrates had sailed up in the direction of Proconnesus, he was making his march in a rather careless fashion.

> Greek: 8.36. ταῦτα δὲ ποιήσας οὐκ ἐψεύσθη, ἀλλʼ ὁ Ἀναξίβιος ἀπεπορεύετο, ὡς μὲν ἐλέγετο, οὐδὲ τῶν ἱερῶν γεγενημένων αὐτῷ ἐκείνῃ τῇ ἡμέρᾳ, ἀλλὰ καταφρονήσας, ὅτι διὰ φιλίας τε ἐπορεύετο καὶ εἰς πόλιν φιλίαν καὶ ὅτι ἤκουε τῶν ἀπαντώντων τὸν Ἰφικράτην ἀναπεπλευκέναι τῆς ἐπὶ Προκοννήσου, ἀμελέστερον ἐπορεύετο.

[¶35] 8.37. Nevertheless, Iphicrates did not rise from ambush so long as the army of Anaxibius was on the level ground; but when the Abydenes, who were in the van, were now in the plain of Cremaste, where their gold mines are, and the rest of the army as it followed along was on the downward slope, and Anaxibius with his Lacedaemonians was just beginning the descent, at this moment Iphicrates started his men up from their ambush and rushed upon him on the run.

> Greek: 8.37. ὅμως δὲ ὁ Ἰφικράτης, ἕως μὲν ἐν τῷ ἰσοπέδῳ τὸ στράτευμα τοῦ Ἀναξιβίου ἦν, οὐκ ἐξανίστατο· ἐπειδὴ δὲ οἱ μὲν Ἀβυδηνοὶ ἀφηγούμενοι ἤδη ἐν τῷ παρὰ Κρεμαστὴν ἦσαν πεδίῳ, ἔνθα ἐστὶ τὰ χρύσεια αὐτοῖς, τὸ δʼ ἄλλο στράτευμα ἑπόμενον ἐν τῷ κατάντει ἦν, ὁ δὲ Ἀναξίβιος ἄρτι κατέβαινε σὺν τοῖς Λακωνικοῖς, ἐν τούτῳ ὁ Ἰφικράτης ἐξανίστησι τὴν ἐνέδραν καὶ δρόμῳ ἐφέρετο πρὸς αὐτόν.

[¶36] 8.38. Then Anaxibius, judging that there was no hope of safety, inasmuch as he saw that his army extended over a long and narrow way, and thought that those who had gone on ahead would clearly be unable to come to his assistance up the hill, and since he also perceived that all were in a state of terror when they saw the ambush, said to those who were with him: Gentlemen, it is honourable for me to die here, but do you hurry to safety before coming to close engagement with the enemy.

> Greek: 8.38. καὶ ὁ Ἀναξίβιος γνοὺς μὴ εἶναι ἐλπίδα σωτηρίας, ὁρῶν ἐπὶ πολύ τε καὶ στενὸν ἐκτεταμένον τὸ ἑαυτοῦ στράτευμα, καὶ νομίζων πρὸς τὸ ἄναντες οὐκ ἂν δύνασθαι σαφῶς βοηθῆσαι ἑαυτῷ τοὺς προεληλυθότας, ὁρῶν δὲ καὶ ἐκπεπληγμένους ἅπαντας, ὡς εἶδον τὴν ἐνέδραν, εἶπε πρὸς τοὺς παρόντας· ἄνδρες, ἐμοὶ μὲν ἐνθάδε καλὸν ἀποθανεῖν· ὑμεῖς δὲ πρὶν συμμεῖξαι τοῖς πολεμίοις σπεύδετε εἰς τὴν σωτηρίαν.

[¶37] 8.39. Thus he spoke, and taking his shield from his shieldbearer, fell fighting on that spot. His favourite youth, however, remained by his side, and likewise from among the Lacedaemonians about twelve of the governors, who had come from their cities and joined him, fought and fell with him. But the rest of the Lacedaemonians fled and fell one after another, the enemy pursuing as far as the city. Furthermore, about two hundred of the other troops of Anaxibius were killed, and about fifty of the Abydene hoplites. And after accomplishing these things Iphicrates went back again to the Chersonese.

> Greek: 8.39. καὶ ταῦτʼ ἔλεγε καὶ παρὰ τοῦ ὑπασπιστοῦ λαβὼν τὴν ἀσπίδα ἐν χώρᾳ αὐτοῦ μαχόμενος ἀποθνῄσκει. καὶ τὰ παιδικὰ μέντοι αὐτῷ παρέμεινε, καὶ τῶν Λακεδαιμονίων δὲ τῶν συνεληλυθότων ἐκ τῶν πόλεων ἁρμοστήρων ὡς δώδεκα μαχόμενοι συναπέθανον· οἱ δʼ ἄλλοι φεύγοντες ἔπιπτον. οἱ δʼ ἐδίωκον μέχρι τοῦ ἄστεως. καὶ τῶν τε ἄλλων ὡς διακόσιοι ἀπέθανον καὶ τῶν Ἀβυδηνῶν ὁπλιτῶν περὶ πεντήκοντα. ταῦτα δὲ πράξας ὁ Ἰφικράτης ἀνεχώρησε πάλιν εἰς Χερρόνησον.